أنت العوض لا صارت حظوظي شحاح وأنت الهنا ياغايتي والغنايم

Part 19

قالوا تسافر قلت مليت الأسفار ΅
لأهل السفر غاية وأنا غايتي غير
قالوا تصيف قلت في دار الأخيار ΅
مصيفي أبها دار العز والخــير
أهيم مع رقصة سحابه إلى ثار ΅
وإن هبت النسمة وغرد لها الطير
.
.
<<بيت ابو عناد >>
لحن صاحيه بدري اليوم ومجهزه كل شيء قبل صلاة الفجر جهزت العريكه والقهوة وبعد كم صنف جنوبي لانهم رايحين للحلال مشتاقه لهم
ام عناد وابو عناد منتظرينهم يصحون العيال من النوم عشان يمشون
لحن تأففت : اف يبه متى يصحون ذولا طفشت
ام عناد : وش فيك اليوم مو طبيعيه متحمسه مره حتى مسويه عريكه وحركات
لحن ابتسمت : يمه وش يسوي الجنوبي لا صار مشتاق لحلاله ومشتهي العريكه
ابو عناد ضحك : ابد يسوي عريكه ويروح صوب  حلاله
لحن : الله عليك يبه
ام عناد : والله انك صادقه طفش
لحن فزت : الحل عندي
ام عناد خافت من فزتها : وش فيك بسم الله تقل مطفوقه اهجدي يمي مدري حنا كيف مزوجينك
ضحكت لحن وخذت سبحه ابوها وجابت سماعات وشغلت نبض القلوب وهواها ولعبت لعب شهري تعشقه وتغني معهم:
يا لا لا لا له لا لا له يالا لا لا له نبض القلوب وهواها
سلام والعب شهري في كل شرياني يسري نبض القلوب وهواها
سلام والعب شهري في كل شرياني يسري  نبض القلوب وهواها
يا لا لا لا له لا لا له يالا لا لا له نبض القلوب وهواها
يا لا لا لا له لا لا له يالا لا لا له لاشواق ذعذع هواها
ابو عناد ماتحمل ووقف يلعب معها وعناد ماتدري من وين جاء ومسك يدها الثانيه يلعب معها وبكذا صفوا صف يلعبون
ويغنون :
يا لا لا لا له لا لا له يالا لا له لا لا لا سبحان ربٍ سواها
يانور كل الليالي وابهى الصور في خيالي سبحان ربٍ سواها
يا لا لا لا له لا لا له يالا لا لا يالا لا له شمسي ولا ارضى سواها
يا لا لا لا له لا لا له يالا لا لا يالا لا له شمسي ولا ارضى سواها
اغلا غلا وانت غالي واحلا حلا وانت حالي شمسي ولا ارضى سواها
صحى غيث على صوت ازعاجهم ونغم تصورهم وام عناد تعزز لهم ومليحه مستانسه عليهم وبنفس الوقت مستغربه اول مره تعيش اجواء نفس كذا وتتمنى انها تعيش كذا دايماً
غيث : وش السالفه
ام عناد : ابد لحن تحتريكم وقررت تصحيكم بطريقتها
ابتسم غيث وماتحمل مسك يد ابو عناد وصف معهم ويلعب معهم
وعناد سحب السبحه من يد لحن وقال : هذا البيت مخصوص للحن عناد
يا لا لا لا له لا لا له يالا لا لا يالا لا له سلام والعب شهري في كل شريان يسري نبض القلوب وهواها
يا لا لا لا له لا لا له يالا لا لا يالا لا له وتعبت ادور شفاها
يالزين هون بروحي تجفى وزادت جروحي وتعبت ادور شفاها
البرق نوره يلوحي غطى التهم والسفوحي
يا لا لا لا له لا لا له يالا لا لا يالا لا له سلام والعب شهري في كل شريان يسري نبض القلوب وهواها
يا لا لا لا له لا لا له يالا لا لا يالا لا له غيث سحب نغم معهم تلعب وام عناد خذت الجوال تصورهم ومليحه مستانسه عليهم واول مره تشوف غيث مبسوط كذا
طلعت لحن من الصف وضلت مقابلتهم
وتلعب بكل حماس
يا لا لا لا له لا لا له يالا لا لا يالا لا له نبض القلوب وهواها
سلام والعب شهري في كل شريان يسري نبض القلوب وهواها
يا لا لا لا له لا لا له يالا لا لا يالا لا له وعروقه اروي ضماها
الورد ذبلت غصونه ياليتني من يصونه وعروقه اروي ضماها
يا لا لا لا له لا لا له يالا لا لا يالا لا له من شوقها فاض ماها
يامن عطاني شجونه والروح تفدى عيونه من شوقها فاض ماها
وقفوا لعب ولحن من التعب تتكلم بصوت متقطع : يبه بسرعه نروح للحلال وارقص لهم
نغم : لا بالله وش فيك اليوم من الصبح تبين تقابلينهم
لحن : ماشفتي الصبح عند الحلال يازينه
عناد : ترا صباحي بباقي ما ابتداء رجاءً
لحن وقفت تضمه : صباح النور والنوير واوراق الشجر والطير صباح الورد والياسمين وش تبي بعد
ضحك عناد وباس خدها وغيث سحبها من حضنه
غيث : تراك فليتها مره اذا شفتك تحتك ثاني مره فيها بسحب نغم وبرجعها بيتنا
لحن : خير اذا راحت بروح معها
غيث : حلو عشان نجلس بعيد عن عناد
لحن سحبت يدها من يده وضمت عناد : روح انت انا ما اترك ابوي
عناد بانتصار : شفت ماتقدر تبعد عني
ابو عناد : اقول تقلعوا كل واحد يروح لسيارته بسرعه
عناد : لحن سيارتك وصلت
لحن بحماس : بذمتك
عناد : والله تعالي شوفيها
كلهم طلعوا معها ومن شافتها بكت
عناد : وين ام لسان
آسيا: تلتوي على ضلوعك ان شاءالله
عناد : بسم الله ليتني ذاكر ملايين اجل تعترفين انك ام لسان
لحن : خربتوا علي مشاعر الفرحه هدمتوها ابغى اسوي نفسي مصدومه واسوي دراما وابكي بس معكم ماش مافي دراما
آسيا: اعقبي تبين تبكين بدوني
نغم : حتى بالبكى مشاركتها ياليل النشبه لا تحتكين ببنتي
آسيا: من بنتك !ذي احلفي
نغم : اي بنت زوجي يعني بنتي بعد
عناد : كفو حرم عناد اي كل شيء ملك عناد ملك حرمه
آسيا: عشتوا ياليل كان واحد ومعذبنا والحين صاروا اثنين
ام عناد : لا بالله و أنتِ الصادقه أثنين وصارو ثلاثه نسيتي السوسه و أنتِ معهم بعد
آسيا: بنتهم ؟ الله يسامحك يمه انا معهم
لحن: مسويه الاخت اسيا طالعه منها ولا تبي تثقل لان اخ اخت الدكتور خطبها ترا بقول لاخوي
ام عناد : اي بنتي مب بنتهم يخسون ياخذونها مني
آسيا: اسكتي تكفين لا تجيبين اطاري واتوتر
غيث قاطع نقاشهم : عناد انا جالس اشوف ثلاث سيارات ؟ ليه !
عناد : بنت عناد ووطنه و حرم عناد وقلبه و الثالثه روح عناد وضحكته
البنات ضموا بعض وبكوا
ابو عناد : ليه البكى الحين علموني
آسيا: يعني اقدر الحين ادعس تيم
ضحكوا وقال عناد : هذا كل همك
آسيا: اي
لحن : يبه تسمح لي اسوق لين الحلال
ابو عناد : ابشري
مليحه: تعرفين تسوقين ؟
لحن : المحزم معلمني من قبل لي سنه اسوق وبعد عندي رخصه مطلعتها من صار عمري 18
مليحه : كفو
آسيا مصدومه من شوفتها عندهم ومن شافت الكدمات ويدها المكسوره اسكتت بفضول تبي تعرف بس قالت بعدين تسال البنات
ام عناد : تجهزوا ترا ممكن يجي اخوي وبناته مشتاقه لهم وعاد قلت لهم نتقابل عند الحلال
اسيا: يمه كم عنده بنت ؟ وش اساميهم وكم اعمارهم
ام عناد : تحقيق هو ابد الله يسلمك ست اسيا الكبيره عمرها 20 والتوام المختلف اعمارهم 18 نفسكم
نغم : توأم ؟
ام عناد : اي توأم بنتين بس ما يتشابهون بشي غير الهبال هم اهبل منكم وزود نفس جوكم بتكونون صداقه بسرعه
لحن : كفو نفسنا حلو ؛بيعيشون معنا ؟
ابو عناد : اي يابنتي من ماتت امهم مالهم غيرنا يبه
غيث : عناد هات المفاتيح بسوي لفه على سيراتهم
عناد : امسك
غيث بنذاله : اللي تبي مفتاحها تجي تحب راسي الا اسيا حبي راس حرم غيث واعتبرها وصلت
نغم : خير وش تذلنا انت
غيث رفع حاجبه : سميها اللي تبين تسمين اذلكم ولا لا بكيفي
لحن : طبعاً حرم غيث مسموحه صح غيثي
غيث تخرفن من غيثي وعطاها المفتاح : سمي
عناد : خير ان شاء الله غش هات مفتاح حرمي اجل وبنت اخوي
غيث : لا
عناد مسكه وسحب المفاتيح : اقول هات بس ماعاش من يذل بناتي وانا حي
ضحك غيث : هيه هد اللعب ترا اختي من ضمنهم تعقب تصير بنتك
عناد برفعه حاجب وعطاهم مفاتيح سياراتهم وحاط لكل وحده منهم باقه ورد بلونها المفضل جوات سيارتها وقال : بس زوجتي وام عيالي ولا ناسي
آسيا: انا مارح اسوق بركب مع لحن ماني متعلمه زين
نغم : نفسك بركب مع لحونه حتى يعلموني عناد وغيث
لحن : وش رايكم انا اعلمكم
