بعد مرور يومين رجعو عبدالله وتالا من السفر وغزلان وليلى وجيان بدو فاينل
بالسياره جدام المدرسه
نياف:حلي عدل ولا تتوترين وقبل لا تحلين اقري السؤال اكثر من مره اوكي حبيبه قلبي؟
غزلا ابتسمت وباسته:اوكي حبيبي
نزلت ولما تأكد انها دخلت حرك سيارته متوجهه لدوامه والبنات دخلو قاعه الاختبار
وقعدو ينطرون الاوراق ، بعد مرور عده ساعات خلصو الاختبار وطلعو كانو مستانسين انهم حلو عدل وبالنسبت لهم كان الاختبار حيل سهل
غزلان:الاختبار حدا عجيب
رغد:ايي خيااال
شيماء:حداا
سمر:انا علقت على سؤال وغزوله ماقصرت غششتني
جيان جت:غزلان يلا نياف ناطرنا
غزلان باست البنات:اشوفكم باجر
شيماء:دربالج شوي شوي امشي
غزلان:تمام
راحت وجا لها نياف وحضنها:ها شلون الاختبار؟
غزلان باسته:عجيبببب وحلييت عدل يعني ضامنه الدرجه الكامله
نياف:كفو والله يلا اركبي
فتح لها الباب وركبت وجيان وليلى ورا واهيا ركبت يمه:نياف مشتهيه عصير برتقال بارررد مع ثلج
نياف ابتسم:ابشري الحين اوديج جيان ليلى تبون شي؟
جيان وليلى:اي
نياف:يلا الحين نروح
وصلو وغزلان كانت تشوف شنو عندهم واشتهت كريب طلب لهم الي يبونه وتوجهه للبيت ، وصلو البيت وقعدو يتغدون وغزلان قالت شبعانه وصعدت فوق تبدل قام وراح المطبخ قال للخدم يصبون لهم اكل صبو لهم وخذاه وصعد فوق فتح باب الشقه لقها قاعده وتدرس حط الاكل على الطاوله وشال الكتب من ايدها وقعد يمها
غزلان:شفيك؟
نياف:راح تاكلين ادري يوعانه بس خايفه ماتحفظين عدل
غزلان ابتسمت من مد ايده يوكلها كلت وكان يوكلها وياكل معاها بعد ماخلصو دق على وحده من الخدم تيي تاخذ الاكل وتوديه المطبخ
عند البنات-
كانو ليلى وجيان قاعدين بغرفه وحده ويدرسون مع بعض ويسمعون حق بعض
دخلت غيم:تبون شي؟
جيان:ليش وين رايحين؟
غيم:بنطلع
جيان وليلى طالعو بعض:خير خير؟واحنا؟
غيم:والدراسه؟درسو بس واذا تبون شي دزو لي اجيب لكم
طلعت وراحت السياره عند البنات وكتبت حق غزلان اذا تبي شي تكلمها
-
بعد مرور اسبوع ونص تقريبا كان اخر اختبار حق البنات وغزلان كانت مواصله وتعبانه من الحمل وصداع ، كانت قاعده بالصاله تدرس ونياف يمها يشتغل قامت وانسدحت على ريوله:تعبت
مسح على شعرها:حبيبه قلبي انتي ارتاحي
غزلان:ماباقي لي شي واخلص ليش ارتاح؟اخلصها مره وحده
نياف ابتسم:كم بقى لج درس؟
غزلان:اثنين
نياف:قومي يلا خلصيهم وتعالي انسدحي على ريولي
ابتسمت وقامت تكمل خلصت وباقي لها اخر درس توها بتفتحه طق المنبه طالعته:المنبه شفيه يطق الحين؟
نياف:انتي حاطته غلط؟
غزلان:لا
نياف شاف ساعته:دوام
غزلان نزلت دمعتها:لا تكفى ماخلصت للحين ومانمت
قام وباس راسها:قومي بدلي وادرسيه بالسياره
قامت وراحت تبدل وتسوي شعرها شوي وراحت السياره وقدرت انها تخلص بسرعه نزلت بدون لا تبوس نياف مثل كل يوم
ضحك من شافها معصبه ومتنرفزه وكل هذا عشان مو نايمه ، بعد ماتأكد انها دخلت حرك سيارته متوجهه لدوامه
عند طلال-
