بعد اسبوعين تقريبا خذو اخوان عيسى ودخلوهم السجن وغزلان ونياف رجعو حق بعض ،كانت نايمه واهوا مو موجود كان تحر مع اهله شوي وصعد لقاها نايمه تأفف:وبعدين كل هذا نوم؟
قعد بطرف السرير ووخر شعرها عن وجهها وباسها:غزول يلا عاد قومي بس خلاص قبل شوي قلت لج تجهزي بنطلع قلتي اوكي شصار الحين للحينج نايمه!
غزلان فتحت عيونها وطالعته ببتسامه شاف ابتسامتها وباسها:صح النوم حبيبه قلبي
غزلان:صح بدنك
نياف:يلا قومي
غزلان:كم الساعه؟
نياف شاف ساعته:8:35
غزلان:ليش ماقعدتني؟
نياف عقد حواجبه:وانا صار لي كم ساعه اقعدج وكل شوي تقولين لي شوي واخليج احمدي ربج ماكبيت عليج ماي خليني ساكت بس
غزلان:ويع نفسيه شفيك من صباح الله
نياف:من صباح الله؟الناس بتنام وانتي تقولين من صباح الله
قامت وباسته بخده:كيفي
غمض عيونه:اي والله كيفج
دخلت الحمام "اكرمكم الله" خذت لها شور وطلعت لقت نياف منسدح على السرير طالعها وسرح فيها كان شعرها على وجهها وبيدها فوطه تنشف فيها شعرها وشكلها كان يجذب الواحد
غزلان:نياف وين رحت اكلمك
نياف:قولي
غزلان:ابي ردبول
نياف بتفكير:اممممم روحي بدلي وبعدين افكر
غزلان تأففت:افف نيااف يعني ماادري شنو بيصير اذا رحت شريت لي
نياف جا بيدخل غرفه الملابس وراهها بس صكرته وقفلت الباب بسرعه ضحك من حركتها وقعد ينطرها شوي وطلعت وهي كاشخه ولابسه عبايه وواضح بتطلع:وين؟
غزلان:البنات توا كلموني يقولون بنروح قهوه وبروح وياهم
نياف:استأذنتي؟
غزلان:لا
نياف:عيل ماتروحين
غزلان حطت جنطتها على القنفه وقعدت يمه:نيافي تكفى مابطول عشره ارجع يلا عشششانننني
نياف:مااستأذنتي وانا قايل لج اي.مكان تروحين له تقولين لي وتستأذنين مو تلبسين سيدا!
غزلان:نسيت يعني الواحد ماينسى؟
نياف:تروحين بس بشرط
غزلان:شنو؟
نياف قرب منه فهمته وقربت منه اكثر وقبلها وبادلته بعد عنها وابتسم:الساعه عشره بالبيت اذا صارت عشره ودقيقه وانتي مو موجوده بتهاوش معاج
ابتسمت:اوكي
قبل لا تطلع باسته وانحاشت
بعد مده وصلت عند البنات سلمت عليهم وقعدت
عنود:كان جيتي معانا؟
غزلان:كنت احاول بنياف زين رضى ايي
غيم:الحمدالله ماجينا نستأذن منه كان ماخلانا زين قلنا حق سعود
جيان:حبيبتي زوجته مايرضى يغار عليها احنا عادي مايهم
غزلان:شدعوه جيان نياف مو جذي
جيان:الا جذي
غزلان:لا والله مو جذي
غدير:الحين يتهاوشون جدام الناس
غزلان ضحكت:شدعوه
ليلى:نسبه حماسكم والفاينل بعد اربع ايام؟
جيان:ويع ويع
غزلان:الله لا ييبه مانبيه
حور:شدعوه وناسه احب الاختبارات
غزلان:داومي بدالي
حور:لو يصير تم والله عادي
ليلى:امبيه شلون تحبين الاختبارات؟
حور:والله ماادري بس احبهم
غيم:صكرو السالفه نفتك من تحلطمكم من الصبح تييون تتحلطون هني بعد
عند نياف-
دق على طلال يجي له يلعب معاه ڤيڤا دخل وقعد يمه
طلال:زوجتك هني؟
نياف:لا راحت
طلال:اي صح حتى خواتي وخواتك راحو
نياف طالعه:خواتي كلهم؟
طلال:اي
نياف مد له اليد ومسك تلفونه يدق على غدير:وينكم؟
غدير:بالقهوه ليش؟
نياف:استأذنتو؟
غدير:اي قلنا لـ سعود قال روحو
نياف:تمام دربالكم
غدير:فيك شي؟
نياف:لا بس دربالكم
صكر منها وطالعه طلال:ليش تقولها دربالكم؟
نياف:احتمال كبير انه عيسى واخوانه عندهم احد يشتغل معاهم فا يحاولو يوصلون لنا بأي طريقه فا عشان جذي خايف عليهم
طلال:ماعليك مافيهم الا العافيه
نياف:يلا نلعب؟
طلال:يلا ادخل
