حنين ضحكت:اي مسويته مخصوص لك
فارس مسك قلبه:اخ قلبي فدييتج يلا بنقلع فوق ببدل وحطو الاكل
طلع وراح غرفته
حنين:ننطر غزلان؟
عبدالعزيز:لا صبي لنا وانا بروح بعد ابدل على ماتخلصين و غزلان بتجي الساعه 4
حنين:تمام روح بدل على مااصب
طلع والتفتت على الخدم:ميري طلعي لي صحن حق المجبوس وانتي تعالي حطي العصير واللبن على الطاوله
الخدم:حاضر
ببيت اهل نياف-
كانو قاعدين يتغدون
دقت على فارس
فارس:لبيه
غزلان:فرووسه انت وين؟
فارس:ببيتنا ليه؟
غزلان:انزين شرايك تجي لي
فارس عقد حواجبه:ليه انتي وين؟
غزلان:ببيت اهل نياف
فارس غص بالأكل:خير نعم رايحه هناك؟
غزلان:بعدين اقولك الحين تجي لي ولا؟
فارس:تمام انطري اخلص اكل واجي عاد امي مسوي لي خووش مجبوس دياي
غزلان:يعني تحرني انقلع بس
صكرت منه
بعد مده خلصو
نياف:ليه دقيتي على فارس انا اودييج
غزلان:عادي
جميله:عاد زورينا مع الوالده مره ثانيه
غزلان:ابشري
تالا قعدت يم غزلان:تعالي برقمج
غزلان ضحكت:ابشري
نياف:صبر شجاب تلفونج عندج مو المفروض بالبيت؟
غزلان:مهربته
نياف:صج والله
غزلان ابتسمت:اي
شوي ودق فارس على غزلان قالها انه عند الباب قامت ومعاها نياف يوصلها
نياف سلم عليه:حياك اقعد شوي
فارس:لا والله عندي دوام بليل و بروح انام ساعتين على الاقل
نياف ابتسم:خلاص اجل بتفق مع ابوك على يوم تعال انت والاهل
فارس:بس تم يلا مع السلامه
ركب السياره وطالع غزلان:ملابسج ليه جذي؟
غزلان طالعت ملابسها:شفيها؟
فارس:ضيق!
غزلان:ويين مو ضيق
فارس:اخر مره اشوفج لابسه جذي
غزلان:اوييلي على القيييور
فارس ضحك:تبين ردبول؟
غزلان:اييييي
فارس:يلا الحين اروح
انتهى اليوم بدون اي حدث مهم
الساعه 5:00 المغرب كانو رفيجات غزلان موجودين عندها
غزلان:صج هي انتو ليه مو مداومين؟
رغد غمزت لها:واحنا نقدر نداوم بدونج؟
غزلان ابتسمت:يااخي احبكمم حديي
شيماء:واحنا اكثر انزين مو ناويه تسترين لـ عرسج؟
غزلان:الا تبون نروح الحين؟
سمر:اييي يلا
غزلان:امشو فوق غرفتي ابي ابدل والي تبي تبدل تاخذ
صعدو فوق
