اصبري يانجمه الصبح مال الصبح داع
.
.
الصباح الكل متجمعين بالصاله يفكرون بحل ووش سبب زواج غيث
عناد : شفت غيث ؟
ابو عناد : لا ماشفته
ام عناد : الله يصلح الحال ويهدي لحن
دخلت سما متحجبه بس ونغم شهقت وضربت كتف عناد
نغم : تشوف اللي انا اشوفه
عناد : وش فيك بسم الله وش تشوفين
اشرت نغم على سما اللي جلست بعيد شوي : وش جابها ذي هنا
عناد : اها تقصدين الحربايه
نغم : اي وش تسوي هنا
عناد : زوجه اخوك الثانيه
انصدمت نغم وكحت وعناد يضحك على ملامح وجهها ويسمي عليها ويضرب ظهرها بكفه : بسم الله عليك خذي نفس يابنتي لا تنكتمين
نغم : متى ؟ وليه ماعلمتني من البارح ! ووين لحن
لحن ما عطت الموضوع اهميه ونزلت من الدرج تتمايل وتغني ومسكت خصله من شعرها ولعبت بها :
اخترتوا من تبونه وبختار اللي اباه ** ما اصبر عن عيونه فدوه انا لرضاه ** خلن سحرني لونه غالي ولا بنساه ** ادري العهد واصونه ما ارخص في غلاه
وصلت عند عناد وهو وقف ويصفق لها ونغم وقفت معه تصفق ومصدومه من لحن كيف مو مهتمه
ام عناد : عاشت بنتي اي هذا هو صباحنا اشتقنا للصبح من رحتي
لحن : الله يطعني يمه كم انا احبك أنتِ لي امي انا بس
عناد : جحدتينا
ابو عناد : واضح ثنتينهم جحدونا
ضحكت لحن وتوجهت لامها وتضمها وتغني
عيني انا لعيونه خلوني في هواه **
عناد : مين اللي نخلي عيونك في هواه
لحن : طبعاً عنادي
عناد : احسب شخص ثاني
الكل متجاهل وجود سما ومو معبرينها ابد وجودها مثل وجود المزهريه عندهم
لحن : وينه ؟
ابو عناد : نايم بالمجلس شوفيه تراه تعبان ومحتاجك
عناد : وانا سالتك عنه تقول لي ماشفته
ابو عناد : هذي بنتي
عناد : وانا ولد البطه السوداء
ام عناد : وش قصدك يعني انا بطه سوداء
عناد : محشومه يالغاليه بس مثل الله يخليك لي
ضحكت لحن وراحت للمجلس تشوفه
دخلت وكان شكله مخيف جداً ضام ركبه ويده على راسه وقفت ثواني عند الباب عضت شفتها من شافته يناظرها وعيونه مخيفه ولونها احمر من شده التعب وعروقها بارزه كثير تقدمت عنده ونزلت لمستواه مسكت راسه كان حار جداً وخافت لحن وتسمي عليه
وقرت المعوذات وضل يون ويصيح تسكت لحن خافت كثير
غيث : تكفين لا تكملين راسي بينفجر
نزلت دموعها وحصنته بقلبها وغيث حط راسه على فخذها ودفن وجهه بطنها ويبكي اول مره لحن تشوفه كذا وخافت دخلو كلهم للمجلس وشافوا منظر غيث وعناد خاف من منظره كان مخيف جداً لنظرهم نغم بكت من شافت اخوها كذا
نغم : وش فيه غيث هذا مو غيث اخوي اعرفه قوي مو اخوي اخوي متغير غيث متغير
ضمها عناد يهدها
ابو عناد : وين سما
كشرت لحن من طاريها
ام عناد : طلعت لبيت اهلها تشوف ولدها
ابو عناد : قفل الباب ياعناد بعلمكم بالسالفه
ام عناد خافت ونغم تبكي ولحن ماقدرت تحرر نفسها من قبضه يده اللي محاوطه خصرها ويبكي وتمسح على راسه ومنحرجه من وضعهم
غيث : راسي يوجعني ماقدر انام لي اسبوع مانمت ابغى ارتاح تكفون
لحن مصدومه من كلامه وخافت
ابو عناد : انا كنت شاهد على زواج غيث من سما
