قعدت تكمل مكياجها على مايجي بعد ماخلصت مكياج قامتت تلبس دخل عليها لقاها تلبس اكسسواراتها وتتهاوش مع القلاده الي مو قادره تلبسها قرب منها وهو يضحك:مينونه في احد يتهاوش مع قلاده؟
غزلان:صار لي ساعه اصكر فيها ماتتصكر شسوي؟
قرب منها وبعد شعرها ومسك القلاده الي بيدها يصكرها لها:جذي خلاص
قامت:شكرا حبيبي
مسكها من خصرها يقربها منه طالعته ببتسامه دفن راسه بعنقها من شم ريحتها الي يحبها:شنو هالزين؟بتذبحيني؟
رفع راسه وطالعها عدلت غترته الي تخربتطت:يمكن ماادري
نياف ضحك:احبج
غزلان:اموووتعلييك
قرب منها يقبلها بكل حب بعد مده وخر عنها وشاف بالمرايا حمرتها طبعت على شفايفه ابتسم ومسحها طالعها:الاكل لا يبرد تعالي يلا عشان ننزل
راحت وراه الصاله وقعدو ياكلو بس خلصو شال الاكل وهي راحت تجيب البخور عشان يتبخرون بعد ماتبخروو وحطو كل واحد من عطره:يلا غزول ننزل؟
غزلان:ويت نسيت شي
نياف:يلا بسرعه
راحت لكبتها وطلعت الجيس الي شرت منه ساعه رولكس قربت منه ومدتها له:تفضل
نياف اشر على نفسه:حقي؟
غزلان:اي
خذاها وقرب من غزلان وباسها بخدها:شكرا حبيبه قلبي
غزلان:عفوا حبيبي يلا افتحها
نياف:ابشري من عيوني
فتحها وقرا الكرت وطالعها ببتسامه:احبج وايد
غزلان:امووتعلييك
فتح الساعه:هذي مو قلنا حق فارس اخوج؟
غزلان:بس اهيا مو حق فروسه حقك
نياف:خياال بكشخ فيها الحين
غزلان مدت ايدها تشيل ساعته الي لابسها حطتها على المرايا وخذت الساعه الي جابتها له ولبسته:الله لايقه عليك
قرب منها وحضنها شوي وبعد عنها مد ايده لها مسكتها و خذت الورق عنب ونزلو تحت كانت جميله بيدها بخور بس شافتهم رحبت فيهم:ياهلا ويامرحبا
قربو منها وباسوها من راسها:هلا فيج
جميله:تحصنتو؟
غزلان ونياف طالعو بعض:لا
جميله:تعالو احصنكم
قربو منها وحضنتهم بعد ماخلصت طالعت نياف:حصن زوجتك مره ثانيه
نياف:ابشري
راحت جميله ونياف حصن غزلان وباسها بخدها وبراسها ودخلت الصاله وهو راح الديوانيه
عنود:غزول لايكون هذا الورق عنب الي اخر مره جبتوه؟
غزلان مدته لها:اي حلالج
عنود خذته:اوييلي تفهميين
غزلان:افا عليج بس وبعدين شنو هالجمال؟تحصني
عنود:حياتي انتي والله انتي احلا
غزلان:اقول جب لا تحلفين
عنود رفعت كتفها:هذا الصج
شوي وجو اهلهم وقعدو معاهم يسولفون ويضحكون ويتقهوون
وحده من الحريم وهي تطالع غزلان:ماشاءالله هذي من ام احمر؟
جميله:زوجه ولدي نياف وبنت حنين
الحرمه:ماشاءالله تبارك الله تهبل لو انج مو ماخذتها لولدج كان خذيتها لولدي
جميله ضحكت:عاد غزوله ماشاءالله عليها تهبل نفس امها
حنين:حبيبتي
الحرمه الثانيه:الا ولدج مو ناوي ياخذ الثانيه؟
جميله:لا شحقه ياخذ الثانيه وعنده الجمال كله؟
الحرمه:عادي الشرع حلل اربع
عنود:بس نياف مكتفي بغزوله ولا بيخليها عشان وحده ثانيه واتمنى ماتتدخلين بشي مايخصج
قامت وراحت عند البنات تحش فيها
غزلان ضحكت:والله كفو
عنود:لا صج تنرفز شنو الي يتزوج وحده ثانيه وين قاعدين؟
تالا:ماعليج منها ختولي هذي مينونه
جت غلا وبيدها جيس راحت عند غزلان وعطتها:شنو هذا؟
غلا:نيوف قال عطيه حق غزوله
ابتسمت وخذته فتحته وكان ردبول مع نكهه كتبت له:شكرا حبيبي
نياف:بالعافيه حبيبه قلبي
صكرت تلفونها وطالعت البنات غيم حطت راسها على كتف غدير:والله اخوي طايح على وييهه وبقوه
تالا ضحكت:مو شي يديد
غدير تدور ديم:ديوم وين؟
