مسك ايدها وطلعو:شفيج بس شفتي القنفه ابتسمتي
غزلان:تذكرت لما دخلت عليك انت وياه لما تتفقون عشان اتزوجك
ابتسم:وطرتيني
غزلان:ماكنت ادري انك انت الي بتكون زوجي
نياف:واذا دريتي؟
غزلان:كان الحين عينك مو موجوده
ضحك بقوه:ماتقدرين
ابتسمت من ضحكته الي تحبها:الا اقدر
نياف:شلون؟
غزلان:اعرف
راحو السياره متوجهيين للبيت دخلو وصعدو شقتهم يبدلون وينزلون لهم راح قعد يم الشباب و غزلان راحت يم البنات
غيم:غزوله ابي بوسه
غزلان ضحكت:تعالي
غيم قربت منها وغزلان باستها نياف خزهم
تالا:عيون نياف راح تطلع من مكانها على خزته هذي
غزلان ضحكت:الله يعين بس
مسك تلفونه وكلمها
Message:
نياف:خير ليش تبوسينها؟
غزلان ابتسمت:عادي
نياف:لا مو عادي
غزلان:شنو فيها اذا بستها؟
نياف:الي فيها انه زوجج يغار
غزلان:نياف لو انها رجال ماسويت جذي
نياف عقد عواجبه:لا تخليني اقول اسحبج جدامهم احترمي نفسج
غزلان:ليش كبرت السالفه كلها بوسه
نياف:كيفي لا تبوسين احد مره ثانيه لو منو كان
ابتسمت:ابشر
طالعها لما ابتسمت رجع نظره لتلفونه:احب ابتسامتج وبوساتج يشيلون عني كل هموم الدنيا
حطت لايك مسج على كلامه وابتسمت طالعته لقته يطالعها ويبتسم صكرت تلفونها وحطت راسها على كتف غيم ضحكو البنات من شافوها تطالعه ويطالعها ويبتسمون لبعض
تالا:بنات ماتلاحظون غزوله صايره خفيفه من حملت؟
ضحكو البنات:حييل
غزلان:امبيه حرام عليكم ضلمتوني
عنود:ضلمناج؟ماتشوفين نفسج انتي والخفيف هذاك
عند نياف كان يطالعها ويبتسم همس له طلال:بس خلاص حلجك راح ينشق من كثر الابتسامات
نياف:اف طلال احبها
طلال:هذا وانت متزوجها ومعاك بنفس الغرفه جذي انا مو متزوجها ومو معانا بالبيت الله يعيني بس
نياف:تييب هناي حق غزلان؟حبيبي زوجتي محد يوصل لها
طلال طقه:حدك عاد الا هنوي
نياف ضحك بقوه وصوت ضحكته كانت عاليه:هنوي؟
فجر همست حق حور:اخ ضحكته
حور:ايي عجييبه
فجر:لازم نسوي شي عشان يحبنا
حور:سحر؟
فجر طالعتها بصدمه:مو لهدرجه!
حور:شنو فيها يعني الكل يسوي
فجر:بس احنا قريبين من ربنا الي مايخافون من ربهم اهما الي يسوون الله لا يبلانا بس
حور:كيفج
فجر:لا اشوفج مسويته والله ياحور ماتلومين الا نفسج
حور:مابسوي لا تخافين
فجر:عبالي بعد
قامو البنات برا يقعدون بقعدتهم غزلان انسدحت:اف تعب
شيخه:الله يسهل عليج حياتي
غزلان:امين يارب
طلع نياف برا يدخن شافها منسدحه على ريول عنود عقد حواجبه وراح لها:شفيج؟فيج شي؟
غزلان تعدلت بقعدتها وابتسمت:لا
راح وراحت وراه ابتسم من شافها فتح ايدها له راحت وحضنته بادلها وباس راسها
طالعته:جم مره اقولك لا تدخن؟
نياف:مااقدر بدونه
غزلان:مالي شغل تقدر ماتقدر اقطعه
نياف:بحاول
غزلان:انزين عطني بجرب
نياف بحده:شنو تجربين انقلعي بس
غزلان:نياف تكفى اشتهيته
نياف:روحي مع البنات احسن
غزلان:نياففف ابيييي!