كان مستانس انه هناي كانت تبادله نفس الشعور واعترفت له بحبها وعلاقتهم تطورت صارو يقعدون بعض على الدوام او حق المناسبات يقولون حق بعض احبج او احبك يسولفون مع بعض كل يوم بليل يطلع معاها فا كانت حيل متطوره ، كان قاعد بمكتبه تكمل شغله طق الباب ودخل طارق:سيدي في وحده تبيك ادخلها؟
طلال عقد حواجبه:شسمها؟
طارق:والله ماقالت
طلال:دخلها
راح طارق يناديها دخلت ابتسم من شافها طارق:شي ثاني سيدي؟
طلال:لا روح
طلع طارق وقام طلال يحضن هناي:شلونج حبيبتي
هناي ابتسمت:بخير الحمدالله انت شلونك؟
طلال:من بعد ماشفتج بخير
هناي مدت الورد له:تفضل
طلال خذاه وباسها من خدها:ورد ماسك ورد شلون قوليلي؟
هناي ضحكت:شدعوه لا تبالغ
طلال:اي استاذه هناي ماوراج دوام وليش ماقلتي لي انج جايه؟
هناي:والله ياسيدي قلت اسويها لك مفاجأه
طلال:احلا مفاجأه بالدنيا
هناي ابتسمت:عندك شي؟
طلال:لا
هناي:اجل امش نروح نتغدى ترا حدي يوعانه
طلال خذا تلفونه ومفتاح سيارته والورد:يلا
هناي:امسك ايدك ولا عشان جدامهم؟
طلال مسك ايدها:خليهم يدرون عادي
طلعو وشافهم طارق ضحك ونطق:ورد وماسك ايدها والضحكه شاقه ويهه حلوو من وراي بس يارب عندها اخت عشان اناشبه وين ماراح معاه حتى بأخت حبيبته
ضحك وراح من ناداه رفيجه
بعد ساعات خلصو البنات من الاختبار طلعو ومالقو نياف تأففت غزلان:المشكله اني قايله له انه لا يتأخر بروحه حر وتعب
ليلى:اييبلج كرسي؟
غزلان:لا ماابي
جت جيان:ماجا؟
غزلان:لا
جيان:اذا جا نادوني بروح عند رفيجاتي
راحت وشوي وجا لما فضت المدرسه راح لهم:تأخرت؟
غزلان:لا بس خسنا بالحر
ضحك:نفسيتج شفيها اليوم؟
غزلان:ايي منك نفسيتي خايسه اخلص يلا ودني البيت
راحت السياره طالع جيان وضحك:شفيها هذي مو حاله عدل ولا تعبانه؟
جيان:لا وين زوجتك دافوره غششت الصف كله عشان مو نايمه
ليلى:امشو لا تفصل علينا
راحو السياره كانت طول الوقت تطالع الطريج وساكته مسك ايدها وطالعها:حليتي عدل؟
غزلان:اي
نياف:شاطره يعني ضامنه التفوق؟
غزلان:حيييل
نياف باس ايدها:كفو والله
ابتسمت وحطت راسها على كتفه ، شوي ووصلو البيت نزلو البنات حتى اهلهم ماباسوهم سيدا صعدو ينامون غزلان كانت تركض بالدرج صرخ نياف:شوي شوي
مااهتمت وكملت وصلت ودخلت:امبيه شفيني بسرعه تعبت
راحت غرفه الملابس تبدل وقطت نفسها على السرير تستسلم للنوم صعد نياف وراها ودخل عليها الغرفه فتح الليت طالعته:شتبي صكره بنام
نياف:انا مو قايل لج ماتصعدين درج؟وشوي شوي؟
غزلان:نياف بعدين نتفاهم صكر الليت ابي انام
طلع وماصكر الليت صرخت:نيااااف!! لا تستعبط مااقدر اقوم حرام عليك
دخل غرفه الملابس يبدل وينزل تحت ياكل
تأففت من سمعت صوت الباب يتصكر قامت وصكرت الليت والباب وانسدحت تستسلم للنوم ، الفجر قعدت من النوم لقت نياف نايم يمها شافت الساعه وكانت 4:44 تأففت وقامت وهي مالها خلق نفسها راحت انسدحت بالصاله وخذت تلفونها تشوف منو من البنات قاعده كانو كلهم قاعدين بدلت وراحت لهم