البنات:ماندري
فجر:قالت بتلعب فورت فوق
جيان قامت:انا رايحه غرفتي بجيب سماعتي اناديها معاي
غدير:اذا ماجت دقي علي اجي اسحبها من شعرها الحيوانه
بعد مده الكل راح مابقى غير البنات والشباب واهلهم نايمين وكانو قاعدين برا كلهم
حور:منزمان عن قعدتنا
حازم:حيل
لجين:طلال وين؟
نياف:راح عنده شغل شوي ويجي
عند طلال-
كان واقف بعيد عن بيت هناي يراقبها من بعيد طلعت هناي وركبت سيارتها ركب سيارته ولحقها كانت عند جمعيه تشتري اغراض شرت بعد ماخلصت حاسبت وطلعت وكان يلحقها وين ماتروح دق عليه طارق:هلا طارق
طارق:تستعبط انت؟مخليني فوق الساعه ناطرك بالمطعم وانت للحين ماجيت؟شتسوي؟
طلال:طارق ارجع بيتكم روح نام ماراح اجي
طارق:لا والله عيل ليش خليتني انطر ساعه بالمطعم؟
طلال:طارق انقلع عني مو فاضي
صكر منه ولحق هناي لحد ماوصلت البيت شافها دخلت البيت حرك سيارته متوجهه لهارديز وقف وطلب له دق تلفونه وكان نياف:هلا نياف
نياف:ياولد للحينك تراقبها خلاص خل البنت بحالها
طلال:شوي وراجع البيت عند هارديز انا تبون اجيب لكم؟
نياف:انا بعرف ليش تغير الموضوع؟
طلال:نياف قلت لك حبيتها وابيها بس مو الحين لازم اعرفها عدل
نياف:شوف قلت لك انا لا تشوفك والله تبلغ عليك كيفك عاد
طلال:اهيا مو من هالنوع
نياف:انزين ليش ماتخطبها وخلاص!
طلال:انا بخطبها بس مو الحين
نياف:كيفك
طلال:انزين تبون هارديز؟
نياف:لا راحو ينامون يقولون تعبانين
طلال:حتى زوجتك؟
نياف:اي
طلال:شعندك قاعد؟
نياف:قاعد بالصاله عندي شغل بخلصه واروح انام
طلال:تمام تبي اييبلك اكل؟
نياف:لا بالعافيه
طلال:يعافيك
صكر منه وكمل شغله شوي وفزت غزلان من نومها ماشافته يمها قامت تدوره
انفتح الباب رفع راسه يشوفها ابتسم:ليش قعدتي؟
جت وانسدحت على ريوله:ماادري
نياف:نامي ورانا قعده عندنا دوام
غزلان:ماابي اداوم
نياف:مو بكيفج
غزلان:اي يصير خير
شال الملفات وقعد يلعب بشعرها شوي ونامت ونام معاها بالصاله ، بعد ساعات قعد من الباب الي يطق:منوو؟
جيان:نياف اخلصو يلا صار لي ساعه اطق الباب يلا دوام
نياف:اوكي انقلعي
راحت تنزل تحت وهو طالع غزلان الي نايمه على ريوله لعب بشعرها وباسها:حبيبه قلبي يلا دوام
غزلان:خلني بنام
نياف:مافي صار لج اسبوع غايبه قومي
قامت وراحت الحمام "أكرم القارئ" طلعت وبدلت وتبخرت وحطت عطر وبلشر ومرطب ونياف تعطر وتبخر ، نزلو وراحو سيدا لانه كانو متأخرين ، بعد مده وصلو جت بتنزل وقفها:لحظه
غزلان:شنو؟
طلع بوكه "محفظته" من جيبه وطلع فلوس مده لها:هاج مصروف
غزلان:ماابي مااحب اكل ولا راح اشتري شي
نياف:خليها عندج يمكن تحتاجينها
غزلان:والله مايحتاج
نياف:عشاني؟
خذتها وباسته ونزلت راحت سيدا الصف
الابله:ليش متأخره؟
غزلان:شي مايخصج
الابله:وبعد تراددين؟
غزلان:اي برادد كيفي
الابله:طلعي برا
غزلان:مت زين حصتج عشان اقعد احضرها
طالعت البنات:امشو
قامو وطلعو:قليله ادب مو متربيه
غزلان لفت عليها:احترمي نفسج متربيه احسن منج
الابله:واضح الصراحه
غزلان قربت منها:لا تخليني اسوي شي انا ماابيه احسن لج اوكي؟
طلعت وخلتها وطلعو وراها رفيجاتها
شيماء:شفيج معصبه؟
سمر:كل عاده قاعده غصب صح؟
غزلان:يعني قلت له مابداوم مو راضي
رغد:ماتلاحظين من تزوجتي ماقمتي تيين عندنا ولا تكلمينا وايد؟
شيماء:حتى لما نتجمع نكلمج تكونين مشغوله!
