طلع وراح الدوانيه تصنم من شاف البنت الي جدامه كانت تالا تعدل الدوانيه
تالا:صد
عبدالله:شنو فيها اذا شفت زوجتي
تالا:بس للحين ماصرت زوجتك
عبدالله صكر الباب
تالا:هي وين بطلع لاحد يجي وبعدين صد مايصير
عبدالله قرب منها وكانت ترجع ورا قاطعهم دخول غزلان:تــ سكتت من شافته موجود طلعت وراحت لانه مافي شي يغطيها
تالا:اطلع خلاص
عبدالله:بعد يومين بتكونين زوجتي وبعدين شهالجمال تهبليين
تالا ابتسمت وعبدالله خذا تلفونه وطلع بعد ماشافته غزلان طلع جت لـ تالا:هذي شيسوي هني وبعدين انتي مو محلل له
تالا:قلت له مو راضي زين انج دخلتي ولا كنت بروح فيها
غزلان غمرت:بيبوسج كان
تالا شهقت:عيب يابنت
غزلان بدت تعدل معاها:شنو فيها يعني اذا باسج
تالا:توج تقولين مو محلل له شلون يشوفج
غزلان:غيرت رايي
تالا:اي روحي حق نياف يبوسج
غزلان استحت ووضح عليها
تالا:لا صج انتي طحتي على ويهج امانه صج تحبينه؟
غزلان:بعدين اقولج الا صج ملكتج بالعيد صح؟
تالا:اتوقع
بدو يعدلون ويرتبون بعدها طلعو وخلو الشباب يتعشون بعد مده خلصو وراحو يغسلون
نياف:سيف اخلص تتسبح بالمغسله ولا شنو بسرعه الناس بيغسلون
طلال ضحك:مجنون شوف شلون يغسل
حازم حط صابون على ايده وصار رغوه وسيف بدا يرقص وحازم يقط عليه رغوه
ضحكو عليه وعلى رقص سيف وبدا يطبل عبدالله و سعود بدا يغني
:ناس تخوني وناس تبعني
اه لو لعبت يازهر واتبدلت
الاحوال وركبت اول
موجه في سكت الاموال
سيف فصخ الغتره "شماغ" وحطها على خصره يهز ودخلو معاه ماجد و حازم بدو يهزون معاه و بهاج يصورهم
جو الحريم قعدو يتعشون وقعدو البنات وكانت غزلان قاعده يم امها وجميله عشان يقطعون لها لحم لانه ماتعرف ومتعوده نياف يقطع لها مو اهيا دق نياف على امه ردت وحطت سبيكر:هلا نياف
نياف:يما خلي غزلان تاكل يمج
جميله:اي هذي هي يمي
نياف:وقطعي لها لحم ماتعرف تقطع وافتحي لها الديو و لا تخلونها تشيل شي خليها تقعد
جميله ضحكت:ابشر
نياف:يمج اهيا؟
جميله:اي تسمعك
نياف:غزول احبج
غزلان استحت ونزلت راسها لانه كلهم كانو يطالعونها
نياف:عطيني ياها
عطتها التلفون وشالت السبيكر وردت:لبيه
نياف:لبى قلبج اسمعي بسرعه ابي بوسه
غزلان همست:نياف انقلع
صكرت وعطته حق جميله وكانت منزله راسها وتاكل لانه كانو يطالعونها
بعد مده خلصو وقعدو يشيلون البنات وهي ماخلتها جميله تشيل قالت لها تقعد
جت لها ليلى:غزلان الاسبوع الي طاف ولا اليوم ولا امس شفتج بالمدرسه غايبه؟
ابتسمت:مفصوله
غيم:وي شمسويه؟
غزلان:هربت من المدرسه بكبرها
غدير ضحكت:الله يهديج على الاقل من الحصص هربي مو المدرسه بكبرها
غزلان:والله مليت وماعندي شي قلت اروح حق نياف الشركه واخر شي لما رحت تهاوشنا يعني ماكو فايده
لجين:الله يعين نياف على تهريباتج
غزلان:يعني مااهرب وايد
جيان:تخسين كله تهربين ومره دبستني معاها خلتني اهرب وخذينا زفه من نياف
غزلان:سألتج وقلتي اوكي خلاص يعني
حور ضحكت:الله يعين نياف صج علتين على قلبه
جيان طالعت غزلان بعدها طالعو حور:حياتي خليج بحالج لانه اذا طلعت جنيتنا ماانصحج يعني وانتي مجربتها يعني
حور:فيج خير انتي معاها قربو
قامو وبدو يتهاوشون وحور تصرخ وغزلان مجعت شعرها نتفته طلعت كل الي بداخلها
عند الشباب-
