يابدايات الهوى يامنتهاي
ياوطن قلبي وغربة ناظري
.
.
مر العزاء بسلام محد يعرف انه عزاء ابو لحن الحقيقي مفكرين انه صاحب قديم لابو عناد وماعنده اهل وابو عناد تكفل بعزاه اليوم الاربعاء الكل يعرف ان لحن ونغم حوامل ولحن حامل بيوم قبل نغم ماعدا غيث وعناد مايعرفون البنات يبون يسوون لهم مفاجأة؛ تجمعوا الكل بيت ابو عناد بمناسبه رجوع العرسان من شهر العسل اللي ماطول اشتاقوا للوطن ورجعوا بسرعه
البنات كلهم جالسات بالحديقة بعد العِشاء كانوا جالسات ونغم ولحن بس ياكلون لهم ثلاثة اسابيع بالحمل
غزل : بنات طفش
لحن : والله صادقة مره طفش
غزال : انتم اتركوا الاكل اللي بيدينكم وبنتفاهم
نغم : لحنّ مشتهيه الشوكلاته اللي بيدك
لحن : وانا مشتهيه البسكوت اللي عندك
نغم : خذي والله ماخليه بخاطرك
لحن ابتسمت : كفو وانا بعد امسكي والله ما اخليه بخاطرك
غيم : بنات شفت مقطع بالتيك وش رايكم نقلبه لعبه
غزال : وش المقطع
غيم : اللي عتاب وشوق ومدري وش بعد
مليحه : عرفته محد يقدر يضبطه الا لحن
غيم : اي بنسالها هي
مسك : لحن منو فنانك المفضل اللي تحبينه
لحن : رشودي
نغم : ذويقه
لحن : ليه وش جاب الطاري
جنه : كل وحده فينا تجيب كلمه و أنتِ تجيبين الاغنيه من راشد على حسب الكلمه
نغم : الله تحمست لا تفشليني وفوزي
آسياجلست جنب نغم ولحن : بنات مشتهيه اللي معكم
نغم : تفضلي
غزل : آسيا لا تقولين انتي بعد حامل ترا مر على زواجك اسبوعين بس وهذا نص الاسبوع
آسيا: بنات بكره الخميس صح ؟
غزال : اي ياقلبي الخميس ليه
آسيا: بس سؤال
جنه : بنات الحين سؤال اللي تتزوج وتحمل وتولد لازم يعني ترمي ولدها عندنا وتسافر مع زوجها ورعها عندنا ؟
لحن : اي لازم تغير نفسيتها من بعد الولاده
جنه : مسكينه امي بلشانه الحين بنت اجوان ومكتوم
مليحه : لها وحشه
غزل : معلينا خلوها تستانس المهم نرجع لعبتنا
غزال : لحن اتركي الاكل وركزي معنا الاسئله لك حنا بنسألك
لحن تركت الشيبس : معكم
غزال : انا اول وحده بسألها
مليحه: يلا
غزال : البدايات:
لحن :
من يوم شفتك وقلبي مدلك يده
والعين ذابت في روعه حسنك وزينك
فصلت قلبي على الحب وطلع قده
وحطيت قلبي انا في راحه يمينك
-
غزل : الغياب :
لحن :
خلها في القلب لا تسال كثير
رحت لا ترجع لي وكمل غياب
كل حاجه نكتشفها في الاخير
يوم ما كنا لها نحسب حساب
واللي ماعنده شعور ولا ضمير
مايفيد اللوم فيه ولا عتاب
عش حياتك والعمر والعمر دربه قصير
والله ان يمرك مرور السحاب
والسراب الكاذب مثل عز الهجير
يتعب الظامي ولكن سراب
-
مليحه: طيب والعتاب
لحن :
على كثر السنين اللي عرفتك
ماعرفتك زين .
تمنيت إني ماشفتك
ولا لحظه ولا شويه
حسبت انت وانا نبقى حبايب
نبقى احلى اثنين.
حسبتك تبقى لي طول العمر
مخلص وفي ليا
واثاري حبنا كذبه
ونسيت العشره في يومين ...
-
جنه : النهايات
لحن : افترقنا يعني وش ممكن يصير
دامها الدنيا ذهاب بلا اياب
وانتهاء ما بيننا الحب الكبير
ولا لقينا للسؤال اصلاً جواب
انت في راحه وانا بعدك بخير
وانقفل مابيننا للحب باب
-
مسك : طيب الشوق :
لحن ابتسمت : اف مشتاقه لغيث الحين له يومين مختفي
ابكي وتسالني الدموع
متى متى وقت الرجوع
والشوق اللي بين الضلوع
اتعبني في غيابك كثير
اشوفك بكل الوجوه
وبزحمه افكاري اتوه
يظلم في عيني كل شيء
ماعدت ارى في دبي شيء
والشوق لك يقسى علي
وانا بدونك مو بخير
طمني ياقلبي عليك
من لهفتي ودي اجيك
تدري باني اموت فيك
وبقربك اصبح شخص غير ..
