أنت العوض لا صارت حظوظي شحاح وأنت الهنا ياغايتي والغنايم

Patr 5

يوم ضاع الدرب كانت لك دليل
يوم طحت وتهت كانت لك عصا
.
.
كانت جالسه على المرجيحه تسلي نفسها واسيا نتاظرها وساكته تفكر في حياتها لاراحت للمدينه بعد يومين وكيف تقدر تتأقلم هناك وتعيش بعيده عن لحن طول وقتها مع لحن كيف فجأة تروح وتتركها نزلت دمعه من عيونها ومسحتها تذكرت طفولتها مع لحن هي كل شي تشاركه لحن حتى مرات كانت تترك بيتهم وتنام معها تسهر معها لا تضايقت تروح لها وتعرف انها تقدر تشيل الضيق من صدرها لحن ملجئها من الحزن والضيق تشوف سعادتها مرتبطه بلحن كيف تترك سعادتها ماتحملت وبكت راحت عندها وجلست جنبها وبكت اكثر من ضمتها
لحن: آسيا وش فيك ياقلبي متى جيتي انتِ مو تجهزين اغراضك ؟
آسيا: ماتخيلت اعيش بعيده عنك تكفين تعالي معنا
لحن: سوسو لا تبكين وبعدين خالي تقي قال بتجون كل ويكند ليه البكاء
اسيا: لحن انا لا تضايقت اجي عندك انتِ هناك اروح لمين ازعجه وقت ضيقي مين بيزعجني بنومي هناك من بيصحيني للصلاة هناك وتكب المويه على وجهي وتقومني غصب اروح اصلي من يهتم فيني بوقت تعبي
لحن ابتسمت بحزن وفي داخلها غصه راح تشتاق لهم كثير واللي مصبرها انهم بيجون كل خميس وجمعه
لحن: اسمعيني باقي يومين بتملين مني وبتقولين يلا يبه نروح المدينه بسرعه وتاخذين راحتك بنومك محد بيزعجك ويكب عليك المويه وفيه سناب وواتس وانستا واتصال عاد انتِ ناشبه لي في الواقع وفي مواقع التواصل فكل تطبيق طالعه لي وضايفين بعضنا
آسيا هبدتها : انا اصيح وافضفض لك بشتاق لك وانتِ تبين الفكه مني
لحن: اي ابغى افتك من وجهك شوي
آسيا: بنشب لك اليومين ذي وبنام معك بعد
لحن: اجمل نشبه
ضحكت آسيا وضمتها : صدق راح اشتاق لك مره
لحن: خلاص اسيا لا تبكيني ويجي عناد ويهبدك
آسيا: لا تجيبين طاريه الحين بيطلع لنا من الشجره
عناد كان وراها وسمع كلامها وصاح صيحه طيرتها من مكانها وطاحت على الارض
ضحكت لحن : احسن تستاهلين لا تغلطين على عنادي
عناد يضحك وجلس مكان اسيا وحط يده على كتف لحن اليسار وضمها
آسيا: ليتني ذاكره ملايين يمكن تصير بحسابي
عناد: لو تذكرينها من اليوم لين بكره ماجت بحسابك تشوف اسم حسابك وتهج تحط رجلها
آسيا: مايضحك وبعدين خير ماخذ مكاني احترموني بعد يومين ماعاد بتشوفوني
لحن : تراك ازعجتينا بعد يومين بعد يومين خلاص
عناد: الله بيصير اجمل جدول بدونك
آسيا تمثل انها حزنت ودموعها بتطيح : يعني ماتبوني خلاص بروح بيتنا انتم ماتحبوني
لحن : تعالي ما اقدر على زعلك
عناد : وش رايكم نروح للخيول
لحن وآسيا: قدام
عناد : روحوا تجهزوا بكلم ابوي نروح للحلال نجلس يومين وبرسل تيم وحازم ينظفون الخيام ويرتبونها وانتم تجون ترتاحون
