يا طيور أبها تغنّي و اصدحي
حادي الأشواق موعود الجواب
ردّدي صوت المحبّه و الوفا
مع خريرٍ من جداولها العِذاب
.
.
صباح يوم جديد صحت لحن وقاست حرارة غيث كانت مرتفه شوي بس وكان نايم تركته ينام وطلعت من الغرفه تسوي له فطور وتصبح على عناد وعلى الكل
عناد : اربحي يالله انك تحييها
لحن : البقى ياروحي
ام عناد : وين غيث يمه
لحن: نايم
ابو عناد وقف : بروح اشوفه اتطمن عليه
ام عناد : بجي معك و أنتِ يمه لحن جهزت له التلبينه النبوية جيبيها من المطبخ
لحن : ابشري
عناد فز : معكم بتطمن على اخوي
ولف يناظر نغم : حرم عناد صحوا المصيبتين اللي بالمجلس
نغم : مادري صبر بجي معك
مليحه : لا لسى نايمين لامن صحوا بعلمك
عناد : زين
طلعوا لغرفه لحن وغيث
-
<< عند غيث >>
صحى بتعب وناظر بأرجاء الغرفة ماشافها وجلس بتعب وسند ظهره على السرير ويكح بتعب والصداع ذبحهه
دخلوا ام عناد وابو عناد
فزت ام عناد تركض عنده تساعده وتسمي عليه
ابو عناد : الله يهديك ياولدي ليه ماتخبرنا
ابتسم غيث بتعب وفضل السكوت
عناد من وراء ابوه يبي يناقره : صحى الدلوع
غيث بتعب : اعقب والله تخسى الدلوع انت
نغم توجهت للجه الثانيه من السرير وجلست قربه وحطت كفها على جبهته
نغم بخوف : غيث حبيبي حرارتك مرتفعه قوم نروح للمستشفى
لحن دخلت : مايحتاج بياكل من التلبينه وبيصير طيب باذن الله
ام عناد بكت وتمسح على راسه : الله يحفظك ياولدي من كل شر والله يبعد عنك الحساد
غيث : يمه لا تدعين اخاف عناد يختفي
عناد ضربه على صدره : وش قصدك
ابو عناد ضرب راسه من وراء : اعقب تضرب اخوك ماتشوفه تعبان تضربه ليه
لحن حطت الصحن بحضن غيث
ام عناد : اكليه يمه ماتشوفينه تعبان
لحن : طيب
غيث ابتسم استغل الفرصه ومثل التعب اكثر وميل راسه يمثل انه اغمى عليه على كتف لحن
عناد بخوف : غيث فيك شيء قوم نروح للمستشفى
غيث بتعب : لا ابد بضل كذا وبصير احسن من قبل
ابتسم ابو عناد من فهم عليه وقال : امشوا نطلع الولد تعبان شوي بيريح وبيصير طيب باذن الله
غيث رفع راسه وناظر ابو عناد وابتسم من غمز له ابو عناد وطلع وطلعوا كلهم وراه وام عناد بعد توصياتها للحن تهتم فيه طلعت
لحن ضربت كتفه : يالعاب وش ذي الحركات
غيث ضحك : عشان تهتمين فيني
لحن : امسك اكل نفسك
وقفت بتطلع بس غيث مسك زراعها وابعد الصحن من حضنه وجلسها بحضنه وحاوط خصرها بيدينه
غيث : لاتروحين وتتركيني اجلسي عندي
لحن : ما بطلع بس ببدل ملابسي توسخت من كنت بالمطبخ انكبت علي مويه
غيث شد اكثر عليها : بدلي بعد ما تاكليني ولا بعلم امي رهيفه ترا
لحن ابتسمت : طيب وخر باكلك خلاص
غيث تركها ورجع سند ظهره على السرير وهي مسكت الصحن واكلته ومن شبع وقفت تبدل ملابسها ومن حس نفسه صار طيب وقف وراح يبدل ملابسه لبس شورت اسود وتيشرت اسود ومن وراء صوره نمر ورفع شعره ولبس كاب اسود مطرز بشعار السيفين والنخله اسود
