غزلان تكتفت:مابروح مع واحد غريب
نياف:صج والله انا غريب اخلصي جدامي
غزلان:قلت لك مابروح دق على ابوي خل يجي لي
نياف:اعلمج
قرب منها وهمس:صارو اثنين
ماعطته اهميه ودق على عبدالعزيز
نياف:يابو فراس غزلان مو راضي تجي معاي تقول مااروح مع غريب
عبدالعزيز:عطي ياها
نياف عطى غزلان التلفون تكلمه:هلا يبا
عبدالعزيز:يابنت تراه زوجج روحي معاه وانا بجي لج العصر اخذج من عندهم
غزلان وهي تتمشى وتكلمه:يبا مستوعب شنو تقول ماابي اروح معاه يا تجي تاخذني يا اضل بالمدرسه مالي دخل
عبدالعزيز:اخوانج ماهم فاضين ولا انا روحي معاه ياحبيبتي والي تبينه يصير يلا عفيه على بنتي
نياف كان سرحان فيها شلون تتكلم وتحرك ايدها
غزلان بزعل:تمام
راحت عند نياف وعطته التلفون:امسك يبيك
نياف:هلا يابو فراس.....هلا تمام......ابشر
صكر منه وطالعهم:جدامي السياره
راحو وكانو يتهاوشون منو يقعد جدام
جيان:انا بقعد
غزلان:وخري انا
جيان:اخوي وبقعد يمه جدام
غزلان:اقول وخري بس
نياف بعصبيه:بس خلاص راسي صدع اثنينكم ورا يلا
غزلان:مابي بقعد جدام
جيان:نيييافف شوفها
نياف:اخلصصصو
تأففو وركبت جيان ورا وغزلان جدام
طالعهم:حسابي معاكم بالبيت حتى دوامي تأخرت عليه
غزلان:اخذ اجازه هاليوم مايضر
نياف طالعها:صج والله والشغل يتراكم علي
غزلان رفعت اكتافها:عادي
نياف طالع ايدها وماشاف الدبله بيدها:بعدين تعالي الدبله وين؟
غزلان وهي تشوف اضافرها:بالبيت
نياف:شنو تسوي بالبيت ماتلبسينها؟
غزلان طالعت جيان:في زباله قالت وانا كنت ماابي اقول لأحد يازباله
جيان اشرت على نفسها:انا زباله؟
غزلان:اي
جيان مسكت شعر غزلان ووحده مسكت شعر الثانيه صرخ عليهم نياف:بسس خلاص انتي معاها صوت ماابي
بعد مده وقف عند بقاله:انزلو
بالبقاله-
نياف:اخذو الي تبونه
غزلان على طول راحت عند الثلاثه الردبول خذت لها واحد وكندر وراحت عند نياف
نياف:مافي ماتاخذينه مو زين
غزلان:تكفى تكفى ابيه
نياف:تمام بس بدون تكفى
بعد مده خلصو دق نياف على امه
جميله:هلا بعيوني
نياف ابتسم:هلا فيج يالغاليه
جميله:امرني ياحبيبي
نياف ابتسم:مايأمر عليج ضالم بس معاي غزلان و جيان جايين البيت
جميييله:حي الله والله بينور البيت بس بسألك شفيهم ليه جايبهم؟
نياف تنهد:متهاوشين مع بعض
جميله:اي مو شي جديد
نياف ضحك بخفه:يلا يالغاليه تامرين بشي؟
جميله:سلامتك دربالك على نفسك وامسك اختك لسانها طويل لا تضايق البنت
نياف:ابشري
صكر منها
جيان:منو؟
غزلان:يعني منو امج او اختج
جيان ابتسمت بخبث:شدراج يمكن حبيبته
غزلان خزتها
نياف:بس انتي معاها راسي صدع من اول ماركبو وانتو تتهاوشون
غزلان تكتفت:ابي اروح بيتنا ودني
نياف:ابوج قال تضلين عندنا وبعد اشوي يجي باخذج وراي دوام وبيتكم بعيد
غزلان تأففت
بعد مده وصلو ونزلو
جميله:يهلا ويامرحبا تو مانور البيت
غزلان سلمت عليها:حياتي خالتي شلونج
جميله:بخير يروحي انتي شلونج
