نود:اي انطريني خليني اخذ القهوه
خذت القهوه وراحت معاها دخلت وسلمت وقعدت يم البنات:احس اشتتقت لكم
البنات:اكثرر
تالا:تقعدون هني صح؟
غزلان رفعت اكتافها:ماادري بس اتوقع اي
رغد حطت راسها على كتف غزلان:ليه طولتو؟
غزلان:اا لا بس تهاوش نياف مع واحد
طالعوها البنات بصدمه:هااا شلوون وليه؟؟؟
قالت لهم كل شي
سمر ضحكت:الرجل الغيور
تالا:يوووه عاد صج غيور دربالج
غزلان:والله صدمني لما تهاوشو ولا هذاك الزفت يقولي ابي سنابج انقلع بس قال شنو قال يبي سنابي نياف زوجي وماعنده سنابي هذا يبيه
جيان:وينه؟
غزلان:بالدوانيه قال بعد اشوي بيجون كلهم
بعد مده قالو للبنات يلبسون لانه الشباب بيجون
غزلان:شيووم جيبي عبايتي معاج
تالا:ليه تلبسين عبايه؟
غزلان:عشان اخوج الغيور
ضحكت وجابت لها شيماء عبايتها لبستها ودخلو الشباب شافها قاعده يم البنات وهو كان يبي يقعد يمها تأفف وقعد يم امه
جميله بهمس:شلونكم
نياف:بخير الحمدالله
جميله:الحمدالله
تالا:نياف بتقعدون عندنا صح؟
نياف:اي
تالا:جوووي
التفتت لـ غزلان:اسحبي عليه ونامي عندي
نياف خزها:اقول جب
تالا:ابشر
سيف:شرايكم نرقص
فارس:اقول اقعد ماتعبت من رقص امس؟
حازم:والله ودي بس فشله جدامهم
نياف:اقول اهجد انت
لمار:تبون نطلع؟
عنود:اي تكون دام توا الساعه 6
سمر:منو يودينا؟
غزلان:نكلم الشباب
تالا:غزلان كلمي نياف
غزلان:انطرو شوي بروح فوق ببدل
تالا:امشي اوديج شقتكم
غزلان:يلا
شافهم صعدو فوق صعد وراهم
دخلو الشقه وبدت تشوفها:خياال حدها
تالا:ايي عاد ذوق نياف
غزلان:حلووو
تالا:كلمتيه عشان نروح؟
غزلان:لـ قاطعها:وين رايحين؟
اخترعو والتفتو له:يمااا
ضحكت نياف:وين رايحين؟
تالا:بنطلع
غزلان:تودينا؟
نياف انسدح على القنفه:لا مو نايم عدل
تالا طلعت:تفاهمي معاه بروح اكلم حازم
طلعت وغزلان قعدت يمه على القنفه:ياخي ودنا ابي اطلع
نياف تعدل بقعدته:بشرط موافقه؟
غزلان تكتفت:شنو الشرط؟
نياف:تنامين بحضني بعد اشوي
غزلان طالعته بصدمه:لا
نياف رجع انسدح:كيفج اجل مابتطلعين
غزلان تأففت:مافي غير هالشرط؟
نياف:لا
غزلان:خلاص تمام بس مو عشانك
نياف ابتسم بأنتصار:قومي بدلي
قامت تبدل وبعد ماخلصت نزلت للبنات وقالت لهم ومن الاساس البنات كانو مبدلين لانه دزت لهم بدو يتغسمون بالسيارات
نياف:انا باخذ زوجتي بروحنا
غزلان همست له:خير ابي البنات
حازم:ماتكفي السيارات اخذ البنات وانت ساكت
خذا معاه تالا ورغد و شيماء و سمر
بالسياره-
سمر:غزوله حطي شي
غزلان:شنو تبون؟عبدالمجيد ولا مجود و راشد؟
تالا:عبدالمجييد
غزلان:بس تم
حطت "تاخذني لك كل الدروب"قعدو يغنون
:
تاخذني لك كل الدروب
من قال انا عنك بتوب
لو نار حبك تشتعل
تبغى على راسه علم
-
بعد مده وصلو ونزلو
عهود:شوفو اقعدو انتو بكوفي احنا بنروح نتمشى ونشتري ونجي
حازم:دربالكم
راحو يقعدون بكوفي والبنات راحو يتمشون ويدخلون محلات يشترون
كتب نياف حق غزلان:دربالج مو يجي واحد نفس قبل اشوي