نياف قط الزقاير ودعس عليها:لا انقلعي
غزلان:افففف ليشش؟
نياف سحبها من خصرها:روحي للبنات احسن لا اعصب عليج
غزلان:ماابي
نياف:خليج عيل واذا عصبت عليج لا تقولين ليش تعصب وتزعلين
غزلان:اي بزعل كيفي
بعدت عنه كانت تحاول تركب فوق سياره نياف شالها وركبها ابتسمت حط راسه بعنقها
جا طلال وخرته عنها من جا ونزلت عصب عليها لانها نطت:انا شنو قلت لج؟
غزلان:خلاص مااعيدها
راحت وطلال راح عند نياف:شفيك؟شوي شوي عليها
نياف:كله اقولها شوي شوي تعاند
طلال:والله زوجتك عنيده
نياف:حييل
نياف دخل داخل وطلال ركب سيارته بيروح الدوام دق تلفونه وكانت هناي رد عليها:هلا ابوي هلا امييي هلا بهل صووت
هناي ابتسمت:طلالي وينك؟
طلال ابتسم:طلالي؟قلبي قام يعورني شوي شوي
هناي ضحك:بسم الله على قلبك
طلال:وعليج
هناي:اي وينك؟
طلال:توني طالع من البيت رايح للدوام ليش فيج شي؟
هناي:لا مافيني شي بس جذي اسأل
طلال:لا صج فيج شي؟
هناي:لا
طلال:وينج؟
هناي:بالمستشفى
طلال:هااا شنوو شفيييج؟
هناي:هد مافيني شي امي تعبت وجبتها بس
طلال:اي مستشفى؟
هناي:الي اداوم فيها
طلال:تمام باي
هناي:طلال لا تجيي مافيها شي
طلال:هنوي باي
صكر منها وراح مسرع للمستشفى خذا ورد وكتب كرت وراح سأل عن مكانها وراح طق الباب فتحت له هناي الباب ابتسمت وحضنها باسها براسها وهمس:اشتقت لج
همست:اكثر حبيبي
ام هناي:هناي حبيبتي منو جا؟
هناي:طلال
طالعت طلال:حياك
دخل وصكرت الباب حط الورد على الطاوله وباس راس ام هناي وقعد:شلونج خالتي عساج بخير؟
ام هناي ابتسمت:بخير الحمدالله انت شلوونك شلون الوالده والوالد
طلال:بخير دامج بخير
هناي طالعت طلال:طلال عدك دوام خلاص روح لا تتأخر
طلال:عادي
ام هناي:لا مايصير ياولدي روح لدوامك مافينا شي وهناي يمي ماتقصر
طالعت هناي:يما هناي وصلي زوجج للباب
هناي طالعت طلال:يلا
قام طلال وباس راس ام هناي:اذا تبين شي كلميني مو تستحين
ام هناي ابتسمت:ماتقصر
طلع وباس هناي وحضنها:هنوي حبيبتي اذا تبون شي كلميني اوكي؟
هناي ابتسمت:ابشر من عيوني
طلال:تبشرين بالجنه حبيبتي
هناي:اي يلا روح لا تتأخر
طلال:انزين بوسه حضن شي مني مناك مافي؟
هناي قربت منه وباسته بخده:يلا روح
غمض عيونه:اخ عشقييي
هناي ضحكت:يلا يلا دوامك
ضحك وراح متوجهه لدوامه
عند نياف-
صعد فوق شقته بعد ماقعد يم الشباب والبنات كل وحده صعدت غرفتها لقى غزلان بيدها ايبادها تقرا روايه ولابسه شورت وبلوزه حفر من فوق ونص بطنها مبينه وليو بحضنها راح وشال ليو وانسدح بحضنها صكرت الايباد وقعدت تلعب بشعره وليو قعد يمهم كان مغمض عيونه ويشم ريحتها الي يحبها
ابتسمت:شفيك؟
نياف:تعببان مو ناييم عدل
غزلان:نام
نياف:خليني جذي شوي
ابتسمت وباست راسه وعدت تلعب بشعره واهوا مغمض عيونه وماسك ايدها
