سمر:اي شلونج مع نياف؟
غزلان:زينين ماكو شي
شيماء:يمج اهوا؟
غزلان:لـ قاطعها وهو يدخل السياره:حبيبتي تبين قهوه؟
غزلان:اي
نياف:من عيوني ابشري
غزلان:نياف حبيبي داقه على البنات فا اسكت
نياف طالعها:شقلتي؟
غزلان:صبر بنات بصكر شوي واكلمكم
صكرت وضلو اهما يسولفون
رغد:حبيبي!متأكدين هذي رفيجتكم؟
شيماء:هذي الي كانت تقول ويع ماابيه ولا احبه
سمر ضحكت:تطورات
غزلان التفتت له:قلت حبيبي فيها شي؟
نياف:عيديها
غزلان:خلاص عاد يلا امش
نياف:يلا
غزلان:نياف امش اخلص
نياف:بخاطري بشي
التفتت له:شنو؟
نياف طالع شفايفها طالعته ولفت وجهها:لا لا تقرب
نياف:ماشي بس خلينا نوصل الشاليه
بعد مده الكل وصل
حازم:بنات انتو هناك مكانكم والشباب هني يلا وننام احنا بالدوانيه انتو نامو بالغرف
نياف:صبر ابي زوجتي
عايض:شنو تنام يم الحريم يعني؟
نياف حك راسه:لا بس ناطر حق الشاليه يرد علي حجزت الي يمكم
همست عهود لـ تالا:مايقدر على بعدها
تالا:اييي واضح
عايض ضحك:تمام
سيف بدا يغني:
مقدر على بعدك دقيقه مااقدر
انا مقدر خيالي انت وحقيقه
والحب لك يكبر احـ
قاطعه نياف وهو يطقه على راسه:انطم منزين صوتك؟
غزلان نزلت راسها مستحيه همس لها:رفعي راسج ماابي اشوفه ينزل دامج زوجه نياف
رفعت راسها
عهود:يلا بنوتات داخل وانتو لا اشوف واحد يجي يلا اوت
تالا التفتت لـ نياف:تسمممع؟اوووت لا تجي يلا
نياف:انقلعي لا اييلج
راحو البنات داخل عند الامهات والشباب راحو الدوانيه
غزلان كانت منسدحه على رجل حنين والبنات كانو يلعبون جاكارو
جيان:والله ماترجع
تالا:اقول مو على كيفج تغشين عيني عينك
عهود:جيان بلا غش خلاص عاد
خلود:خير خير ماغشت شفيكم
تالا:شنو الي ماغشت قاعده تعطيج ورقه وتقولين ماغشت؟؟؟
عهود قطت الورق عليهم وقامت:انا ماالعب مع غشاشين انقلعو بس
تالا قامت:وانا بعد ماالعب مع غشاشين يلا بس
غزلان:بس بس ماصارت لعبه راسي صدع شصاير
خلود:يقولون عن تالا غشاشه واهيا ماغشت
عهود:اقولل لا تنكرين عشانها فريقج
الجده نوره:بس الي بتتكلم بطردها برا
دق حازم على عهود:عهود بتسوون اكل؟يوعانين
عهود:ماادري بشوف البنات شنو تبون؟
حازم:نبي مجبوس دياي من ايد جميله قولي لها وعاد سوو مقبلات الرجال هني فشله
عهود:تمام
حازم:سوو جاي وقهوه وبطلو الباب الحين بخلي احد من الشباب يقوم ياخذهم
عهود:تمام
حازم:لا تنسين المجبوس والله مشتهيه
عهود:حازم مو ناوي تصكر خلاص عاد
سيف:حازم قول لهم نبي حلا
عهود:بسوي خلاص صكر
صكرت وقالت للبنات يقومون يساعدونها كلهم راحو
عهود:وحده تسوي حلا ووحده جاي ووحده تطلع الصحون انا بسوي القهوه ووحده تطلع المكونات حقت الكيك
قسمو بينهم الشغل وبدا يسوون
غزلان:حطي الحين البيض بعدين اخلطيه
بدو يسوون بعد مده دق نياف على عهود وقالهم يفتحون الباب
