أنت العوض لا صارت حظوظي شحاح وأنت الهنا ياغايتي والغنايم

Part 12

يعوضها  الله  في  عمرٍ  جميل
أنت درسٍ : ماهي محتاجه وصى
.
.
<<بيت ابو عناد >>
اجل غالب العزيمه ليوم ثاني واليوم موعد فك الجبيره صحت الظهر صلت فرضها وقراءة القرآن وقفت عند جزء جديد وتكمل بعدين نزلت وشافتهم متجمعين كلهم
عناد : يامرحبا اقبلت بنت عناد ياحي هالزول جعله زولٍ مايغيب عن ناظري
ابتسمت لحن وارسلت له بوسه بالهوى وكشت على آسيا راحت صوب امها وابوها حبت راس امها ويدها وبعد ابوها وتوجهت صوب عناد وفتح عناد يدينه يستقبلها بالاحضان ضمته وسندت راسها على كتفه لاحظت غيث مختفي تجاهلت سبب اختفائه ما اهتمت ليه مختفي
آسيا: عشتوا الاحضان للسربوت وكش لي هين يالحيه الرقطاء
نغم : لا تغلطين رجاءً لحني خط احمر
آسيا غمزت لها : لحن ولا ابو لحن
عناد مسك علبه المنديل ورماها ونغم استحت ووجها قلب احمر
آسيا: قول انك ماترضى على الحب
عناد : والله ياالملسونه ان ماسكتي بيصير شيء مايعجبك
لحن : آسيا اقطعيها اسبوعين ساحبه علينا
آسيا: تستاهلون عشان تحسون بغلاتي شوي وتشتاقون لي
لحن : عندي نغمي ما احتاجك
آسيا: عشتوا يالخاينين جدي زوجني واسكن انا وزوجي معكم
ابو عناد : ماطلبتي شيء متى ودك نزوجك
آسيا: خلاص كنسلت ما ابغى
وقف نياف ودق الباب البنات وقفوا بيطلعون وابو عناد وقفهم
ابو عناد : هذا نياف البسوا جلالكم بيدخل الولد
آسيا سمعت اسمه وتذكرت الموقف المحرج وطيحتها الغبيه قدامه وتغطت دخل نياف وسلم عليهم كلهم وجلس قرب ابو عناد
نياف : لحن مستعده تشيلين الجبيره
لحن : ليه موعدها اليوم
ام عناد : نسيتي
ابو عناد : اي يبه موعدها اليوم وانا كلمت نياف يجي بدون ماتروحين للمستشفى وش رايك
لحن : الحمدلله عندي اخو دكتور مايحتاج اروح المستشفى هو يجيبه لي
ابتسم نياف ودخل غيث وسمع كل كلامها
غيث : السلام عليكم
الكل : وعليكم السلام
غيث : نياف مشرفنا اليوم من وين طلعت كل مابغيتك تختفي والحين جيت
نياف : ياخوي المستشفى مسكني اسبوع ماطلعت منه صارت حاله استنفار في المستشفى اول مره يصير كذا حتى الأطباء كلهم ماراحوا بيوتهم والنوم لك عليه
آسيا: جاني فضول اعرف ليه صرت دكتور هل فيه احد محمسك تدخله ولا هو رغبتك من زمان ؟
نياف ناظر لحن واشر عليها : عشانها
آسيا: كيف عشانها فهمني
ابتسم نياف : لمن كانت صغيره طاحت والتواء كاحلها وخذينها للمستشفى انا وعناد ونواف وابوي وهي شافت الدكتور بكت وتمسكت فيني بعد ما انتهى الدكتور وطلعنا من المستشفى طلبت البقاله وحنا في البقاله مسكت يدي وقالت لي ابغاك تصير دكتور وتصير تعالجني بالبيت مابغى المستشفى ويصيرون ينادوني بالمدرسه اخت الدكتور نياف
لحن ابتسمت : ماتوقعت انك بتسمع كلامي
نياف : أنتِ عطيتيني هدف احققه بحياتي ومن سافرت قلت نياف لازم تصير دكتور وشاطر بعد عشان ترجع للحن وترفع راسها وينادونها اخت الدكتور
لحن : عز الله اني اخت اجمل دكتور
آسيا: ماتوقعت لحن لها تاثير عليك أنت بعد كنت متوقعه بس عناد
عناد : هذي بنت عناد مو الملسونه
آسيا تقلده : ترا ندري انها بنتك غثيتنا
ام عناد : يلا يمه فكها اشتقت امسك يد بنتي
نياف مسك المنشار الطبي المخصص للجبس ومسك يدها البنات خافوا اول مره بحياتهم يشوفون منشار
آسيا: يمه وش هذا بيقطع يدها
نياف : هذا منشار خاص للجبس طبي مايجرح الجلد ابد
طلعت لحن يدها من الجبس بعد ماشاله نياف مسك يدها يحركها
نياف : بشري تحسين بوجع
لحن ابتسمت : لا تسلم تعبتك معي