البنات قدام
لحن : مليحه أنتِ اول وحده تركب وبعد قدام معي
مليحه: ابشري
ابو عناد وام عناد ركبوا مع عناد وغيث والبنات بسياره لحن مليحه قدام واسيا ونغم وراء
لحن : بشغل لكم ياسهيل يالجنوبي
البنات : تم
عناد : خليك وراي
لحن : ابشر
طلعوا ولحن بسيارتها والكل منتظرهم عشان يطلعون للحلال مع بعض وكل رجال الديره شافوا لحن طالعه بسيارتها والكل مصدوم
ابو مخلد ماعجبه ان البنت تسوق وبعض رجال الديره يلومون ابو عناد لانه مدلعها بالحيل وهذا الشيء مو عاجبهم لان بناتهم بيصيرون يبون نفسها
لحن ما اهتمت لنظراتهم وهمسهم وطلعت على الشارع والبنات يصفقون ويعززون لها ولسواقتها المحترفه
بداح وتيم بسياره وحده ومعهم حازم مجبور يروح معهم شافوا سياره لحن وضرب لها تيم البوري اكثر من مره تعزيز لها وهي رجعت له الحركه بحيث ترد على تعزيزه لها
لحن والبنات يرقصون السياره مضلله محد يقدر يشوفهم
والبنات يصورون ولحن رفعت الصوت وغنوا كلهم مع بعض
يا لا لالي يا لا لا لا يا لالي يا لا لا ويا لا لي يا لا لالي ياسهيل يالجنوبي بردك يجي نسناسي ياسهيل يالجنوبي
آسيا تصور وترسل للبنات بالسناب تقهر غيم وجنه
غيم مقهوره وجنه تبي معهم بس يستاهلون هم ركبوا مع اهلهم
وصلوا ونزل الكل من سيارته وغيث وعناد من وقفت لحن ونزلت وهم متفقين اول واحد يركض عندها يضمها الثاني يلبي طلبات الرابح ابو عناد صاح للحن تهرب صوبه
لحن شافتهم يركضون من بعيد متوجهين صوبها خافت وسمعت ابوها يناديها تهرب ركضت بعكس اتجاههم وصارت بحضن ابوها وقفوا اثنينهم قدامها
وابو عناد مسك عصاه وضربهم اثنينهم
لحن : وش فيكم
تيم : افا يبه وهم اكبرنا واعقلنا وش صار لهم انهبلوا
بداح : اختك هبلتهم بس امانه ركبيني سيارتك بجربها
ابو غيث : وش فيكم البنت خافت
ابو عناد : ابد ياولدي بس الأثنين ذولا متحدين بعض في السياره حتى تضاربوا بغى يصير لنا حادث بسببهم
ابو بداح : وش التحدي ياعمي
ابو عناد : اول واحد منهم ينزل من السياره ويمسك لحن ويضمها يلبي طلبات الثاني
ابو جنه بضحك : عساهم ربحوا بس
ابو عناد : افا عليك انا موجود بالمرصاد لهم الا بنتي
ابو عناد ضربهم كلهم وامرهم يجهزون الخيام عبال مايفطرون الكبار والحريم وهم بعد ما يخلصون من الخيام يفطرون
ابو عناد : يلا كلكم قدامي رتبوا الخيام
عناد : يبه ماطب بطني شيء من الصبح نفطر وبنشوفها فطور وطن عناد مايفوت
ابو عناد : مافيه بعدين
لحن باعتراض : يبه تكفى يفطرون بعدين يشوفون للخيام تكفى طلبتك
ابو عناد اشر على خشمه : على خشمي والله ان تبشرين وطلباتك كلها تم
عناد سحبها من وراء ابوه وباس راسها : ينصر دينك ياوطن عناد
لحن : عشانك بس
ابو عناد : عشانها بس تفطرون بعدين تشتغلون
بداح : والله طلعتي مسيطره على الكل
لحن : احم احم لا تعاديني عشان الكل مايعادونك ويجلدونك
بداح : حتى تيم
تيم حاوطها بذراعه : حتى تيم بيبيعك عشانها
بداح : افا تبيعني خلاص اقطعها
تيم : امزح معك وش فيك صدقت ابيع سيارتها وانت ما ابيعك وش فيك صرت زعول
ابو عناد : انت وياه تبعدون من قدامي ولا شلون
ام عناد : يالحن تعالي ساعدي خواتك هربتي عند حازم وماعاد جيتي
لحن : يبه ادعلي بنتك بتودع الملاعب بعد شوي الغاليه معصبه
ابو عناد : الله يحفظك انا ماني معك المره ذي
لحن تمسح دمعتها الوهميه : ادري الله يحفظك
ضحكوا عليها وغيث مكشر من وصلوا وزاد عليه كلمتها لعناد وعصب يحسب انها لحد الان مو معبرته او مهتمه له مايدري ان بنتنا طايحه على وجهها وتعلقت فيه
-
<< عند الحريم >>
ام بداح مو منتبهه لمليحه او ماشافتها لانها طولت مانزلت من السياره
لحن وقفت عند باب السياره وفتحته مسكت يدها تنزلها من السياره ومليحه كانت متردده وخايفه ماتبي تواجه امها لانها عارفه وش بيصير
ام بداح شافتها مع لحن وعرفتها صاحت صيحه خلت كل الرجال يرتعبون ويتوجهون صوبهم
تجمعوا كل الرجال
ابو بداح : وش فيك ليه تصيحين
ام بداح ماقدرت تتكلم وتاشر له على بنته مصدومه هي كانت مبسوطه انها افتكت من بنتها
ابو بداح بصدمه : مليحه وش تسوين هنا
سعيد وبداح فيهم شوق لاختهم الصغيره مهما سوت تضل اخر العنقود ودلوعتهم هي ماحست بحنان امها بس مشتاقه لحنان اخوانها ودلعهم لها حتى منصور مكان مهتم لعياله كان كل همه انه يربيهم لسن معين واذا كبروا هم يربون انفسهم ماكان الاب المثالي لعياله يحبهم ومايرضى عليهم بالاذى بس مايعرف يعبر عن حبه لهم
ام بداح بعصبيه : وش تسوين هنا
مليحه : يمه
ام بداح : انا مب امك تفهمين أنتِ مب بنتي ماعندي بنات انا
لحن : طيب اسمعيها بالاول
ام بداح : أنتِ مالك دخل تفهمين خليك بعيده عننا يكون احسن
ابو بداح : اسكتي خلينا نعرف ليه جت ذي ووش تبي
مليحه شالت نقابها وشهقوا الكل من شافوا وجهها
مليحه : يمه انا تعبت تعبت من كل شيء تعبت من راكان وضربه لي كل يوم ما انام الا بعد صياح وبكى ووجع كنت اناديك قبل انام كنت اتمنى تجين عندي وتضميني وتمسحين على راسي وتقولين لي وش يوجعك يمه وتخبيني بين ضلوعك بس بكل مره اتذكر تعاملك لي من صغري كنتي تقولين لي اتمنى تموتين وارتاح منك شوفيني مت وانا حيه يمه أنتِ كرهتيني بحياتي بطفولتي بكل اللي حواليني انا من اشوف تعامل امهات البنات اتمنى بس تبتسمين من تشوفيني بسببك الكل استغل ضعفي حتى جدي استغل عدم اهتمامكم لي وهو اللي اخذني بيده رماني على راكان حتى راكان اخذ مني اغلى شيء املكه عشان وش بس عشان غيث يتزوجني ويستر علي ويلوي ذراع غيث باخته ويكسر غيث  بس انا كنت ارفض وكان جدي يضربني اذا قلت لا ؛ ماتحملت وبكت ولحن ضمتها تهديها وتمسح دموعها
سعيد وبداح انقهروا عليها و انصدموا من الكلام اللي قالته
سعيد بعصبيه وشد على قبضه يده : عيدي وش قلتي
مليحه تهز راسها : والله ياخوي انا مو نفس اللي قاله لكم جدي انا مارحت عنده برضاي جدي هو اللي اخذني وخدعني ورماني عليه وراكان ماقصر اخذ اللي يبيه ورماني وجدي رجع بعد يوم واخذني وكذب عليكم
سعيد ماتحمل كلامها وبكى وبداح طاح على ركبه وبكى بقر على اخته جده كذب عليهم
بداح : انا ماعاد بسكت بتكلم
سعيد : تكفى عشان اختك
بداح بعصبيه : بس شوف وش سوى باختي انا عشانها سكتت سنوات والحين تبيني اسكت والله ما اسكت
سعيد ببكى مشى عندها بخطوات راجفه وثقيله ويدينه ترجف وقف قدامها وابعدت لحن عنها رفع يدينه برجفه حاوط وجهها بيدينه يمسح دموعها ويمسح على كدمات بوجهها والجرح اللي كان بجبهتها وكان عميق
سعيد : ببكى سامحيني انا ماكنت قد ثقتك فيني سامحيني انا ماكنت السند اللي تبينه سامحيني
ضمها لصدره وهي شدت على ثوبه وضمته اكثر
بداح وقف وتوجه صوبهم وضمهم مع بعض وبكى اكثر
عناد نزل راسه بقهر عليهم وتخيل لو كانت لحن مكانها وش كان بيسوي يمكن بيحرق الكل لعيونها
لحن شافت عناد ونزلت دموعها وتوجهت صوبه تخبي وجهها بصدره وهو استقبلها بكل صدر رحب وشد على حضنها
ونغم سحبوها اخوانها وضموها ويهدونها
ام بداح بضحك : اذا انتم مصدقين كذبها انا مو مصدقه
سعيد : يمه ذي بنتك
بداح ضحك بسخريه : اي ام ياسعيد ذي مب ام ذي عدوه بنتها
سعيد : وش تقصد
بداح : جدي وامي هم اللي خططوا ياذونها
سعيد : مافهمت
