අසීමාන්තික | | "UNCONDITIONALLY"

තිස් හතර වන දිගහැරුම

මීඩියා භීසනේ යාන්තං තාවකාලික ව අහවර උණා විතරයි දැන් ඉතින් වාර විභාග භීසනේ. අද සඳුදා ජපන්. බදාදා මීඩියා, එතකොට මට Literature සිකුරාදට. හයාන්ට පොලිටිකලුත් වැටිලා තිබ්බේ එදාටමයි. ඒ නිසා කොහොමහරි වාර විභාගේ දවස් තුනෙත් අපිට මීට් වෙන්න පුළුවන් උණා.

මම නම් රෑ එක දෙක වෙනකම් කොහොමහරි කරලා පාඩනුත් කරා. මොකද පාඩම් ගොඩගැහුණම එන ස්ට්‍රෙස් එකට වඩා සැපයි නිදි කිර කිර හරි වැඩ ටික ගොඩ දාගන්න එක. නැත්තං කරන කලට පව් මිහිරිය මී සේ විඳින කලට දුක් දැඩි වේ ගිනි සේ කිව්වා වගේ මගඅරින වෙලාවේ සැපට පෙනුනට ඒත් හැම තප්පරේම අනේ අරක කොරේ නෑනේද මේක කොරේ නෑ නේද කිය කිය ඔලුවට මතක් වෙන එක මහා මානසික වදයක්. අන්තිමට බුරජ් කලීෆා එක වගේ වැඩත් තට්ටු ගණන් ගොඩගැහුණම තමයි පෂ්ශ රත් වෙන්නේ. ඒත් එතකොට පෙරහැර ගිහින් ඉවරයි වගේම තියන ස්ට්‍රෙස් එකත් අමුතු බරක් මනසට ඇඩ් කරන නිසා තවත් අමාරුයි පාඩම් කරන්න. මොකෝ ඕවා තට්ටු ටික එකට අලෝලා කන්ඩයැ ක්‍රීම් ක්රැකර් වගේ.

ලොකු ළූණු වැවිලිකරුවන්ගේ ගැන්සියෙන් පට්ටම මීටරේ මිහිරාව්. ඌ ඉතින් කොහොමත් පොතේ නාහේ ගහගත්තු ගමන්මනේ ඉන්නේ. කන්නේ බොන්නේ රෙන්නේ ඔක්කොම කරන්නේ පොතක් අතින් අරන්. එතකොට ඉතින් හොඳ ලකුණකට නොගියොත් දීප්ති අන්කල් මේකව ඇලේ දාලා හෝදලා ගලේ ගහලා අතුල්ලලා ගනී.

ඉවානුයි මමයි දෙන්නම ටිකක් විතර එක වගේ. ඉවාන් ඔය පැණි බඹරේ පැණි බඹරේ කිය කිය හිටියට එසේ මෙසේ පොරක් නෙවෙයි. ජනාධිපති සම්මානලාභී බාලදක්ෂයෙක්. 2023, ඒ කියන්නේ ගිය අවුරුද්දේ කොරියාවේ තිබ්බ ලෝක බාලදක්ෂ ජම්බෝරියට ලංකාව නියෝජනය කරලා සහභාගී වුණු බාලදක්ෂයින්ගෙන් එක්කෙනෙක්. ඌ නම් මිහිරාව් තරං පාඩම් නොකරත් කොහොමහරි වැඩේ කරගන්නවා. ඒකටත් එක්ක රවිඳුව. ඌ නං විභාගෙට කලින් දවසෙත් රග්බි ප්‍රැක්ටිස් ගිහින් රෑ අටට විතර ගෙදර ඇවිල්ලා තමයි පාඩම් කරලා තියෙන්නේ ද? නෑ. ඒ ඇවිල්ලා තමයි මේ යකා පොත හොයලා තියෙන්නේ. අද උදේම ඔය දෙන්නා ආවේ හොඳ අඩව්වක් අල්ලලා. රවිඳුව උත්තර අහන්නං කියනවා, ඉවානයා දහ අතේ ඉන්න දෙවිවරුන්ගේ නං කිය කිය දිවුරනවා උත්තර නං කියන්නේම නෑ කියලා.