البنات:ارحبييي
غزلان:البقى
عنود:شفيج ويهج صاير اصفر
غزلان:يمكن عشان تعبانه
ابرار:من شنو؟تحسين بعوار
غزلان:لا مو عوار وايد يعني بس ظهري ومن الوحام وجذي
ابرار:زين خرعتيني
شيخه ضحكت:هم انا خفت
غزلان:بنات يوعانه مو يوعانين؟
البنات:الا حيييل
غزلان:انزين تبون نطلب ولا نروح؟
عنود:انا بروح اييبلي قهوه غزوله تروحين معاي ولا ماتقدرين؟
غزلان:اي بروح عاد صج هم مشتهيه قهوه
عنود:يلا قومي البسي
جيان:مايرضى نياف وانتي بعد حازم مابيرضى
عنود:مابيدرون عادي وبعدين مو مسوين شي غلط كلها قهوه ومطعم
تالا جت وقعدت:اف راسي صداع
غيم:بنات ماتلاحظون تالا انه توته ماصارت تقعد معانا من تزوجت
البنات:اييي حييل وساحبه علينا
تالا:اعترف اني ساحبه عليكم بس شسوي يعني؟
غزلان:الي يشوفج يقول عندج قصر تنظفينه ترا كله شقه وتعدلين السرير بس الباقي بيكون نظيف والغسيل الخدم يغسلون
تالا:صح كلامج بس اكيد مابيكون طول وقتي معاكم لازم اقعد معاه بعد
عنود:صج والله؟بعتينا مسرع؟
تالا:خلاص ولا تزعلون بنام عندكم
دق تلفونها وكان عبدالله ردت:هلا حبيبي
عبدالله:حبيبتي تعالي نطالع فلم جهزت كل شي
تالا قامت:يايه
صكرت منه وطالعت البنات الي يطالعونها:بروح اطالع معاه فلم
جيان لحقتها وتالا تصارخ وتضحك:اعلمج يالخفيفه
رجعت للبنات:شفتو الحيوانه
غزلان:ختولي يلا بروح البس
عنود:انطرج تحت لا تتأخرين
راحت شقتها تبدل وتشوف نياف اذا قاعد او نايم لقته نايمه خلته وراحت تبدل لبست عبايه وحطت وزلدت البلشر وحطت قلوس طاح البلشر من ايدها وطلع صوت عالي وانكسر قعدت تشيله وهي خايفه نياف يقعد ومايخليها تروح
سمع الصوت وقام يشوفه لانه كان عالي دخل الغرفه وتسند على الباب ينطرها تخلص
قامت بتقطه شافت نياف:بسم الله من متى انت هني
نياف:على وين؟وبهل وقت
غزلان:يعت وعنود قالت امشي ناخذ مطعم وقهوه قلت يلا
نياف:انتي مستوعبه جم الساعه؟بهل وقت بتطلعون؟
غزلان قربت من نياف ومسكت ايده:ترضى يعني اكون يوعانه انا والي ببطني؟
نياف ابتسم وحد ايده على بطنها:لا ماارضى
غزلان ابتسمت:يعني اروح؟
نياف ضحك:روحي
غزلان باسته وركضت صرخ:قسسم بالله ياغزول لا اجيلج شوي شوي
نزلت عند عنود وركبت:حركي بسرعه لا يهون
عنود ضحكت:شلون قنعتيه؟
غزلان:قلت له ترضى يعني انا والي ببطني نكون يوعانين قال لا روحي
عنود ضحكت بقوه:خفيف والله
غزلان طقتها بكتفها:جب الا زوجي عاد
عنود كتمت ضحكتها:ابشري
وصلو ماك وكنتاكي وحده راحت تطلب بماك ووحده بكنتاكي طلبو ووقفو ينطرون الطلب دقت عنود على غزلان:شلون الوضح وياج زين؟طلبتي؟
غزلان:اي يروحي طلبت ناطره الطلب
واحد وراها ويمه رفيجه كانو يهمسون لبعض وصوتهم واضح
عنود:شنو هالمصخره الي يمج امبيه يستعبطون وشنو الي وحده لك ووحده لي؟
غزلان:عنودي تكفين خليني متحمله لا اقوم لهم واطقهم
عنود:بييلج
غزلان:اي تعالي تكفين
صكرت من عنود ودقت على نياف:حبيبي قاعد؟