بداح : جدي هددني اذا ما ابتعدت عن مليحه وكرهتها فيني بيذبحها وانا عشان ماياذيها ابتعدت عنها لانه وعدني بيتركها بحال سبيلها اذا ابتعدت عنها ومره سمعته هو وامي يخططون بس ما ادري وش كانت خطتهم وبعدها اختفت مليحه يومين تذكر انا خفت ان جدي نفذ وعده وذبحها لانه شافني من جبت لها من السوبر ماركت اغراض وعصب علي وقتها لاني مانفذت اوامره
سعيد بصدمه : انا بعد كان مهددني بيذبحها وماصدقته وتجاهلت تهديده ومن شفته يضربها ولمن سحبتها منه دفني وهمس باذني ووقتها انا ابتعدت عن مليحه
مليحه : انتم مو مصدقينه صح ؟
سعيد : جعلني للموت ان كان صدقت فيك السوء أنتِ تربيتي انا معتبرك بنتي مو اختي
بداح باس راسها : والله لو ترجع الايام اني ما ابتعد عنك بس ماتحملت اشوفك تنضربين قدامي وبسببي انا عشان مايرجعون يضربونك ويوجعوني فيك انا تركتك وليتني مت قبل اتركك وقتها
مليحه : انتم مالكم ذنب انتم حميتوني وقتها ماتركتوني
ابو بداح : وينه راكان الحين ؟ ومين اللي رجعك ؟
غيث : بالسجن
ابو بداح : وش تقصد
عناد : ابد مسكناه ورميناه بالحبس وكل يوم ينضرب ابشرك
ابو بداح : انت وغيث؟
مليحه : انا دقيت على غيث ينقذني منه لاني عارفه محد يقدر ينقذني غيره
غيث مسك كتف عناد : وماقصر العضيد ساعدني
بداح : مشكورين
عناد : مثل ماتشوف لحن اختك اشوف مليحه اختي
ضحك بداح : ترد الحركه يعني
عناد : ياخي ماني متخيلك جدي كذا ترا مو لايق عليك الجديه خلك اهبل
بداح حك راسه بفشله وضحك : ابشر
ام بداح : وين بتعيشين ان شاءالله لا تفكرين ترجعين للبيت مالك رجعه
سعيد : ليكون بعد بتطردينها من بيتها
ابو بداح : نسيت ان جدك معنا بنفس البيت ؟ اذا رجع وشافها وش تسوي هل بتحميها
بداح بعصبيه : اي نحميها وتهديده ماعاد بيهمنا وانت يبه كنت تسمع كلامه وشوف بالنهايه دمر بنتك اختنا ماراح نسمح لكم تأذون شعره منها تفهمون
رفعه : يابداح والله بيقتلها مثل ماقتل نواف وبكت
الكل لف بنظره صوبها من الكلام اللي قالته
مسعود بصدمه : يمه وش تقولين ابوي يقتل روح ؟ ماني مصدق
رفعه : ماهو ابوكم
ابو عناد بصدمه : وش تقصدين بحكيك
رفعه ماعاد تحملت وتكلمت : وقتها انا كنت حامل بسف وباقي لي كم شهر واولد ومسعود ومنصور صغار مايذكرون غالب كان عنده اخ اسمه غلاب توأم يتشابهون ماتقدر تفرق بينهم من كثر الشبه وقتها غالب كان يعاني من مرض وكلم غلاب يتواصل معك ويصير شريك معك بالتجاره لفتره تعافي غالب وغلاب خدعك انت وغالب وقال لك ان اسمه غالب وانه هو اللي كلمك ومن بعدها صرتم اصحاب وفي اليوم اللي قرر غالب يجيك ويتفق معك على كم شغله غلاب عرف وجاء للبيت وقتل اخوه قدامي ودفنه بمكان محد يعرفه واخذ هويته بحكم انهم اخوان ويتشابهون ومن بعد ماولدت وطلعت من العده تزوجني بعد ماهددني يقتلكم نفس ابوكم وانا خفت عليكم ووافقت وانتم كبرتم تفكرون انه غالب ابوكم وهو عمكم غلاب
غيث : جده تعرفين طيب ليه قتل نواف
رفعه : اللي اعرفه انه ارسل رجال يقتلون عناد بس كيف ووش صار وقتل نواف مادري
ام عناد : ياويلي وليه يقتل. ولدي
رفعه : عشان يكسر ابو عناد بولده ويقدر ياخذ حلال ابو عناد كله
ام عناد بكت ولحن انصدمت وخافت وضمت عناد وصاحت بعدت عنه تمسك يدينه : بياخذونك انت بعد وتتركني مثل نواف
عناد يمسك يدينها يهديها وضمها : والله محد بياخذني منك غير رب العالمين اهدي
لحن ببكى : تكفى لا تخليني نواف تركنا كلنا لا تكسرني انت بعد وترحل
عناد : اهدي ياوطن عناد محد يعرف متى يومه غير ربي اللي خلقنا الاعمار بيد ربي مو بيدين البشر
لحن : هو اللي قتل نواف وبعده عنا انا مشتاقه لنواف
عناد : والله لا اخذ حق نواف منه
غيث : لا تخاف انا مخطط لكل شيء باذن الله ان اقدر اجيبه واخذ حقك وحق نواف منه انا رجعت فتحت ملف قضيه نواف
ابو عناد : لا حول ولا قوة إلا بالله
سيف مسك راسه بصدمه من اللي يسمعه
ومسعود بكى ماتحمل ومنصور مكسور من امه وكلامها
ابو عناد : منصور بنتك ماراح تعيش عندك بتضل عندي دام غالب مختفي ما اقدر أأمن على حياه البنت ببيتك
ابو بداح رفع نظره وطاحت عيونه عليها وهي تناظره بحزن : اللي تشوفه ياعمي اهم شيء بنتي تكون بعيده عن خطر عمي
مليحه : يبه
ابو مليحه نزل راسه ببكى : سامحيني ماقدرت احميك ماكنت لك الاب اللي تتمنين ماكنت لك السند بحياتك انا دمرتك ماحميتك
مليحه تقدمت وحبت راسه وضمته وهو ماتردد يبادلها الحضن وبكى ومسعود بناته سندوه ووقفوه وضموه وسيف عياله وبنته وقفوه وسندوه وضمهم
لحن مسحت دموعها وبعدت من حضن عناد وقالت : ليه الحزن الحين شفتوا بكيتوا قبل تذوقون فطوري عريكتي خربت صارت بارده ليه البكى عيال حازم مايبكون صح ابوي
ابو عناد : اي والله عيال حازم واحفاده انتم عيالي وهم احفادي
لحن : لا خلاص تراجعت انت ابوي انا بس ماراح اسمح لحد ياخذك مني
سيف ابو غيث : شف شف بسرعه غيرتي رأيك
ضحكت لحن : ابوي اغار عليه
نغم : شف يبه تغار على ابوها وزوجها ماتغار عليه ماتحبه يبه طلق غيث منها وزوجه سوسن تحبه وتغار عليه
ضحكوا عليها وقال ابو غيث : كيف اطلق غيث منها صاحيه أنتِ
لحن توجهت صوب غيث ووقفت جنبه ومسكت زراعه وقالت : خير تبين تاخذين زوجي مني انقلعي حقي بس والله ما اطلقه واذا طلقته خليتك تطلقين عناد
نغم : تغارين عليه طيب
لحن : اي اغار عليه حتى من عناد نغم فكيني شرك وبعدين مالقيتي الا سوسن تزوجينه بها والله ماتشمه
تيم : سبحان الله بناتنا غير ماشاءالله عليهم تفكيرهم البطل وش تطلقه صاحين انتم هو اللي يطلق مب انتم وبعدين أنتِ الثانيه وش تشمه بخور عود هو على غفله والله لو انه افخم عطور عندي
ام عناد : ياويلي البنات انهبلوا
غيث همس لها : ماهقيت تغارين علي هالكثر
لحن استوعبت انها ضامه ذراعه وبعدت بحياء وركضت لامها وتخبت وراها
ضحكوا عليها وقالت نغم : وين اللي كانت جريئه من شوي
لحن بهمس لامها : يمه سكتيها
ام عناد : عناد سكت زوجتك عن بنتي ولا ترا بتنام برا الخيمه تقوله لحن
عناد : عادي عشان تنام عندي بحضني
نغم انربط لسانها وركضت وتخبت وراء ام عناد مع لحن
سيف : حرام عليك ياعناد استحت بنتي
غيث : تستاهل عشان ماعاد تحرج حرم غيث
ام عناد : اقول الفطور برد وصار غداء ماتبون تاكلون
منصور : والله ياخاله ماكلينا شيء من الصباح
عناد : يمه صارت الساعه 9:30 وعريكه لحن جمدت يمه مشتهيها حاره وبعدين لا تشوفها الملسونه تسرقها علي
اسيا اخذت حجره ورمتها على عناد وعناد سحب تيم وجت براسه وشهقوا الحريم
عناد : حتى ماتعرف تصوب
لحن : يمه ياكبرها تخيلي جت بعنادي والله ان تنامين عند الكايده اليوم
آسيا: تبيعين اختك عشان المروح عناد
لحن : لعيون عنادي راضيه
آسيا: اقطعيها
تيم : حسبي على عدوكم احس بدوخه واشوف المكان يدور
حازم وقف قدامه ورفع اصبعه على شكل اثنين قدامه : كم هذا
تيم : اربعه
حازم : اسيا كفو الضربه قويه
بداح : دم يطلع من راسه
تقي : ولدي ذبحتوه
عناد : من زينه نذبحه مانبي ننسجن بسبب مروح صح اسيا
آسيا شهقت : اخوي يمه بيموت
لحن : توك تستوعبين
لحن توجت لسياره عناد اخذت حقيبه إسعافات اوليه وتوجه عند تيم
لحن : حزامي
حازم : احتزمي
لحن : امسكه بعقم جرحه بيهبدني لانه بيوجع
عناد : عشان افقع له راسه من الجهة الثانيه
عقمت لحن جرحه وعطته مسكن للصداع
لحن : نياف وينه ؟
ابو عناد : كلمته يقول انه طالع من المستشفى وبيجينا انتهت مناوبته
لحن : الله يطعني عنه الاسبوع ذا مره متعب نفسه
عناد : طعنوا اسيا عنه مب أنتِ