سمر:صج يعني احنا الي اربعه وعشرين ساعه مع بعض الحين ماتكلمينا وايد واذا كلمتينا يدخل عليج نياف وتصكرينه؟
غزلان:اسفه والله تعرفون بالي مريت فيه وهوشات ومن هالسوالف حددو يوم وبجي وعد
رغد:اي نسيت اقولكم هناي امس كلمتني تقول عازمتكم عندي ببيتي اليوم المغرب تروحون؟
البنات:اي ليش لا
غزلان:ومنزمان عنها وعن خالتي لازم نروح
عد مرور ساعات ، الساعه 6:00 المغرب قامت تتجهز عشان لا تتأخر على البنات دخل عليها لقاها تتجهز استغرب:بتروحين مكان؟
غزلان:اي
نياف:وين؟ وليش ماقلتي لي؟
غزلان:بيت رفيجتي واتوقع مايحتاج اقولك
نياف:الا يحتاج تقولين لي
غزلان:شنو المطلوب الحين؟
نياف:انه مره ثانيه اي مكان تروحين له تقولين لي وتستأذنين اذا بتطلعين
غزلان:وبصفتك منو عشان استأذن منك؟
نياف:زوجج اذا نسيتي اذكرج
غزلان:يصير خير
نياف:مع منو بتروحين؟
غزلان:بسيارتي
نياف:رفيجتج عندها اخوان؟
غزلان:لا
نياف:انا راح اوديج والساعه 10 ايي اخذج
غزلان:لا شنو 10 ؟ شويه !
نياف:مـ قاطعه تلفونه يدق
طلال:نياف تروح؟
نياف:وين؟
طلال:الديوانيه
نياف:حقت زياد؟
طلال:اي
نياف:ياولد نتأخر مايخلينا نطلع الا الساعه 12
طلال:عادي؟شنو عندك؟
نياف:بودي غزول بيت رفيجتها
طلال:عادي خلها هناك ولما نخلص تروح تجيبها شنو فيها؟
نياف:افكر الحين انت روح وانا اوديها وايي وراك
طلال:تمام اسمع هناي شكله عندها عزيمه رايحه مكان حلا وشرت اغراض وفطاير واشياء وايد
نياف:انت شكو فيها خل البنت بحالها تبيها روح لها من الباب ماتبيها لا تراقبها
طلال:انقلع
صكر من طلال وراح عند غزلان:راح اخليج لحد الساعه 12 لانه بروح الديوانيه مع طلال خلصي بسرعه عشان نروح
غزلان طالعته:انزين اطلع ولا تجي عشان اعرف اتمكيج واسوي شعري بسرعه
نياف:بس تخلصين طلعي لي دشداشه وغتره وعقال وبخريهم
غزلان:اوكي
طلع وغزلان كملت مكياج وسوت شعرها دقت على البنات:بنات الحين البس بدله ولا نفنوف؟
رغد:نفنوف
شيماء:شحقه نفنوف؟
سمر:عادي اي شي مو شرط نفنوف
رغد:انزين البس اي لون؟
غزلان:وريني
رغد:كا شوفو
شيماء:الازرق حلو
غزلان وسمر:اي خيال
غزلان:انا بصكر بلبس واشوفكم هناك
صكرت منهم ولبست وسوت ملابس نياف وعطرتهم وبخرتهم وطلعت له تقوله جهزت ملابسه ، كانت لابسه نفنوف اسود ضيق من الخصر وفيه فتحه من عند الصدر ومن تحت فيه فتحه وكان بدون اكمامه ومسويه شعرها ويڤي واضافرها كل عاده احمر ، شافها جايه له وهي بكامل زينتها وريحتها الي اول ماطلعت انتشرت بكل مكان ابتسم وقام لها قرب منها وكانت بتروح بس سحبها من خصرها وقربها يمه لحد ماالتسق جسمها بجسمه:نياف شفيك؟روح بدل يلا لا نتأخر
