أنت العوض لا صارت حظوظي شحاح وأنت الهنا ياغايتي والغنايم

Part 6

لا تقول إنك تحب وإنك خليل
اللي يشوف الجمر عكس اللي وطى
.
.
ابو عناد : عناد يبه اذبح الذبايح
عناد : ابشر يبه ؛ غيث قم ساعدني
غيث: جيت تراني قريب ليه تصارخ
عناد: اسكت بس تراك ناشب لي حتى بالخيمه تنام معي فيه خيام كثيره اخترت خيمتي ليه
غيث : وش اسوي الله بلاني بحبك
عناد: احرجتني يادب ؛ جبتي سكاكين الذبيحه
لحن: حبك جني انت وهو اي جبتهم من يسلخ الذبيحه ؟
عناد : انا وحده وغيث وحده وش فيك معصبه
لحن: ياخي ماني معصبه بجي معك بصورك تكفى
عناد: لا تقولين تكفى انتِ تامرين امر
لحن: بروح البس نقابي وبجيب جوالي انتظرني
عناد: بسسرعه لا تطولين
لحن ركضت : ابشر
دخلت الخيمه بتلبس عبايتها ونقابها : يمه بروح مع عناد
آسيا: وين بتروحين
لحن : بيسلخ الذبيحه وبصوره
نغم وآسيا: معك
لحن : امشو
رفعه ام سيف : ماعاد فيه بنات يستحون استحوا تروحون مع العيال
ام عناد: يارفعه عادي البنات متغطيات والعيال بعدين مابيشوفونهم وبعدين اخوانهم
ام سيف: بس مايصلح يارهيفه
ام عناد : روحوا يابنات وخذوا راحتكم المخيم مخيمكم والمكان مكانكم ولا عليكم من احد
ام بداح : ياخاله البنت حلاتها هاديه وجالسه في مكانها مو كل شوي ناطه مع العيال
ام عناد : وش تقصدين
ام بداح : ياخاله ماقصدي شيء بس لا تغلط وحده فيهم وتضم واحد مب حلالها وبعد خاطب
لحن: واضحه وصريحه تقصديني
نغم : عيدي ماسمعت خاطب نسيتي ان اخوي رمى الخاتم بوجه بنتك وفسخ الخطبه الله العالم وش مسويه بنتك حتى اخوي عايفها من زمان وكانت خطبته بالاجبار واخوي اذا احد غصبه على شيء مايقرب صوبه والنفس تعافه
مليحه : انتِ وش دخلك انتِ السبب بفسخ خطبتي تبينه للي معك متعرفه عليها من كم يوم وتبينها لغيث
آسيا: تحاكي زين يعع تقول صوت دجاجه مخنوقه
ام بداح سكتت وتفشلت ناظرت بمليحه بنظره كره
سكتت مليحه ماتكلمت من تظره امها لها
ام عناد : اسمعي كلامي زين يامضاوي وحطيه حلقة باذنك بنتي ان جبتي طاريها ولا تكلمتي عليها بالشينه انا اللي بتكلم عليك ولا راح استحي لو قلت لك كلمه تجرحك والكلام للكل اللي يغلط على بنتي غلط علي قبلها تفهمون
لحن ارسلت لامها بوسه وهي طالعه
عناد : ساعه انتظرك تاخرتي
غيث : يازين الدنيا لا دارت حس فيني لمن خليتني انتظرك تحت الشمس
آسيا: تاخرنا بسبب ام سيف تقول عيب البنت تنطط عند العيال
عناد: رحتي وجبتي الشله معك
آسيا: لا تغلط لا اسلخك مكان الذبيحه
عناد : اف اسيا تكرمت وشرفت تشوّف الذبيحة تنذبح
اسيا: اسكت تراني حزينه عليها
ابو عناد : باقي ماذبحتها ؟ تبيني اذبحك مكانها
عناد : لا الحين بروح ؛ امشو
غيث حط السكين بين شفايفه يمسكها باسنانه ورفع ثوبه من تحت وربطه على خصره وشمر اكمام ثوبه وحط شماغه على كته لحن استغلت انشغالهم وصورته هو انتبه لها تصوره وضبط وضعياته اكثر