آسيا: خير وش مسويه لك انا تبي الفكه مني الظاهر
عناد : احبك
سكتت باحراج وهربت وجهزوا البنات الفطور وافطروا والعيال ضبطوا الخيام وجلسوا يسولوفون ينتظرون ياذن الظهر وبينامون بعدها شوي لين العصر
-
<< العصر >>
وصلوا اخو رهيفه وبناته رهيفه طلعت تستقبلهم وتزغرط ونزلت دموعها من شافت اخوها وبكت مشتاقه له
-
مقرن بن مسفر ال بارق
زوجته متوفيه
بناته
مسك بنت مقرن 20
غزل بنت مقرن 18
غزال بنت مقرن 18
-
ام عناد : يامرحبا يامرحبا يالله انك تحييهم ياجعلها ترحب ملايين ارحبوا ارحبوا
مقرن : البقى ياوخيه وينها اللي ازعجتيني بها بشوفها
ام عناد : لحن اقربي سلمي على خالك
جت لحن مستحيه منه اول مره تقابله
مقرن : هذي هي بنيتك ارحبي
ام عناد تمسحك دموعها : اي بنيتي
لحن قربت وحبت راسه ويده احتراماً لكبر سنه
مقرن : ياحليلها تهبل بنيتك ياليت كان عندي ولد ازوجه بنتك
غيث يتنحنح ولحن ماسكه ضحكتها من تنحنحه
ام عناد : متزوجه ياخوي
مقرن : اجل لا نفكر مره
ابو عناد : يالله ان تحييهم ارحبو ارحبوا حي والله من جانا زارتنا البركه
مقرن : الله يبقيك ويكثر خيرك يابو عناد
عناد : ارحب ياخالي يالله ان تحيه
مقرن ضم عناد : كبرت ياولدي خابرك اخر مره كنت وغد
ضحك عناد : ماعادني بوغد كبرت الحين يالغالي
بعد الترحيب والسلام والسؤال عن الحال والاحوال والتعارف والبنات مستحين من عمتهم اول مره يشوفونها
ابو عناد : عناد
فز عناد وقال : ابشر
فهم ابوه من نظره وفز يذبح الذبايح
مقرن : وين زوج لحن ابغى اتعرف عليه اللي اخذ مننا البنت
ابو عناد : شفت اللي فز مع عناد هذا هو
مقرن : ماشاءالله تعال تعال بنحقق معك
ابتسم غيث وتوجه صوبهم وجلس مقابل له بامر من مقرن
مقرن : من انت ولده
غيث : سيف ال قاهر
مقرن : والنعم
غيث : معليك زود
مقرن : وش تشتغل انت
غيث : عميد ياعمي
مقرن : ماشاء الله لا اخترت الزين لبنتك ياحازم رجالٍ ماشاءالله عليه هيبته وثقله وعميد ابد كامل والكامل الله
غيث : تسلم ياعمي
-
<< عند البنات >>
لحن : بنات وش رايكم نسوي مقلب بالعيال
غزل بحماس : قدام تكفون من زمان عن الفعاليات
آسيا: طيب وش نسوي
غيم : انا سرقت من الالعاب النارية اللي جابها تيم
نغم : وش نسوي فيها
غزال : نرميهم بها او نجمعها كلها ونشغلها مع بعض بيكون صوتها قوي بالحيل ونقدر نخوفهم
مليحه: بنات تحمست بسرعه قوموا
جنه : بنات تكفون خلوها بعيده شوي بحيث مايجينا شيء
لحن : تخافين
جنه : ايه اخاف
مسك : عندي فكره بعد حلوه
البنات بصوت واحد : وش بسرعه
مسك : بما انهم كلهم متجمعين بالخيمه نرميها عليهم ونهرب
البنات : تم
جابت غيم الطراطيع ولحن والبنات اخذوا العصا الطويله وشغلوها ووجهوها صوب خيمه العيال ودخلت عليهم حاستهم
عناد وغيث مفكرين انهم بداح وتيم لانهم مختفين وشاكين ان وراهم مصيبه
ابو عناد طلع بعصبيه : خير ان شاءالله
ومن شاف البنات هداء وضل يستغفر طلعوا كل الرجال وغيث معصب
توجه صوبهم
غيث بعصبيه : وش تسوون انتم
لحن : كنا نلعب بس وجت عندكم بالغلط
غيث : تسوقينها علي تحسبيني ورع اصدق
لحن : والله عاد بكيفك تبي تصدق ولا ماتبي ماهمني
غيث بغضب ومسك ذراعها شد عليها ورفع صوته عليها : لحن ترا مب بزر عندك تكلميني بالاسلوب ذا تفهمين احترميني ونبرتك ماترتفع
لحن بوجع : اترك يدي اوجعتني
عناد بعصبيه سحب لحن : خلاص غيث ماصار شيء كلها طرطيعة وانتهت بعدين مو مأذيه محد تأذى
وثاني مره ان شفتك ماسك لحن بالطريقه ذي مايصير طيب تفهم لمن تكلمها نبره صوتك لا ترتف تفهم
غيث : وش بتسوي عناد ترا محد معطيهم وجه غيرك حتى شف تخطي وترضى
عناد : انا قلتها لك قبل وارجع اقولها والله ان شفت وطن عناد تخطي قدامي خطاها بعيوني صواب تفهم
غيث ضرب بالطراطيع اللي سحبها منهم صدر عناد وركب سيارته كان معصب من خبر وصله والحين لحن جته بوقت عصبيته وكانت سيارته بعيده عن الخيام وطلع سقارة وضل يدخن
وعناد ضم لحن ويسمي عليها : جاك شيء أنتِ
لحن هزت راسها بلا : لا مافيني شيء
حزت بخاطرها لانه عصب عليها قدام البنات ورفع صوته عليها ومسك يدها بالطريقه ذي
عناد : انتم جاكم شيء نغم جاك شيء
نغم : لا مافينا إلا العافيه لا تخاف
تقي: الله يهديكم ماجاز لكم اللعب الا عندنا
آسيا: يبه شفناه المكان الامن لنا
مقرن : حصل خير يبناتي المهم انتم بخير ماجاكم شيء
ابو عناد : ادخلوا ولا عاد تعيدونها العبوا واستأنسوا بس ابعدوا من ذي الالعاب تحرقكم
البنات بصوت واحد : ابشر
عناد تنرفز من حركه غيث وعصبيته على لحن قدام البنات
البنات دخلوا ولحن توجهت صوب امها وحطت راسها على ركبتها وام عناد تلعب بشعرها وتحصنها وتسال البنات وش فيها
غزل بهمس للبنات :ماله داعي يزعلها الصراحه
آسيا: زوجها المشكله مانقدر نقول شيء
شهقوا: زوجها ؟
نغم : اي غيث يكون اخوي وزوج لحن
مسك : طيب وش فيه معصب
آسيا:: هو دايم معصب ماتشوفينه مروق الا نادراً
غزل : خلاص مشاكل بين زوجين وش عليكم منهم اتركوهم اكيد بيراضيها بعدين
نغم : اكيد راح يراضيها اخوي وعرفه مايصبر على زعلها
مليحه: المفروض يعصب علينا كلنا مو بس هي حرام حنا معها وهي اكلت التهزيئه لوحدها
غزال : الصراحه معك حق
-
<< العشاء >>
تعشوا وخلصوا عشاهم وهم جالسين يسولفون عناد كان جالس لحاله جت لحن ومعها ابريق شاي وكاسين وفتحت السناب وتصور متوجه صوبه وجلست وصبت لها كوب وله كوب
عناد شافها وابتسم عرف انها تصور ترند ومن جلست وقفت التصوير عناد ناظرها وتاملها
لحن : وش فيك
عناد : ابد بتأمل جمال بنتي ولا ممنوع
لحن : عناد اسفه
عناد : ليه تتاسفين
لحن : الالعاب الناريه
عناد ضحك : تصدقين سويتوا لنا فعاليات
ضحكت لحن وصممت الفيد وارسلته لعناد
لحن : شوفه لاني بنزله سناب
عناد عجبه الفيد وقال : نزليه تراه يجنن
لحن بغرور : ادري طال عمرك
عناد : من يقدر يلومك تصيرين مغروره
ياغاية المستهيم وسبه افراحه
وش رايك نخلي العذال مقهوره
ماودي اخلي العذال مرتاحه
أنتِ تباهي على البنات يا اموره
وانا على الشعر والشعار والساحه
لحن : اف اف كل هذا لي اجل والله اني استاهل الغرور.
غيث جلس عندهم : وش عندكم
شافته لحن ووقفت : عناد لا بغيت شيء علمني
غيث : زعلانه
سفهته ورجعت للخيمه عند البنات
البنات من شافوها دخلت كلهم صفقوا لها
مسك: الله وش ذا الحركات والترندات
لحن : بنات فاتكم عناد قال فيني قصيده
آسيا: ابد مافاتنا شيء سمعنا كل شيء
نغم : بس ماله داعي تسحبين على اخوي يمكن يبغى يراضيك
لحن : محد يبي رضاه
غزل: الزعل كايد الظاهر
نغم : مغروره لا زعلت مستحيل تتنازل بس اخوي يعرف يراضيها
<< بداح وتيم>>
سرقوا سياره عناد وظللو اللوحه الاماميه والخلفيه شالوها وتوجهوا للخط السريع وتلثموا بشماغ وتيم يسوق ولبسوا نظارات
ووصلوا عند ساهر ووقف تيم ونزلوا النظارات وضربوا التحيه لساهر ورجعوها من صورهم ساهر وراحوا ورجعوا مره ثانيه حالفين ان تصير مخالفات عناد اكثر من 20 مخالفه
<< غيث وعناد >>
كان عناد يعاتب غيث ليه يزعلها ويعصب عليها وفجأة فز من مكانه يصارخ خافوا الحريم والرجال من صوت صراخه وطلعوا ركضت لحن عنده
لحن بخوف : وش فيك
عناد بعصبيه : وينهم جيبوهم لي
غيث : مين ؟
عناد : بداح وتيم وينهم
ابو عناد : وش السالفه ياولدي علمنا وش مسوين
عناد : يبه شوف هذي المخالفه العشرين بسببهم سيارتي وينها