كانو يسولفون فجاه سمعو صوت صراخ طالعو بعض
نياف:مو جنه صوت البنات؟
حازم:الا والله وصوت غزلان وجيان
فارس:لايكون تهاوشو؟
نياف مسك راسه:ياربي راح انجن منهم هالأثنين
بهاج:لحظه وهذا صراخ حور
متعب:اي صوتها
سيف:حلووو عز الله اختك راحت فيها
ماجد:واحد منكم يروح يشوفهم
نياف:انا رايح اصبرو
عند البنات-
دخلت جميله والامهات الباقي يفرقونهم
حنين:غزلان عيب عليج شسويتي بالبنت؟
غزلان:تستاهل اكثر بعد قليله ادب
جيان:يما وخري ساكته لها منزمان خليها تتأدب شوي
جميله:عنود اخذي غزلان وجيان فوق
عنود:ابشري
غزلان:مابروح
نياف طق الباب:يماا شنو هالصراخ
تالا:يلا استلمو الحين يعصب
حور ببجي:اهما الي تحرشو
غزلان:اكلييزق كل هذا وتقول احنا الي تحرشنا "يعني حارشوها"
وخرت عنهم وراحت برا
جميله:تهاوشو مع حور
نياف:يما اكيد مسويه لهم شي غزلان ماتطق احد واهيا ماسوت لهم شي
جميله:ادري بس عيب اروح ازف البنت واهيا ضيفه ببيتنا
نياف:تمام ادخلي انا رايح حق غزلان
دخلت وراح حق غزلان:غزول شفيج؟
غزلان:نياف ابعد عني لا افصل عليك
نياف ضحك:اوويليي على المعصبه
غزلان:مايضحك ابعد
حازم جا:عسى ماشر طولت
نياف:مثل ماتوقعنا بس هالمره غزلا وجيان على حور
حازم:جوووي شسوت لكم؟
غزلان:روحو الرجال يبونكم خخلوني بروحي
حازم:تفاهم معاها بروح
راح ونياف مسك ايدها ولفها له:قوليلي شفيج سوت لج شي اروح اهاوشها؟في احد زعلج والله لا اقلب البيت عليهم
غزلان:مافيني شي بس اهيا من اول ماجت تقط نغزات علي ولما تدق انت واروح ممكان ثاني القها وراي وتقولي اعلمج ومدري شنو ووحده من البنات معاي بالمدرسه قالت ماشفتج قلت مهربه وقعدت تسب هالزق سكت لها وايد
نياف:ماعليه حبيبه قلبي انتي
غزلان حطت راسها على صدره بتعب:خلك يمي
نياف ابتسم:تبين نروح شقتنا؟
غزلان بعدت عنه:لا روح اقعد مع الشباب
نياف باسها وقام:تبين شي دقي علي
غزلان ابتسمت:ابشر
بعد ماراح قسم الرجال راحت داخل قعدت يمهم وقعدو يسولفون ويخططون،بعد مرور ساعات راحو اهل طلال والبنات سوو لهم قعده برا وبدلو ومسحو مكياجهم وقعدو يسولفون ويلعبون وغزلان تسولف لهم عن حور
غزلان:وهذي سالفتي مع حور
البنات:امبييه!غثيثه
غزلان:حيل حيل
عنود:بنات سمعت نياف وامي وجميله وعهد وعبدالله والباقي قاعدين ويقولون انه بنشتري قصر واهل طلال واهلج غزلان نعيش كلنا مع بعض وهذا حلم نياف وطلال من هم صغار وبيحققونه
غزلان:اهوا ونااسه بس بنفس الوقت لا
البنات:بالعكسس وناااسه كلنا مع بعض
عنود:صج وناسه وقعدتنا كلنا مع بعض وسوالفنا
غزلان:اهوا وناسه بس هذيك بتشوف نياف كل يوم وبشوفها كل يوم نشبه ويع
تالا:الصراحه يعني اهيا ماتستحي وقليله ادب يعني خير تقريبن او تتدلعين جدام واحد متزوج شنو بتوصلين له؟
غزلان قامت:ختولي المهم بروح انام مو قادره افتح عيوني
جيان:الحين تلقين نياف ناطرج
غزلان:اي حرام يمكن فيه نوم بعد
شيماء:لا ماعليج عشانج يروح النوم
رغد غمزت:الله يعينج
سمر بفضول:لحظه الحين شتسوون انتو لما تكونون بروحكم؟
غزلان هفتها:شي مايخصج
فجر:اتوقع قبله جذي
عنود:بس عيب
غزلان راحت:اروح انام ابرك لي
رغد صرخت:ناااميييي بحضنننننننه
غزلان لفت وعطتها نظره:شرايكم تنامووون واضضح فاصليين