نياف ضرب جبهتها بطرف اصبعه :لا اسمع منك هالحكي مره ثانيه تسمعين أنتِ اخت الدكتور نياف مابينا شكر والرسميه اتركيها بيننا وكل شيء تبينه مني انا تحت امرك تفهمين ؛ وطلع حلاوة من جيبه وعطاها
ضحكت لحن وخذتها منه : اح طيب جبهتي اوجعتني وبعدين مانسيت
نياف ابتسم : انسى اسمي ولا انسى طفولتك
ابو عناد : يبه نياف واضح عليك التعب بتجهز لك لحن الحين غرفه تنام فيها
نياف : مايحتاج يالغالي بيتي بنفس الحوش اروح له بسرعه
ابو عناد : كلمتي ماتنعاد وبعدين بيتك ببيعه وبتعيش معي هنا
نياف : بس يبه
ابو عناد :بدون بس لحن من صغرها تعتبرك اخوها وسندها وكبرت وانت بنظرها اخوها حتى انها مافكرت تتغطى منك بس تلبس الطرحه على راسه  لانك اخوها يانياف ولا تنسى انت مثل عناد ولدي مثل ماتشوف عناد  اخوك انا ابوك انا اللي ربيتك مع عناد ونواف
نياف : ماتقصر يبه
لحن صفقت : الحمدلله اخوي الدكتور بيعيش معنا
ابو عناد : اي جهزي غرفته بيروح عناد يجيب كل اغراضه بينقلها هنا ويقفل بيته مابيرجع له الا لمن يتزوج
لحن ضربت كتفه : تفكر تتزوج ياخو لحن
عناد : خير من الحين بدينا وخر عن بنتي ولا بيصير شيء مابيعجبك
نياف : وش دخلك اختي ياخي وش تبغى
عناد سحب لحن وضمها وخباها بحضنه : لا اشوفك تحتك انا ساكت وتحمل ان غيث بينام معها بغرفتها وحرمني منها تجي انت بعد
ام عناد وقفت وسحبت لحن من حضنه ورجعت مكانها ولحن جلستها بحضنها
آسيا: يمه وش كبرها مجلستها بحضنك تراها مو لحن البزر بكره تخلف لك عيال وباقي تجلس بحضنك
ام عناد : هذي بنتي حتى لو كبرت بتضل بعيني صغيره وبحطها هي وعيالها بعيوني وبجلسها بحضني وهم معها وش دخلك
آسيا: والله يمه من الدلع الزايد
لحن تناظرها بنظره انتصار وتبي تقهرها ضمت ام عناد اكثر وهي تسوي حركات بلسانها تقهر اسيا
عناد : بس يمه ذي حقتي
نياف : متى صارت حقتك تراها بنت مب غرض تول حقتي
ام عناد : خلاص انت وياه هذي بنتي واشوفكم تتكلمون
ابو عناد : عاشت رهيفه قلبي ايه خليك قويه
آسيا: جدي وش فيك على العيال كل ماشفت احد خذيته لبيتك تصدق انا باقي تحت تأثير الصدمه ماخذ زوج بنتك معك
ابو عناد : عيالي ياسيا وانا ودي انهم يعيشون معي واشوفهم قبل يصير فيني شيء واموت
لحن ناظرته ووقفت نزلت دموعها وضمته : يبه تكفى لا عاد تطري الموت عند اسمك وش لون تبيني اعيش من دونك
عناد وقف وراح صوبهم وضمهم : بعد عمر طويل يالغالي
غيث من دخل وهو ساكت يناظرها وحس بغيره من تعاملها معهم وتعاملها معه صح انها تضحك معه وتبتسم له وتسولف معه عادي بس يحس انها لحد الان ماتقبلته ويمكن كلامها له وانها تحس بمشاعر متناقضه اتجاهه بس ماتحبه يمكن اعجاب بشخصيته وباهتمامه لها هو عايش معاها بتناقض هو ايقن انه حبها وانها قدرت تحيي جروحه بعد جرح حبه الاول تذكر تعامل سما معه وكيف كان حبهم نقي وافترقوا من وافقت تتزوج واحد ثاني وفضلته عليه ؛ غيث من بعدها كره الحب بس لحن يحس معاها بمشاعر غريبه قلبه يوجعه من يشوفها تضحك مع عناد وتضمه وتسولف معه هو قدر يتغلب على حبه الاول بحبه لها صدق مقوله ان الحب الاول مايدوم وانه حب طفوله ويروح مع الوقت بس غيث حبه الاول نقي وصعب نسيان راعيه دخل اصابعه بشعره وتنهد وسحب شعره الكل سمعه وناظره
ام عناد : وش فيك يمه يوجعك شيء
غيث : ابد بس مصدع مانمت من البارح
ابو عناد : روح ارتاح قبل العصر بنطلع كلنا لابو مسفر مسوي عزيمه الليله
غيث : اعتذر منك ياعمي بس ماني برايح العصر بروح للمدينه عندي اجتماع مهم بالشركه ولازم اكون موجود
ابو عناد : اللي تشوفه ياوليدي
لحن : يبه وانا بعد ماني برايحه
ام عناد : ليه يمه