وعناد المثل بس السكين مسكتها اسيا ولحن تصورهم
غيث تنهد وقال بنفسه ( ياليتهم يدرون انك حلالي كان اضمك براحتي واللي يغلط عليك احرقه  )
مسك عناد الذبيحه وقال بسم الله الرحمن الرحيم وذبحها وتنثر الدم على ثوبه وبعضه جاء على البنات
وغيث بعد من ذبحها تنثر الدم على وجهه وثوبه وعناد والبنات
نغم : حرام عليكم توسخت
آسيا شمت ريحه الدم ورجعت : وعع
لحن متعوده دايم تنشب لعناد لمن يذبحه وتستكشف الذبيحه معه
لحن : بنات اتركوا الدلع الحين وشوفوا كيف بيشيلون الجلد وبعدين تراه دم تتروشين ويروح
آسيا: اسكتي انتِ اذا انتِ متعوده غيرك مب متعود
نغم : بذمتك كل يوم تشوف المنظر ذا
آسيا: اي اذا شفتها لابسه قميص الروز اعرف ان عناد جايب ذبيحه بيذبحها
نغم : الله يازين جوك يالحن
آسيا انصدمت : احسبك تتقرفين مسرع خقيتي
نغم : ياقلبي تراني احب استكشف في الذبايح وكانت امنيتي اشوف غيث يذبح احس فخامه حتى ابغى اجرب اذبح
غيث وعناد مصدومين منهم
لحن : حي عينك لبى الخوي اللي مايخلي خويه
نغم : اعجبك
آسيا: اللهم لك الحمد والشكر يارب اذا كان فيه خلل بعقولهم ردهم لصوابهم يارب
عناد : متعافيات اكثر منك ابشرك الحمدلله عشت وشفت فوبيا اسيا
آسيا: انقلع بس وانتبه لا تذبح نفسك مكانه
لحن : لا تغلطين على عنادي بسم الله عليه  حبيبي
آسيا: حبك اللي مانبي بيقايلته
نغم : منو اللي منتي بقايلته
آسيا: اللي بتابعينه انتِ والمحزم حقكك
غيث : اسكتوا ابغى اركز
سكتوا وكل وحده تصور فيد
غيث كل شوي ويناظرها بدون محد ينتبه له وهي تصور واكثر شخص صورته غيث
خلصو الذبايح وجابوا اللحم والحريم طلعوا من الخيمه بيجلسون برا شوي وحطوا جلستهم بعيده عن جلسه الرجال بشوي
تيم شاف الذبايح واخذ راسها ويلحق غيم بها غيم تصيح وتركض تدور بالمكان وهو ميت ضحك عليها ويلحقها بالراس
البنات يصورون منهارين ضحك والعيال ماتحملوا وضحكوا ايهم ما انتبه لهم كان يكلم صاحبه وغيم وهي تهرب تخبت بين السيارات وشافته ركضت عنده وتخبت وراه تيم ماشافها شاف ايهم
تيم : ايهم شفت غيم
ايهم: من ذي
تيم : وحده من خواتي
ايهم ناضرها وتترجاه بيدينها مايخبره بمكانها
ايهم : لا ماشفت احد مر من هنا
تيم : شكرا
ايهم : العفو
بعد ما تاكدت انه مشى وقفت وشكرته ومشت وعيونها مليانه دموع تامل عيونها ماسمع شكرها وضل صافن بمكانها يتخيل عيونها
قفل ورجع للجلسه الرجال وشافها جالسه بين البنات تمسح دموعها وتضحك على الفيد اللي صوروه البنات لمن ركضت
ابو غيث : تقي وش رايك ياخوي نروح نشوي مع العيال
ابو تيم : ابد قم نغير جو شوي منصور ومسعود تجون معنا
منصور : جاي
مسعود : وانا جاي معكم
عناد : تقي تعال امسك الشوي بكلم نياف
ابو عناد : كلمه يجي
عناد : ابشر
عناد كلم نياف يجي يجلس معهم بس رفض
ابو عناد : هات انا بكلمه
عناد : ابشر
ابو عناد : افا يانياف ياوولدي ترد عزيمتي
نياف : محشوم يايبه بس توني طالع من المستشفى