آسيا: كفو عمي البطل يسعد دينك ياشيخ انا بحسد لحن لانك ابوها
لحن: خير قل اعوذ برب الفلق تراه عمك لا تحسديني
آسيا: كيفي وعاد من زينه عشان احسدك عليه
لحن: توك تمدحينه
عناد : اقول امشوا يلا بيروح علينا الوقت
-
ابو عناد كان جالس يقراء قران جاه عناد
عناد : يبه
ابو عناد مطنشه ويكمل قراءة
عناد : يبه اسمعني عندي موضوع بكلمك فيه
ابو عناد خلص الايه الاخيره وقفل المصحف وناظره : وش عندك وش موضوعك
عناد: يبه لحن نفسيتها تعبانه وطول اليومين ذي كلها تصير لها حوادث وش رايك نروح للحلال نجلس هناك يومين وتقي واهله يجون معانا قبل يروحون للمدينه
ابوعناد: اي والله اشتقت للحلال يلا قم كلم  امك يتجهزون وانا بكلم العمال ينظفون الخيام زين  اخاف يكون فيها ثعبان  ولا عقرب
عناد: وبرسل تيم وحازم يشيكون على الوضع مع العمال
ابو عناد : اجل يلا قم وشكلي بكلم غالب يجيب اهله
عناد : اللي تشوفه يبه
عناد راح طيران يخبرهم وارسل لغيث يقابله عند الباب
عناد: يمه ابوي يقول تجهزوا بنروح للحلال وبنجلس يومين
لحن: كنت عارفه ابوي مابيرفض
ام عناد: تدرين بروحه هناك
لحن: اي عناد قال بيكلم ابوي نروح عند الحلال وانا اشتقت للليل يمه مشتاقه له حيل
ام عناد: خذي لك يمه ملابس تكفيك ييومين
عناد: وانا بعد وطني خذيلي معك ملابس ولا تتعبين نفسك حطيهم معك بشنطتك
لحن: ابشر ياعيون لحن
آسيا: عشتوا
عناد: موتي من الغيره يالملسونه
ام عناد : عناد يلا انقلع فارقني ابغاهم يشتغلون وانت بتعيق شغلنا
عناد: احسبوا حسابكم ترا ابوي كلم عمي غالب يجي ومعه اهله
ام عناد: تقلع بس وخذ مفارش ننام عليها
عناد : الضاهر النفسيه تعبانه عندك يالغاليه
ام عناد خذت الشبشب  وانتم بكرامه ورمته بس جت باسيا لانه سحبها وقفها قدامه وجت بوجهها
اسيا : اهخ وجهي الله لا ياخذك ياعناد
لحن من الضحك ماقدرت تمسك نفسها وطاحت وعناد طاح معها من كثر الضحك ام عناد صاحت
ام عناد : ياويلي بنيتي جاك شي
عناد: لا الوالده اليوم معصبه انا بهرب قبل الفرده الثانيه توقع على وجهي اسيا خليك معنا لا تروحين للمدينه تكونين دفاع لتصدي شبشب الوالده
اسيا متوجعه : الله لا ياخذك وجهي وجعني انا وش دخلني ليه تسحبني
ام عناد : تعالي احط لك ثلج وانت حسابي معك بعدين
عناد طلع يضحك ورجع ميل وجهه عند الباب وارسل لهم بوسه بالهوا : اعتذر سوسو لا تزعلين ولحني خذيلي معك بطانيه
لحن تضحك : ابشر
آسيا: اي اضحكي ماوراك شيء
لحن رفعت يمينها لوجه اسيا : هذا المه يكفي عن الم وجهك انتِ ساعه وبيروح الالم انا شهر يالظالمه
ام عناد ضحكت من شافت وجه اسيا احمر مكان الظربه وفيه انتفاح بسيط : بسم الله عليكم اعذريني يابنتي ماكان المقصد لك