انتم ماشفتوا اللي انا شفته غيث من ساله المملك انت موافق انربط لسانه ماقدر يتكلم وحاول اكثر من مره يتكلم بالرفض ماقدر شكيت في الموضوع فيه شيء ومن وقع غيث ووقعت شاهد على الزواج وطلع المملك قدر غيث يتكلم ووقف ومسك سما من رقبتها بيذبحها حاولت اوقفه ماقدرت ويقول كلام مب مفهوم
من قريت ايه الكرسي والمعوذات وتاج الذكر ضل يصيح ويترجاني اوقف حتى اغمى عليه
الكل شهق بخوف من اللي قاعدين يسمعونه
ام عناد : لا تقول فيه شيء
نغم خافت وقربت من اخوها وتلعب بشعره وغيث مو يمهم يناظر للسقف
ابو عناد : انا شاكك في سما انها ساحرته
عناد : وش الحل الحين لازم نعالجه بسرعه
ابو عناد : ادري انا اعرف شيخ لازم ناخذ غيث عنده يتحسن ولازم نعرف وين مكان السحر والوحيده اللي تعرف سما
لحن : الله ياخذها وبكت
غيث جلس وخف صداعه مسك يدينها ويمسح دموعها : وش فيها حرم غيث تبكي وش صار لكم
لحن ماتحملت وبكت اكثر وضمته عناد خاف عليه وام عناد تبكي وابو عناد يهديها ويطمنها باذن الله يرجع غيث الاول
دخل نياف وسمع بكى بالمجلس وتوجه صوبهم ودق الباب
ام عناد : مين
نياف : انا نياف
فتح عناد الباب ودخل شافهم يبكون وغيث مصدوم ولحن دافنه وجهها بحضن غيث ونغم بعد
نياف : وش صار
عناد علمه بكل شيء وخاف على اخوه ونزلت دموعه سمع قصص كثير بس ماكان يشوفها والحين احد القصص بصديقه صارت
عناد : ياليل الحين من بيسكتهم ذولا
لحن وقفت : حنا ليه نبكي لازم نوقف مع غيث ويرجع لنا غيث الغثيث هذا ماحبيته
ضحكوا عليها وقفت حست بدوخه وبترجع ركضت للمغاسل ترجع وانتم بكرامه
خافوا عليها وكلهم ركضوا لعندها
ام عناد : بسم الله عليك وش فيك يمه
لحن : مادري يمه احس ودي ارجع
ام عناد : تحسين بدوخه وبعد بارهاق وتبين تنامين
لحن : اي ومشتهيه شيء بس مادري وش
عناد : وش فيها يمه
ام عناد تزغرط
الكل مصدوم من امهم وش فيها
ام عناد : قولوا ام عناد ماقالته لحن حامل
لحن بخوف هذا الشيء جديد عليها : هاه وش حمله يمه مرض جديد ولا شنو بالضبط مافهمت
عناد يضحك : يمه الحامل تصير غبيه
لحن بكت ورجعت لعند غيث
غيث مصدوم وش فيها ضمته وبكت
لحن ببكى : يقول اني غبيه
رجعوا للمجلس وام عناد ميته فرح وضحك : ياحازم ابشرك احتمال بنتنا حامل
نغم : ياخاينه من دوني ليه ماعلمتيني
ضحك عناد وهمس لها تبين بعد تحملين
لحن ببكى : غيث يقولون اني مصابه بمرض
غيث بخوف : وش تقولين وش مرضه
نياف: وش فيكم علمونا
ام عناد : لحن احتمال حامل
غيث : يعني بصير اب
ابو عناد : اي ياولدي بتصير اب
على دخله سما للبيت وسمعتهم
سما : مبروك من الاب
غيث بكره : وش تسوين هنا
سما : تراني زوجتك مسرع نسيتني
غيث مسك راسه بوجع ابعدوها عني
لحن شمت عطرها وبغت ترجع : وعع غيري عطرك ريحته خايسه
سما : كيف شميتيه مب فواح
نغم : ماشاءالله عليك يالحن حاسه الشم عندك صارت قويه
نياف : بسالك اساله وجاوبي بكل صدق
لحن : مجرم انا تستجوبني
عناد : اقول انقلعوا عن بنتي وش تبون فيها
ضحك غيث وسحبها لحضنه : ام ولدي وش تبي
عناد : شف قليل الحياء وخر اقول
نغم : افا ياغيث ليه ما تغار علي مثل غيره عناد على لحن