ابو عناد : اذا انت تعزني وتعتبرني  ابوك لا تردني تراك بتجلس يومين معنا هنا غصب عنك يعني ضبط وضعك
نياف : ابشر يايبه وانا ماخذ اجازه اسبوع الحين جايكم
ابو عناد : عند الحلال تعرف الطريق ولا ناسيه
نياف : افا يايبه انسى اسمي وما انساه
ابو عناد : انتظرك فمان الله ياولدي وقفل
-
وصل نياف وانصدم من وجود غالب واهله ونزل يسلم عليهم ونسي يلبس ثوبه طلع من المستشفى وكلمه ابو عناد يجي وحرك متجه للحلال
نياف سلم عليهم وراح لعناد
نياف : عناد نسيت ملابسي ابغى ثوب
عناد : تعال بعطيك واحد من عندي
نياف : تريحني
اخذ عناد الثوب من عند لحن وعطاه جاء مقاسه لبس الثوب وسحب شماغ عناد وتلثم من الدخان ورفع كم الثوب ومسك الشوي مع غيث
عناد : تقي وش فيك تركت الشوي يحترق وخر بس
تقي : انا وش عرفني نسيته
عناد : انقلع انا محترمك عشانك اخوي الكبير بس
تقي : خليت فيها احترام انت
_
عند جلسه الحريم
ام سيف : من ولده ذا
ام عناد : هذا ولدي نياف بروح اسلم عليه
ام سيف : متى صار عندك ولد غيرهم
ام عناد : نياف ماتوا اهله وهو بعمر 11 سنه وكبر مع عناد وسافر للخارج درس الطب ورجع
ام سيف : ماشاءالله الله يحفظه
لحن : يمه هذا هو الدكتور اللي سحب مني الدم واشرف على حالتي
ام عناد : معليك بهزئه الحين ليه يسحب دمك النادر
لحن : كفو يمه ايه اضربيه
ام عناد مشت لعنده : نياف يمه
نياف فز وضمها وحب راسها : ارحبي يمه
ام عناد بكت : وين اختفيت يمه وخوفتني عليك رحت وتركتني خذيت الفرح مني وخليت لي الحزن من بعدك ماحن قلبك لي يمه ولا اشتقت لي حتى  من رجعت الديره مافكرت تجيني تقول امي اشتاقت لي بروح اشوفها
نياف : اعذريني يمه والله اني انشغلت وطول وقتي مع المرضى ومن شفت عناد صدفه في المستشفى قلت بجيك بس ماقدرت وقتي كله مقضيه في المستشفى واخذت اجازه اسبوع بضبط وضي وفكرت اجيك
ام عناد : ابعذرك وبسامحك على قصورك عشانك انقذت لي بنتي من بعد الله
نياف : يمه الله يهديك ماسويت شيء
عناد : يمه من شفتيه نسيتيني
نياف : انقلع وش تبي مناشبني
ام عناد : اشوي وانت ساكت
نياف : تستاهل
ام عناد : اسمعني يانياف انت ولدي واشوفك مثل عناد ولحن وانت اغلى منهم ابغاك تسكن بالبيت اللي قرب بيتنا من اليسار بيفصل بيننا الجدار وانا بكلم عناد يهدم الجدار وبيكون الحوش مشترك بيننا طلبتك لا تردني ابغاك قربي
نياف : ابشري وبكلم صاحب البيت
ام عناد : لا تخاف انا مكلمه حازم يكلم ابو عقاب لا يبيعه لاحد عشان انت تشتريه من زمان البيت كل ما جاء احد يشريه يمنعه ابو عقاب وقال لهم انك حاجزه
نياف : الله لا يحرمني منكم يمه ابشري بشتريه وبتواصل الحين مع ابو عقاب وبحدد معه موعد اقابله ونتفق على المبلغ وبزعجك يومياً بنشب لك
ام عناد : والله الود ودي تسكن معي بنفس البيت بس اعرفك تربيتي بترفض