اسيا: عادي جده انتِ مالك ذنب عناد السبب
لحن: يمه ارتاحي انا بروح بجهز القهوة والشاهي واصناف الحلى
اسيا: وانا بجي بساعدك
ام عناد: بجي معكم طفشت من الجلسه
راحوا كلهم للمطبخ يجهزون ومايخلوا من مناقر اسيا ولحن
لحن نست يدها مكسوره وراحت تمسك البراد وتوجعت
ام عناد : بسم الله عليك انا وش قلت لك اجلسي لا تعبين نفسك
لحن: يمه والله ما اجلس واخليك تشتغلين
ام عناد : توجعتي
لحن : لا يمه ماتوجعت نسيت انها مكسوره
آسيا: يمينك مكسوره ويسارك مضمدينها اقول اجلسي لا اهبد راسك بالدله يضمدونه لك
ام عناد هبدتها بمزح : بسم الله على بنتي هاه تبينها تتوجع مره ثالثه
اسيا : لا يمه بس عشان تجلس ؛ يمه تهقين عين صابتها وصار فيها كذا
ام عناد : شكلها عين رفعه من جت وهي رافعها خشمها وتقول لي  ( تقلد رفعه بطريقه كلامها ) ذي بنتك من وين جبتيها من وين ورثت كل الجمال قمر بس تصدقين يارهيفه فيها لمحه منك قولي ام عناد جميله وانتهينا ماتبي تعترف اني جميله
ضحكوا البنات على تقليد ام عناد ؛
اسيا : يمه شفتي نظرتها هي كم ساعه شفتها فيها وما حبيتها يومين بنقابلها اف
ام عناد : وهذا اللي غاثني
آسيا: يمه اكتبي على جبهة لحن اذكروا الله على بنتي
عناد طب عليهم : تخسين اكتبي على جبهتك انتِ وبعدين تتكلمون عن جمال بنتي شوفو وجهي ووجها اكيد طالعه علي وسحب لحن وقفها قدامه وميل وجهه وقربه لوجهها وثبت ذقنه على كتفها شوفوا نفس العيون ونفس الخشم
ام عناد: تعقب تطلع تشبهك يالبومه تخلي جمالي وتطلع عليك يالبعير
ضحكت اسيا بانتصار : يسعد دينك يمه على القصف المتتالي تستاهل اخيراً احد خذا حقي منك
عناد بصدمه : يمه اذا انا بعيرفانا طالع عليك يقولون اني اشبهك ماخذ الزين منك
ام عناد : يويلي يالكذب يويلي انا بعير يالبعير
عناد : لا يمه محشومه اسيا البعير
لحن منهاره ضحك
عناد يطالعها ويبتسم : انتِ وقفي معي انا ادافع عنك وعن جمالك
لحن مستك فكه : افا يمه عنادي بعير شوفي عيونه وخشمه سله سيف يمه شوفي عضلاته
عناد يبرز عضلاته اكثر ويبتسم : هاه وش رايك يمه
ام عناد ضحكت وضمتهم: مشكلتي ما ارضى عليكم انتم الاثنين محد يقدر عليكم
انتم حلوين لانكم طالعين علي تشبهوني
عناد : يازين الواثقين ياناس
اسيا مبسوطه وتوثق راح تشتاق لهم كثير
عناد شاف لمعه عيون اسيا : يالملسونه ماتبين تشاركينا بالحضن الجماعي
ابتسمت ودخلت معهم بالحضن
ابو عناد يناديهم : ياعناد وينك ابطيت يلا يارهيفه قلبي تاخرنا لحن ما اشتقتي للليل
لحن طلعت  مسرعه : الا اشتقت انا جاهزه
اسيا وراها : وانا بعد صرت جاهزه
عناد : كلنا جاهزين
ابو عناد: جهزت العزبه ليومين بناخذها معنا