لحن وقفت وضمت عناد وبكت
عناد : وراك يابنتي من الصبح تبكين
لحن ضحكت : مدري ريحتك حلوه
عناد رفع يدينه بيدعي : يارب انه يطلع علي يشبهني
لحن : منهو اللي بيشبهك غيري
عناد : محد
غيث : تراك فليتها البارح سمحت لك تنام عندها لانها زعلانه علي والحين انقلع
عناد : تذكرت يالخسيس ليه مزعلها
غيث : مدري
نياف : يا اخت الدكتور تراك سحبتي علي وعلى اسألتي
لحن : ابد ياقلبي معك اسال
نياف : مشتهيه اكله او فاكه معينه ؟
لحن : مشتهيه شيء بس مب اكل
عناد : وش مشتهيه
لحن : وش يخصك
نغم : وش مشتهيه اخلصي
ام عناد : علمينا
ابو عناد : وش فيكم اصبروا عطوها فرصه تتكلم
لحن : الشي هذا غيث يعرفه وهو الوحيد اللي يعرفه زين
غيث: لبيه علميني وابشري بيجيك الحين
نياف : يبه بنتك حامل مبروك ولها شهر
نغم : وش دراك
نياف : انا الدكتور نياف اخو اخت الدكتور
عناد : ياخي حدد مهنتك جراح ولا دكتور نساء وولاده
نياف : احترم نفسك
لحن توجهت صوب غيث وهمست باذنه : مشتهيه اشم ريحه الدخان مع عطرك تكفى
غيث انصدم : لا مو من جدك
لحن بكت : تكفى
غيث : خلاص هدي لا تبكين ابشري روحي البسي عبايتك وتعالي
ركضت لحن للغرفه
ام عناد : بشويش وانتِ تركضين
نياف : يبه زوجني
ابو عناد ابشر متى تبي
عناد : منهي تعيسه الحظ
ام عناد : من تبي
نياف : اسيا
عناد ضحك : لايقين لبعضكم
ابو عناد : ابشر بنروح نكلم تقي اجهز
نياف : الحين
ابو عناد : ايه الحين وبعد يومين ملكه ادهم وغيم وجنه وسعيد
نغم : مافيه وقت ورانا ردح
عناد : بنت اهجدي وش ردحه
سما انقهرت وطلعت لغرفتها وشكت في مليحه هي متفقه معها يرجع لها غيث بس اللي تشوفه غيث يكرهها اكثر واكثر
سما : انا لازم اخلي لحن تسقط الطفل
-
<< بسياره غيث >>
لحن : يلا غيث
غيث خليني ابعد طيب عن البيت
لحن : وش رايك نروح لليل
غيث : ابشري
حرك متجه لإسطبل الخيول حقهم ونزلت ونزل غيث ورجع له نفس الصداع وخافت لحن من شافته يمسك راسه متوجع
لحن : رجع لك الصداع
غيث يهز راسه ودفها وطاحت بس ما تاذت انصدمت من تصرفه الغريب وتذكرت كلام ابوها وان غيث يحتاجها كثير
راح الصداع ورجع غيث على طبيعته وشافها طايحه
غيث: بسم الله عليك وش فيك
لحن : مافيني شيء
غيث وقفها وطلع بكت دخانه اخذ سقارة وشغلها ونفث دخانها على ثوبه ورماها ودعس عليها وبخ من عطره لحن شمت الريحه وروقت وضمته
غيث ابتسم من حركاتها : لا تعيدينها تراه مضر لصحتكم اول مره واخر مره طيب
لحن ماتكلمت ومسكت يده تسحبه لليل
الليل شافها وضل يضرب حوافره الارض من كثر شوقه لها وقف وقرب منها وهي ضمته والخيل حاوطها وكانه يعاتبها قرب غيث وربت على شعره ومبتسم
غيث : وش رايك نرجع تعبت
لحن ما اعترضت ووافقت يرجون
-
عند نياف قبل يقدم ويخطب صادفها عند الباب راجعه بيتهم
آسيا: نياف بقول لك شيء
نياف : وش
آسيا: انا موافقة
نياف : على وش موافقه ؟
اسيا: ياغبي مو قلت اذا انا موافقه بتخطبني
نياف : اي صح تذكرت بس طولتي على بال ماتردين علي
آسيا: اعذرني انشغلت وكل مره آجي بيت جدي ادور عليك ما الاقيك
نياف : ادخلي
اسيا : طيب
.
