دخلو البنات ينامون اما غزلان و نياف راحو شاليهم ينامون فيه كان ماسك ايدها وهي تهاوشه:ترا انت صاير قليل ادب شنو هالحركات البنات سمعوك
نياف:عادي خليهم يسمعون شنو فيها خليهم يدرون شكثر احبج شكثر ابيج
غزلان:بس مو جذي
نياف:اقول ادخلي ابي انام فيني نوم
غزلان تذكرت لما حور كانت مقربه منه:مابنام بحضنك ولا تنام بحضني ولا تقرب مني
حاوط خصرها وصغر عيونه:ليش؟
غزلان طالعته وكانت حاطه ايدها على صدره:هذيك سكرتيرتك لما كانت قريبه منك وماقلت شي؟
نياف:تغارين؟
غزلان:لا مااغار ولا احبك ووخر عني
نياف تنهد:زين خلاص يعني الحين انتي زعلانه؟
غزلان صدت عنه:نياف توخر ولا اعضك؟
نياف ضحك بقوه:قطوه وانا ماادري؟
عضته تأوه بألم:احسن لا اشوفك تجي الغرفه
دخلت وقفلت الباب بدلت وانسدحت على السرير
نياف من ورا الباب:ياابوي انتي افتحي يلا ابي انام خلاص مابسوي شي
ماردت عليه نطق بحده:غزلان بتفتحين ولا اكسره فوق راسج اخلصي ابي انام
قامت وفتحت الباب ورجعت تنام بعد مده نام اهوا
صباح جديد الساعه 3:00 العصر كانو قاعدين كلهم الا ابطالنا نايمين الاهل كانو بالمطبخ يسوون غدا والعيال قعدو يمهم
تالا:انا بعرف انتو الحين ليه هني روحو الدوانيه
حازم:اخلصو جوعاان
سيف:هم انا يلا
جميله:اطلعو واحنا بس نخلص نناديكم
عبدالعزيز:الا غزلان ونياف وين؟
حنين:للحين نايمين
دخلت عهود:دقيت على نياف عصب علي وصكر التلفون بوجهي يقول بينام مو نايم
فارس:ماقالج على غزوله؟
عهود:لا نايمين اثنينهم لو قاعده كان جت
بدو يكملون طبخ وبعد مده دخلو ابطالنا عليهم
حازم:لو نايمين للفجر احسن
ضحكت غزلان وراحت عند البنات
غزلان ضحكت:هاااي اشتقتلكمم
البنات ضحكو:More
(انا بعد)
قعدت وعطتها عهود قهوه وجيان عطتها حلا
عهود:اي شلون نومت الشاليه
غزلان:حلوه بس هذا ولد اخوج حيوان وقليل ادب
عهود ضحكت
جيان:لو منج والله ازعل شلون هذي الي ماتتسمى تقرب يم ريلي وساكته
غزلان:لا ابشرج زعلت والحين يحاول يراضيني
جيان ضحكت:كفو
تالا:بس انتي هي تبينها تزعل من اخوج
جيان:لا انتي ماشفتي شلون سكرتيرته مقربه يمه حيل كأنها قاعده بحضنه
خلود:قولو السالفه
بدو يقولون لهم السالفه
غزلان:وبس سلمكم الله هذي كل السالفه
فجر:امبييه صيدا!
