أنت العوض لا صارت حظوظي شحاح وأنت الهنا ياغايتي والغنايم

Part 20

كل ما كتبت أبها .. نشت فوق الأوراق
سحابةٍ .. وابتل في الصدر معلوق
أخيل بين أصابعي .. نوض براق
وكن القمر ينبت له غصون .. وعروق
.
.
<<8:00ص>>
عناد جالس بينهم بعالم ثاني معصب وعروق يدينه بارزه من كثر غضبه منتظر غيث يدخل للخيمه من شافه دخل وقف وملامح وجهه متصلبه من شده غضبه ومسك ذراعه وشد عليها وسحبه طالع من الخيمه ابو عناد من شافهم فز وطلع وراهم بيشوف تاليتها معهم ووش قصتهم الحين وش اللي حصل بينهم الكل من شافوا ابو عناد فز وطلع وراهم كلهم الرجال طلعوا والحريم كانوا جالسين بالجلسة الخارجيه وشافوا عناد معصب وماسك ذراع غيث يسحبه لحن من شافت عناد خافت
غيث بعصبيه سحب ذراعه : وش فيك ! اصغر عيالك انا تسحبني بالطريقه ذي
عناد ماتردد ابد وعطاه لكمه قويه على وجهه رجعته خطوه لورا لانه ماكان متوازن بوقفته شهقوا الكل بخوف وغيث ماتردد ابد ورجع له اللكمه بس عناد مسك يده ولفها وراء ظهوره وجعه ظهره من الجرح ونزف وعناد من شده غضبه ما انتبه للدم ودف غيث وهجم عليه طيحه على ظهره وعناد يوجه له اكثر من لكمه على وجهه
عناد بغضب خنقه وبصوت فحيح من كثر غضبه : انا قلت لك من قبل ان شفتك ماذيها ياغيث والله ما اتردد ابد وارفع قضيه طلاقكم تفهمني
غيث ضحك عرف سبب غضبه تذكر أنها تلجأ دايم لعناد وقت حزنها وبكاها وخوفها
غيث بضحكه مستفزه وببرود  : اضربني اذبحني بس لا تفرقنيي عنها
ابو عناد بعصبيه : انهبلتوا وش فيكم عناد وخر عن اخوك
عناد بعصبيه : مب اخوي ويعقب يصير اخوي
ابو عناد: ولد أنجنيت انت وش تقول
العيال توجهوا يبعدون عناد عن غيث ويفرقون بينهم
غيث : والله اللي يقرب ان مايسلم تفهمون
ارجعوا العيال ووقفوا يناظرونهم  بعد تهديده
ابو غيث: وش فيكم انهبلتوا وش السالفه علمونا
نياف فهم السالفه : غيث وش مسوي بلحن
غيث بابتسامه مستفزه لعناد : حرمي وبيني وبينا وش دخلكم
عناد لكمه : دامها حرمك ليه تأذيها ليه تنزل دموعها
غيث : اشتكت لك مني قالت لك بطلق غيث لا
عناد بغضب : المصيبه انها رافضه تتكلم وش سويت فيها ليه بكت
لحن حاضنه نغم ببكى وخوف من منظرهم
نغم بهمس: محد بيفرقهم غيرك أنتِ تقدرين تحلين المشكله
لحن: خايفه
غيث ماتحمل وجع ظهره ودف عناد من فوقه وصار هو محل عناد وماسك يدين عناد عناد قدر يحرر يدينه ويدفه  ويبعده عنه  وقف ومسكه من ياقته وغيث يضحك باستفزاز
عناد بعصبيه : وتضحك
نياف سحب عناد يمسكه : أهدى بنفهم السالفه
لحن صاحت : عناد ظهر غيث متضرر 
الكل التفت يناظرها بصدمه وعناد وقف
عناد بخوف : وش قلتي وش ضرره
ركضت لحن تضم عناد وتبكي وتدفن راسها بصدره رفعت راسها وشافت خشمه ينزف دم مسحته بكم بلوفرها الابيض وبكت
لحن ببكى : غيث البارح رجع وثوبه معدوم كله دم
بعدت من حضنه وتوجهت صوب غيث وضمته
غيث ضمها يهديها وهمس ياذنها : اش اهدي متعودين انا وعناد نتضارب مب جديد الموضوع واذا مو مصدقه اسالي نياف
لحن ناظرته وابتسمت : مصدقتك
ضحك غيث وعناد سحبها من حضنه وضمها وبيده الثانيه لف غيث شهق بخوف من سحب التيشرت وشاف ظهره معدوم وكله دم وينزف
عناد : من مسوي فيك كذا
غيث يمسك خشمه بوجع : خايف علي ياحبيبي
عناد : تسلم يدينه يارب؛ ماهمتني ياحبيبي
نياف: قصدك تكسر يدينه يارب
عناد مسك كف لحن ورفعها بوجهه لا تحسب بنسى اخذ حقها منك
غيث حط يده على راسه : على رأسي ياحبيبي
ام عناد تو تنتبه لكف لحن وشهقت بخوف وركضت عندهم
ام عناد ببكى : وش فيك يمه وش صار ليدك علميني