< بيت تقي >
العصر كلهم متجمعين عنده ويباركون لغيث بحمل لحن وغيث يرد عليهم
ابو عناد : حنا جايينك ياتقي نبيك بموضوع
تقي : ارحب يبه وش موضوعك
ابو عناد : انا جاي اطلب يد بنتك اسيا لولدي نياف على سنه الله ورسوله
تقي : ابد حياكم الله هذي الساعه المباركه وحنا ماراح نحصل مثل نياف ماشاء الله عليه الكل يتمناه
تيم : انا موافق خذها من الحين
حازم : وانا عطيتك من زمان
عناد : تبون الفكه من اختكم وضرب كتف نياف ؛ ياخوي وش رايك تستخير
ابو عناد : وش قلت ياتقي
تقي : انا موافق بس بسال البنت وبرد لك خبر يبه
ابو عناد : يلا حنا بنرجع بيتنا وعطني خبر اذا وافقت
-
< العشاء >
كانوا متجعين بالصاله نزلت سما وشافتهم كلهم ماعدا غيث مو موجود نزلت وحتى ماسلمت جلست
سما بحقد : مبروك يالحن
لحن مطنشتها : نغم انا زعلانه منك لا تكلميني
عناد : ليه ! وش سوت لك تزعلين منها ؟
لحن : مالك دخل انت
عناد : زوجتي
لحن : لا زوجتي انا انقلع
عناد سحب نغم صوبه : لا تحتكين رجاءً
لحن : يمه شفيهم
سما : وع والدلع
لحن : وش دخلك ياعجوز قريح
سما : احترمي نفسك لا اجي اتوطى ببطنك
عناد : جربي والله ان يزفونك لقبرك باكر تفهمين
سما خافت من نبرت صوته ونظراته المخيفه
لحن : تراك ماتقدرين تسوين شيء
سما : مدري ليه غيث تزوجك تراك مزعجتنا بجمالك وفيه الاجمل منك
نغم : تعقبين تلاقين الاجمل منها وبعدين مين أنتِ حتى تقيمين جمال لحونتي ولا تغارين منها واضحه الغيره بعيونك وتفكرين بليه غيث مفضلها عليك لان بكل بساطه لحن حلوه وبيضاء وصغيره وبنت عكسك
ياعجوز قريح حتى طليقك ما تحملك وطلقت بالشهر الثاني
سما : وش عرفك بطليقي
نغم : اخبارك كلها معروفه بالديره اختك كل ماشافت وحده تشكت لها منك
سما سكتت منقهره ماتعرف وش بترد عليها
تنهدت لحن : يبه عندي قصيده اسمعها
ابو عناد : سمعيني
عناد : يازين بنتي الشاعره
لحن : يابوي بنتك للبني علة اكباد ** كنها على روس المزايين ضرّه
قاموا عليها بالشتم غير وش عاد ** كبودهم فيها من الغيض جرّه
تضحك عليهم تدري ان فيه ميعاد ** وقت المحافل تذهب الغيد حرّه
وتفخر لا طروا عندها طيب الاجداد ** بنتك لعميدٍ ماخذا غير حرّه
صفقوا لها وقال ابو عناد : انا اشهد صح لسانك
لحن : صح بدنك يبه
عناد : يازين بنيتي ياناس
غيث كان يسمعها من دخل : صح لسان حرم غيث
لحن : صح بدنك ياروحها
عناد يكح : احم تراني موجود
ونغم تصفق : العب يالغزل الصريح
ام عناد تبتسم : لا وصرنا نقول ياروحها
لحن استوعبت وغطت وجهها بيدينها تغير لونه وصار احمر غيث مشى ووقف قدامها ونزل حط راسه على فخذها : العبي بشعري شوي
استحت لحن من جرأته وقدامهم ولعبت بشعره ونام من التعب
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
General Fictionلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