-
غيم : و التخطي
لحن : خلوه على كيفه يدور غيري يرتاح
وارتاح انا من تفكيري مافاد
لا حبي ولا تقديري مابيه
حتى لو تعنى وجاني
-
نغم : والعطر
لحن : مفتاح الحنين
آسيا: واليل
لحن : باب لكل باب
غزل : مره تحبين راشد لدرجه حافظه كل شيء عنه
لحن : اي مره حتى في 2019 من كانت حفلته في ابها عناد فاجأني بهديه تذكره حفل راشد ومن الفرحه مانمت الليل كله
غزل : بذمتك رحتي للحفل مواصله
لحن : اقول لك مانمت طول الليل من شده الفرحه
جنه صاحت : مليحه كم مر لك يوم وللحين ماعطيتي الولد موافقة
مليحه : الصراحه من سمعت كلام لحن احس مرتاحه واستخرت اكثر من مره ارتحت
لحن : موافقه
مليحه : اي موافقة اذا جاء عمي حازم علمته يرد لهم خبر موافقتي
البنات : مبروك ياعمري
مليحه : يبارك فيكم ياقلبي انتم بس تكفون لا تتركون لوحدي ابيكم معي تساعدوني بكل شيء
لحن : ابشري حنا معك لا تخافين
ضمتها مليحه وبكت والبنات يهدونها
-
<< غيث >>
غيث : عناد لنا يومين هنا نجهز كل شيء صار جاهز بنرجع تعبت ابغى انام
عناد : حتى انا تعبت بس بكره الزواج لازم نجهز كل شيء
غيث : تاكدت من كل شيء حتى اخر شيء تأكدت منه الزفه خلاص
عناد : امش طيب نرجع
غيث : لازم ننام عشان نصحى بدري ونرجع نتجهز وعلى العصر الكل يجون للقاعه ويجهزون كل شيء ولحن ونغم نبي نفاجئهم من يدخلون ناخذهم لفساتينهم يلبسونها
عناد : مب انت اللي تاخذهم
غيث : اجل مين ان شاءالله
عناد : اثنينا
غيث : عناد امش نرجع تنام لانك بتفصل علي الحين
عناد : مشينا
طلعوا متوجهين للبيت دخلوا وسمعوا صوت البنات متجمعين بالحديقة وكل واحد دخل لغرفته ينام
-
<< بيت تقي >>
تيم : يبه ابيك انت وامي بموضوع
تقي : خير اللهم اجعله خير
تيم : خير باذن الله
ترفه : وش موضوعك
تيم : ابغى اتزوج
ترفه : هذي الساعه المباركه بس بالاول لازم تعقل ياخبل عشان تقبل فيك بنت الناس
تقي : اسمعني ياتيم اذا تبي تتزوج اسبوع واحد مابي مصايب وابشر والله اني لا ازوجك
حازم : يبه لازم الحين يخلص جامعه وبعدين يتوظف ويأسس بيت عشان يتزوج
تيم : عادي اتوظف بشركه وادرس مافيها شيء واتزوج ونعيش هنا
ترفه : لا يمه البنت ماترتاح الا بيت لها خاص فيها
تقي : انا بساعدك بموضوع البيت ببني لك شقه بنفس البيت انت ولحازم وش بغيت بعد بس شرطي تعقل
تيم ابتسم : ابشر
ترفه : الا منهي اللي انت تبيها
تيم : غزل بنت عمي مقرن
ترفه : والله وعرفت تختار وين شفتها ؟
تيم : شفتها بالغلط في العيد طلعت بوجهي
تقي : اجل اعتبرها شوفه ولا اشوفك تطلب شوفه تفهم
تيم : لا يبه مقدر لازم بالشوفه امتع ناظري اكثر
تقي سحب عقاله وضرب فخذه : قم لا بارك الله بعدوك تمتع ناظرك بالاول خل البنت بتوافق عليك
فز تبم بوجع : اح يبه توجع
ترفه : بشويش على الولد
تقي : اسمعي وش يقول
تيم هرب وقال : بروح عند عمي يوظفني بالشركة واسطه صاحب شركات على الفاظي خله يستفيد من شركاته ويوظفني انا والعشير
تقي بصوت عالي : هين بكلمه يحطكم حراس
طلع من البيت يضحك وقابل بداح هارب من بيتهم ويضحك
تيم : لا تقول انت بعد تمسطت بالعقال
بداح ماسك ظهره : اح والله توجع
تيم : وش مسوي
بداح : يكفيني كسر رجلي اتمسط بالعقال
تيم : كلنا بالهوى سوا لا تخاف
بداح : وانت ليه ابوك ضربك
تيم : طلبت يد غزل وعلمتهم اني شفتها قبل وقال لي مافيه شوفه اعترضت وقلت لا لازم اشوفها امتع ناظري وعصب علي
بداح : انا قلت بهرب بها والوالد عصب وضربني
تيم : تستاهل هذا كبرك وتبي تهرب ببنت الناس وانت باقي ما اعرست عليها
بداح : هذا بلا بوك يابداح
تيم : منهي اللي انت تبيها
بداح : اختها غزال وطلبني اتوظف اول والشقه جاهزه بس اتوظف
تيم : وانا بعد الشقه جاهزه بس باقي الوظيفه واكمل جامعه
بداح : وش تخصصك
تيم : جراحه اعصاب باقي لي اخر سنه واتخرج وبعدها اكمل ثلاث سنوات تدريب وانت
بداح : ماشاء الله شد حيلك وارفع راسي وانا متخرج لي سنتين هندسة
تيم : اسمع وش رايك نكلم عناد يوظفنا بشركته
بداح : تهقى يوافق
تيم : عندي انا بكلمه واذا رفض بكلم جدي ولحن لان بعض شركات عناد لحن صاحبتها
بداح : عناد كل املاكه باسم لحن الظاهر
تيم : ياحبيبي لو الود وده حياته يكتبها باسمها
بداح : صدقني مكتوبه باسمها لانه اكثر من مره ماينهار من تتعب
تيم : ماشفت شيء لو تقول اه يفز ويخاف
بداح : امش نتمشى ساعدني
تيم : نطلع للجبل
بداح : تم
طلعوا للجبل وجلسوا يتأملون الديره وانوارها بالليل وجمالها
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
General Fictionلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