نياف : الله لا يحرمني منك يمه انتِ وابوي عناد من ماتوا اهلي وانتم معتبريني مثل عناد مو مقصرين علي بشيء من وانا صغير
ام عناد : انت ولدي يانياف واغلى عيالي على قلبي
عناد : اغلى مني ومن لحن
ام عناد : اغلى منك بس لحن تخسون تجون بغلاتها
نياف : باعتنا ياعناد عشان حواوه (حلاوه )
عناد ضحك وام عناد ضحكت وقالت : مانسيت
نياف : لا والله مانسيتها كل ماشافتني نشبت لي تبغى هديه وحلاوه حتى صار عمرها 8 سنوات وباقي تقول حواوه
عناد ضربه : لا تغلط على وطني
نياف : ماغلطت على اختي
عناد : تذكر لمن قالت لك تجيب لها مويه وهي بزر وانت رحت جبت لها مويه وشربت وبقي كثير وكبته عليك ورمتك بالكوب
ضحك نياف : ذكرتني ولا لمن تجي الصباح بشوشتها وتقول ابا داهي ( ابغى شاهي ) وتجلس تتقهوى وتروق على الشاهي
غيث حس بغيره لانهم يتكلمون عنها وان نياف قدر يعيش معها طفولتها
ام عناد : بعلمها عليكم الحين يلا برجع اجلس وانت لا تحرق الشوي علينا
عناد : يمه من العصر وانتِ معصبه علي وش مسوي
ام عناد : ابد يمه مو معبه عليك وش فيك زعلت
تركتهم ورجعت تجلس عند البنات
ام عناد : لحن تذكرين نياف
لحن : اي يمه مقدر انساه كان يجيبلي من البقاله بطاطسات وبساكيت
ام عناد : هو نفسه هذا
شهقت لحن : اما هو رجع
ام عناد : اي يمه الحمدلله ربي بشرني برجوعه وانه بخير
ام سيف : قرت عيونك بشوفته
ام عناد : تسلمين
البنات يلعبون ومرات يسولفون مليحه جالسه على جوالها تشوف نفسها انها احسن منهم وماتبغى تتنازل وتلعب معهم او تسولف معهم
اجوان : بنات نبغى نسوي فعاليات
غيم : اي بنات تكفون
جنه : اجوان وش فعاليته وكرشتك قدامك
اجوان: بنات سكتوها لا اذبحها
لحن : عز الطلب
مسكوها لحن وآسيا ونغم وسكتوها
اجوان : كفو بنات حتى لو كنت حامل عادي ترا خلي بنتي تستانس
غيم : وش تبون نلعب
اجوان : نجيب علبه ونلعب تحدي وصراحه
لحن : العلبه جاهزه يلا
صاروا دائره لحن نغم اسيا غيم اجوان وجنه
لحن : تعرفون قوانين اللعبه
نغم : نسيتها
لحن : ممنوع تختارون نفس الشي يعني ممنوع تختارين صراحه مرتين وراء بعض
نغم : عرفت من تبداء
حركت لحن العلبه وجت عليها هي وجنه
جنه : انا اسالك
لحن : اي بختار تحدي
جنه : اتحداك تروحين تسحبين اللحمه من يد غيث وتاكلينها
لحن : غيري التحدي
اجوان : لا اذا غيرته بتتعاقيبن
الشيبان والحريم الكبار مركزين بلعبتهم
ابو عناد : افا يالحن خليك قد التحدي واسرقيها بسرعه
غيم : جدي غش تساعدها
غيث ابتسم وعجبه التحدي
لحن : انا قده وانا بنت حازم
ابو عناد: والنعم كفو هذي بنت حازم
وقفت وكانت متردده تروح تسحبها بسّ تجرأت وراحت
غيث شافها وقف ورفع يده لفوق
لحن : يبه شوف غش مو في التحدي
جنه : جربي ياقزمه مو شغلنا قلنا اسحبيها
عناد : يبه غش معطين بنتي تحدي صعب وعمود الكهرب نزل يدك خل بنتي تفوز
نياف : فوز اختي ولا بشرحك بالمشرط
اجوان : لحن مافي وقت بسرعه