عناد : كل شيء جاهز وكلمت تيم وحازم يقولون كل شيء تمام
ابو عناد: زين يلا الكل يركب السياره
لحن : يبه وين السيارات مو موجوده
غيث منتظر عناد في سيارته كلمه عناد ينتظره وما جاء
طلعوا للسيارات وكان تقي ينتظرهم
تقي : يبه وش رايك انت وامي تجون معي سيارتي كبيره وتكفينا
ابو عناد : زين مافيني لسواقه عناد تكسرني
عناد: جحدتني بسرعه يبه
ابو عناد: اقول تقلع تعالي يارهيفه قلبي نروح مع تقي
عناد: اجل بيراقفني غيث باخذه معي
لحن : ياذا الغيث اللي من جاء وانت ماخذه معك كل مكان تروحه
عناد: المحزم لازم انه يكون متواجد معي وبعدين ليه تغارين منه
اسيا: مو من جدك تغارين على ذا من حفيد غالب
لحن : من قال لك اغار
ابو عناد : اسكتوا ويلا اركبوا لسيارة بسرعه تاخرنا
سياره تقي
تقي يسوق وابو عناد راكب قدام ام عناد وغيم وترفه راكبين وراء
سياره عناد
آسيا ولحن ركبوا وراء
حرك تقي وحرك وراه عناد ووقف من شاف غيث في السياره
غيث نزل من سيارته وفتح باب سياره عناد ومسكه من ياقة ثوبه وسحبه من السياره وقفل الباب
غيث : خير وش عندك مكلمني تقول لي انتظر جايك ابغاك بموضوع وفي الاخير ساحب علي وتاركني انتظرك وحظرتك توك تجي ترا عندي اشغال مب فاضي لك
عناد بعد يدين غيث وسحبه لجه باب الراكب وفتح الباب ودخله غصب
غيث عصب من تجاهل عناد وكان بينزل
عناد قفل الباب : لا تنزل
غيث : عناد وش حركات البزران ذي وش بغيت عندي شغل مهم بروح للمدينه وتاخرت بسببك
عناد ركب وحرك السياره : وش الشغل اللي طلع لك فجأة وبعدين اعرف ان عندك اجازة
غيث : عناد
عناد : غيث
لحن قطعت نقاشهم وقالت : وين نغم بناخذها معنا
غيث كان احد كب مويه بارده عليه وانخرش كان مفكر بس عناد ماشاف البنات
وهبد عناد على صدره توجع عناد
عناد : مردوده يا**** اصبر بس
غيث : علمني وش تبي مني
عناد : عمي سيف ما خبرك
غيث : وش دخل ابوي الحين
عناد: ياليل حنا رايحين للحلال وبنجلس يومين وابوي كلم عمي غالب تجون انتم بعد معنا وتجلسون يومين وكلم عمي سيف ووافقوا
لحن: تجاهلتوني انا اكلمكم نغم وين ابغاها تجي معنا
عناد: غيث اختك وين
غيث : خير وش دخلك
عناد : ياليل صبرني ياغبي ماسمعت تبغى اختك معنا
غيث تجاهله وكلم نغم  : الو روح غيث
نغم : لبيه
غيث : عندك خبر بروحه لحلال عمي حازم
نغم : اي ننتظر امي تخلص اخر صنف حلى وبنمشي
غيث : تجهزي بمرك
نغم : طيب
غيث : عناد بدل بسوق
عناد : لا
غيث : عناد وقف السياره مو يكفي انك خاطفني
عناد ضحك : ضحكتني هذا كبرك وخاطفك الحمدلله والشكر حتى الخاطف لو بيشوفك ماراح يقرب صوبك وخطفك نظره منك تخوفه وتخليه يتراجع
غيث:عناد
ووقف عناد وبدلوا اماكنهم رجع غيث لبيتهم