لحن صفقت باعجاب : الله غيث دايم البس كذا بالبيت ومن نطلع تلبس الثوب والشماغ بس اذا كانت الطلعه خاصه فينا عادي البس كذا
غيث : حبيتيه
لحن هزت راسها بدون وعي منها : ايه مره طالع حلو
ابتسم وتوجه صوبها طبع قبله على خدها وحاوط كتفها يطلعون من الغرفه وهم نازلين من الدرج وقف عناد وضرب لهم التحيه
وغيث لازال محاوط كتوفها قال : استرح ياعسكري
عناد : تعقب اكون عسكري تحت امرك
ضحك غيث ولحن ابتسمت لعناد وغنت :
لا رضينا يضحك الزعلاني
وان زعلنا ترقص الجنيه
رفعت يدينا بتبداء شوطها وتراقص يدينها بالهوى وترقص بس غيث منعها وضرب يدينها تنزلها وهدم ابو المشروع قبل تبدأ فيه
عناد : اعقب ليه تمنعها
غيث : زوجتي مب رقاصه كل يوم تنزل من الدرج وترقص وانت عاد يالرقاصه عاجبك الوضع من تشوفها تقوم ترقص
ابو عناد : الله ينصر دينك قدرت عليهم عفيه ياولدي علمهم عجزت اعلمهم
لحن ركضت لعناد تضحك : صرنا رقاصات
عناد : يعقب انا عناد بن حازم ابو لحن زوج نغم اصير رقاصه
نغم : والنعم
عناد : ماعليك زود ياحرم عناد
غيث : اقطع ولا يكثر تراني مصدع مابي اسمع صوتك
عناد : عادلي في الهوى كيف برجع وانا قلبي عطيته هديه
صفق بيدينه قرب اذن غيث وكمل يغني
قال منهم بالمحبه تولع في هوى جادلٍ عارضيه
ياغيث قلبي تولع ماتولع بحب اجنبيه
غيث رفع حاجبه و ابتسم : انت يعني تعاند اكثر
عناد بنفس رفعه الحاجب والابتسامه: انت تحب تسمعها من قبل تزوج لحن وانا اقول الولد وش فيه من جاء للديره وعلومه ضايعه شكيت في وضعك تصدق قلت يمكن الولد شاف له شوفه طيرت عقله وضربت القلب بس ماتوقعت واحد بالميه انها بنتي اللي جابت راسك
غيث راقص حواجبه بخبث : الاحمر جابني وانا اخوك على وجهي
عناد : اعقب متى شفتها صباح العيد كانت لابسه ابيض
ضحك غيث واستعد للهروب وعناد رفع ثوبه وربطه بخصره
ونغم جاها فضول تعرف السالفه وش قصه الاحمر
غيث واقف وراء الكنبه وعناد قدامها ومعه الخيزران : اطلع
غيث : ماني طالع وتذكر اول يوم جينا للديره انت ناديتها ولبستها قلاده وغنيت لها حبيبي ويبقى بقلبي وحيدي
عناد : ايه اذكر وانت دخلت من بعدها وحافظ بعد ليكون شفتها من وقتها وانا اقول الولد متغير من وقتها
غيث ضحك : وسالفه الابيض اف والله ان فستانها الابيض شتات ياخوي
عناد : غيث اطلع من وراء الكنبه وبعد قايل قصيده بفستانها الابيض
لحن انحرجت لانهم يتكلمون عنها وام عناد تضحك عليها
غيث بعناد : اسري على ديرتش يالحن غيث والليل يسري بي
وخايل وجودش بعرض السماء قمره
يالحن جيت الشوق روفي بي
وش حيلتي والمحبه في الحشا جمره
عناد : اسكت لا ذي تلعب على ظههرك وانت تعبان تسوي كذا اجل لو صرت طيب وش تسوي
غيث ضحك وابو عناد مبتسم عليهم
ام عناد : غيث يمه كمل الشيله حلوه
غيث : ماطلبتي شيء بالغاليه
من قبل العيد وانا اشوفش بغيبي
كن الله ارسل علي من السماء عذرا
ماتشبهين البشر ياطبي وطيبي
مثلش على الجرح لا حطيتها يبرا