غيث تورط وخاف يخسرها ان تكلمت لانه يعرف ابو عناد وام عناد بيبعدونها عنه عكس عناد
عناد بمكر : اسالي يمه زوجها وش مسوي لها البارح
ام عناد ناظرته : وش صار ياغيث ببنتي
لحن : يمه غيث والله ماله ذنب انا البارح طحت ودخل بعض من الحطب الصغار بكفي وغيث ساعدني اوقف وابعدها من كفي
عناد : واللي شفته بعيني وش يفسره لي
لحن شدت على كفه ورفعتها باستها :الله يخليك لي ولا يحرمني منك بس اللي شفته مو صحيح صح انا زوتها عليه شوي وعصبته بس والله ما اذاني انا طحت وهو وقفني
غيث يناظرها بابتسامه هو اذاها وهو السبب بس هي دافعت عنه واثبتت له انها ماتبيهم يتدخلون بحياتهم مشاكلهم هم يحلونها بينهم
ابو عناد قرب وسحبها ضمها وباس راسها ومسك كفها وباسه : انتبهي يابوي أنتِ انا كم مره محذرك علميني كم مره اقول امنعيني من طيحاتك
لحن بابتسامة باست راسه : ابشر ثاني مره بنتبه
وبعدت مسحت دموع امها وباست خدها : افا يا ام لحن ماعاش من ينزل جواهرك الغاليه
ام عناد ضربتها : بسم الله عليك يمي
ضمتها لحن وبكت وشهقاتها طلعت ودفنت وجهها بصدر امها اكثر وبكت ماتحملت كثر الضغط والتراكمات اللي بقلبها
عناد وابو عناد بخوف ملتمين عليها وام عناد تمسح على ظهرها بخوف وحنيه
عناد : ياوطن عناد وش فيك علميني
نياف ركض صوبها وغيث يناظرها
نياف : افا اخت الدكتور تبكي علميني من تبين اشرحه
لحن تمسح دموعها وتناظره بضحكة خفيفة: ياروح اخت الدكتور
عناد مسح دموعها : وش فيك يابوي علميني
لحن : تخيلت انكم مب موجودين بحياتي انا وقتها وش اسوي بحياتي من دونكم اخاف من فكره الفقد اخاف افقدكم
نياف : ناشبين لك باذن الله
لحن : انت لا تكلمني
نياف : افا علميني وبهبد نفسي الحين
لحن بعتاب : اسبوع ماشفتك تحب المستشفى اكثر مني
نياف ضحك : تغارين
لحن : والله لو انك عناد اغار عليك
عناد : يعقب يصير عناد بقلب لحن
لحن : والله انك غالي بقلبي من غلا عناد
نياف : ادري الله يخليك لي
ام عناد بابتسامة: الله يحفظكم يمه ولا يفرق بينكم ويخليكم لي
ابو عناد حاوط كتوف ام عناد وفتحوا يدينهم لعيالهم يضمونهم لحن وعناد ونياف ضموهم وصار الحضن جماعي وعناد سحب غيث وانظم للحضن معهم
ابو عناد وخرهم وقال : طاح الحطب
عناد : لا باقي شوي
غيث : هات أطيحه الحين
عناد : تقلع بس وضمد ظهرك
نياف : رح اجلس وافسخ تيشرتك وبجي
لحن : خير ان شاءالله يفسخ قدامنا كلنا انقلع البنات موجودين
ضحك نياف : يالغيره ياناس ترا من زين جسمه عاد كله جراح ماراح يفتنهم
غيث : انقلع بس وماني مفسخ تيشرتي
جلسوا كلهم بالجلسات الخارجية ونياف جاب حقيبه الاسعافات
ابو عناد : ياغيث علمنا وش سبب الجرح
غيث : واجهت البارح قطاعين طرق خمس منهم وباقي الخليه كثيره ومختفين بعضهم
غزل بخوف : يعني هم قريب مننا
غيث : احتمال كبير ايه
غزال بكت : يبه بيذبحون بناتك
مقرن : وش يبون ببناتي
آسيا: لا تخافين ترا لحن عناد مدربها على السلاح
مسك : عناد مو مخلي شيء ماعلمها عليه
غزل : الظاهر انك عسكري متشدد
آسيا: قولي استخباراتي خبيث
لحن : عن الغلط
نياف قاطعهم من صاح على غيث : ياخي شيله وش بيصير مثلاً من زين الصدر يشوفونه
لحن : نياف انهبلت اجل انت بعد شيل تيشرتك
آسيا: لا خير يشيل تيشرته قدامنا انهبلتي متعودين على عناد تبينهم نفسه
لحن : شفت تغار
نغم : خير عناد ليه تتمشى بدون تيشرت انت ؟
غيم : اقبعت بينهم اسيا بتخربين بينهم الحين بتزعل على عمي
اسيا: والله كان يطلع بدون تيشيرت بس من تزوجك هجد تخيلي يتمشى بالبيت بس بشورت يستعرض عضلاته 
نغم : عناد
عناد : كذابه لا تصدقينها بتخرب بيتنا ترا لا تصدقينها