لحن بهمس مسموع لغيث بس : قسم بزران وهذا طولهم خلف الله على امي وابوي وعمي سيف وخالتي حوراء وهذولي عيالهم
ابتسم غيث لانه سمعها
غيث وقف عند بيتهم وارسل لنغم : اطلعي انا برا
نغم : تمام
عند اهل غيث
نغم يبه انا بروح مع غيث كلمني وقال لي انه ينتظرني براء
ابو غيث : انتبهي لنفسك ياروح ابوك
نغم حبت راسه : ابشر
طلعت وشافت غيث ومعه واحد يلعب بجواله والسياره مب سياره غيث فتحت الباب الخلفي وشافت اسيا ولحن
لحن : ارحبي يابنت سيف
نغم : البقاء يابنت حازم
ابتسمت ونطت صارت وسطهم
اسيا: يامرحبا تو مانورت سياره المروح عناد
ابتسمت نغم : بوجودك
همست للبنات بنات بنجلس يومين هناك وتراكم تنامون معي بنفس خيمتي
نغم : بنات نبغى البقاله
آسيا: صدق بنات ناخذ لنا شبسات للسهره وعندي لكم فلم رعب محملته ويتكلم عن الجن وبعد محمله قصه جن نسمعها
لحن ونغم خافوا من طاريهم
لحن : انقلعي انتِ وجنونك
نغم : اسيا فكينا
اسيا : والله بتابعونه معي يالخوافات تكفون يومين وبروح للمدينه وبشتاق لكم
لحن : عناد نبغى البقاله
عناد : لبيه ياعروق قلبي آسر
آسيا قاطعته و كملتها : امري وسمي
لحن ابتسمت لانه دايم يقول لها كذا
آسيا: غثيتنا بها غيرها
عناد: وش دخلك
غيث لبى طلبها ووقف عند البقاله
نزلوا البنات والعيال ينتظرونهم بالسياره
غيث : بننام هناك؟
عناد : ايه ليه
غيث : وليه ماتتكلم ماجبت لي فرش ولا بطانيه
عناد : لا تخاف بضبطك
رجعوا البنات
وشغل غيث  احلى اثنين والبنات يصورون لغيم ويقهرونها
وصلوا عند الحلال والكل وصل
نزلت لحن وراحت عند ابو عناد
لحن: يبه انا والبنات بننام بالخيمه الصغيره
ابو عناد : سوي اللي تبينه كل شيء هنا ملكك انتِ
لحن حبت راسه : تسلم يا احسن اب بالعالم
ضحك ابو عناد واخذها معه للابل
ابو عناد : تعالي يبه نروح للابل  ما اشتقتي للكايده (ناقه لحن الكايده وجمل عناد الكايد )
لحن : وبالحيل مشتاقه لها
اجل يلا امشي نروح لها
لحن : بنات وش رايكم تجون معنا للكايده
نغم : منهي الكايده
آسيا: ناقتها
نغم بصدمه : تحب النياق
آسيا: يوه وتضمهم بعد وتبوسها والنياق من تشوف لحن تركض عندها ويضمون لحن
نغم : امشي معهم نشوف من بعيد
آسيا: يلا لاني اكرهم مدري كيف بتحبهم
النياق شافت لحن وابو عناد مقبلين عندهم ويركضون لهم
لحن فتحت يدينها تستقبل الحضن وابو عناد ماسك عصاه وينادي النياق
عناد ركض عندهم ووقف قرب لحن
النياق قربت وحضنتهم الكايده حاوطت لحن برقبتها ولحن تمسح عليها وتضحك
آسيا تصور لحضه اللقاء
ونغم تحت تأثير الصدمه باقي مصدومه
غيث ابتسم من منظرهم
وصل غالب واهله وشافو ابو عناد ولحن وعناد عند النياق