حازم : عناد سيارتك مو موجوده
عناد انقهر : والله لا يندمون والله ان ينامون عند النياق
وصلوا بداح وتيم ونزلوا من السياره وميتين ضحك
عناد : يهلا ارحبوا حياكم الله شرفتوا
تيم : النحشه
عناد : والله ان خطيت خطوه لوراك انت وياه والله مايصير فيكم طيب تفهمون
نياف: عناد انت هد خلنا نفهم السالفه
عناد : ماعليك انا هادي بس انت اسكت وشوف
لحن تاشر لهم من وراء عناد بابتسامه نصر : ياويلكم ياويلكم
بداح: صل على النبي
عناد : مصلي عليه من قبل اعرف وجهك
تيم: اسمعني طيب
عناد : تراني حلفت وانت تعرفني ياتيم ماعيد كلمتي اقربوا وهات المفتاح
تيم: انا بوجه وطنك طيب
عناد : يصير خير اقرب وهات المفتاح
بداح: نبي الامان منك بالاول
لحن : بوجهي لكم الامان انتم بس اقربوا
عناد ناظرها وهي ناظرته وفهم نظرتها وقال: مثل ماقالت لكم لحن اقربوا
تيم: دام صرنا بوجهك ولنا منك الامان ابشر بنجي
ابو عناد : وش مسوين بعد
عناد : سارقين السياره وجتني عشرين مخالفه من ساهر ولها سعرها فوق 10000 يبه
ام عناد : يالحن هم بوجهك من عناد
لحن ضربت صدرها : معليك يمه عندي وانا بنت حازم ووطن عناد
ابو عناد : والنعم والله ببنت حازم
اقربوا تيم وبداح وواثقين بلحن دام صاروا بوجهها عليهم الامان مايعرفون انها خطه من لحن طلع تيم المفتاح من جيب ثوبه سحبه عناد من كفه وحطه بجيبه ومسكهم اثنينهم من ياقه ثيابهم وصفق روسهم ببعض بغضب
تيم بوجع : انا وثقت فيك
لحن ضحكت وقالت : محد قال لك تثق فيني انت والدلخ اللي معك بعدين اللي يلعب بممتلكات عنادي انا ماراح احطه بوجهي ابد وابد عنادي تصرف معهم
بداح: ذكريني ثاني مره ماعاد اثق فيك
عناد : اسكت انت وياه ؛ عمي منصور تسمح لي
ابو بداح: ابد ادبه انا ماعرفه مب ولدي
بداح : افا تبيع ولدك
ابو بداح: ماعرفه ماعرفه
عناد ابتسم بانتصار : لحن عناد وش نسوي فيهم
لحن بسخريه : حرام عنادي هم بوجهي
بداح: وتتمسخر يابرود دمك
تيم: والله وغدرتي بنا يالحن ؛ ياجده تكفين
ام عناد : عناد اتركهم وغدان مايفهمون و أنتِ يالسوسه هم بوجهك كملي الجميل وافزعي لهم من عناد عيونه طايره من العصبيه
تيم : شفتي يجده خاصميهم
ام عناد : عناد اتركهم و أنتِ انا اوريك دواك عندي
لحن : اهخ بس المجنب من الاوادم مايخلا لا سلم من شر ذولا جوه ذولا
ام عناد : لا ياشيخه
غيث : عناد اتركهم خلاص
لحن بعناد لغيث : والله ياعناد ان تركتهم لاني بنتك ولا اعرفك تفهم
ام عناد : بنت وش جاك مب أنتِ اللي كنتي تدافعين عنهم وش صار لك الحين
عناد : يمه والله مابخليهم وتزعل مني بنتي يعقبون تزعل مني بسببهم
ام عناد : أنت صاحي انهبلت أنت هي زعلانه لكذا تبي تطلع حرتها بهم
تيم : من مزعل اخت تيم
عناد : اسكت بس والله ان تكره نفسك لانك خذيت سيارتي
نياف : تبي مساعده
بداح : لا مشكور اكرمنا بسكوتك
عناد دف تيم لنياف : امسكه
نياف : على خشمي
لحن : وين تبي تربطهم بس
عناد : اشري باصبعك وابشري
لحن : وش رايك مع النياق مع الريحه الحلوه وبعد ياخذون كم رفسه وايه تصحيهم لصلاه الفجر ومنها مع الشياطين يسلونهم باخر الليل
تيم بلع ريقه : حرام عليك تكفين بسوي لك كل اللي تبين بس ابعدينا من شبك النياق
عناد : جازت لي الفكره الصراحه حلوه
لحن: عاد النياق ماتحب احد حقوده بس تحب اصحابها
بداح : تكفين شوفي انا اول مره اترجى بنت بحياتي كلها طلبه ابشري باللي تبين بس طلبه مانبي شبك النياق
لحن : وش تبون اجل
البنات منهارات من برود لحن وخايفين ومليحه تناظرها ماتوقعت زعلها من غيث يخليها تطلع حرتها بتيم وبداح
مليحه : تكفين لحن اذا لي قدر ولو بسيط عندك اختاري عقاب ثاني غير النياق طلبتك مو تعتبريني اختك الكبيره اسمعي مني المره ذي طلبتك
لحن نزلت راسها : تكفين مليحه الا أنتِ لا تترجيني لان طلبك غالي عندي
مليحه: تكفين يالحن
لحن : ابشري والله انه تم وماراح ينامون عند النياق
ابتسمت مليحه : تسلمين لانك مارديتي طلبي
بداح : والله انك كفو الله يخلي لي اخت بداح بس
لحن : مليحه عشانك بغير العقاب ببس طلبتك العقاب ذا ماتقولين شيء طلبتك
مليحه : ابشري سوي اللي تبين الحين
عناد : حسافه كنت ابي الكايد يبرك عليهم ونلاقيهم الصباح مودعين
شهقوا بنات مقرن بخوف مايعروفن النياق ولا شافوها ابد من كلام لحن وعناد خافوا
ابو عناد : وش بتسوي انت اتركهم خلاص
تيم : ياجد ولدك مثل البعير لا حقد ابعد عنه وعاد الحقود اللي معه يعبي راسه مثل الشيطان على يمينه
شهقت لحن : انا شيطان ياسلوقي
تيم: لا تسبين طيب
لحن : والله ماتسلم ياتيم
عناد : وتغلط على بنتي ولك وجه تتكلم
تيم: اكلنا هواء يالعشير
بداح: ليه تغلط عليها وش بيفكنا الحين منهم
ام بداح : وش مسوي لكم ولدي اتركه
ابو بداح عطاها نظره سكتتها ورجعت دخلت الخيمه بدون اهتمام لهم
ابو بداح : ابد ياعناد ولدي غلط وانا معطيك الصلاحيه ترجع له عقله ويصحح خطاه
بداح : ترا كلهم عشرين مخالفة وش فيك زعلت
عناد : كثر الله خيركم عشرين اجل
تيم شهق : بداح حنا شلنا اللوحه اللي وراء ومخالفتها من  6 الف واللي قدام ظللناها بشريط اسود
عناد : يعني طامسين اللوحه
بداح: عليك نور
عناد : خلنا نقول المخالفات الي جتني كلها 10000 أضربها بعشرين بسرعه عطني الرقم
غيث : 200،000الف
بداح وتيم : وش وش عيد ماسمعنا الرقم زين
نياف: من الفغاره ماسمعتوا الرقم زين
تيم : تكفى قول غيرها
لحن : يالظالمين 200،000 الف في ساعه
بداح : كله من ترندك ليتك مستخير
تيم : ياخي يجنن الترند بس والله حلو
لحن : بشوفه
تيم : لا بس حنا
حازم طلع من ورا ابوه : ابشري بسعدك هذا سنابهم شوفيهم لان الاخ تيم مخصصكم
عناد : هات اشوف
شافوا الفيد ونياف يضحك عليهم
نياف: انا قد شفت اغبياء بس مثلكم الصراحه ماشفت انتم مع الخيل ياشقراء
تيم: يرحم امك اسكت لا تزيدها
لحن : وش رايكم بنات بترندهم
غزل : وربي يجنن الصراحه يستاهل وش فيكم
عناد : حتى عقد لحن الي هي لابسته ماوصل 200،000 الف ياظالم
تيم : لا تكذب تراه  ب 50،000 الف
لحن : انا استاهل الغالي
عناد : اي والله تستاهلين
غزل : دلوعه طيب ابغى اسوي الترند
غزال : انا معك ابغى اسويه تكفون
مقرن : لا بناتي انهبلوا
مسك: يبه نسيت هبالهم في الرياض مافرقت معهم
مقرن : ادري محد شيب براسي الا هم
لحن : خذ لك ذولا عاجبهم
غزل : لحن يانفسيه خليك ايجابيه لا تصيرين سلبيه وركزي على حركه النظاره مع الفلاش حق ساهر وبعد من يقول صورك ردار الوفاء مرتكب فيني مخالفه فخم والله يستاهل المخالفات
تيم : شفتي خليك ايجابيه
عناد : اجل ادفعي 200.000 الف
شهقت غزل : كم صفر
مسك : خمسه اصفار
غزل : سهله تبي خمسه اصفار ابشر بحول لك خمسة اصفار
غزال : ياغبيه قبلها تحطين رقم 2
غزل : كم كم
آسيا: ياقلبي ياغزل من الصدمه تحسبها بس اصفار
تيم : يخي معها حق لك مني خمسة اصفار واحذف رقم 2
عناد بصوت عالي وعصبيه خوف البنات : تقققققيييييي
تقي فز : بسم الله تراني جنبك وش له تصارخ
عناد : ودع ولدك
تقي: ماعندي غير حازم ذا ماعرفه
حازم : حتى ابائكم متبرين منكم
تيم : يامحزمي وقت الشدايد دورك
حازم : اعرفك تعرفني لا انقلع خبزٍ خبزتيه يالرفله كليه
البنات ضحكوا وتيم عصب : وش تقصد انا رفله
حازم : بتجيبوا الكلام لنفسيكو ليه
تيم : بتشوف اذا ماحرقت كل رواياتك ماكون تيم
لحن : هذا كذاب منتهي