لمار:حييل شنو هذا تقط نفسها على رجال متزوج؟
تالا:اهوا صج السالفه عادي تزعلين عشانها بس هم اهوا المفروض يعصب عليكم شحقه مهربين
عهود:السالفه يبي لها زعل ولازم هديه مع ورد بس صج شعندكم مهربين وانتي
التفتت لـ جيان:ماصدقتي على الله تجي وحده نفسج تحب الهواش والتهريب سيدا وافقتي
غزلان:والله جوي جيان بس لو نخفف انا وياها هواش نصير اوكي وحيل مع بعض
رغد:مو جنه هذي خيانه؟
سمر:اي عيني عينك
شيماء:مافي ماعندج غيرنا كنسلي وانسي بعدين تجي لنا اقوى سحبه
خلود:اي ترا بكرا مباراه مدريد وبرشلونه بتتابعونها؟
البنات:ايي
خلود:حلو نحط بروجكتر ونجيب حلا وقهوه ونسوي لنا قعده ونلبس مدريد و برشلونه
البنات:بس تم
طق الباب تحمحم نياف وسمعو صوته التفتتو لـ غزلان:قومي
غزلان:شدخلني وحده تقوم
جيان قامت:خلاص لا تتهاوشون رايحه له انا
راحت له
جيان:هلا؟
نياف تسند على الباب وكتف ايده:نادي غزلان ابيها
جيان:ماتبي
نياف بصوت مسموع:قولي لها اذا ماجت بدخل اسحبها من عندكم
جيان:زين قصر صوتك
شيماء:بنت قومي زوجج يبيج
غزلان:ماابيه ياخي
جت جيان:اتوقع سمعتي قومي له مالنا خلق يعصب والحين يردنا البيت يسويها
غزلان قامت:استغفرالله ابتلشت
راحت له وصدت:خير شتبي
نياف:شنو هالسلوب؟وبعدين اخر مره شفتج اول ماقعدنا من النوم وتصدين عني كل هذا عشان السكرتيره؟
طالعته ونطقت:صج انا شكو فيك سوو الي تبيه
كانت بروح سحبها:اصبري ابي اكل سوي لي
غزلان طالعته وتكتفت:مااعرف اسوي شي وحتى لو بسوي مابسوي لك اعتمد على نفسك
نياف عقد حواجبه:وليه اسوي لنفسي وزوجتي موجوده؟
غزلان:هذيك امك بالصاله تسوي لك انا مو مسوؤله عنك والله يخلي مطاعم الكويت
راحت وخلته دخل عند امه:يما شنو مسووين اكل؟
جميله:في غدا تبي؟
نياف:لا شنو في غيره؟
جميله:في بطاط وهمبرقر و ببسي اقلي لك؟
نياف:لا اقعدي اخلي وحده من خواتي تسوي لي يلا سلام
قام وراح ينادي خواته
جيان وتالا جو:هلا؟
نياف:امانه وحده تقلي لي اكل جوعان مو ماكل شي
جيان:هذيك زوجتك تسوي لك
تالا التفتت لها:انطمي
التفتت حق نياف:ابشري الحين انا وجيان نسوي لك بس نخلص ندق عليك
نياف باس راسها:كفو
راح واهما دخلو المطبخ يسوون له وكانو البنات قعدين معاهم بالمطبخ
رغد:والله رفيجتنا ماتعرف تطبخ اسفين
غزلان:اقول كليزق انتي واصله حدي لا تخليني اتهاوش وياج
سمر ضحكت:نجيب لها نياف يبوسها ويتعدل مودها
غزلان قامت:جب قليله ادب
طلعت وراحت عند امها
قعدت يمهم وفتحت تلفونها تلعب فيه ببجي
دق فارس عليها:هلا فروسه؟
فارس:اسمعي بكرا انا رايحين بيتنا تجين ويانا صح؟
غزلان:اي
فارس:بس تم قلتي لزوجج؟
غزلان:اهوا شكو رايحه بيت اهلي مو مكان ثاني
فارس:قولي له
غزلان:تمام
صكر منها وكملت تلعب بعد مده قامت وراحت شاليهم اهيا ونياف
نياف:بنات وين غزلان؟
البنات:راحت شاليهكم تقول بروح انام مو نايمه عدل
نياف قام:تمام
عهود:بعد اشوي تقعدر تيي هني واحنا نروح هناك؟
نياف:هني وهناك نفس الشي
طلع وراح الشاليه دخل وصكر الباب دخل غرفتهم وقعد يمها على السرير صدت عنه:لـ متى؟بتزعلين؟
ماردت عليه
نياف لفها له:بنت اكلمج
غزلان:لحد ماتفهم انه انت متزوج ومو اي وحده تقرب منك
نياف:ابشري اذا تبين بعد اطردها
غزلان:ماقلت تطردها بس انقلها مكان ثاني وجيب وحده محترمه ولا واحد
نياف قرب منها وقبلها بعدت عنه وطقته بصدره:قليل ادب ابعد