دخلو ونطق نياف وهو يختار الفريق:بفوز يعني بفوز وتشوف
طلال:نشوف
عند البنات-
دقو على هناي تيي لهم
عنود:تسهرون بعد شوي؟
البنات:اي
عنود:بس تم ونخلي هناي بعد تسهر ويانا تبون مع الشباب ولا؟
غزلان:نقعد بروحنا بعدين نناديهم احسن
ديم:اي احسن بوايد
شوي وجت هناي سلمو عليها وقعدو يسولفون معاها
غزلان:هنوو شرايج تنامين عندنا
هناي:مااتوقع راح اقدر انام اذا اسهر اوكي عادي
ديم:كيفج ونخلي طلال ولا واحد من الشباب يوديج
هناي:شدعوه اقدر ارجع بروحي
عنود:نخاف عليج
هناي ابتسمت:حياتي انتو
بعد مرور ساعات طويله قعدو البنات مع بعض ونادو الشباب جو كلهم وقعدو وكانو يلعبون لعبه الاسأله
عنود:تبون اسأله لنا كلنا ولا كل واحد بروح؟
الشباب والبنات:كل واحد بروح
عنود:يلا نياف اسحب
نياف خذا الكرت وابتسم:شنو راح تسوي اول ياهل لك
طالع غزلان ونطق:اذا جا نفكر شنو نسمي
عنود طالعته:مالي دخل اذا بنت اسمها عنود لا تحاول
نياف:تخيلي بس اسم بنتي عنود وييع
غزلان:ليش وشفيه اسم عنود؟
نياف:اذا على عنود لا مانسمي
حازم:وطبعا طبعا اذا ولد تسمونه حازم
فارس:خير؟ شتبي يسمونه فارس واذا بنت هم فارس
غيم:بس اسكتو اهوا خل يجي بالأول
ديم طالعه فارس:لحظه شلون بنت واسمها فارس؟
فارس:كيفي
ديم:لا مو كيفك
سيف:اسكتو بس بنكمل
فارس سحب ورقه:شنو اكثر شي تضيع وقتك فيه؟ العب فورت
ديم:جووووي بعد شوي نلعب
فارس:تممم
سيف:اسكتو يلا دوري
سحب ورقه:راح تربي عيالك نفس تربيه اهلك؟
نطق بتفكير:الصراحه لا بعلمهم الرقص وبخليهم يسوون كل شي
غدير:الله يعين الي بتاخذك
غزلان سحبت ورقه:تقدر تعيش مع نسخه ثانيه منك؟
كلهم:لاا
غزلان ضحكت:امبيه شفيكم
غيم:احنا وحده و مو قادرين عليها
غزلان هفتها جب يلا
كملو يلعبون وملو من الاسأله قالو يبون لعبه ثانيه
هناي:في عندي لعبه اسمها تسمعني نجيب سماعه ونحطها بأذن شخص ونحط اي شي عشان مايسمعنا وشخص ثاني يكون جدامه يقوله كلمات ولازم يجيبها
عنود:حلووووه حييل
هناي:اييي يلا نتقسم؟كل اثنين مع بعض
جا طلال وقعد يم هناي لانه المكان الوحيد الي فاضي:شنو تلعبون
شرحو له اللعبه وتقسمو كل واحد مع الي يمه ونياف قال لغزلان تقعد يمه عشان يصيرون مع بعض
عنود:نبدا انا وغدير؟
الكل:اي يلا
حطت غدير السماعه بأذنها وشغلو اغنيه عنود:بريطانيا
غدير:بطانيه؟
عنود ضحكت:لا بريطانيا
غدير:بريطانيا
عنود مدت ايدها تطق ايد غدير:كفو والله
غدير:كفووج
سيف:يلا دورنا
فارس:يلا حط السماعه
حط السماعه ونطق فارس:سرير
سيف:شنو؟
فارس:سرير
سيف حط ايده على راسه:خرا عليك عيب
ضحكو كلهم وفارس شال السماعه:ياحمار سرير انت شنو فهمت العن ابو نيتك الزباله
سيف:انت تقول
حط ايده فارس يسكته:اسكت لا تجيب العيد
طلال:يلا دورنا انا وهناي
حطت هناي السماعه على اذنها وطالعته
طلال:احبج
همس فارس حق سيف:شكله هذي الي لما صدته يكلم
سيف:اشك والله
البنات كانو كلهم مبتسمين ناطرينها تجيبها
هناي:طلال قول مره ثانيه
طلال ابتسم:ا ح ب ج
هناي:احبج؟
طلال طق ايدها:كفو والله
هناي شالت السماعه تستوعب بعدها همست:الي سمعته صج؟
طلال:اي احبج
هناي:امبيه مو جدامهم!
طلال:كيفي ابيهم يعرفون اني احبج
كملو يلعبون وشوي وقامو داخل والبنات حاولو بهناي تنام عندهم ونامت
عند ديم وفارس-
فارس:جيبي البي شي مالتج ونقعد يم بعض نلعب
ديم:لا احس كل واحد بغرفته احسن
فارس:يلا روحي والحين ادزلج دعوه وندخل قيم
