صباح جديد قعدت من النوم شافته مو موجود قامت الحمام "اكرم القارئ" تسبحت وطلعت قعدت على المرايا تنشف شعرها بعد ماخلصت بدت تحط مكياج انتهت بأخر شي بحمرا حمره وقامت تختار لها لبس طلعت لها نفنوف ابيض كان طويل و بدون اكمامه وفيه فتحه من عند الفخذ و كانت فيه فتحه من عند الصدر كانت ومسويه شعرها ويڤي كان شكلها خيييال قعدت على المرايا تلبس اكسسواراتها خلصت بس باقي القلاده الي مالبستها ماقدرت:يوووه شلون بلبسها؟
تقدم منها وخذ القلاده من ايدها وبدا يلبسها
نياف:صباح الخير
غزلان:صباح النور
نياف:يلا تعالي جبت اكل
راح وراحت وراه يقعدون ياكلون خلصو بعدها قامت بتلبس عبايتها قرب منها وحاوط خصرها:تكفيين شنو هالجمال شوي شوي علي
ابتسمت ورجعت شعرها ورا بغرور:ادري ماتقدر
نياف الي كان مغرررم ويتأملها بعدها طالع شفايفها طالعته وكانت تحاول توخر لما شافته يطالع شفايفها:لا مو بكيفك وخر
نياف مارد عليها وقبلها بقوه بعد مده وخر عنها طالعته ودمعت عيونها:ليش؟
نياف مسح دموعها:خلاص والله اسف الا دموعج
غزلان صدت عنه:انزين وخر خلاص
نياف:الا صدج لا تصدين
غزلان طالعته:تمام وخرر
وخر عنها وشاف حمرتها طابعه على شفايفه ابتسم وخذا كلينكس مسحها وهي عدلت حمرتها ولبست عشان يطلعون
نياف مد ايده يمسك ايدها
غزلان:ماابي
نياف:بس انا ابي
مسك ايدها غصب عنها ونزلو تحت
نياف:اقعدي بروح اسوي خروج واخليهم يجيبون اغراضنا واجي
قعدت على تلفونها وهو راح يسوي خروج
تقدم منها واحد:سناب يـحلوه؟
التفتت له ورجعت انظارها لتلفونها:عطيني وجه على الاقل
غزلان:انقلع احسن لك
الولد:يالبيه يالصوت
تقدم منهم نياف:خير خير
الولد:شتبي انت؟كيفي
نياف لكمه على وجهه وبطنه وقعدو يتهاوشون
غزلان مسك ايد نياف ونطقت ببجي:خلاااص
نياف طالعها وصد عنها ومشى جدامها:تعالي السياره
راحت وراه وركبت وركب هو شافت خشمه ينزف دم خذت كلنكس وقربت منه تحاول توقف الدم
طالعتها ومسك ادها الي على خشمه وقبلها:اسف
طالعته ورجعت نظرها لـ خشمه توقف الدم بعد مده خلصت وفتحت المرايا حقت السياره تشوف شكلها خلصت وصكرتها التفتت له:ابي ستاربكس عادي؟
نياف ابتسم:انتي تامرين مو تطلبين ابشري
ابتسمت وقعدت تلعب بتلفونها طلبو وتوجههو بيت اهل نياف كانو اهلها واهله كلهم ناطرينهم
ببيت اهل نياف-
كان الكل موجود بس ناطرين ابطالنا يجون
شيماء:مو جنه طولو؟
سمر:تلقينها نايمه ولا للحينها تتمكيج
تالا:لو سمحتي ماارضى على زوجه اخوي
ضحكو وقعدو يسولفون و يخططون ينطرون ابطالنا بعد مده نزلو وراحو من الباب الثاني الي عند المطبخ
نياف طالعها:غزلاني دربالج على نفسج واي احد يضايقج كليميني واحنا شوي ونجي داخل
غزلان هزت راسها بالموافقه
نياف:خلينا طبيعين جدامهم كـ زوج وزوجه تمام
غزلان:تمام بدخل
نياف باسها وراح تصنمت مكانها من حركته دخلت وفصخت عبايتها شافت عنود بالمطبخ:سلام وعلييكم
عنود اخترعت والتفتت لها:غزززووله هلاااا
غزلان ضحكت:شلونج؟
عنود:بخير يروحي انتو شلونكم
غزلان ابتسمت:الحمدالله بخير وينهم داخل؟