تيم بصدمه : اتمنى الكلام مب موجه لي
لحن : لا ابشركم تيم ذكي عرف ان الكلام يمسه
نياف : مره ذكي
غيث : هات جوالك انا اسددها واكفلهم
عناد : انت مالك دخل
بداح : ليه وش شايفنا حنا عشان تكفلنا
غيث : اسكت انت ولا كلمه
تيم : سم طال عمرك
غيث : ياليل تقول كلمه لذا يرد عليك ذا وش فيكم انتم انضرب المخ عندكم
لحن بدلع : عنادي تكفى طفشانه بسرعه اجلدهم ابغى استمتع
تيم : شايفتنا سينما حنا
بداح : مفكره كل ذا فلم طال عمرك
لحن : الصراحه وجيهكم لحالها فلم
عناد سحب عقال تيم وجلدهم وسحبهم متجه للحلال
عناد : والله الليله ان تنامون هنا وانا ولد حازم
تيم : تكفى طلبناك اتركنا وماعاد بنعيدها
بداح : المسامح كريم
لحن ركضت عنده : تكفى وعدت مليحه ماراح تحبسهم مع النياق
عناد بمكر : لا مو مع النياق وعدتيها بس النياق ماقلتي باقي الحلال صح
لحن فهمت وش يقصد وابتسمت بمكر ورجعت صوبهم وهم يشوفون عناد يسحبهم
آسيا: ابتسامتك ماتبشر بالخير غردي
لحن : شوفي وتعرفين الخير من الشر
عناد فتح شبك التيس وكانوا رابطينه لانه عاصي ومزعج باقي الحلال مسوي مشاكل عبيط مره ودخلهم وتوجه صوب التيس وفك ربطته وطلع وقفل الباب بالقفل واخذ المفتاح معه
تيم : عناد تكفى والله ماعاد بنعيدها وابشر بسدد المخالفات تكفى طلبتك
بداح : بالنص بينا نسدد المخالفات طلعنا ذا يخوف اكثر من النياق
مليحه : لحن تكفين تصرفي
لحن : اعتذر منك انا وعدتك النياق ماينامون عندها بس بقيه الحلال اعتذر منك
مليحه : طيب هل بياذيهم
لحن : لا لان التيس مربوط واحتمال انه نايم الحين
فجأة سمعوا صوت التيس وصياح تيم وبداح
اسيا: نايم اجل وش بيسوي صوته طالع
لحن : يمكن واحد منهم مصحيه ولا هو كان نايم
اسيا اخذت مصباح وتوجهت صوبهم والبنات وراها شافوا التيس بالزاويه يناظرهم ومستعد يهجم عليهم وتيم وبداح متعلقين ببعض وبزاويه ثانيه خايفين من التيس وضامين بعض وكان ضخم ومخيف بالنسبه للبنات
لحن صورتهم وعناد صاح عليهم يرجعون
لحن ركضت صوبه وضمته
لحن : لسى معصب
عناد روق : احد يقدر يعصب وعنده لحن
لحن : محد
ضحك عناد : واثقه حبيبه عناد
لحن بغرور : طبعاً
آسيا: وع ياشين السرج على البقر
لحن : تسكتين ولا بتصيرين معهم
نياف: لا هدي العب يا اخت الدكتور
آسيا: ماراح تسوينها انا اعرفك تخافين علي
لحن : ماهمتيني الصراحه
غيم : عمي عناد انت ليه زعلت عليهم مو عشان المخالفات تقدر تسددها لانه ماهمك الفلوس في شيء ثاني خلاك تعصب منهم ؟
البنات بفضول مع بعض : اي علمنا وش السبب
عناد طلع جواله بيسدد المخالفات
لحن : عطني انا بسددها لك
عناد : ابشري ؛ امسكي
غزل : تعرفين كلمه السر حقت جواله ؟
آسيا: ذي تعرف كل شيء عنه هو ممسكها كل شيء يخصه حتى حساباته البنكيه محد يعرفها غيرها وشركته تعرف كل شيء فيها وبعد كل صرافاته حاطهم بجوالها
البنات مصدومين
غيم : ترا توكم ماشفتوا شيء
غزال : وش اللي باقي ماشفناه
مسك : اصدمينا
غيم : عصبيه عناد عشان شيء متعلق بلحن اكيد
اسيا: عناد علمنا ليه كل العصبيه ذي عشان سياره ؟
لحن : ماهمته السياره همه اللوحات
مسك : مميزه هي ؟
عناد : طبعاً مميزه عندي
غزل : وش اللوحه بشوفها
لحن : اسمي
غزل : كذابه
مليحه : جيبيها بنشوفها
لحن : عنادي خلاص تم سدادها كلها وعندك رساله مهمه من سلمان
عناد اخذ جواله منها وباس راسها : تسلمين ياوطن عناد
لحن : المفتاح
عناد : على خشمي وعطاها المفتاح
لحن توجهت لسياره وفتحتها طلعت اللوحه اللي فكوها بداح وتيم وقفلت السياره ونادت البنات وشالت الشريط من اللوحه الاماميه
لحن : هاه وش رايكم
مسك : فخمه تجنن الصراحه معه حق يعصب منهم
غزل : يمه من جدكم
غزال : ل ح ن 707 حتى باللوحات مناشبته
لحن : فاتك عنده لوحه ثانيه
مسك : وش هي
آسيا: و ط ن 707
مسك : انا سمعته يقول لك وطن صح ولا انا غلطانه
نغم : لا مب غلطانه هي وطن الكل مو بس عناد
لحن ضمتها : ياقلبي انا يانغومتي
مليحه: خلاص خلونا نرجع
لحن : طيب بروح اعطيه مفتاحه وبجي
رجعوا البنات لخيمتهم الخاصه وقرروا ينامون مع بعض وابو عناد بناء لهم خيمه خاصه فيهم وكبيره والحريم الكبار بخيمتهم
ناموا الحريم الكبار والرجال والبنات طفشوا وقرروا يطلعون برا ويفرشون فرشتهم ويشبون نارهم ويسولفون تيم وبداح ناموا ضامين بعض والعيال ناموا ماعدا غيث وعناد يحلون قضيه مهمه ويفكرون بخطه يمسكون غالب
-
<البنات>
لحن كانت لابسه بدي على شكل "v" وبنطلون اسود
آسيا: لحن تكفين وقته الحين
جنه : وش اللي وقته
غيم : تسمعون صوت لحن
مسك : صوتك حلو ؟؟
نغم : والله يبنات صوتها يجنن وعاد من تنزل من الدرج وهي تغني كلنا نروق ونتاملها
غزل : عندك عود ؟
آسيا: عندها هي وعناد بس مايسمعونا اصواتهم يخبونه عننا
غيم :: صدق اللي اصواتهم حلوه ثقيلين مايغنون واللي اصواتهم قشره مزعجينا بالغناء اربع وعشرين ساعه
آسيا: وش قصدك ؟
جنه : اللي على راسه بطحه نسيت المثل
ضحكوا عليها وقالت اسيا: بنات طفوا النار دخانه اوجعني
لحن : اللي يشب النار لا يزعل من دخانها
غزل : من وين تجيبين الحكم ذي
لحن : امي دايم تقولها لي وتقول لي بعد مقولات البدو الاولين
غزال : علمينا بها تحمست اعرفها
لحن : دايم تقول لي مقوله احب اسمعها منها
مسك : عليمنا
لحن : لا صار مايدري بخافيك غيرك انت مرتاح لو انك على الدرب غادي
مليحه: وهي صادقه
جنه : سحبتي على العود طيب
لحن : بروح بجيبه
وقفت وراحت صوب النياق وطلعته من عندهم ورجعت
غزل : من وين جبتيه
نغم : مكان سري
غزال : امانه علمينا
نغم : جابته من عند النياق
شهقوا البنات : ماتخافين
لحن : لا ليه اخاف
نغم : غزل عطيني البسكوت ذاك والبطانيه برد
غزل: ابشري
نغم ضربت لحن : ماتحسين بالبرد أنتِ ولبسك مب دافي
مسك: من جد برد يابنتي ماتحسين
لحن : اعشق البرد وما اشعر به
غيم : اتركوها دايم كذا
آسيا: تراها عنيده حتى لو تحس ببرد تكابر
لحن : مايفيد الدفاء دام البرد بالضلوع ان دفيت جسمي من يدفي حرقه جوفي غير برد الليل
مليحه : اف قويه
غزل صفقت : غني لنا طيب
لحن تنحنحت ومسكت العود : بغيت اقوى على بعدك وراح الصبر ما مداني
اهز الشوق وان طاح الوله بالحضن ضميته
تحداني تحداني حبيبي لا تحداني
انا لولاك لحن الهجر والفرقى ماغنيته
تمنيتك وقلت فخاطري ليته تمناني
على كيفك تذكرني على كيفك تناساني
وانا طاريك ولا يوم في قلبي تناسيته
فمان الله يادربٍ على الهجر تحراني
خذاه الوقت من جنبي ولا جاني ولا جيته
وقفت بغصه من تذكرت تغير غيث وانه ماكلمها من عقب اخر موقف حصل بينهم ومسحت دمعتها قبل يشوفونها البنات وقربت اكثر للنار بحيث يضرب دخانها بعيونها ومايفكرون انها نزلت دموعها من تذكرت غيث
غزل : ماشاءالله صوتك يجنن تكفين نبي وحده ثانيه
البنات كلهم بصوت واحد : تكفين وحده ثانيه وبما انك قرب النار بيطلع الفيد يجنن انعكاس ضوء النار عليك مطلعك تجننين غني مره ثانيه بصور
لحن ابتسمت : طيب ذي اخر وحده تمام
البنات : تم
لحن خذت العود : وين هو من هو معه
اه يالحن الحزن وياي وفي الفرحه شحوح
ضايعٍ بهمومي الغبرا بوسط المعمعه
اشتكي لوسادتي دنياي واسمعها تنوح
كنها بعضي وبعضي وين هو من هو معه
من يبي بالله يفتح لي غلق صدره وابوح
ضاقت الدنيا بشاعر طيب قلبه ضيعه
ماقبلني الحظ قولي وين ابرحل وين اروح؟
الصبر ياهو يعذب والاماني موجعه !