وقف يناظرهم غالب عنده نوايا خبيثه هو يكره ابو عناد وعياله بس مو مبين انه يكرهم ويظهر لهم الحب يغار من حازم وكثير ويتمنى ياخذ كل حلال حازم وورثه هو عنده ورث بس مو مقتنع فيه يبغى اكثر ويشوف ان حازم اغنى منه وعنده خير كثير هو طمعان بحلال صاحبه
الحريم كلهم في خيمتهم وبين خيمتهم وخيمه الرجال حاجز الخيام مره كبيره ويقدرون يشوفون الحلال
-
لحن همست للكايده تركض صوب اسيا ونغم كانوا واقفات بعيد من شافوا الناقه تركض وراهم كل وحده ركضت بصوب
لحن الكايد (جمل عناد ) اركض ورا اسيا
الكايد لبى وركض وراها واسيا تركض وتبكي  ونغم ركضت والكايده وراها وشافت غيث بعيد ركضت عنده وتخبت ورأه وآسيا شافت الحل انها تركض للحن وتنقذها وفعلاً ركضت صوب لحن وتخبت وراها
لحن ندمت من شافت دموعها ومسكت الكايد تبعده وصوتت لعناد يركض يوقف الكايده
لحن : عنادي وقفها
عناد مسك الكايده واخذها لشبك النياق
لحن ميته ضحك واسيا ونغم منهارات ويتوعدون في لحن
نغم : والله ما تسلمين يالحن
آسيا: شوفينا ثنتين على وحده
غيث مبتسم وعناد يضحك
لحن : وش اسوي لكم انتم خوافات
نغم: هين
آسيا خذت عصا ابو عناد ونغم سحبت عقال غيث وكلهم ركضوا وراها هي شافتهم جايين عندها
لحن: اف هدف عكسي عناد افزعلي
عناد يركض ورا اسيا
عناد: اسيا هاتي عصا ابوي لا تسرقينا
ولحن تركض مافيه الا غيث يقدر يحميها ركضت وتخبت وراه ويدها اليسار مسكت طرف ثوبه
لحن: تكفى انقذني منهم
غيث من شافها ركضت عنده واحتمت فيه مسكت طرف ثوبه شم ريحه عطرها ماقدر ارتجفت كل خليه بجسمه قلبه ينبض بسرعه تلخبط كيانه وطاح ثقله
غيث: ابشري انتِ بوجهي
اسيا ونغم وقفو من شافوها تمسكت بغيث وتخبت وراه غيث غطاها ماتنشاف من وراه بس تسمع صوتها
نغم: تحتمين باخوي اجل
لحن: اتحداك تمسكيني
اسيا: نغم اسحبيها تكفين من وراه قاهرتني
لحن تسوي حركات غريبه من وراه تقهرهم
غيث: اقربي وجربي حضك هي بوجهي
نغم : وخر غيث ولا ترا ازعل عليك
غيث: ماتقدرين تزعلين علي وهاتي عقالي
عناد سحب العصا من آسيا : خير تسرقين ابوي
آسيا: وش دخلك عصا جدي
لحن مسكت غيث تمشيه معها هي وراه وهو قدامها غيث لبى رغبتها وتركها هي تحركه معها
نغم: شف تحسبين بيضل غيث معك يحميك بندخل الخيمة وتشوفين
لحن غمزت لها : حياتي ماتعرفين امي وش بتسوي فيكم
الحريم والرجال كلهم يشوفون يتابعون بصمت ويضحكون مليحه شافت غيث ولحن وانقهرت اكثر من شافت ابتسامه غيث وتمسك لحن به
الحين انا وراء اثنين اتحداكم تمسكوني
آسيا: عناد لا تقهرني اضربها
نغم : غيث وخر بس بقرصها
غيث : بتعقلون  ولا بحطكم بشبك النياق وبقفل عليكم
لحن: فيه مكان اجمل لهم عند الخرفان
نغم واسيا: يععع
نغم: اسيا فلم الرعب لا تنسينه بياخذ حقنا
