ပိုင်ရှင်အမှန်ထံ ပြန်ပေးအပ်ခြင်း
Unicode
ညနေသုံးနာရီကျော်ကျော်လောက်တွင်ဖြစ်သည်။ စန်းကျစ်ယွမ် ကားအား စန်အန်းရုံးအဆောက်အဦး မြေအောက်ကားပါကင်အတွင်းသို့ မောင်းဝင်လာလေသည်။
ဓာတ်လှေကားထဲမဝင်ခင် ဖုန်းကိုထုတ်လိုက်ပြီး အတွင်းရေးမှူးထံ မက်ဆေ့ချ်ပို့လိုက်ကာ ပြန်စာကို စစ်ဆေးမနေတော့ဘဲ အိတ်ထောင်တွင်း ထိုးထည့်လိုက်လေသည်။
ငါးမိနစ်လောက်နေတော့ စန်းကျစ်စန်း၏ရုံးခန်းဝကို ရောက်လာသည်။ အထွေထွေအတွင်းရေးမှူးမလေးသည် ကွန်ပျူတာစခရင်တွင် အာရုံရောက်နေပြီး စားပွဲစောင်းပေါ် လက်ချောင်းနှင့်ခေါက်သံ ကြားလေတော့မှ မော့ကြည့်လာသည်။ မတ်တပ်ထရပ်လိုက်မိပြီး အံ့အားသင့်စွာ ရေရွတ်လာလေသည်က : "Mr.ရှောင်စန်း"
"သူ အထဲမှာရှိလား ပြောစရာကိစ္စလေးရှိလို့ တွေ့ဖို့လိုတယ်" : စန်းကျစ်ယွမ် တန်းပြီးပြောလိုက်သည်။
"ခဏလေးစောင့်ပေးပါနော်" : အထွေထွေအတွင်းရေးမှူးက ရုံးတွင်းလိုင်းမှတစ်ဆင့် ခေါ်လိုက်ပြီး တစ်ဖက်မှ စန်းကျစ်စန်းအား ပြောလိုက်လေသည်။ ဖုန်းချပြီးနောက် စန်းကျစ်ယွမ်အတွက် ရုံးခန်းတံခါးကို ဖွင့်ပေးလိုက်လေ၏။
စန်းကျစ်ယွမ်ဝင်လာသည်နှင့် စန်းကျစ်စန်း အကြည့်တို့က မသိမသာနှင့် စစ်ဆေးကြည့်ရှုလာလေသည်။
စန်းကျစ်ယွမ်မှာ ထသွားထလာကုတ်အင်္ကျီပေါ် လေကာအပေါ်ဝတ်တစ်ထည်ထပ်၍ ပေါ့ပါ့ပါးပါးဝတ်စားထားလေသည်။ ဝိတ်အနည်းငယ်ကျသွားပုံရသော်လည်း တက်တက်ကြွကြွရှိပုံတော့ ရလေသည်။
"ထိုင်လေ" : စန်းကျစ်စန်းလက်ဟန်ပြလိုက်လေသည်။
"ဒီနေ့ ခွင့်ရက်ပယ်ဖျက်ဖို့ ရောက်လာတာလား"
"မဟုတ်ဘူး" : စန်းကျစ်ယွမ် ဆိုဖာခုံပေါ် ပျင်းရိစွာ မှီတွယ်လိုက်လေသည် : "အလုပ်ထွက်ဖို့ ရောက်လာတာ"
"အလုပ်ထွက်မယ်?" : စန်းကျစ်စန်း မျက်ခုံးတန်းတို့ မြင့်တက်သွားလေ၏။
"အင်း" : စန်းကျစ်ယွမ် အတည်ပြုပေးလိုက်လေသည် : "အလုပ်ထွက်မလို့"
YOU ARE READING
သက်ဆင်းတူနှစ်ကိုယ်【ဘာသာပြန်】
Romance"ကိုယ်တို့ရဲ့ အလောင်းအစားက အကျုံးဝင်သေးရဲ့လား" . . "ဆိုတော့ .. ကိုယ်နိုင်သွားလား" "ခင်ဗျားက အနိုင်အရှုံးကို သိပ်ဂရုစိုက်နေတယ်ပေါ့လေ" "ဒီလောင်းကစားမှာတော့ အင်း .. အဟုတ်ပဲ" "ဂုဏ်ပြုပါတယ် ခင်ဗျားနိုင်တယ်"