نياف:شنو هالجمال؟تهبلين
ابتسمت ورجعت شعرها لورا بغرور:ادري
مسك خصله من شعرها وحطها على خشمه:اخ الريحه الي احبها والويه الي احبه والجمال اوفف صح ياحظي
رفعت رجلها وباسته بخده وراحت تلبس عبايتها:البس يلا
ابتسم وراح يلبس بعد ماخلص شافها تحط بلشر:خلصتي؟
غزلان:اي يلا
مسك ايدها ونزلو تحت
حنين:طالعين؟
غزلان باستها:انا بروح بيت هناي واهوا بيروح الديوانيه ليش تبين شي؟
حنين:لا سلامتج حبيبتي سلمي لي على ام هناي وهناي
غزلان:ابشري
طلعت مع نياف وركبت السياره:نيافي
نياف طالعها:عيوني وقلبي لبيه
غزلان:ابيك تمر ناخذ حلا فشله اروح بدون شي
نياف:ابشري من عيوني
غزلان:فدييتهم
تياف:فدااج
ابتسمت وقعدت تصور شكلها ، شوي ووصلو عند محل حلا وطلبت واهوا طلب حق الديوانيه طالعها وشافها تصور شفايفها:شتسوين انتي؟
غزلان:اصور للستريك فيها شي؟
نياف بحده:لا مافيها شي بس مو تصورين شفايفج حق الستريك صوري السياره حطي شاشه سودا مو شفايفج!
غزلان:امبيه شفيك عصبت شنوو فيها عادي؟
نياف خذا تلفونها ومسح الصوره:لا تصورين شفايفج مره ثانيه عشان مااتعامل معاج بطريقه ثانيه
غزلان ماردت عليه وخذت تلفونها منه تكلم البنات ، شوي ووصلت بيت هناي نزلت بدن لا تكلمه او ترد عليه طقت الباب ودخلت سلمت عليهم وقعدت اما هو تنهد وراح من شافها دخلت حرك سيارته
عند البنات-
هناي:شفيج غزوله؟
غزلان:تخيلو بس انه عصبت علي قبل شوي بس عشان صورت شفايفي حق الستريك حتى يريت دزيتها مسحها
هناي ضحكت:يغار عليج بعد
رغد:اوكي ماقلنا شي خليه يغار بس مو لهدرجه
شيماء:من حقه يغار زوجته وكيفه
سمر:لا مو من حقه شنو هالغيره هذي
غزلان:لا نرفزني حيل
دخلت ام هناي:ياهلا والله تو مانور البيت
غزلان سلمت عليها:هلا فيج خالتي
ام هناي:شلونج شخبارج شخبار الوالده والوالد واخوانج
غزلان:بخير الحمدالله يسلمون عليج
ام هناي:الله يسلمهم
هناي:يما تبين قهوه؟
ام هناي قامت:لا حبيبتي رايحه غرفتي بقرا قرآن
هناي:تمام
طلعت ام هناي والبنات قعدو يسولفون
هناي:لا صج شكلج حدا حدا خيال يعني لو انا ولد صج قعدت اغازلج
غزلان ضحكت:شدددعوووه
هناي:هذا الصج يعني نياف هذا شلون استحمل؟
غزلان:ماادري
سمر:تلقينه باسها او باسته وانحاشت منه عشان لا يتهور
غزلان هفتها بالمخده:وجع جب
رغد:اتفق يعني مع سمر
شيماء:بس عيب مالكم دخل فيها
هناي:ماعليج منهم شرايكم تنامون عندي؟
البنات:مو جايبين ملابس
هناي:شدعوه انا اعطيكم
غزلان:انا مااتوقع اقدر
هناي:ليش؟
غزلان:نياف مابيرضى
سمر:اف اف من هالنياف بكل شي متدخل
شيماء:زوجها لا م بعد
هناي:كلميه
غزلان:ماابي اكلمه