خلتهم وراحت شقتهم لقت نياف نايم على القنفه قربت وقعدت على طرف القنفه بدت تلعب بشعره وماسكه ايده قربت وباسته جت بتقوم سحبها:يمممه مو نايم
نياف دفن راسه بعنقها:الا بس انتي قعدتيني
غمضت عيونها:اسفه
نياف:عادي
غزلان:نروح بالغرفه ننام احسن من هني؟
نياف وهو للحين حاط راسه بعنقها:خليني شوي
غزلان:تمام
شوي وقامو داخل الغرفه ينامون وطبعا نياف يقدر ينام وغزلان مو بخضنه؟طبعا لا ويقدر مايلعب عليها ويبوسها بكل مكان؟هم لا
غزلان:نياف ترا والله حاقده عليك من لما دقيت على امك وكانت خالتي الله يخليها حاطه سبيكر والكل كان يسمعك
نياف ضحك بقوه:شسوو؟؟
غزلان:كانو يطالعوني وانا شووي واموووت
طقته بكوعها:وكله منك
تأوه بألم:اخ شدخلني وبعدين خليهم يدرون شكثر احبج عادي مافيها شي
غزلان:اوكي نام يلا
نياف لفها له وقعد يطالعها وتطالعه قرب وجهه اكثر وهو يقبلها بعد عنها وطقته على صدره:قلت نام ماقلت بوسني
نياف:شسوي مااقدر ماابوسج
غزلان:انزين صج انه بتشترون قصر واهلي واهل طلال بيجون يسكنون معانا؟
نياف:اي حلمي انا وطلال من كنا يهال انه يكون عندنا قصر واهلنا يعيشون مع بعض وبعد ملجه تالا بنشوف لنا قصر كبير ويكفي لنا ونبي يكون فيه شقق عشان المتزوجين ياخذون والي يبون يتزوجون والباقي كل واحد له غرفه وجذي نكون حققنا حلمنا
غزلان حطت راسها على صدره وغمضت عيونها:وناسه بس بنفس الوقت مو وناسه
نياف:ليش مو وناسه؟
غزلان:حور بتشوفك كل يوم وبشوفها كل يوم
نياف:تغارين؟
غزلان طالعته ورجعت تحط راسها على صدره:الي ماتغار على زوجها حماره
نياف ابتسم:يعني تحبيني
غزلان:نياف شكله النوم مأثر عليك قمت تسأل اسأله مالها داعي نام
شوي ونامو
يوم جديد قبل العيد و الملجه بيووم كانو كلهم قاعدين ويجهزو للملجه ويشوفون الاشياء الناقصه ومقسمينها على بعض
نياف همس لـ غزلان:حجزت سينما بعد الملجه بنروح انا وياج
غزلان:صجج
نياف ابتسم:اي
غزلان:انزين طلعني الحين بخاطري اطلع
نياف:قومي البسي
قامت وقام وراها
بالشقه-
نياف:اسمعي لا تكثرين مكياج والبسي عبايه
غزلان:ليه عباييه؟
نياف:كيفي يلا ولا اقولج انا اطلع لج
راح عند الكبت وطلع لها عبايه سودا وهم كانت حلوه يعني
غزلان:انزين مو شرط سودا في كحليه في بيضه في الوان الا اسود يعني؟
نياف:اي
غزلان:تمام اطلع لا تزعجني خلني احط مكياج
نياف باسها وطلع وهي قعدت تتمكيج بعد ماخلصت مكياج لبست عبايتها و كعبها وخذت جنطتها حطت عطر وطلعت لنياف
سمع صوت كعبها وقام مسك ايدها وباسها:كل يوم تصيرين حلوه زياده
ابتسمت وحضنت ايده وراحو متجهيين للسياره
بالسياره-
نياف:تبين تروقين امر قهوه على مانوصل؟
غزلان:كيفك عادي
نياف:تمام
خذا لهم قهوه وتوجههو حق ******* نياف دق على عبدالعزيز:شلون ابو فراس
عبدالعزيز:بخير انت شلونك شلون غزلان؟
نياف:بخير الحمدالله
عبدالعزيز:امر
نياف:مايأمر عليك عدو بس باجر باخذ اجازه ماراح اجي و الي بعده عندي موضوع ضروري بكلمك فيه
عبدالعزيز:ابشر بس وين تبي بالشركه ولا نروح قهوه؟
نياف:الي يريحك
عبدالعزيز:خلاص بالمكتب احسن
نياف:بس تم
صكر منه ونزلو اهوا وغزلان
غزلان طالعته:شنو تبي من ابوي؟
نياف:بكلمه بخصوص القصر منها يكونون قريبين منج ومنها يكونون معانا
غزلان:تمام
