غزلان:ردبول
نياف:غيره؟
غزلان:ولا شي
تأفف وحرك رايح البقاله نزل جاب اثنين ردبول وركب وكااان باااااردد بعد ماركب باسته:شكرا حبيبي
طالعها بأبتسامه:كلي لج
غزلان:بنروح البيت؟
نياف:اي
دقت عليه تالا وكان واضح من صوتها الحزن:نياف
نياف:هلا شفيج شفيه صوتج؟
تالا:طلع وماقدرنا ندخله السجن
نياف طالع غزلان الي الدموع تجمعت بعيونها مسك ايدها وضغط عليها ونطق بعصبيه:شلوووون كل شييي واضضح بالكاميرات!!!!
تالا ضحكت:امبيه شفيك عصبت اجذب عليكم بعد يومين المحكمه افففف متحممسسه
غزلان بجت:ياحيوااان اعلمج
تالا:افا غزوله تبجيين!
نياف:وانتي هذا مقلب يسوونه؟تستعبطين؟
تالا:قلت اخوفكم شوي يعني
نياف:انقلعي
صكر بوجهها ولف على غزلان:ماعليج منها اعلمها بس نوصل
حطت راسها على كتفه بتعب بعد مده وصلو ونزلو والبيت كله مفتقدهم كل مايسألون عنهم قالو طالعين او راحو فندق
دخلو وجو البنات يحضنون غزلان:اشتقناا لجج
جت حنين وحضنه غزلان بقوه ونزلت دموعها بنتها الوحيده الي بحسبه صديقتها واختها وكل شي بحياتها صار لها تقريبا خمس ايام مو شايفتها وهي كل يوم تشوفها هالمره ماشافتها خمس ايام!
غزلان باست راسها وخدها ومسحت دموعها:افا حنيني تبجين وانا موجوده!
حنين:مو مني من الشوق
غزلان باستها:حبيبتي انتي
حنين طالعت غزلان بعدها طالعت نياف:وين كنتو؟
غزلان طالعت نياف بوهقه:بفندق قلت نغير جو انا وياها
حنين ابتسمت:زين تسوي
جو الباقي وسلمت عليهم وقعدو ويضحكو ويسولفون دخل سيف وفارس طالعو بعض من شافو نياف وغزلان:مو المفروض باجر تطلعين من المستشفى؟
غزلان طالعت نياف وهمست:فضحونا
الكل:مستشفى!!
سيف:اي كانت بالمستشفى ليش نياف مو معلمكم حتـ قاطعه نياف:مافيها الا العافيه كاهي جدامكم تعب خفيف وقلت ماابي اخوفكم عليها من جذي ماقلت لكم
حنين مسك ايد غزلان:فيج شي؟يعورج شي؟
حطت راسها على كتف امها:لا ياروحي من شفتج صرت زينه
تالا جت وبيدها بوكييه ورد مدته حق غزلان:الحمدالله على سلامتج
غزلان ابتسمت وخذت البوكيه:يسلمج حياتي
نياف قام ومسك تالا من اذنها:انا تسوين فيني مقلب ها
تالا ضحكت:نييياف والله اسفه
عبدالله جا ووخر نياف عن تالا وحطها وراه:يويلك قربت منها
نياف:انا بعرف انت شتبي انا واختي نلعب انت شتبي؟
عبدالله:زوجها كيفي
نياف قعد:يوه نسيت اسفين با زوج اختي
ضحك وراح يقعد وغزلان كانت تلعب بالورد وسرحانه ومبتسمه قاطعها نياف وهو يهمس بأذنها:انا بعرف ورد ماسك ورد شلون فهميني؟
رجعت شعرها ورا بغرور:ماادري
ضحك:احب غرورج واحبج كلج والله
ابتسمت:امووتعليييك
مسك ايدها و يسولف مع الشباب وهي تسولف مع البنات
الجد ماجد تحمحم عشان يسكتون:بعد مانربح القضيه وان شاءالله لنا بتكون
الكل:ان شاءالله
الجد ماجد:بنسوي عزيمه بنفس اليوم وبنذبح ذبيحه
نياف:تقدر تخليها باليوم الي بعده؟
الجد ماجد:ليش شعندك؟
حك راسه وابتسم:بطلع معاها
الجد ماجد ضحك:ابشر