نياف ابتسم:اي حبيبه قلبي
غزلان ابتسمت:تبي ماك ولا كنتاكي؟
نياف:ابيج
غزلان:لا تستعبط اخلص يلا
نياف:شنو طلبتي انتي؟
غزلان:ماك
نياف:خلاص يبيلي ماك
غزلان:تمام
نياف:تعرفين وجبتي صح؟
غزلان:شلون مااعرفها افا عليك
ضحك وصكرت منه و جت عنود وقعدت يم غزلان:فيج شي؟ليش تهزين ريولج؟
غزلان ضحكت:انعديت من نياف صرت كل مااعصب اهز ريولي
عنود ضحكت:صدمتيني حسبالي فيج شي
غزلان:الي فيني الحين بقول اكسر ريولهم
الموظف:555
غزلان قامت:طلبنا
قامو اثنينهم وخذو الطلب وحطوه بالسياره ورجعو كنتاكي
عنود قعدت:الحين يخلص مالنا اصبري
الموظف:305
عنود شافت الورقه حقت الطلب وقامت:حقنا
خذوه وراحو السياره كانو الشباب لحد الحين وراهم لفت غزلان عليهم:انقلع انت وياه ماعندكم خوات تتغزلون ببنات الناس ؟
واحد منهم:لو عندهم نفس جمالكم ماجينا نتغزل فيكم
عنود مسكت ايد غزلان:امشي حياتي ماعليج منهم الحين ادق على نياف يجي يكسر راسهم
الثاني:منو نياف هذا بعد؟
غزلان:وانت شكو روح بس لا اعرف شلون اتفاهم معاك
ركبو السياره وحركو والشباب لحقوهم
عنود:الحين ندق على نياف ولا شلون لفت بيتنا هذي
غزلان:لا تروحين البيت ضيعيهم نياف لو يدري بيذبحنا
حاولو يضيعونهم واخيرا ضيعوهم وراحو البيت نزلو وراحو فوق عند البنات حطو الاكل
غزلان:عطوني وجبه نياف اوديها له
خذتها وراحت حطتها له وراحت تبدل شوي وطلعت قام وحضنها:اشتقت
بادلته وابتسمت:مو كثري
باس راسها:يلا روحي اكلي
غزلان:تبي شي ثاني؟
نياف:اي بوسه
غزلان:قرب
قرب منها وباسته وراحت للبنات تاكل ، كلو وخلصو وراحو ينامون اما ابطلنا كانو شبعانين نوم قعدو يلعبون مع بعض
-
بعد اسبوع بيوم خطبه وملجه طلال وهناي كانو مسوين الخطبه والملجه مع بعض ، كان شعورهم بهل يوم ماينوصف كانو يتمنونه منزمان ويبون هاليوم منزمان كانو بكل خطوه يسونها داقين على بعض يورون بعض وكان شعوررهم بهل لحظه ماينوصف ، كانو داقين على بعض الميكب ارتست تحط حق هناي مكياج ووحده تسوي شعرها واضافرها مسويته بالصالون
طلال:شوفي
طالعته وابتسمت:الله عجيييب شكلك
طلال:صج؟
هناي:اي والله
طلال:شوفي احط اي عطر؟
هناي:حط دايموند
طلال:ابشري
هناي:تبشر بالجنه
دخلو عليه خواته بدو لا يطقون الباب
ديم:هلاا ابوووي
لجين:شنو هالجمال معرسنا
طلال:انا جم مره قايل لج تطقين الباب لما تدخلين انتي معاها
ديم:شدعوه عليك
لجين غمزت:تكلمها؟
طلال:انتي شكووو؟برا يلا
ديم:انزين بنصور معاك
طلال:بعدين يلا برا
لجين:طلوول يلا تكفى
طلال:صوره وحده بس
ديم:اي يلا
صورو معاه وطردهم وقفل الباب ضحكت هناي:مو طبيعي خواتك
طلال ابتسم من سمع ضحكتها:ياجعلننني ضحكه
نزلت راسها بخجل ضحك من شافها مستحيه منه:شدعوه من بدايتها تستحين خلاص عاد
ابتسمت وطالعته بحب طق باب غرفته تأفف:منو بعد
نياف:انا افتح
فتح الباب:حياك يااخوي
نياف ابتسم:اخلص يلا الناس وصلت وانت بعدك
طلال:ابشر اسمع ترا ماني عارف شلون اسوي البشت علمني
