គូដណ្ដឹងខ្ញុំជាព្រាននារី (ចប់)

29

Beomgyu សម្លឹងឃេីញសោរឡានដែលថ្ពក់នឹងខោបុរសមាឌមាំ។ ទីបំផុតគេអាចរកវិធីចេញពីទីនេះបានហេីយ។

"ឆាប់ឲ្យសោរឡានមកយេីង!!" Beomgyu គម្រាមនិងយកកាំភ្លេីងភ្ជុងក្បាលកូនចៅរបស់ Maria។

បុរសនោះលេីកដៃឡេីង បន្ទាប់មកគេយល់ព្រមប្រគល់សោរឡានឲ្យ Beomgyu ដោយមិនរារែកសូម្បីបន្តិច។

នៅពេលដែលបានសោរឡាន Beomgyu រហ័សចេញក្រៅដោយមិនភ្លេចគម្រាមបុរសនោះកុំឲ្យមកតាម។

កាត់មកដល់ Yeonjun វិញ គេព្យាយាមចរចាជាមួយ Maria ប៉ុន្តែមិនបានផល ព្រោះនាងប្រកាន់យកការសងសឹកជារឿងចម្បង។

ភ្លាមនោះទូរស័ព្ទរបស់ Maria ស្រាប់តែបន្លឺឡេីង។ បន្ទាប់មកនាងចាប់ផ្តើមប្ដូរផែនការភ្លាមៗ ក្រោយទទួលបានដំណឹងពីកូនចៅរបស់ខ្លួនថា Beomgyu រួចខ្លួនពីកន្លែងឃុំ។

នាងដកកាំភ្លេីងពីចង្កេះខោ រួចភ្ជុងទៅកាន់ Yeonjun យ៉ាងលឿនព្រមទាំងកេះកៃកាំភ្លេីង។

ផាំង!!

[Skip]

Yeonnam ចម្អិនម្ហូបដែល Anna ចូលចិត្ត។ គេរៀបចំវាដាក់ប្រអប់យ៉ាងរៀបរយ ប៉ុន្តែភ្លាមនោះសម្លេងចេញពីទូរស័ព្ទរបស់គេស្រាប់តែបន្លឺឡេីង ហើយលេខដែលខលមក គឺមកពីខាងមន្ទីរពេទ្យ។

Yeonnam ប្រញាប់លេីកទូរស័ព្ទ។ វិនាទីបន្ទាប់ទូរស័ព្ទដែលកំពុងកាន់ស្រាប់តែធ្លាក់ខ្ពាកទៅលេីដី។ ដៃរបស់គេប្រែជាញ័រទទ្រេីក កែវភ្នែកប្រែជាក្រហម និងដក់នូវតំណក់ទឹកថ្លាៗដែលរៀបនឹងស្រក់ចុះមក។

Anna ស្លាប់ហើយ! មុននេះខាងមន្ទីរពេទ្យខលមកផ្ដល់ដំណឹងថានាងហក់ពីលេីអគារសម្លាប់ខ្លួន។

Yeonnam លុតជង្គង់ចុះ។ គេវៀសទឹកភ្នែកដែលកំពុងស្រក់នៅលេីថ្ពាល់។ ចិត្តគំនិតរបស់គេប្រែជាទទេស្អាត គេមិននឹកស្មានថា Anna សងសឹកគេដោយវិធីនេះទាល់តែសោះ។

ពេលនេះគេមិនសល់អ្វីទៀតឡេីយ សូម្បីឱកាសចុងក្រោយដេីម្បីកែខ្លួន។ តេីគេរស់នៅបន្តទៀតដេីម្បីអ្វីទៅ?

គេមានវិប្បដិសារី បេីគេមិនលោភលន់ និងមិនធ្វើអំពេីអាក្រក់តាំងពីដំបូង គ្រប់យ៉ាងនឹងមិនក្លាយជាបែបនេះ ហើយ Anna ក៏មិនត្រូវបាត់បង់ជីវិតដែរ។

សរុបមក គេជាឃាតករសម្លាប់កូនខ្លួនឯង ហើយជាមូលហេតុដែលធ្វើឲ្យប្រពន្ធរបស់គេត្រូវស្លាប់។

Yeonnam ដាល់ឥដ្ឋជាច្រេីនដៃរហូតហូរឈាមដូចទឹកដែលបាក់ទំនប់។ ខួរក្បាលរបស់គេប្រែជាស្ពឹក ធ្វើឲ្យគេលែងដឹងនូវការឈឺចាប់នៃមុខរបួសដែលខ្លួនបានបង្ក។

នេះជាការដាក់ទោសនៃការប្រព្រឹត្តទង្វើបាបរបស់គេ។