لحن غيرت نبره صوتها بنبره دلع تقدر تجيب راسه ودعت بنفسها يارب تجيب راسه : غيث تكفى عطني
غيث تخرفن ولبى طلبها بسرعه وعطاها
اكلتها لحن ورجعت مكانها
اسيا: في غش في الموضوع
لحن : مافيه غش انتم تحديتوني اجيبها بطريقتي وجبتها واكلتها والله لذيذه
نغم : قالت اسحبيها ماقالت هو يعطيك
جنه : مافيه فرق نفسها المهم تاكلها
لحن : خذي بوسه
جنه حركت العلبه وجت على اسيا ونغم
لحن : اسيا خذي حقي منهم
اسيا : معليك عندي
نغم : بختار صراحه
اسيا : مصيبه سويتيها محد يعرفها
نغم : مادري يابنت ما اذكر اني اسوي مصايب
ام غيث: غبتي عن المدرسه بدون ماتخبرينا
غيث : يمه انا قلت لها تغيب
نغم : اي غبت ومايدرون بس غيث والمعلمة كلمت اهلي وهم خافو حتى امي بكت لانها ماحصلتني في البيت وانا كنت طالعه مع غيث
لحن : انجلدتي
نغم : بالخيزران اي خذيت جلده وحده بس
خلصو البنات لعب وجهز العشاء تعشى الكل وارحو الخيام بينامون
خيمه لحن معها نغم واسيا
وخيمه عناد معه نياف وغيث
والباقي كلهم في الخيام الكبيره
-
عند مكان اول مره نزوره عائله ساير
ساير ابو لحن
عزيزه : ساير اشتقت لاهلي
ساير : حلمت ببنتا
عزيزه : وش الحلم
ساير : شفتها تسحبني وترميني في بيت محترق
عزيزه : بسم الله تعوذ من الشيطان انت حتى اسمها ماتعرفه ولا تعرف عنها شيء حتى رفضت انك تسجلها بالكرت وش ذكرك فيها الحين
ساير : مادري
عزيزه : تتوقع كبرت
ساير : هي سود الليالي ومن جت وانا احلم فيها
نزل عبدالملك ومعه شنطه سفر
ساير : وين ان شاء الله
عبدالملك: مسافر
ساير : متى ترجع
عبدالملك: من قال اني راجع بسافر بريطانيا اكمل دراستي هناك
ساير : باذن من تسافر
عبدالملك: باذني تحسب اني بستاذن منكم صرت كبير واطلع وارجع بكيفي محد له كلمه علي ماني بنت اضل استاذن منكم
عزيزه : شفت هذا الولد اللي انت تفضله عن البنت عيالك كلهم عاصين لك
ساير : وهذا رائي والولد افضل من البنت اذا راح عبد الملك في غيره موجود
عبد الملك: باي انا طالع واتمنى ماتدقون علي وتزعجوني
ساير : حنا ازعاج بالنسبه لك
عبدالملك : بقول لكم شيء قبل اسافر تراني متزوج وزوجتي تنتظرني بالمطار بنسافر سواء واذا جوني بنات ماراح ارميهم نفسك  طلع من البيت وتركهم تحت تاثير الصدمة
ساير : كيف تزوج
عزيزه : هذي تاليه تفضيلك للعيال على البنات شف ولدك سمعت وش قال اذا جوه بنات ماراح يرميهم
_
الكوبرا يخطط يخطف لحن
يده اليمين مخلد : المدارس ترجع بعد اسبوع وش رايك نخطفها وهي راجه من المدرسه
الكوبرا : انا لازم اطلقها من غيث بس كيف
ابتسم مخلد : عندي فكره
الكوبرا : وش هي
مخلد : عناد مايدري بزواجها من غيث وش رايك نفجر القنبله ونكشف زواجه لعناد
الكوبرا عجبته الفكره وابتسم : فكره حلوه ابغاك تجيب لي ورقه زواجهم هي الاثبات الوحيد اللي نقدر نكشف ولد سيف
مخلد : معليك الحين بيصير كل شيء تحت يدك اعرف محامين كثير في نفس المحكمه اللي راح لها حازم وغيث
-
.
