بالسياره-
جميله:ماشاءالله تهبل
جيان:وين تهبل ويع ماادري شلون نياف اختارها
نياف:ذوقي وكيفي وعاجبتني مو مهم رايج انتي عشان بس تتهاوشين معاها
تالا:ماعليكم منها والله البنت صاروخ
جميله:اي والله ماشاءالله عليها
تالا:نياف نبي نتعشى على حسابك بعد
نياف:بس ابشرو من عيوني
جميله:تسلم هالعيوون
نياف:يلا اختارو مطعم
جيان:عندي لكم مطعم سوشي حدا خيال
جميله:لا استغفرالله مانبي هالأشياء
تالا:تبون ماك؟
نياف:والله انا ماعندي مشكله لأي مطعم بس اهم شي الوالده يكون عاجبها
جميله:ماك ماك يلا
نياف:تم ابشري وبعدها بوديكم قهوه حلوه
جيان:جووووي
جميله:لا حبيبي نروح بيتنا واسويلكم احلا قهوه
تالا:يمااا مانبي البيت!
جميله:هو تبينا نفرفر بالشوراع بيتنا احسن
جيان بتفكير:شرايكم نأجر فندق بالكوت عشان كل ماملينا نزلنا
جميله:والبيت شنو مقصر فيه؟
نياف:بس انتي معاها لا تزعجون امي
ببيت عبدالعزيز-
غزلان ببجي:يما ماابي اتزوج اقنعيه ياخي مو غصب الزواج
حنين:يا غزلان ياحبيبتي لمصلحتج مو مصلحتنا
غزلان عصبت:قالت شنو مصلحتيي اي مصللحه ها؟لمصلحتتتي تزوجووني وتقطوووني على واحد ماشفته ولا اعرررفهه؟اي مصلحه بالضبط؟
حنين:ياحبيبتي هدي نفسج شوي
غزلان:يما عادي تخليني بروحي
قامت حنين وهي ماتبي تناقشها لانها تدري انه بنتها عنيده وماترضى بأي شي
دقت شيماء
شيماء:بنت وينج احنا برا
غزلان:الحين ميري تفتح الباب لكم وتعالو فوق غرفتي
انتهى اليوم الحزين بالنسبه لـ غزلان
يوم جديد يصادف يوم الجمعه
ببيت نياف واهله-
جميله:يبنات اخلصو يلا
جيان:يما شفيج كم ايد عندنا بالله؟
جميله:اي الضيوف يايين شسوي
تالا:وهذا الحلا جا والخدمه مالت العصاير موجوده والعشا على وصول كل شي جاهز جذي
جميله:حلو عفيه
جيان:يما يعني منو الي ياين عشان تسووين كل هذا كلها عماتي وخالاتي
جميله:حتى لو لازم نجيب حلا وعصاير وقهوه عيب
بعد مده وصلو الضيوف الي هم اهل ابوهم وخوات جميله
خلود:شلونكم يبنات
تالا وجيان:بخير شلونج انتي يـ عمه
خلود:بخير دامكم بخير
جميله:حي الله من يانا تو مانور البيت
غاده:منور بأهله
جميله:تالا يما روحي نادي الضيافه
تالا:ابشري
عهود:الا وين نياف؟
جميله:والله تعرفين شغل وتعبان وماينام عدل فا للحينه نايم
عهد:عساه بخير
جميله:بخير دامج بخير
بعد ساعات قعد نياف خذا له شور ولبس وتعطر ولبس ساعته خذا تلفونه ومفتاحه ونزل:السلام وعليييكم
الكل:وعليكم السلام
عهود:يهلاا شلونك
نياف:بخير الحمدالله
باس راس امه:تبين شي انا رايح
جميله:وين اكل لك شي على الاقل
نياف:لا يما مستعجل تأخرت على عبدالعزيز ناطرني
جميله:الله يحفظك يـ حبيبي
نياف:امين يـ الغاليه
طالع خواته وكمل:تبون شي دقو علي انا ماشي
تالا وجيان:ابشر
طلع وراح متوجهه لـ عبدالعزيز بعد ماكلمه
ببيت عبدالعزيز-
عبدالعزيز:قومي غزلان قولي لأحد من الخدم يسوي قهوه بسرعه
غزلان قامت:ابشر
بعد ماقالت حق وحده من الخدم رجعت وانسدحت على رجل امها:ابي اطلع تمام؟
عبدالعزيز و حنين:تمام دربالج على نفسج حبيبتي
قامت وراحت فوق تتجهز وتطلع تمر البنات ويروحون