اسيا صفقت وضربت كفها بكف نغم وقالت : ابشري يابعد حيي بخليها الليله كلها صاحيه
لحن خافت : يدي مكسوره بنات تكفون خلاص خلونا نرجع العلاقه
آسيا: ماراح نتنازل حتى لو كلك متكسره 
نغم : اطلعي من وراهم وترجع العلاقه
لحن صدقتهم وطلعت وقبل يهبدونها  سحبها غيث وجت الضربه فيه
شهقت لحن وخافوا البنات لا يعصب
غيث : دام الضربه جت فيني اعتبروكم خذيتوا حقكم منها
لحن بعد ما استوعبت كل شيء صار بعدت عن غيث : اسفه ماكان قصدي
غيث ناظرها : من وش تتأسفين
لحن سكتت وضمت عناد من قوة الاحراج
ضحك عناد : تبين الليل
لحن: مشتاقه له بس الحين احس اني تعبت بروح اجلس شوي
وسحبت نغم واسيا ؛ امشوا
راحوا للخيمه وجلست قرب ام عناد
ام عناد : وش فيك يمه
لحن : مدري يمه فجأة تعبت
ام عناد خافت وسمت عليها وحصنتها : تعالي حطي راسك ونامي شوي
لحن حطت راسها على ركبه ام عناد وام عناد بدورها لعبت بشعرها حتى نامت
غيث وعناد جلسوا
عناد : يبه امسك عصاك
ابو عناد : هاتها لاتلعب على ضهرك
عناد: كانت بتلعب على ضهر بنتك بس حضك فيني
ابو عناد: عشان ترجع وتلعب بضهرك انت واسيا
عناد: انا وش دخلني يبه
ابو عناد : اسكت بس
غيث : عمي قررت حنا اللي بنطبخ العشاء عن الحريم
ابو سيف : الحريم موجودين يطبخون
ابو عناد: فكره حلوه ابد خلهم يستانسون وحنا اللي بنطبخه
غيث : بنشوي وش رايكم
عناد : قدام انا بشوي
غيث: انقلع انا اللي بشوي
ابو غيث : خلاص انت وياه اثنينكم بتشوون متى بتعقلون طولكم طول نخله وعقلكم عقل
تيم : صخله ياعمي
ابو عناد: والله الصخله انت
عناد وغيث ابتسموا بانتصار
تيم همس لبداح يقوم معه وقفوا بيطلعون من الخيمه
سعيد : انت وياه وين بتروحون
تيم : بعرفه على حلال جدي
ابو عناد: فكني من الخبال ياتيم وخلك بعيد عن الحلال
تيم : يبه ماناكلها ترا بس ننظر لها نظرة شرعيه
تقي : انا من وين جاني الخبل ذا والمصيبه انه اكبر عيالي
ابو عناد: نصحتك لا تخلي عناد ياذن باذنه ماسمعتني
تقي : ليتني والله سمعت كلامك يبه
عناد: وش فيه اذاني
ابو عناد : ابد احس انك ما اذنت باذنه وش مسوي وطلع خبل شوف حازم انا اللي اذنت باذنه وشوفه ماشاء الله عليه
تيم : يبه عمي عناد تراه غنى باذني وتفل لان اذني توجعني للحين
عناد مسك علبة مويه وضربه بها : اقول انقلع
تيم وبداح راحوا صوب الغنم واخذ تيام اكبر التيوس وبداح اخذ الثاني معتبرينها خيول وتيم يغني له يمشي وتركوا باب الشبك مفتوح وطلعت الاغنام وهجت وصلوا للخيام البنات منهارات ضحك عليهم فزت لحن من نومها بسبب ضحكهم وشافتهم انصدمت ماقدرت تضحك
ابو عناد مسك راسه : اه ياراسي التيوس عناد اركض وراهم
عناد مصدوم وتيم فرحان
تيم : وش رايك ياجدي اشتريه منك
ابو عناد : تعقب
