"မင်းက ဘယ်က ဘယ်လို?"
"ငါက ဟိုဖက်ခြံမှာနေတာလေ ဖွားနဲ့လိုက်လာတာ"
"ဪ!! ငါ ညနေကပြောတဲ့ ကောရဲ့ ညီဝမ်းကွဲဆိုတာက ခုမွေးနေ့ရှင်လေ"
"ဪ"
"ချန်ချန်!..ရှောင်းကျန့်ပါ ရောက်နေတာလား?"
ကျန်းချန်နဲ့နှစ်ယောက်သားတွတ်ထိုးနေတုန်း ဟိုက်ခွမ်းကောကပါ အနားရောက်လာတယ်။
"ကော! တိုင်ဆိုင်တာများနော် ရှောင်းကျန့်ကလဲ ဟိုဖက်ခြံမှာနေတာတဲ့လေ"
ဟိုက်ခွမ်းကောအမေးကို မဖြေရသေးခင် ကျန်းချန်က စကားဖြတ်ပြောလိုက်၍ ရှောင်းကျန့်က အလိုက်တသိနှုတ်ပိတ်နေလိုက်သည်။
"ဟုတ်လား? အတော်ပဲ ကော မိတ်ဆက်ပေးရဦးမယ် တိတိ လာလေ!"
ဟိုက်ခွမ်းက ဒီဖက်ကိုလဲပြောရင်း နောက်ကိုပါလှည့်လို့ ခေါ်လိုက်ကာ..
"ဒါကောညီ ဝမ်ရိပေါ်တဲ့ ဒီညရဲ့ မွေးနေ့ရှင်လေးပေါ့"
suit နဲ့ လူကြီးယောင်ဆောင်ထားတဲ့ ကောင်လေးက ခုတော့လဲ တမျိုးလေးကို ခန့်သန့်နေတာရယ်။
"တိတိ ရှောင်းကျန့်ကိုသိလား? သူလဲဟိုဖက်ခြံမှာနေတာတဲ့ ရှောင်းကျန့်က ကောတို့ကျောင်းတုန်းက ဂျူနီယာလေ ခုလဲ ကောတို့ဆေးရုံမှာပဲ အလုပ်ဝင်နေတာ"
"အင်း..သိတယ်ဆိုပါတော့"
နှုတ်ခမ်းကိုတခြမ်းရွဲ့လို့ ခပ်မဲ့မဲ့ပြုံးကာ ထီမထင်မျက်နှာဘေးနဲ့ ပြန်ဖြေလိုက်တဲ့အသံက ခနဲ့တဲ့တဲ့။
"ရှောင်းကျန့်ရော ရိပေါ်ကိုသိလား?"
"သူက ဒီဝန်းထဲက နာမည်ကျော်ပဲ စီနီယာရယ် မသိရှိပါ့မလား?"
ဟိုက်ခွမ်းကောကတော့ အကြည့်ချင်းစစ်တိုက်နေတဲ့သူနှစ်ယောက်ကို မရိပ်မိပဲ ကောင်းကောင်းကိုမိတ်ဆက်ပေးနေတယ်။
"ဟက်!"
ကိုယ့်အဖြေကို ဟက်ခနဲ့တချက်ရယ်ကာ...
"ကောတို့ အေးဆေးနေလေနော် ကျွန်တော် ဖိုးဖိုးနားသွားလိုက်ဦးမယ်"
"အေး အေး"
သူ့အစ်ကိုကို ပြောရင်းနဲ့ ကိုယ်တွေကိုပါ အသိမှတ်ပြုသလို ခေါင်းတချက်ဆတ်ပြရင်း လှည့်ထွက်သွားတဲ့ ကျောပြင်ကို ရှောင်းကျန့် အကြောင်းမဲ့ လိုက်ငေးနေလိုက်မိတယ်။
____________
YOU ARE READING
ကိုကိုရေ ရူးပြီ (Complete)
Fanfictionကိုကိုရေ အချစ်ဆိုတာဟာ ဒီလိုလား။ဒီလိုဆို ချစ်မယ် ချစ်တယ် ကိုကို့ကိုပဲ။