نياف بدا يعلمه شلون يسويه وبعد ماعلمه طلع
طلال طالعها:شرايج بزوجج
هناي:عجيييب عليك البشت
طلال:ادري
هناي ضحكت:الثقه
طلال:شفتي شلون
هناي:يلا بصكر اشوفك بعد شوي الحين بروح البس واصور
طلال:دزيلي
هناي ابتسمت:تمام
صكر منها وحط ايده على قلبه:اخ قلبي تهبل ماشاءالله الله لا يضرها و يخليها لي يارب
اما هناي بس خلصو تسريحتها قامت
الميكب ارتست:ماشاءالله تهبلين
هناي:حياتي انتي
الي سوت لها الشعر:الله يوفقج يارب
هناي:امين يارب
الميكب ارتست ضحكت:من اولها كل شوي داخلين عليه
هناي:ايي شفتي شلون
"كانو الميكب ارتست والي سوت لها الشعر تعرفهم وميانه وياهم يعني نفس رفيجاتها"
راحت تلبس وتساعدها غزلان طلعت حق غزلان الي ناطره شكلها النهائي:اووويليي تهببليين الله يعين طلال صج
هناي:صج حلو؟
غزلان:اي والله خيال
-
كان نفنوفها اسود طويل من ورا ومن جدام فيه فتحه من الصدر وفتحه من تحت واصله لتحت ركبتها وكان عليها حدا حلو
وغزلان كانت لابسه نفنوف ازرق فاتح طويل وفيه فتحه من تحت وفيه فتحه من الصدر
-
بعد ساعات دخلت هناي على طلال عشان يصورون ويلبسها الدبله
دخلت وبس شافها راح حضنها وباسها من عنقها ابتسمت وبادلته الحضن وخر عنها ووقفو يم بعض يصورون المصوره كانت تقول لهم الوضعايات الي يسوونها وتصورهم شوي وخلصو قعدو مع بعض يسولفون كان طول الوقت ماسك ايدها ويسولفون مع بعض ويخططون حق طلعت باجر
شوي وطلع وراح الديوانيه والبنات كانو يرقصون ومستانسين ونياف حط عنود مراقبه حق غزلان عشان ماترقص
غزلان قعدت وحطت راسها على كتف عنود:فيج شي؟
غزلان:لا بس شوي تعبانه
عنود:امشي اوديج فوق
غزلان:لا عادي خليني
عنود:مو بكيفج امشي
مسكت ايدها وودتها فوق قعدت يمها
عنود:ادق على نياف؟
غزلان:لا خليه
عند فارس-
كان صاعد فوق اتفق مع ديم تروح غرفته يلعبون دام انه تحت ازعاج ومالهم خلق فتح باب غرفته لقها تعدل البي سي مالتها ابتسم لها شاف شكلها
طالعته:ادخل بسرعه لاحد يشوفنا
دخل وقعد يطالعها شلون تسوي البي سي وكان مبتسم من شكلها الي جذبه حس بشعور غريب ماعرف شنو اهوا حس على نفسه وشغل البي سي مالته وطالعها:ادخلي يلا
ديم:اصبر عنود تدق
ردت:هلا عنودي
فارس بهمس:ياجعلنييي عنودج والله
خزته من سمعته
عنود:وينج؟
ديم:بالحمام شتبين ؟
عنود:في احد يروح الحمام يدخل تلفونه معاه؟
ديم:اي انا
عنود:خلصي انزلي امج تبيج
ديم:قولي لها ماتبي تيي مالها خلق
عنود وهي تكلم ام طلال:ديم مو راضيه تقول مالها خلق
ام طلال:عطيني ياها
عطتها ونطقت:خطبه اخوج شنو الي مالج خلق؟خلصيني انزلي
ديم:يمااا ماابي انزل مو غصب خلاص
صكرت تلفونها وطالعت فارس:ادخل قيم خلص
ضحك:شفيج عصبتي؟
ديم:تدخل ولا اروح؟
فارس بدا قيم ودخلو معاهم اثنين واحد ولد ووحده بنت
كانو يسولفون مع بعض
البنت:فارس تهبل الصراحه جوك حلو
فارس ابتسم:حياتي والله
البنت:فديت حياتك والله
ديم تنرفزت:اقول ماتستحين انتي على ويهج؟