رغد:انا اكلمه عطيني
شيماء طقتها:عن اللقافه زوجها واهيا تكلمه انتي شكو؟
رغد وهي تمسح مكان الطقه:اح شفيج انتي مالج دخل
هناي:بس بنات عاد اسكتو شوي خلوني اقنعها
طالعت غزلان:كلميه وانسى الي صار قبل شوي اذا مو عشانه عشاني وعشان البنات يلا
غزلان قامت:عشانكم بس ولا هو مايستاهل
هناي ضحكت:يلا روحي
راحت تكلمه دقت عليه ورد:لبيه حبيبه قلبي
غزلان:ابي انام عند هناي اوكي؟
نياف:لا
غزلان:ليييش؟؟؟
نياف:كيفي لا يعني لا
غزلان بدلع:نيافي تكفى بس اليوم
مسح على وجهه:غزول لا تقريني بدلعج لا خلاص
غزلان:ويع ويع تقهر
صكرت منه وراحت عند البنات:قلت لكم مابيرضى
هناي:هذا شفيه؟شنو فيها اذا نمتي عندي؟
سمر:اقولج يتدخل بكل شي
غزلان:بس عاد مو عشانه مو موجود تحشون فيه الا زوجي
سمر:مالت عليج وعليه
رغد:الله والزوج عاد
شيماء:بنات عيب خلاص
هناي:انا بعرف هذي
اشرت على شيماء:شلون صارت رفيجتكم يعني محترمه وماحش ولا تحب الغلط شلون صرتي رفيجتهم؟واهما عكسج
شيماء ضحكت:ماادري والله
بعد مرور ساعات الساعه 12 بليل جا نياف ودق على غزلان تطلع له سلمت على البنات ولبست عبايتها وطلعت له
بالسياره-
غزلان:كان خليتني انام معاهم شنو فيها اذا نمت معاهم؟
نياف:شنو قلت انا؟مو قلت لج لا؟ خلاص صكري الموضوع
غزلان تأففت:افففف
نياف مسك ايدها:يوعانه؟
غزلان:الصراحه اي ماكليت عدل
نياف:حجزت مطعم تبين نروح البيت تبدلين ونروح المطعم ولا سيدا المطعم؟
غزلان:كيفك وعادي حتى لو مانروح البيت ابدل اقدر اصكر عبايتي ومايبين شي
نياف:صكريها
صكرتها وشوي وصلو المطعم طلبو الي يبونه ووصل اكلهم كلو وخلصو ورجعو البيت بعد يوم متعب بدلو وقعدو يسولفون شوي ودشو نامو وليو نايم يمهم
بعد مرور عده اسابيع بدون اي حدث مهم ، كانت تتمكيج وشوي وخلصت مكياج بس خلصت قامت ولبست وتبخرت وتعطرت ونزلت تحت
حنين:هلا حبيبتي
جميله:هلا وغلا
غزلان:هلا فيكم
باست راسهم وقعدت:البنات والشباب وين؟
حنين:طلعو قعدناج بس مارضيتي
غزلان:حتى نياف؟
جميله:اي راح معاهم
غزلان قعدت معاهم شوي وقامت فوق شقتها قعدت بشقتها تطالع مسلسلها جا لها اتصال من شخص:حسبالج اذا دخلتي عيسى السجن بنخليج؟لا والله مابنخليج المهم بدون لا تتكلمين ولا تقولين اي شي بدز لج فيديو وابيج تشوفينه
شافت الفيديو وانصدمت كات عبدالعزيز مربوط بكرسي ووراه حراس ضخام وعبدالعزيز يحذرها منهم
نطقت بخوف ودمعت عيونها:شنو تبي مني بالضبط خل ابوي لا تسوي له شي
:اذا تبين ابوج ويرجع لج الحين بسلام بقولج الي ابيه وتسوينه بحرف الواحد اذا نقص شي واحد ماتلومين الا نفسج فاهمه؟
بجت:اي فاهمه شنو تبييي منني