وتقدم سحب الخيزرانه من عناد ولعب سعب وكمل ابتسم عناد ولعب معه
ياروحي كملي بالغلا سيره
وبعادي عن كل البشر خيره
وش بيدي لو ما الفتنه وصوفش
ما كنش في عقلي وتفكيره
لحن ونغم كل وحده توثق التصوير من زاويه آخرى وام عناد تصفق ومستانسه
صحوا تيم وبداح على اصواتهم العاليه وقف تيم وسحب بداح يسنده وطلعوا من المجلس
البنات حاسبين حسابهم ولبسوا الجلال حقهم من قبل مليحه فزت تركض لخوها تساعده وتيم وقف من شهقت ام عناد
ام عناد وقفت بخوف : يمه عيالي وش فيكم وش صار لكم
عناد بتعب اخذ الخيزرانه وضربهم تيم هرب ومسك لحن وقفها قدامه وهو تخبأ وراها وغيث مبتسم عارف عناد ماراح يقصر معهم وجلس قرب ابو عناد بتعب
تيم : وش مسوين حنا الحين ياخي نايمين
عناد : لا ياشيخ نايمين وين سياره غيث
تيم وبداح خافوا وتوتروا وسكتوا
غيث يناظره مصدوم : وش تقصد! وين سيارتي ؟
عناد : جاني خبر ان المصيبتين اللي قدامك فحطوا بسيارتك وتقلبوا وهم سلموا والسيارة راحت فيها
البنات ساكتين وام عناد تناظرهم بخوف : الحمدلله ياولدي بالحديد ولا فيهم يمه
غيث : سيارتي فيها شيء يخصني غاليي على قلبي وبعدين وش رايك ياحرم غيث اسامحهم
لحن جلست قربه وتناظر فيهم وهم يترجونها تقول ايوه : اي سامحهم ماعاد بيعيدونها وبعدين وش اللي غالي فيها
غيث : صورتك وعقد طيحتيه وانا حصلته وخبيته بالسياره
عناد : انا استاهل لاني انا اللي مرسله يجيب سيارتك من المقر
غيث : حصل خير والحمدلله انهم بخير
عناد طلع مفتاح سياره جديده ورماه لغيث
غيث : هذا وش
عناد : مدري انت وش تشوفه انا اشوفه حلاوه وش تشوف انت
غيث : مفاتيح
عناد : طيب وش فيك نزل عليك الغباء مع المرض
غيث : لا تقول انها لي
عناد : اي هذي هديه مني لك
وقف غيث وضمه وتيم بتحلطم : اي تيم ينصفق وغيث تهديه سياره تراني ولد اخوك
عناد : لا توي ادري انك ولد اخوي علمتني شيء جديد انا ماعرفه
بداح : تراه قاعد يتمسخر الا انت وش عرفك ما شاء الله تعرف كل شيء
عناد : لان اللي انقذكم سلمان وخبرني بكل اللي صار وكيف صار الحادث وتهوركم
تيم : المتلثم كان سلمان
عناد : غيث قم بعد كم ساعه بيتم قصاص غلاب
غيث : طلع الحكم بسرعه ؟
عناد : ايه الحكم تنفذ بسرعه
وقف بيطلع غرفته وركضت وراه لحن
ابو عناد : عناد بجي معكم
عناد : ابشر يالغالي
ام عناد : يايمه تبون اجهز فطوركم
مليحه وقفت : ارتاحي خاله انا بجيب لهم فطور
ام عناد : وش اتفقنا عليه انا وش اكون لك
مليحه ابتسمت : يمه
ام عناد بابتسامة: اي عفيه على الشاطره خاله ان سمعتها من احد منكم الخيزرانه تلعب على ظهره
بداح : انا بناديك جده نفس تيم
تيم : يمه كذاب انا اناديك يمه
ضحكت ام عناد وتيم وبداح يتضاربون وابو عناد وعناد ينتظرون غيث بالسيارة
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
General Fictionلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