البنت:شنو فيها يعني اذا تغزلت فيه لايكون زوجج وانا ماادري؟
ديم:اي زوجي عندج مانع؟
البنت:اووه ماكنت ادري اسفه
ديم:توكلي بس
طلعت من القيم وخلتهم وطالعت فارس:اطلع
ضحك وطلع من القيم طالعته:حط بس اثنين مانبي اربعه
ضحك:ابشري
ديم تقلد كلامه:حياتي والله
قعد يضحك على غيرتها
بليل بعد ماخلصو الحفله وكل شي غزلان بدلت وقعدت بالصاله ونياف قاعد يمها دق تلفونها وكانو رفيجاتها رغد و سمر وشيماء
سمر:غزوله انتي من تزوجتي وبديتي تبعدين عنا
رغد:اي ماتستحي
شيماء:صج واحنا؟ سحبتي علينا
غزلان:امبيه شفيكم شسويت لكم انتو الي ماتييون عندي
رغد:اي وزوجج الحيوان
سمر:صج يعني مايصير شوفي عندي فكره طلقيه وتعالي عيشي معانا وخلاص
شيماء:ياحماره والي ببطنها
رغد:عادي احنا نصير له الابو والام والخوات والعمات والخالات بس اهيا ختطلقه ونفتك منه
غزلان طالعت نياف وقامت تضحك ضحك معاها وقام:خليهم يكملون حش بدخل داخل
رغد:يمممه هذا من متى هننني
نياف:كملو حش مااسمعكم
سمر:الله يفشلج يارغد
رغد:انا شكو؟وبعدين حتى انتي حشيتي فيه
غزلان:الله يفشلكم
شيماء ضحكت:امبيه فشلهه الله لا يحطني بمكانكم
غزلان:حشيتو بزوجي خلصتو؟يلا انقلعو ابي اروح عند البنات
سمر:وتقول انا مااسحب عليكم!
صكرت منهم وراحت عند البنات
عند طلال-
كان داق على هناي ويسولفون عن شعورهم اليوم
طلال:واخيرا صرتي حلالي ولي
هناي ابتسمت:اي الحمدالله
طلال:الحين شلونج بس هاليوم الي انا وياج ناطرينه؟
هناي:كان شعور ماينوصف لدرجه قبلها بيوم كنت ابجي فرح ويعني صج كان شعور كله حب وماينوصف واول مادخلت عليك وقبل لا تحضني كنت متوتره شوي بس لما حضنتني راح كل شي
ابتسم وحط ايده على قلبه:شنو سويتي فيني؟خذيتي قلبي وعقلي وكل شي فيني لدرجه ودي احطج بقلبي ولا احد يشوفج ولا يقرب منج ونعيش بعيد عن الكل
هناي ابتسمت:شرايك ننام
ضحك:شدعوه عشانج مستحيه مني بتنامين؟
هناي:لا صج بنام حدي تعبانه
طلال:يلا نامي
انسدحت وحطت تلفونها يمها واهوا نفس الشي همس:احبج
ابتسمت:وانا اكثر
طلال:ياحظي والله
هناي:خلاص عاد ابي انام
ضحك ونامو
-
يوم جديد كانو العايله كلها قاعده تتغدى وياكلون نطق الجد ماجد:بما انه الشتا قرب حيل بنعدل المخيم مالنا وبيكون على ذوق البنات
البنات:كفو والله
سيف:لا خير بيخربونه مابيعدلونه
عنود:سيف نسيت انك تحب قعدتنا وسوالفنا واغانينا؟خلنا ساكتين بس
فارس:وانا اتفق مع عنود
سيف:انت غلطان المفروض توقف معاي؟
فارس:لا حبيبي مو غلطان
جميله:نياف بدز لك الاغراض الي نحتاجها من الجمعيه وجيبهم لنا
حازم:ليش السايق وين؟
جميله:امس سافر
فارس حط ايده على كتف سيف:احنا نروح
الجد ماجد:مافي انتو ماتطلعون مكان الا مع اخوانكم هالمره اذا رحتو حق هذاك انا بقوله يبلغ عليكم
نياف:لا جدي خلهم يروحون معاي اعرف شنو بسوي فيهم
سيف وفارس قامو:كنسلنا مانبي نروح بنروح نلعب فيفا
نياف قام:جدامي السياره يلا