البنات صفقوا لها ولحن ابتسمت لهم وبعدت خصل شعها اللي طيرها الهوى على وجهها ابعدتها وتركت الهوى يراقص شعرها ومسكت كوب الشاي تشربه
-
<<غيث وعناد >>
سمعوا صوت العود ووقفوا متوجهين للبنات وقفوا بعيد لان البنات ماعليهم غطى طاحت عيونه بلبسها وعصب عاندت ورجعت البيت لبسته ومن انتهت توجه لسيارته وارسل لها تجي للسياره
وعناد شافه معصب وتوجه لسيارته وقف بعيد ينتظر عاصفه غيث تعصف مايدري ليه عصب فجأه
_
<<البنات >>
خذت جوالها وشافت اشعار من غيث كاتب لها تجيه لسيارته ولا تتاخر
تجاهلت وماردت عليه
غيث بالسياره شافها قرت الرساله وتجاهلت وعصب اكثر وده يدفنها من كثر ماقهرته اليوم وخلته يعصب عليها
دق عليها تجاهلت ماردت
نغم: ردي ليه قفلتيه
لحن : رقم مزعج
غزل : بلكيه
لحن : اذا دق مره ثانيه ببلكه
مليحه شافت اسم غيث وسكتت ماحبت تتدخل مشكله بينهم يحلونها ويتفاهمون هم بدون تدخل احد ثاني
غيث ارسل لها : اذا ماجيتي والله لا اجي واسحبك قدامهم كلهم
لحن طنشت تفكر انه ماراح يسويها
نزل من السياره من العصبيه وده يكفر فيها وتوجه صوبهم تنحنح وحطوا البنات الغطى عليهم الا نغم
غيث توجه صوبها بعصبيه ومسك معصمها وسحبها يوقفها لدرجه الكوب طاح من يدها وانكب على بنطلونها والارض وشد على يدها اكثر وسحبها للسياره
كل هاذا تحت انظار عناد والبنات
عناد وقف يبي يشوف نهايتها مع غيث وتركهم ماتدخل
غزل : بسم الله وش فيه ذا يسحبها كذا بكل عنف
غزال : ماشفتوه معصب عيونه مختفيه من العصبيه
مليحه: مشكله بينهم وبيحلونها حنا مالنا دخل بينهم
مسك : هذا زوجها ؟
آسيا: اي هو زوجها
غزل : نفسيه مايستاهلها
نغم : اخوي لا تغلطين عليه
غزل : مع احترامي لك بس اخوك ليه كذا نفسيه ومعصب طول الوقت يخوف
جنه : قوموا خلونا نرجع للخيمه نرقد تاخر الوقت
دخلوا البنات الخيمه ينتظرون لحن خايفين عليها
-
<<عند غيث>>
لحن بخوف وايدها تعصر بيد غيث : وجعتني اترك يدي
غيث رماها لقدامه وشوي ويكفر فيها من شده غضبه منها بسبب حركاتها ضرب ظهرها بالسيارة وتقدمت لقدام بوجع وطاحت على ركبها وتوجعت نزلت دموعها بس مسحتها قبل يشوفها ورفعت يدها بوجع من الحطب الصغير اللي دخل بيدها ماتدري كيف جاء الحطب هنا وصاحت بوجع مسكت يدها اللي انهمر منه الدم بغزاره غيث بهدوء يوقفها قدامه وشاف الدم وجزء من الحطب الصغير بيدها مغروس مسك كفها
غيث بحنيه : توجعتي
لحن سحبت يدها من يده : مالك دخل تفهم وابعد عني
غيث قربها منه ومسك خصرها ووجعها ارتجفت بخوف من حركته شدها لصوبه اكثر وبعد شعرها من على وجهها ورجعه وراها ومسك يدها بهدوء وسحب الجزء الباقي من الحطب من يدها عضت شفتها بوجع من حركته ودفته عنها بس ماتحرك من مكانه
نزلت راسها ماتحملت ونزلت دموعها بصمت ورجفه جسدها واضحه لغيث وحس انها تبكي بردت ملامح وجهها ورجف جسدها اكثر بخوف من حست ببروده يدينه على خصرها من رجع ومسكها ويسحب البدي للاسفل واقترب اكثر يهمس باذنها
غيث : انا مو محذرك لا اشوفك لابسه كذا بس قدامي تلبسينه قدامهم لا تفهمين
ارتجفت وغمضت عيونها بقوه وخوف من انفاسه اللي تضرب على رقبتها ومن طريقه همسه المخيفه لها ولاول مره تشوف غيث كذا وسعت عيونها من حركته وحست بقلبها طاح ببطنها من شده خوفها منه
ابتعد ورفع راسها بطرف اصبعه : وتجاهلك لي ماعاد يتكرر ولا بتشوفين وجه الغيث الثاني تفهمين وان شفتك تلبسين كذا قدام البنات او عناد ولا عمي مابيصير لك طيب تفهمين
لحن : انا متعوده طيب ومين انت عشان اسوي اللي تقوله لي عناد وابوي ولا بعمرهم تكلموا عن طريقه لبسي تجي انت وتمنعني وتتحكم بلبسي
غيث كان يناظرها يتاملها وتجاهل حكيها ومرر انامله
من عنقها لنحرها ارتجفت وهي تبعد من حست الأكسجين بينقطع عنها لكن سرعان ماعقدت حواجبها من حست بالم من ايده اللي ثبتها على خصرها وشد اكثر عليها يلزقها فيه ونزل غيث ايده لفتحة البدي
غيث: الحين تروحين تبدلين ملابسك ولا عاد اشوفها عليك قدامهم تفهمين ولا اكسر راسك
لحن هزت راسها بالموافقه تبيه يبتعد عنها عناد شافه وضل مكانه ماتدخل ينتظر من هي تركض عنده وتعلمه ووقتها بيتفاهم مع غيث ماحب يدخل بينهم بما انها زوجته بس اذا زودها له تفاهم ثاني معه
شاف غيث من وقفها بس مايدري انها توجعت او انجرحت يدها
بعد غيث عنها وهي ركضت بسرعه تهرب منه وهو طلع سقاره وركب سيارته طالع من المكان وتاركها وراه بعد ما اذاها وقبل يطلع شافها ارتمت بحضن عناد
رفعت راسها ووقفت من شافت عناد ماتحملت ونزلت دموعها وركضت ارتمت بحضنه من فتح يدينه لها حس عليها انها تبي حضنه من شافها منزله راسها وتركض واجهشت بالبكاء حاولت تكتم بس ماتحملت ودفنت وجهها اكثر بصدره
غيث من شافها ارتمت بحض عناد عصب وطلع مسرع وتاركهم عرف انها تعانده ومستحيل تبدل ملابسها
عناد : وش فيك وش مسوي لك
لحن امتنعت عن الكلام وضلت تحرك راسها بصدره وتضمه اكثر شد عليها يهديها والبنات من سمعوا صوت السياره المسرعه طلعوا وشافوا سياره غيث طالعه من المخيم وشهقت نغم : غيث وين بيروح بالوقت ذا
مسك : بنات شوفوا لحن وش فيها تبكي كذا
نغم وآسيا ركضوا عندها والبنات يناظرونها من قريب شوي عشان عناد موجود
نغم انحنت لهم وشافتها متمسكه بعناد اكثر
نغم ببكى : عناد وش فيها
عناد : غيث مسوي لها شيء والله مايصير له طيب ابي اعرف وش قال لها وش مسوي فيها
آسيا شهقت من مسكت يدها وحست بشيء سايل على يدها
عناد : وش فيك
آسيا رفعت مصباح جوالها وصوبته على يد لحن
عناد بخوف : لحن وش سوى لك علميني
لحن لا زالت ممتنعه عن الكلام وسحبت يدها ومسكت ثوبه وبكت وجسدها يرجف وعناد يطبطب على راسها ويبوسها ثوبه الأبيض توسخ من دمها
نغم : تكفين لحن علمينا وش صار بينكم
لحن ببكى : وينه
اسيا: مشى مو موجود
نغم مقهوره من اخوها وش مسوي فيها خافت يكون هو اللي جرح يدها
نغم بحزن نزلت راسها : اعتذر اذا اخوي اذاك انا اعتذر لك بالنيابه عن اخوي
عناد : ليه تعتذرين هو اللي بيعتذر أنتِ مالك ذنب
آسيا: عناد لازم نضمد جرحها ونوقف النزيف الجرح عميق
عناد : روحي نادي نياف يجي
آسيا: نايم كيف بناديه
عناد بعصبيه : صحيه ماتعرفين تصحينه بسرعه
اسيا خافت وركضت لخيمه عناد وشافت بس نياف وركضت عنده تصحيه
اسيا تهز كتفه : نياف نياف قوم بسرعه
نياف بصوت مليان نوم : عناد مب وقتك يرحم امك خلني ارقد
آسيا: انا اسيا مو عناد قوم عناد يبيك محتاجينك
فز من حس بنبره الصوت ناعمه وتبكي
نياف بخوف : وش فيك ؟ حصل لك شيء !
آسيا ببكى : لحن لحن بحاجتك
نياف فز بخوف من طاري لحن وطلع من الخيمه واسيا وراه
نغم وقفت من شافته جاي مسرع صوبهم وركضت للبنات تتخبى معهم
نياف بخوف : وش فيها لحن ياعناد
عناد : تعال شوف يدها ضمد لها الجرح وشوف مدى عمقه
نياف شاف يدها وركض لسيارته يجيب حقيبه الإسعافات وكل اللي يحتاجه
لحن هدت وعناد يمسح دموعها بابهامه ونياف مسك كفها
نياف : وش فيك ياعمر نياف
لحن تهز راسها ماتبي تتكلم تعبت من الكلام ومن البكى
غزل بهمس : مين ذا وش يقرب لها
غيم : مايقرب لها
غزل بتسائل : طيب ليه يقول لها ياعمر نياف وهي ماتغطت منه بس عناد حط شماغه على شعرها ليه ؟
نغم : نياف بحسبه اخوها
غزال : كيف بحسبه اخوها اشرحوا تكفون
غيم : نياف من صغره تربى مع عناد ولحن ومن صغرها لحن تناديه اخو اخت الدكتور تقول له انت اخوي الكبير وهو كان يحبها وعاش معهم وربوه جدي وجدتي من ماتوا اهله وبما انه عاش مع عناد ولحن كان يهتم بلحن مع عناد وكبرت لحن معه واختفى سنوات ورجع صار دكتور وحقق امنيه لحن انها تناديه اخو اخت الدكتور وهي ماتتغى منه بس تغطي شعرها وعاد لحن خط احمر عند عناد ونياف ولو تتأذى من قرصه باعوض يحرقون البيت ويحزنون معها وان طاحت كلهم يفزون لها شوفي كيف خاف بس من قالوا له لحن تاذت
مسك : ماشاءالله واضح للحن دلوعة بسببهم الاثنين
نغم : حتى عمي وخالتي مدلعينها ولو يشوفونها الحين تبكي بكوا من بكاها ويضحكون من ضحكها
مليحه : وحيدتهم وصغيرتهم اكيد بيدلعونها ويخافون عليها ملح البيت
نغم : اتفق معك هي لا كانت موجوده البيت فيه حياه والكل يضحك ومبسوط وان غابت ولو نص ساعه يكشرون وطفشانين طول النص ساعه ذي حتى تنزل من غرفتها ويروقون وقتها
مسك : عايشه معهم شكلك
غيم : زوجه عناد
غزل : امانه
غزال : الحمدلله لاني شبكتكم لبعض لايقين لبعض من شفته يضمك ويخاف عليك
نغم : مسرع شبكتينا
ضحكوا عليها وغيم تصور اهتمام عناد ونياف بلحن
-
نياف : لحن بمسح الجرح بالمعقم تحملي الوجع
لحن : لا تخاف بتحمل
مسح الجرح وهي من الوجع عضت شفايفها وضمت عناد ونزلت دموعها