كتبت له:ماعليك
نياف:احبج
شافته وماردت عليه صكرت تلفونها
ودخلو محل ملابس
بعد مرور ساعتين
عنود:بنات ابي حلا احس اشتهيت مع قهوه
تالا:الحين نروح عند الشباب
دق نياف على غزلان:هلا نياف؟
نياف:وينكم؟
غزلان:جايين لكم
نياف:يلا عشان بنروح
غزلان:نبي نتقهوى اول بعدها نروح
نياف:تمام
صكر منها وتوجههو البنات للشباب
نياف:تعالي يمي
البنات قعدو ومافي مكان غير يم نياف قعدت يمه وطلبو لهم وقعدو يسولفون
فارس:غزوول متى تجين بيتنا؟
غزلان:والله ماادري بس بجي على يوم جذي
فارس:بس تم نامي عدل لانه ماراح اخليج تنامين بنواصل
غزلان:تمام
نياف:خير زوجتي شتبي انت
فارس:زوجتك درينا بس في وقت تجي حق اهلها واخوانها
نياف:يصير خير
دق تلفون غزلان قامت ترد:هلا يروحي
جوري:غزووول ابي اشوفج على يوم
غزلان:خلاص تمام حددي يوم ووين وابشري
جوري:تمام وجيبي البنات معاج
غزلان:بس تم
صكرت منها والتفتت لنياف الي كان وراها:بسم الله شتبي
نياف:شفت واحد جا وراج وجيت
غزلان:تمام قاعدين يطالعونا امش
نياف مسك ايدها:ابي اروح وياج بروحنا
غزلان:وين؟
نياف:هني نتمشى وجذي
غزلان:تمام
قالو لهم انه بيروحون شوي ويجون قعدو يتمشون ويتهاوشون
غزلان:نياف ترا زودتها عاد قلت انت بس انام بحضنك خلاص
نياف:شنو فيها ترا زوجج انا!
غزلان:بس خلاص
نياف:ترا من الاحد بنبدا دوام
غزلان:ويع ويع
نياف:تعالي ندخل Carter
دخلو وعجبتها سواره شافها ونطق:حلوه؟
غزلان:اي
نياف:لو سمحت
الموظف:تفضل
نياف:ابي هذي وهذي
الموظف:تمام
بدا يحطهم ويعدلهم
نياف:ابي كرت
الموظف:تفضل
خذا الكرت وكتب:
"انت بس قول ابغى وانا اقول حاضر🤍"
حطه داخل الكيس وعطها وباس راسها:بالعافيه حبيبه قلبي
ابتسمت:يعافيك
خذته منه والتفتت له:اقعد بصورك وحط الكيس جدامك
سووا الي تبيه وصورته وحطته ستوري وطلعو يتمشون شوي دق حازم:ولد ماشبعت منها ترا بتنام عندك يعني اخلص بنروح البيت بكرا ورانا دوامات اذا انت ماعندك احنا عندنا اخلص
نياف:كليتني جايين روحو برا واحنا جايين بس نحاسب
حازم:والله اذا طولت بتـ قاطعه وهو يصكر بوجهه التفت حق غزلان الي كانت تدور مقاسه عشان يطقمون:لقيتي؟
غزلان:اي يلا
حاسب وطلعو متوجهيين للسيارات
بعد مده وصلو البيت
فارس باس راس غزلان:انا بروح دربالج على نفسك ولا تنسين تكلميني
غزلان باسته بخده:ابشر
ابتسم وراح سيارته
وسيف ولمار راحو بيتهم وخلود وكلهم راحو مابقى الا اهلهم كل واحد راح غرفته ينام
الا جيان وتالا الي بالمطبخ يسوون قهوه v60
تالا:عطيني المق حقج وحق نياف
عطتها ونياف دخل ووقف ورا غزلان شاف تالا مشغوله بالقهوه باس غزلان طالعته بصدمه وهمست:وجععع
نياف:ماقدرت والله
تالا التفتت لهم:تفضل تفضلي
غزلان:امشي يلا
نياف:وين؟
غزلان:الحديقه بنقعد بتجي؟
نياف خذا قهوته:لا بروح فوق عندي كم شي بسويه على ماتجين وننام لا تتأخرين انطرج
طلع وتالا طالعت غزلان:امشي ابيج تسولفين لي
