غزلان:بخير دامج بخير
جيان:ضلم البيت مو نور وع
جميله خزتها:عيب وبعدين انتي منو مسوي فيج جذي؟
جيان طالعت غزلان:زوجه ولدج اروح غرفتي ابدل احسن
راحت فوق وضحكت جميله التفتت على غزلان ونياف:حياج حبيبتي نياف يما اخذها الصاله بروح المطبخ شوي واجي
نياف:تعالي
راحت معاه وقعدو بالصاله قعد يمها التفتت له:خير
نياف:خليج طبيعيه معاي وبمسك ايدج جدامهم عشان مايحسون بشي
غزلان:خير ماابي
نياف مسك ايدها بعناد:الدبله من بكرا اشوفها بيدج فاهمه
غزلان كانت بتتكلم بس دخلت عليهم تالا ابتسمت وسلمت عليها:يهلا حياج
غزلان ابتسمت:هلا فيج يروحي،يحييج
تالا:شلونج؟
غزلان:بخير ياقلبي انتي شلونج
تالا:تمام الحمدالله
التفتت حق نياف:اختك شفيها معصبه وملابسها متشققه وتتحلطم؟
نياف ضحك:زوجه اخوج الحلوه طاقتها واختج ماتبيها ومن اول ماخذيتهم من المدرسه وهم يتهاوشون
تالا ضحكت والتفتت لـ غزلان:الصراحه غزلان تسلم ايدج تعرفين لها تستاهل
غزلان غمزت لها:اعجبج
تالا:اوويلييي
غزلان ضحكت وهمس لها نياف:يالبيه يالضحكه
طالعته بصدمه ضحك من صدمتها ودخلت جميله وبيدها الجاي والقهوه والحلا حطتهم على الطاوله وقعدت:تالا يما قومي ضيفي غزلان
تالا قامت:جاي ولا قهوه؟
غزلان:قهوه
صبت لها والتفتت حق نياف:نيوف قهوه صح؟
نياف قام:لا خليها بعد اشوي بروح ابدل
طلع لغرفته
جميله:تالا حبيبتي اخذي غزلان عطيها منج لبس خليها تلبس يمكن مو مرتاحه
غزلان:لا عادي
تالا قامت:لا قومي
قامت معاها وراحو فوق وهم صاعدين نزلت جيان:ويع ويع
غزلان التفتت لها:ويع بعينج انزلي لا اهفج واعلمج شلون تنزلين انقلعي
تالا ضحكت:امشي ماعليج منها
جيان ماردت عليهم ونزلت
بغرفه تالا-
تالا:الكبت جدامج اي شي تبين اخذي
غزلان فتحت الكبت (الدولاب) طلعت لها بنطرون اسود وبلوزه بيضه شوي ضيقه
تالا:اخليج تبدلين بس تخلصين ناديني واقفه عند الباب
طلعت تالا ولبست غزلان ونادتها
تالا:تبين مكياج؟
غزلان:اي
طلعت لها المكياج وحطت بلشر وقلوس و خلت شعرها مفتوح ونزلو لقو نياف قاعد والابتوب على الطاوله و الاوراق على القنفه(الكنب) و لابس نظارته يشتغل و جيان تلعب بتلفونها و جميله تتقهوه
جيان بس شافتهم تأففت خزها نياف
هزت راسها بمعنى شنو في مارد عليها وطالعها وابتسم وبعدها كمل شغله
جميله:يعالي يما غزلان يمي
غزلان:ابشري
قعدت يمها وقعدو يسولفون
عند عبدالعزيز كان توا راجع بيته دخل ولقى حنين بالمطبخ مع الخدم تسوي غدا
حنين:وين غزلان تأخرت؟
عبدالعزيز:خليت نياف ياخذها بيتهم منها تتعرف على خواته وامه و تغير جو شوي
حنين:فشله
عبدالعزيز:وين فشله بعد شهر تكون زوجته وتعيش معاهم
دخل فارس باس راس امه وابوه:سلام وعليكم
عبدالعزيز و حنين:وعليكم السلام
فارس:يما شطابخه حدي يوعان بروح ابدل عشان اكل وانام وابيج تقعديني المغرب عندي دوام
حنين:اليوم عندك الصبح وبليل؟
فارس:اي شطابخه اشم مجبوس دياي