عناد ابتسم من حركتها ومسح دموعها وقال :
امسحي الدمعه ترا ضعفك قوي
انهزم قدام ضعفك يا غلاي
امسحي الدمعه بعمري لو تبين
عطيني احزانك وخذي مني هناي
امسحي الدمعه قبل تقضي علي
دمعتك تغرق صباحي مع مساي
لحن رفت راسها من على صدره وناضرته بابتسامه مزينه ثغرها
ونياف خلص بسرعه ولف يدها بالشاش وثبته مايطيح
نياف : لحن بعدين تعالي عندي اغير لك الضماد تمام والحين علميني كيف صار ودخلت اجزاء الحطب بيدك
لحن تتامل يدها وقالت : طحت عليها
نياف : ثاني مره انتبهي
لحن ابتسمت : ابشر
رجع نياف للخيمه ينام واستغرب عدم وجود غيث وعناد وقف لحن وباس خدها: ارجعي نامي ولي تفاهم معك بعدين لا صرتي احسن
لحن : ان شاء الله
وتوجهت للخيمه عند البنات شافتهم صاحين
لحن : ما نمتوا
البنات : ماجانا نوم
لحن : تكفون تعبانه وابغى انام مابي اسمع منكم كلمه مفهوم
غزل : بسم الله كيف عرفتي ان نبي نحاكيك باللي صار
لحن : بعلمكم بعدين بنام الحين
توجت لفراشها بين نغم وآسيا تقلبت ماجاها نوم وضمت نغم ونغم تلعب بشعرها نامت نغم والبنات ناموا وهي ماجاها نوم وقفت خذت شال اسيا تغطي نفسها وطلعت من الخيمه من سمعت صوت سياره غيث وصلت
وقفت بعيد شوي تناظره نزل من السياره وراح للنياق معطيها ظهره
توجهت صوبه ووقفت وراه
غيث : مانمتي
لحن : ليه رجعت ؟
ابتسم بسخريه : ماتبيني ارجع يعني
< قبل ساعه >
غيث من طلع من عند الحال معصب ويدخن ومسرع مايشوف احد قدامه من سرعته وقف بمكان عند جبل ونزل من السياره وطلع الجبل جلس على قمه الجبل يتامل السماء وشاف سياره اللي كانت وراه وقفت ونزل منها تقريبا خمس شباب وكلهم معهم عصي شافهم متجهين لسيارته يفتحونها ماشافوا احد موجود فيها وفتشوها يبون يسرقونها نزل من الجبل وتوجه صوبهم وقف بكل برود ونطق : وش تبون بسيارتي
التفتوا كلهم صوبه وتكلم واحد منهم : طلع اللي معك كله وعطنا اذا ماتبي تموت
ضحك بسخريه واشر عليه : انت تبي تموتني ! تعقب وتخسي
الرجل الثاني : سمعت كلامه اذا عندك فلوس طلعها بسرعه وعطنا اللي معك
غيث : واذا ماعطيتكم وش بتسون مثلاً
واحد من الشباب تكلم : بنقتلك
ضحك غيث : خوفتني الصراحه قاعد ارجف من خوفي لا لا تقتلني
واحد منهم نطق :محسن هذا قاعد يتمسخر علينا
غيث : اجل انت محسن اللي تبي تقتلني
محسن : شايفنا نلعب معك بسرعه هات اللي معك
غيث : اشوف وش بتسوون
تقدم واحد منهم يضربه بالعصا بس مسكها غيث وسحبها منه وضرب راسه وتوجع وصاح مسك راسه بالم
هجموا كلهم عليه يضربونه وقدر يحرر. قبضته منهم ويطرحهم كلهم بالارض محسن انقهر كيف قدر يطرحهم كلهم بالارض وهو واحد وهم خمسه وطلع سكين من شافه مقفي بيركب سيارته وغرسها بكتفه من وراء وسحبها لنصف ظهره فوق خصره وغيث من حس بالسكين ينغرس بكتفه ثار من الغضب ولف عليه وجه له لكمه على خشمه توجع ونزف خشمه واغمى عليه قدر يسحب السكين من ظهره ودق على دوريه قريبه وعطاهم العنوان يمسكونهم وهو رجع للخيام بعد مامسكتهم الدوريه
-
لحن شافت ظهره وشهقت : وش ذا اللي بظهرك تضاربت مع احد انت ؟
غيث ببرود : يهمك ؟
لحن : اي يهمني مب بزر تتضارب مع ناس ماتعرفهم
غيث ضحك بسخريه : رجاءً الاهتمام المفاجئ مالي نفس به اتركيني بروحي وارجعي نامي
لحن تجاهلت وراحت تجيب حقيبه الاسعافات ورجعت
غيث : ليه رجعتي
لحن : افسخ ثوبك
غيث : وش عليك من ثوبي
لحن : بشوف جرحك بس
غيث تنهد ولف صوبها وشاف يدها والشاش ملفوف عليها تقدم ومسك يدها وباسها : توجعك
لحن هزت راسها بلا
غيث : انا اسف
لحن : آسف على ويش علمني على وش اسف عليه ؟
غيث: على كل شيء انا اسف
لحن تنهدت : افسخ ثوبك وانا بروح اجيب لك ملابس جديده
ابتسم غيث وضمها : سامحيني كان عذري واضحٍ كل الوضوح
لحن ارتجفت كل خليه بجسدها من ضمها خافت منه ماعاد عرفته يعصب عليها ويجرحها وبعدين يعتذر منها ويضمها
ابعدت من تركها وركضت تجيب له شورت اسود وتيشرت اسود
رجعت وشافته جالس مكانه يتامل القمر
لحن : جبت ملابسك
غيث : اتركيها هنا وروحي نامي
لحن : بجلس معك ما جاني نوم
غيث وقف وتوجه للحمام وانتم بكرامه بدل ملابسه وليس الشورت وطلع التيشرت تركه على كتفه
لحن شافته متجه صوبها ومفسخ التيشرت استحت وغطت عيونها بكفوفها
ضحك عليها ماراح تتغير حركتها معه تستحي منه وهو زوجها
لحن بحياء : ليه مالبست التيشرت
غيث رمى ثوبه بالسياره ورجع عندها : أنتِ قلتي لي افسخ ثوبي ولا نسيتي
لحن تذكرت ووقفت مسكت يده وجلسته وجلست وراه ومررت اناملها على جرحه الطويل
لحن بفضول : من مسوي فيك كذا
غيث : قطاعين طرق
شهقت لحن بخوف : اما موجودين هم !
غيث يبي يخوها : ايه وبعد كثير وقريبين مننا بعد
لحن بخوف : وش يبون منك ؟
غيث : فلوس
لحن : عطيتهم
غيث : لا
سكتت من شافته يرد ببرود واعتقدت انه مايبي تكثر اساله بعكس غيث يبيها تتكلم معه اكثر وتسولف مشتاق لها بالحيل وندمان على اللي سواه فيها
غيث: وش فيك سكتي
لحن : وش تبيني اقول
غيث : سولفي
لحن مسكت القطنه ومررتها على جرحه وكان طويل بالحيل من كتفه لنصف ظهره فوق الخصر بشوي
غيث عض شفته لانها اوجعته : متعمده توجعيني
لحن بخوف بعدت يدها بسرعه : اسفه ماكان قصدي اوجعك
ضحك غيث من خوفها ولف وجهه صوبها وشاف في نظرة عيونها الخوف
غيث : وش فيك خفتي امزح معك ترا كملي
لحن خلصت وضمدت جرحه : خلاص البس تيشرتك
غيث لبس التيشيرت ولف عليها بجسمه كله وسحبها من وراه وجلسها بحضنه
شهقت لحن من سحبها بسرعه وكانت بتقوم
غيث : اش خليك مكانك هنا
لحن : برد طيب برجع الخيمه
غيث : انا بدفيك بحضني
لحن ماتحركت وكانت فعلاً ترجف من البرد ناظر ملابسها لسى مابداتهم
غيث : انا وش قلت لك بخصوص اللبس ذا
لحن : نسيت ابدل وبعدين مافيه احد صاحي غيرنا يعني محد بيشوفني الا انت ارتحت
غيث زفر : اسمعي الكلام ولو مره بس
لحن رفعت راسها وطاحت عيونها بعيونه وابتسمت : ابشر ببدله
غيث ابتسم وحنى راسه وباس خشمها : مب الحين
لحن : وش ذا التناقض اللي فيك مو قلت ببدل ملابس
غيث وقف ووقفها معه وتوجه صوب سيارته اخذ الفروه حقته ولبسها ودخل لحن بحضنه ويمشيها معه حتى وقفها بعيد شوي عن الخيام وجلس وجلسها بحضنه وضمها وغطاها بالفروه لحتى ما يدخل الهوى وتبرد دق جواله وطلعه من جيبه وحطه صامت ورجعه
لحن : ليه ماترد
غيث : مو مهم
لحن دفنت وجهها بصدره من نظراته اللي بتذبحها من شده حياها تستحي من نظراته لها
غيث ابتسم ودفن وجهه برقبتها وشد على حضنها
لحن استحت اكثر من حركته وشدت الفروه على نفسها اكثر
غيث : تدرين ليه امنعك ماتلبسين كذا قدامهم
لحن : ليش وش السبب ؟
غيث : لاني اغار عليك مابي احد يشوفك غيري لان البدي يعتبر عاري تفهمين وانا مابي احد يشوفك غيري حتى البنات مابيهم يشوفونك
لحن : بس انا متعوده البس كذا
غيث : بس الحين أنتِ حرم غيث وواجب عليك تسمعين كلامه
لحن : بس انت عصبت علي قدام البنات وانا مالي ذنب تعصب علي
غيث : لسى زعلانه
لحن ماردت وغيث باس خدها : وش تبين نراضيك به
لحن : مابي تراضيني ابي تحترمني قدام البنات وماتعصب علي
غيث سكت وطلع علبه صغيره من جيبه وحاوط لحن وفتح العلبه ولحن تناظره
لحن بفضول : وش ذي العلبه ؟
غيث : بتعرفين اصبري
فتح العلبه وانذهلت من الخاتم وجماله سحب الخاتم ومسك يدها اليسار ولبسها الخاتم
غيث : حافظي عليه ترا مافي الا هو تصميم خاص
سحبته من اصبعها وتأملته وكان مزين بالألماس
لحن بانبهار: مره حلو حبيته
غيث ابتسم : رضيتي علينا الحين
لحن هزت راسها: اي
غيث : ترا مافي الا حبه وحده بالعالم مصمم خصيصاً لك وحبيت يكون ناعم
لحن : شكراً
غيث ضمها اكثر لحضنه ومسك فكها رفعه وباس خشمها ولحن ابتسمت بحياء من تصرفاته
ورجع باس عينها بتعمق وهي من لامست شفايفه جفونها غمضت بخوف ومن حسته تعمق وطول بالقلبه رجف جسدها ابتعد وباس عينها الثانيه وتاملها
ورجع وباس شامتها وتعمق اكثر
ابتعد وبعدها من حضنه وحط راسه بحضنها وسحب يدها المجروحه يتاملها ويبوسها ويدها الثانيه تلعب بشعره ماتحمل وماقدر يقاوم النوم ومشتاق لحضنها وقف وسحبها شالها بين يديه وتوجه صوب احد الخيام الصغيره ومن حسن حظه كانت حاسبه حسابه ورتبت له الخيمه اذا رجع ينام وحطت له فراش وبطانيتها ومخدتها عطته
غيث : الحمدلله الخيمه مافيها احد ومرتبه
لحن ضربت صدره : اشكرني لانك من طلعت وتاخرت رتبتها لك وعطيتك بطانيتي ومخدتي لا رجعت بتنام فيها
غيث : حلو انك مانسيتيني وفكرتي فيني
انسدح وسحبها لحضنه وضمها وهي حطت يدها على قلبه والثانيه على قلبها وقرت الاذكار ناظر حركتها وابتسم وحط كفه على كفها وشد عليه ونام من التعب متجاهل جرح ظهره وهي بعد نامت بعد يوم متعب