لابد من عقب المطاريش معواد
ولابد من عقب المواجع عوافي
ولابد من عقب السهر لذة رقاد
ولابد من عقب الكدر جو صافي
.
.
ام عناد : يمه عناد قوم يمي تروش قبل صلاة العيد وتروح للمسجد
وانتِ يمه بعد قومي ابوك بيروح للمسجد وانتِ روحي تجهزي وابغاك تبخرين المجلس حق الرجال
لحن صحت حبت راس ابوها وركبته : ابشري يمه اهخ يازين النوم على ركبتك يبه تجيب العافيه
عناد: تنهد لحني بروح بتجهز وبخلص الاقيك جاهزه نتبخر كلنا مع بعض
ابو عناد: ليه تبخر انت بنفسك
عناد: افا يبه نسيت كل عيد نجتمع حنا الاربعه ونكون رائره وانت تحط طرف شماغك على كتف امي ولحن وانا بعد احط شماغي على كتف لحن الثاني وكتف امي نسيت ونتبخر مع بعض
ابو عناد : انساك وما انسى العاده اللي انا معودكم عليها
ام عناد : مافيه وقت يلا بسرعه اجهزو
لبست لحن فستانها الابيض بدون اكمام ميدي مزموم مع الجوانب
حطت ميكب ناعم مره وخفيف تعطرت وجهزت البخور
عناد شافها وضل يصفر : وش ذا الزين يابنت عناد ارفقي على قلبي
استحت لحن وحمر وجهها وضحكوا عليها
ابو عناد: اشهد انك خذيتي الزين كله
ام عناد: تعالي يمه بحصنك من عيون ام مخلد وبناتها
عناد: اي يمه حصنيها عشر مرات ولا شفتيهم يناظرونها اتفلي عليهم
لحن : عناد مو لذي الدرجه
ابو عناد: هاتي المبخره يبه بنلحق نصلي العيد
عناد: يبه بعيد على بنتي وبجيك للمسجد
ابو عناد: تبخر وانت ساكت انت لا شفتها ماتركتها اعتقها يامسلم انا بزوجها وبريحها منك
عناد: عشان اذبحه ويقولون ذباح زوج بنته
لحن: بسم الله عليك وش فيك انهبلت انت وبعدين يخسي احد يتزوجني انا ما ابغى اتزوج
ابو عناد ضحك عليهم : انا اللي اخسي ازوجك انتِ فرحه ايامي وسنيني تبيني ازوجك وافقد حسك بالبيت
ام عناد : خلاص تبخروا يلا وروني عرض مقفاكم يلا الناس بيصلون وانتم تبون تزوجون بنتي وتحرموني شوفتها اذا كتب ربي وجاء نصيبها بشرط عليه يسكن معنا هنا
لحن: اخاف ياكل الجو علي وتحبونه اكثر مني
عناد : خلاص قفلوا على الموضوع باقي صغيره مابزوجها ويلا يبه مشينا للمسجد
وقبل يطلع غمز لها وقال :
ياساعة الفرحة تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يارمز حبي هاك رمز الكتابه
ياصبح عمري فيك للعمر تجديد
وحبك يجدد كل يوم شبابه
ابتسمت لحن وباست خده وهربت عند امها
ام عناد تضحك عليهم : توم وجيري خلصوا يلا عناد انقلع لا اشوفك بيجون الرجال بعد الصلآه
عناد: ابشري ابشري طلعت
ام عناد: لحن بسرعه خذي القهوة للمجلس وحطي من التوزيعات وحلاوة العيد وبخري المجلس بسرعه عندنا شغل كثير ولازم نجهز للرجال فطور العيد
لحن: ابشري
ام عناد: تبشرين بالجنه يلا سويت عريكة ومشغوثه وجهزت العسل والسمن
واذا رجع عناد خبريه يجي يرتب السفره
.
.
ابو عناد عند الباب ينادي عناد
عناد: جيت يبه ماطولت
ابو عناد: الوقت راح وانت ماجيت وتقول لي ماطولت امش بس لاوالله هالعصا بيلعب على ظهرك
عناد ضحك وسكر الباب صادف طلوع سيف وعياله
ابو غيث: عمي حازم يامرحبا زان عيدي دامني شفتك
ابو عناد ابتسم : الا شوفتك ياولدي اخبارك وعلومك كل عام وانت بخير ياولدي
ابو غيث : الحمد لله ابشرك بخير ومن جينا الديره وزانت ايامنا
عناد: صباح الخير عمي
ابو غيث : تصبح على وماتضمني
ابتسم عناد وضمه وحب راسه
عناد: هاه رضيت علينا
ضحك ابو غيث
ابو عناد : وين غيث ماشوفه معكم
ابو غيث: نشب لامه ونغم مايطلع الا لمن يشوفهم
ابو عناد: عندي وعندك خير ياولدي
عناد: وش تقصد يبه بكلامك
ابو عناد: اللي على راسه بطحه يتحسسها وانا ابوك
على طلعه غيث وسمع الكلام
صباح الخير
ابو عناد: صباح النور ياولدي
قرب غيث وحب راس ابو عناد
غيث: فيه بطحه ويتحسسها وش السالفه
ايهم: ابد ياخوي يقولون البطحه انت وعناد يتحسسها
عناد: ياخوي يطقطقون علينا
غيث: وش مسوين
ابو عناد: خلو عنكم الهرج الزايد وخلونا نلحق نصف نصلي العيد
صلوا وهم راجعين ابو عناد مسك يدين غيث وقال له
ابو عناد: دامك ولدي تعال معنا للبيت وابيك انت وعناد ؛ ياسيف بسرق ولدك غيث وانتم تعالوا القهوة جاهزة والرجال كلهم بيجتمعون عندي
ابو غيث : حلالك ياعمي وابشر بسلم على الاهل وبجيك مابطول
.
.
عند لحن كانت تبخر وتغني ونست من الوقت
علم احباب قلبي الاولين •• يازمان الشقى مالك لوى
عاد قلبي يلاويه الحنين •• علم احباب قلبي الاولين
قلهم مانسيت اللي مضى ••بيننا والهوى جرحه مكيين
والله اني من الفرقا صويب •• اه مما جرى لي يا عناد
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
General Fictionلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
