:تتطلقين من نياف واذا عرف احد انه احنا الي مهددينج تتطلقين منه بتشوفين شي عمرج ماشفتيه وترا اشوفج الحين انتي واقفه بالصاله والايباد بالأرض وايدج على راسج وايدج الثانيه حاطه التلفون بأذنج المهم الحين ياحلوه شنو ابيج تسوين تمسحين ويهج واول مايجي تسوي الي بقولج عليه بالضبط
قعد يقولها الي تقوله حق نياف وصكر اهيا قعدت تستوعب الي صار قامت وغسلت وجهها من سمعت صوتهم ، دخل نياف الشقه وشافها توها طالعه من الحمام "اكرم القآرئ"
ابتسم من شافها وراح لها جا بيبوسها وخرت عنه استغرب قعد حواجبه:شفيج؟
غزلان:اقعد بكلمك بموضوع
نياف:فيج شي؟ صاير شي ؟
غزلان:اقعد اول
قعد وتكلمت:ابيك تطلقني
طالعها وهو للحين معقد حواجبه:راسج يعورج؟ تسمعين شنو تقولين؟
غزلان:اي اسمع شنو اقول ومايعورني راسي والحين بتطلقني
نياف:لا ماراح اطلقج مو بكيفج جذي طلقني وخلاص؟
غزلان:اي كيفي ياخي ابيك تطلقني غصب اهوا؟
نياف قام:روحي داخل نامي شكله فيج نوم
غزلان قامت وراه:لا مافيني نوم طلقننننننييي
نياف لف عليها بعصبيه:ششننننووو اليييي طلقننننييي؟؟؟ انتتتتي بعقلللجججج ففااهمممه شننوو تقولييين؟؟؟
غزلان:لا تصرخ علي انا مو ياهل عندك اي ابيك تطلقني كيفي
نياف:اكسري الشر وروحي عني
غزلان:ماننني كاسسره الشرر الحيين تطلقني يعني تطلقننني
دخلو عليهم جميله وحنين وفراس وسعود وطلال والباقي واقف عند الباب:شصاييير؟؟؟
نياف لف ويهه ومسح وجهه
لفه طلال عليهم:شفيكم شصاير ليش تصارخون؟
نياف طالع غزلان:اسألوها
حنين:يما غزوله شفيكم؟
غزلان وهي تطالع نياف:ابيه يطلقني
نياف طق ايده بالطوفه والطوفه كانت فيها مرايا ومن كثر الطقه انكسرت وانجرحت ايده ركضت جميله عنده:بسم الله شفت عورت ايدك
غزلان نزلت دمعتها لكن شرعان مامسحتها جت عنود وخذتها الغرفه اهيا وتالا دخلو غرفه عنود وقعدت تبجي
عنود حضنتها:ياقلبي انتي ليش البجي؟
غزلان:ماابيه يطلقني قاعديين يهددونننني اذا ماتطلقت منه يذبحون اببوووووييي
هدوها البنات وعرفو منها السالفه كلها وانسدحت على ريول عنود وعنود تلعب بشعرها ويكلمونها:الحين لازم نقول حق احد عشان يساعدنا
غزلان:لا لا تعلمون احد قالي لا تعلمين احد والله بيذبح اببوووي
عنود:لا تبجين خلاص والله وعد وعد محد بيدري الا اذا انتي كنتي راضيه
غزلان طالعت تالا:روحي شوفي ايده اكيد تعور كله منننني
عنود طالعت تالا:روحي شوفيه
قامت وراحت تشوفه وماخلوها تدخل لانه طلال وسعود قاعدين معاه يهدونه
بشقه نياف-
طلال:فهمنا السالفه من اول شي عشان نفهم
نياف ضغط على ايده:دخلت عليها وقالت اقعد بكلمك بموضوع قعدت وقالت ابيك تطلقني سألتها تقول مو غصب
سعود:اوكي انت هد الحين
نياف حط ويهه بكف ايدينه:شلووون اهددي واهييا تقول طلقننني مستوعبين انتتتو شنو تقوللل؟
طلال حط ايده على كتف نياف:نياف هد شوي انزين اشرب ماي الحين
مد له طلال الماي خذاه وشرب شويه وضغط عليه بكل قوته وانكسر بيده
طلال مسح على ويهه بعصبيه:نييياف ايييدك قاعد تجرحهااا قومم معاي قومم
قومو نياف وخذوه السياره يودونه المستشفى يلفون ايده ويودونه اي مكان غير البيت عشان يهدي