غيث : عمي عناد الغنم هج من الشبك
صدع ابو عناد ومسك راسه
العيال منهارين ضحك
تيم وبداح نزلوا من على ضهر التيوس وهربوا ولسوء حظهم التيوس لاحقتهم وهم يصيحون ويركضون وهي وراهم
ابو عناد : اتركوهم لا اشوف احد يساعدهم وانت ياعناد رح دخل الاغنام
آسيا تصور وترسل في القروب
ولحن مو مستوعبه من وجع يدها
ام عناد : ياحازم ابعد التيس عن العيال
ابو عناد: يارهيفه قلبي اتركيهم يستاهلون
تيم وبداح دخلوا لخيمه الحريم وتسببوا باستنفار بالخيمه الحريم كلهم طلعوا من الخيمه الا لحن عرفها التيس وراح عندها ولحن مسكته ورجعته للشبك وشافت معزه صغيره وشالتها بحضنها
لحن : يبه ذي متى جت
ابو عناد : كلمني الراعي يقول المعزه حقتك جابت توأم قبل اسبوع
لحن : يعني هذي بنتي
جت معزه ثاني صغيره تعض عبايه لحن
لحن: وهذي اختها بنتي الثانيه
ابو عناد ضحك : ايه يبه بنتك بناتك
آسيا: انا بفهم تخافين من البسه وتحبين الاغنام والنياق
لحن: انتِ وش عليك ماحب البسس ما تقبلتها
نغم: والنياق متقبلتها
لحن : يازينها كل ماشفتها تذكرت البريك لمن يقول
لجل عين ام القعود ولجل عين ام الحواره
هربدت بيض الجيوب اللي قبل كانت نظيفه
من تعلق في هوى البل مايحسب للخساره
يغتني من شبعة الفاطر على الدار المريفة
منضره بابه لا شفت الهرش يدهكها بزاره
كنه يقول العوض عند الطويفح والرهيفه
ماحسبنا للحديد ولا حسبنا للتجاره
ابو عناد: صح لسانك يبه
لحن: صح بدنك يالغالي
نغم : صح لسانك بس بعديها
لحن : ابشري صح بدنك ياحلوه
نغم: ياخي محد يقدر عليك تقدرين تجيبين راسه بلسانك المعسول بسرعه عمي عطني بنتك
ابو عناد ضحك : ماقدر استغني عنها ضناي هي
نغم : يبه نبغاها
ابو غيث: شوفيها معك بس مانقدر ناخذها من عمي
لحن: صرتي جارتي بضبط لنا جلسه بالمزرعه وتزوريني كل يوم
وخالتي تجينا كل يوم
ام غيث : ابشري
نغم : بنشب لك
آسيا: خير خيانه لمن اروح اتفقوا لا تقهروني
رجعوا الحريم للخيمه ورتبوا المكان وبداح وتيم صفقهم غيث
لحن تركت المعزه الصغيره ورجعت لامها للشبك وعناد قفل الشبك
عناد قرب صوب لحن وباس راسها وضمها : وش فيك ياوطن عناد ليه متضايقه استانسي ترا جيتنا هنا عشانك
لحن تنهدت : مو متضايقه بس يدي وجعتني شوي
عناد باس يدها : راح الوجع
ابتسمت لحن وباست خده وراسه: اي راح ياقلب لحنك
ابو عناد: لنا الله يارهيفه
ضحت ام عناد : خلهم عيالي احب لا شفتهم مبسوطين
ابو عناد : اي والله سعادتي من سعادتهم
ابتسموا عناد ولحن مشوا.  صوب امهم وابوهم
لحن باست راس امها وابوها ويدينهم : رضيتوا
عناد سوا نفسها
ام عناد ضمتهم وابو عناد ضمهم صارت الحضن جماعي وغيث مبتسم وتمنى الحضن له هو
.
.
سبحان الله وبحمده
سبحان الله العظيم