لحن : مالي نفس اروح مكان واحسني تعبانه
ام عناد خافت وقربت صوبها : وش تحسين فيه
لحن : يمه مرهقه لاني البارح سهرت وتعرفين لمن اسهر اتعب واحس بكسل ونفسيتي تتعب
ابو عناد : اجل اللي تشوفونه
عناد : يبه دام لحني مابتروح انا بعد مابروح اخاف يصير لها شيء وحنا بعيدين عنها
ابو عناد : غيث موجود معها
عناد : بيروح للشركه العصر وانا اخاف اتركها تضل وحيده بدوني
نياف : عشتوا كلنا بنضل معها
ابو عناد : كلكم مابتجون يعني
ام عناد : نغم يمه تضلين بعد
نغم : اي يمه دام لحونه مو جايه ليه اجي
ابو عناد: يارهيفه قلبي اتركيهم خلينا نروح انا وانتِ نكفي وبعدها نروح للحلال نجلس لنا يوم يومين هناك نفتك منهم شوي
عناد : ابوي بيجدد شهر العسل
ام عناد خذت فنجال قهوة ورمته ضرب صدره : ماتستحي أنت
آسيا ضحكت : ابوس يدينك جعلها ماتمسها النار يمه دخيلك عطيه واحد ثاني على جبهته مانسيت حركته للحين كل ماشفت خشمي وجعني
لحن : اخ يمه توجع
عناد : يابنت عناد خلينا الوجع للرخوم مثل اسيا وبعدين امي تخاف علي الضربه مب قويه
وقفت لحن وراحت تجهز غرفه نياف ورجعت خبرت نياف وراح لغرفته ينام وغيث وقف راح غرفتهم هو ولحن ينام قبل العصر
آسيا شالت نقابها : كل الديره نايمين الا حازم وعياله ضب حنا
ضحكت نغم ووقفت تسحب يدها ويد لحن وراحوا للمطبخ يجهزون حلا العصر بيسمرون دام ام عناد وابو عناد بيروحون للحلال
-
<<بيت غالب >>
غالب جالس بمكتبه محد يتجراء يدخل مكتبه اول يدق الباب يضل بمكتبه بالايام ومايطلع منه يفكر كيف يطيح صاحبه ويكسره ويكسر عناد وغيث ويخطف لحن اجل العزيمه ومخططاته لوقت ثاني على طلب الكوبرا ومن جاه خبر ان مخلد انمسك والعميد اللي مسكه مجهول واللي يدور عليهم مجهول تجيه تهديدات من رقم مجهول يجهل صاحبها فكر اكثر من مره يقتل عناد ويكسر غيث بموت عناد بس بكل مره يفشل الكوبرا قرر يرجع بناته للديره ويكونون تحت راعيه غالب وهو مختفي للوقت اللي يقدر يخطف لحن اكثر من مره حاول يخطفها لمن كانت بالمتوسطه بس عناد كان مثل الدرع يحميها من الضرر ويضل ينتظرها من تخلص تطلع وتلاقيه كان عناد مثل الحارس الشخصي لها
جاه اتصال من الكوبرا
الكوبرا: وش صار معك بخصوص بنت حازم
غالب: ماتركوها حاولت اكثر من مره اخطفها ماقدرت
الكوبرا: تصرف ياغالب لو ترسل جامعه يخطفونها من بيتها مالي شغل
غالب: الظاهر برسل رجالي يهجمون على بيت حازم ويخطفونها دام حازم وحرمته بيروحون للحلال وبيجلسون يوم او يومين
الكوبرا: اذا قدرت ارسل موقعهم لي تفهم وانتبه من عناد تراه يراقب جوالك لكذا امرتك تكلمني من رقم ثاني وتبعد جوالك القديم عن المكتب وتتركه بغرفتك
غالب: وش رايك نلعب عليه
الكوبرا: العب على غيث بس عناد لا تلعب عليه انا شاك انه من جهاز امن الدولة ولا ومن وين له كل هالقوة والحذر
غالب انصدم : تتوقع انه من امن الدوله ويعرف مخططاتنا
الكوبرا: توقع كل شيء من عناد لانه مثل المافيا بحق وحقيق ويعرف كل شيء عن عالمهم الاسود
غالب : وش السوات الحين مانقدر دام عناد محاوطها من كل مكان لازم نبعد عناد عشان نقدر نخطفها
الكوبرا ابتسم بخبث : بنجيب بنت حازم ونقتل عناد قدام عيونها وش رايك
ابتسم غالب : فكره حلوه متى ودك
الكوبرا: اخر الليل ارسل رجالك يهجمون على بيت حازم واخطف بنته قدام عيونه
غالب : اتفقنا انتظر بنته بتجيك على طبق من ذهب بس بالمقابل حول لي المبلغ
الكوبرا: بيجيك اذا صارت بين يديني
غالب : انتبه تراك صرت مطلوب أمنياً ؛ قفل الخط وهو مبتسم بخبث ويفكر بعناد كيف بيتخلص منه