التفتت للبنات:حياكم اقعدو
قعدو البنات و سولفو و منها يتعرفون على بعض
عند طاولت الشباب
عبدالله:سحبو علينا
حازم:طردت اخوها نادوه فشله
نياف اشر لـ فارس يجي تقدم منهم فارس
نياف:حياك اقعد
فارس سلم على عبدالله و حازم وقعد يسولف معاهم على ماتخلص غزلان
قامو البنات بعد مادز لهم نياف بالقروب يجون عشان يروحون ياكلون وبعدها يروحون البيت
قامو البنات
عهود:مع السلامه يروحي
غزلان:حياتي
تالا:يلا عاد نشوفج بعد اسبوعين بالعرس
غزلان:انشاءالله
راحو للطاوله وفارس قام راح لـ غزلان عشان يروحون قامت غزلان وراحو شافهم نياف وقال حق البنات و الشباب يروحون وهو يجي وراهم
تقدم نياف عند طاوله غزلان و فارس شاف قهوة غزلان عليها حمره خذا كلينكس (منديل) وقعد يمسح الكوب حق القهوه مالتها خلص و حط الكلينكس الي فيها الحمره مالتها بجيبه وراح للمطعم
عند فارس وغزلان كانو يمشون وغزلان حاضنه ايد فارس وتمشي معاه
غزلان:فرووسه اذا مامشيت شوي شوي بهفك جدام الناس
فارس:اقول امشي بس
غزلان:انت تمشي بسرعه
فارس:خلاص بمشي شوي شوي وين تبين بعد؟
غزلان:ديور
فارس:يلا
مشو عند ديور دخلت وخذت منه عطرها المفضل من ديور و خذت مكياج و جنطه بعدها طلعو
فارس:ابي ندخل Cartier بشتري حق امي
غزلان غمزت له:حق امي ولا
فارس طقها:وجع انطمي بس
غزلان:هم انا ابي اشتري خاتم وقلاده
فارس:يلا امشي
غزلان:على حسابك ترا
فارس:ابشري
غزلان:الله لا يحرمني منك
فارس:ولا منج ياروحي
راحو Cartier وشرو وكتب كرت حق حنين
:جعل محد يلبس Cartier غيرج ياقلب فارس
غزلان صورت فارس وهو يكتب ونزلته ستوري سناب كتبت "عسى ربي مايحرمني منك🤍"
بعدها طلعو وقعدو يتمشون وتشتري لـ زواجها بعدها توجهو للبيت ونياف والباقي هم اهما تعشو وراحو البيت
ببيت اهل نياف
عهود:تهببل تهببل زيين مااختار غيرها مشاءالله تبارك الله احنا خقينا عليها حتى اسلوبها وكل شي فيها الله يحفظها ويخليهم حق بعض
جميله:امين عاد صج زين من اختار
تالا:صج ماشاءالله عليها
عهد:وروني ياها
تالا:صبر توها منزله شكلها سناب
ورتها و قعدو يسولفون
ببيت اهل غزلان
فارس حط الاغراض بالصاله:يما شوفي بنتج ماخلت شي ماشرته
حنين:بعد عندها عرس بعد اسبوعين
فارس خذا هديه امه وعطها طالعته:شنو هذا؟
فارس باس راسها وابتسم:عليج بالعافيه ياروحي
ابتسمت:الله يعافيك
افتحتها وطالعت الغلاده وابتسمت:تهببل
فارس:تعالي البسج
لبسها وابتسمت وكل هذا غزلان توثق لازم
دخلو فراس و شيخه و غلا
غزلان ابتسمت:غلااااااي
غلا ركضت لها وحضنتها:نااااان
غزلان بادلتها:عيونها
فارس:غرت
غلا حضنته:فروس
فارس بادلها:عيب قولي عمي
غلا:لا نان قالت قولي له فروس
فارس طالع غزلان وسووا لها 🤌
نزل غلا وسلمت غلا على جدتها و شيخه وفراس سلمو عليهم
