بعد ماوصلت البنات راحت بيتهم استغربت من السياره الي واقفه عند بيتهم والسياره هذي شايفتها من قبل بس ماتتذكر وين نزلت من سيارتها دخلت بيتهم قعدت تنادي احد الخدم:ميري ميري وينج تعالي
جت لها:شوفي بوقف لج برا بسيارتي في اغراض جيبيهم ووديهم غرفتي
طلعت مع احد الخدم تساعدها وواقفه عند الباب تنطرها،دخلت بيتهم وبيدها القهوه مالت فارس و ماانتبهت حق الي قاعد مع ابوها واخوانها وامها بالصاله
بالصاله-
دخلت غزلان:السلام وعليكم
الكل:وعليكم السلام
فارس:جبتي لي الاغراض الي قلتها لج؟
غزلان:كلها وهذي قهوتك
نياف اشر لها تجي يمه رفضت بعدها توترت منه يسوي لها الي صارو ثلاثه الي ماتدري شنو اهما راحت وقعدت يمه مسك ايدها
غزلان:فراس مو جايب غلاي؟
فراس:الا موجوده بس راحت اهيا وشيخه تبدل لها
دخلت غلا وركضت لـ غزلان تحضنها:ناااااان
غزلان ابتسمت وهي تبادلها:عيونها وقلبها
غلا:اشتققت لج وين كنتي؟
غزلان:رحت اشتري اغراض وشريت لج لبس نفسي اقعدي هني خليني اسلم على امج
شيخه:شلونج يروحي شلون الدراسه؟
غزلان:بخير ياقلبي والله الحمدالله
"شيخه زوجه فارس غلا بنته"
نياف ابتسم وهمس لها:انشاءالله تكونين شايله بنتنا
غزلان بهمس:اسكت بس
نياف ضحكت وقام:انا استأذنكم
عبدالعزيز:وين تو الناس
نياف:لا والله تعبان وابي انام بكرا دوامات وجذي
حنين:بحفظ الله
نياف التفت على غزلان:ابيج شوي
غزلان طالعت بمعنى شنو؟اشر لها تقوم مسك ايدها وطلعو
غزلان:خير؟
نياف:تكلمي عدل اول شي
غزلان ابتسمت بتسليك:امر شنو تبي؟
نياف:ابي حضن
غزلان طالعته بصدمه:نعم!
نياف:الي سمعتيه
غزلان:مــ قاطعها وهو يقبل شفايفها انصدمت منه حاولت تبعد بس كان محاوط خصرها بقوه لاول مره ذاق طعم شفتها الي منزمان بخاطه وودته بعالم ثاني،بعد عنها من حس انه يحتاج يتنفس طقته على صدره بقوه وحبست دموعها عشان ماتبجي جدامه:حقيير وحييوانن
نياف:هذي عشان الكف الي بالملجه وتجهزي حق الباقي بزواجنا
طلع تاركها منصدمه منه عدلت شكلها بالمرايا الي برا تبين انها طبيعيه وعدلت حمرتها الي نصها صارت بشفايفه ودخلت على اهلها
فارس غمز:اي شسوى لج
طالعت بصدمه:شنو يعني بيسوي يقولي لا تسوين مشاكل بالمدرسه ويحذرني عشان مايفصلوني
فراس بحده:شنو مسويه بعد؟
فارس اشر لها تجي يمه
رفعت اكتافها:مو مسويه شي بس تهاوشت مع اخته وطقيتها
ضحكو ونطقت شيخه:كل هذا مو مسويه شي
فارس:حبيبت اخوها طالعه على منو؟
فراس:بعد على منو عليك مو كنت تتهاوش نفسها بالضبط
فارس ضحك:اوووه هالأيام عاد مستحيييل انساها
غزلان طالعته:صج كنت تتهاوش بالمدرسه؟
فارس:ايي وايد بعد
فراس:للحينه سيف معاك
فارس:اي عاد صار لي يومين ساحب عليه
غزلان قامت من فراس وقامت يم شيخه وامها تسولف
فراس:يلا غلويي وشيخه نروح
عبدالعزيز:اقعد ماشبعنا منكم
حنين:شرايكم تسكنون عندنا والله بنستانس والبيت يكفي ويوفي
فراس:نشوف ونقولكم وانشاءالله على يوم نجيكم او انتو تعالو
غلا:ويت بحضن نان
غزلان نزلت مستواها وحضنتها، بعد ماراحو الكل راح نام الا فارس و غزلان الي يلعبون بغرفه فارس
غزلان صرخت:ففرررررروووسسه يمييي واحد
فارس:جااييج
غزلان:خلاص ذبحته
فارس طقها براسها بخفه:بعد ماجيت لج
غزلان ضحكت:احسن
كملو يلعبون لحد الساعه 6 الصبح طالعو الساعه بصدمه بعدها طالعو بعض
طقته على صدره:كله منك مانمت شلون بداوم؟
فارس:غيبي
غزلان:رفيجاتي ناطريني اسحب عليهم؟
فارس:اسحبي عليهم نفسي ساحب على سيف صار ثلاث ايام ومو مكلمه واذا شافني متأكد انه بيتهاوش معاي ويطقني
غزلان وهي تدعي:يارب يارب سيف يهفك
فارس قام يبي يلحقها وهي انحاشت غرفتها تبدل و تتوجه تمر رفيجاتها بعدها يروحون المدرسه
بالمدرسه-
دخلت اهيا ورفيجاتها كانو متأخرين قعدو يلفون بالساحه و طق الجرس تنتهي الحصه الثانيه وتبدا الفرصه راحو ساحه الفرصه وقعدو بمكانهم المعتاد
غزلان تسندت على الطوف:احس ابي انام مانمت كله من الزفت فروسه
رغد ضحكت:انتي عاد كل اسم تشوهينه
غزلان:رغيد انطمي
رغد تأففت:ويع ويع شنو رغيد قولي لي رغوده رغود رغد مو رغيد شوهتي ابو اسمي
شيماء:انطمو
غزلان:خلونا نسوي شي عشان يدقون على اهلنا نطلع ابي انام
سمر بتفكير:صبر خليني افكر
رغد رفعت اكتافها:سهله نتهاوش مع جيان
شيماء بتهديد:قسم بالله الي تقوم بتهاوش معاها خلو البنت بحالها
غزلان:شيوم الحين انتي معانا ولا؟
شيماء:معاكم اذا ماسويتو شي
غزلان:انطمي
تقدمت لهم جيان وبيدها بوكييه ورد
رغد:وووييع
جيان:غزلان
غزلان طالعتها بمعنى شنو؟
جيان مدت لها البوكييه:امسكي من نياف
غزلان طالعتها وخذت البوكييه جيان راحت بعد ماعطتها البوكييه