نرجع للبنات
لحن ونغم ضامين بعض خايفات واسيا تصورهم اخذتهم محتوى
عناد خوفهم لمن ضرب الخيمه
صرخت لحن وسكتتها اسيا عناد عناد ياخوافه روحي شوفي وش يبغى
لحن : وش تبغى
عناد : نقص عدد البطانيات وغيث ماعنده بطانيه عندكم وحده زايده لحن انتظر دخلت خذت بطانيتها وطلعت : امسك بطانيتي مافي الا هي تبيها او لا حنا تكفين بطانيتين
عناد باس راسها ورجع لخيمته
انتهى الفلم ونامت اسيا نغم ماتحملت ونامت
لحن من كثر الخوف مانامت سمعت صوت عند النياق وخافت بس تشجعت وطلعت تشوف مصدر الصوت شافت شخص عند الكايده يضمها ويمسح على رقبتها
قربت تشوف مين
لحن : انت مين
غيث : انا غيث ليه مانمتي
لحن : ماجاني نوم
غيث : اجلسي معي طيب
لحن : ليه
غيث: ماجاني نوم وابغى احد يسولف معي عناد نام وسحب علي
لحن : انت ليه مانمت طيب
غيث : مصدع ماقدرت انام من قوةالصداع
لحن : خذيت مسكن
غيث : اي خذيت ثلاث حبات وما فاد
تجرأت وقربت صوبه وحطت يدها على جبهته
لحن : انت مريض ؟ حرارتك مرتفعه
غيث ماقدر يتنفس من شده قربها وتوتر وفي نفس الوقت عاجبه الوضع
مليحه كانت طالعه وشافتهم شافت لحن قريبه حيل منه واستغلت الوضع لصالحها وصورتهم
مليحه: بتشوفين يالحن بفضحك بكره قدام الكل
لحن ابتعدت : اعتذر ماكان قصدي اقرب منك بس بشوف اذا انت مسخن
غيث : وش طلع لك
لحن : حرارتك مره مرتفعة وتحتاج كماده بارده
غيث من كثر الحراره مو مستوعب اللي بيسويه سحبها وضمها : لا تخليني تكفين
لحن من سحها نبضات قلبها تدق بسرعه وخافت : بعد ماني
غيث : تكفين لا تتركيني
لحن : ماراح اتركك بس بعد عني
مليحه انصدمت من شافته سحبها وضمها وصورت كل شيء
غيث : اوعديني
لحن : وعد مابخليك بروح اجيب لك كماده باره وبجي
غيث تركها وراحت جابت كماده ورجعت جلس وهي جلست قربه وعطته الكمادة وجابت له مسكن ومويه
لحن : امسك اشربها
غيث اخذها وشربها وحط راسه بحضنها : العبي بشعري شوي
لحن ارتبكت ونبضات قلبها تقسم انه سمعها من توترها تحس بمغص خفيف جاها ببطنها من التوتر
غيث : الصداع بيذبحني تكفين سوي لي مساج اذا تعرفين
لحن كسر خاطرها ولعبت بشعره وسوت له مساج وشوي وتسمع صوت انتظام تنفسه وتوقعت انه نام 
مليحه شافت كل شيء صورت لهم اكثر من صوره لمن ضمها والحين حاط راسه بحضنها
لحن تحسب غيث ماراح يتذكر لمن يصحى لانه بدون وعيه مادرت انه بكامل قواه العقليه وكانت امنيته انه يضمها بس
مسكت جوالها تشوف الوقت شافت الساعه 2:21 متاخر
لحن : لحن اتركيه ينام شوي يمكن تعبان اذا جت 3:00 بصحيه يروح للخيمه ينام
خذت جوالها وصورت طريقه نومه ماتدري ليه صورتها بس عجبتها الصوره وقررت تحتفظ فيها
جت 3:00 ص
لحن : غيث قوم تكفى روح نام بالخيمه
غيث : ام عناد شوي بس
لحن : انا مب عناد قوم روح عنده تكفى قبل احد يجي ويفهم غلط
غيث استوعب انها لحن ووقف بسرعه : اعتذر منك
لحن : عادي مب مشكله رح نم الحين وبكره بصير أحسنّ والكماده لا تشيلها تفهم
غيث ابستم : شكرا تعبتك معي
ابتسمت : عفوا ماسويت شيء
ودخلت للخيمه وهو رجع للخيمه وحط راسه على المخده بيكمل نومه وغطى وجهه بالبطانيه شم ريحه العطر البطانيه هي نفسها ريحه عطرها تذكر كلام عناد انه جاب بطانيتها
-
قبل ساعتين
غيث ماعندي بطانيه عناد عطني بطانيتك وتشارك انت ونياف نفس البطانيه
عناد : انقلع بطانيتي ما بعطيك
غيث : عناد تعرف ماحب انام بدون بطانيه
نياف : كلنا ياخوي مانقدر بدون بطانيه وانت ماقصرت عطيتني بطانيتك يلا تصبح على خير ومشكور على البطانيه
غيث : عناد رح جيب لي بطانيه
عناد : طيب ازعجتني بروح اشوف لك مع البنات
غيث : لا تتاخر
جاء عناد ومعه بطانيه : امسك ذي بطانيه لحن تقول ماتحتاجها
غيث : مشكور
عناد : تصبح على خير
غيث : وانت من اهله
-
غيث استنشق ريحتها يحسها دخلت لاعماق صدره وزفر براحه وغمض عيونه ونام بعد ماتذكر شكلها لمن نام بحضنها الود وده يطول بس هي بعد تبغى تنام
.
.
سبحان الله وبحمده
سبحان الله العظيم