ضحكوا عليهم وام عناد قالت : ياولدي عادي كلنا اهلك وبعدين بيعالج ظهرك
لحن : يمه مايجوز تبينه يفتنهم وتاخذين ذنبهم
ام عناد : وش دخلني اخذ نبكم
لحن : لا عضلاته بتخرب من الشمس
غزل : والله لو ان زوجك توم كروز
تيم : توم كروز مب معضل مثل ذا المروح
نياف : اخلص علي بعقم جرحك
غزال : ترا ماناكل
وقفت لحن : انت مصر يعني تفضح زوجي
ابو عناد : لحن يبوي بيعالجه بس
ام عناد : خلوها بنت عناد طالعه عليه بالعناد
ام غيث : الله يهديك غيرانه على عضلاته وسيقانه عادي يطلعها
ضحكوا من شهقت لحن
لحن : خالتي نهبده تساعديني
غزل : ياشين حيات المتزوجين
تيم : اول مره اوافق بنت برأيها
بداح جاء يركض من بعيد ويصيح : يالعشير يالعشير
ابو بداح : اللهم اجعله غير
تيم فز : وش فيك يالعشير
بداح فز وحضنه وتيم فز وبادله الحضن ويدورون ويضحكون
بداح : لقيتها
تيم : وين
عناد : يبه ليه تعتقهم
ابو عناد : ماسمعت صياحهم التيس رفسهم وهبدهم
غيث : يستاهلون
نياف عصب وقف ورمى غيث بشماغ عناد : انت تهجد وتريحني والله حتى البزر مب مثلك يتصرف ياخي بعقم جرحك
ابو غيث: انتم باقي تتضاربون
لحن وقفت وراء غيث : انا بحل الموضوع هات انت بس شوف
نياف جلس : امسكي
رفعت التيشرت وبان بطنه
البنات صاحوا ولحن تناظرهم : وش فيكم
غزل : مزعجتنا وفي الاخير مطلعه كرشت زوجك
نغم : خير اخوي مب مكرش
اسيا: والله شوفي كرشه
لحن : خير أنتِ وياها مب مكرش ترا
غزال : تدافين عنه
لحن خلصت ونزلت التيشرت وقفت ومسكت كف غيث توقفه معها وسحبته وقفته شوفو فيه كرش
غيث : موقفتني عشان تثبتين لهم اني مب مكرش وش دخلهم هم اهم شيء أنتِ عندي تشوفيني مب مكرش
مسك : يمه لحن طفيه لا يعصب يخوف
ضحكوا عليها
آسيا: بوش تطفيه
بداح : تهبده
غيث سحب يده ورجع يجلس مكانه ولحن ركضت وارتمت بحضن عناد
غزل : لحن عندي فضول
لحن وهي ضامه عناد وتلعب باصابعه وعناد مبتسم على حركتها مستحيل تتركها من صغرها تسويها
غزل : لو مثلاً عناد متضايق وقالوا لك تشربين ضيقته تشربينها ؟
تنهدت لحن تنهيده طويله وشبكت اصابعها باصابعه وابتسمت: قالوا تشربين ضيقه عنادك
قلت صبوها لعنبو من يضايقه ويذله
انا على عهدي لو خذاني الموت منساه
وشلون ابنسى عنادي وهو مني وفيني
البنات يصفقون وعناد ضمها اكثر لحضنه
عناد : كل هذا لي ياوطن عناد
لحن: طبعاً ياوطن لحن
عناد ابتسم : ياجعلني قبل وطن عناد
لحن: بعد عمر طويل يارب
ام عناد : اي يارهيفه ربي واتعبي وياخذ الحب كله الخبل
عناد : انا خبل ؟
ابو عناد : لا مب انت تيم الخبل
ام عناد : اي اي تيم
ابو عناد : الا ليه تسرق بنتنا مننا يالسروق
عناد : افا يبه بنيتي مابتركها هي عوض عناد ورهيفه وحازم
ام عناد : والله انها اجمل عوض من ربي
غزل : الله يبنات عرفنا نقطه ضعفها
عناد ابتسم : والله لو وحده منكم تفكر بس تفكير تستغلها ان تندم
تيم : تراهم بنات وش قومك هد لا تشدها
آسيا: مفكرنا تيم وبداح
تيم وبداح : وش فينا ان شاءالله يحصل لكم نفسنا
بداح : يالعشير قم نتمشى
عناد : بدون مصايب ارحمونا
غزل : اذا بتسون ترند علمونا
عناد : خالي بنتك مجنونه
مقرن : وتوأمها اجن منها الوحيده العاقله فيهم مسك الروح
غزال : يبه لا تكب العفش
ابو عناد : انا مكلمني غازي يقول انه جاي العصر هو وعياله يبوني بموضوع ومعهم بعض رجال الديره
تقي : خير اللهم اجعله خير وش يبي منك ابو سعود
ابو عناد : عرفت ان ولده رجع من لندن
عناد : سعود رجع ؟
ابو عناد : اي رجع قالي غازي انه رجع من اسبوع
تيم : جدي ليه راح لندن
ابو عناد : يدرس 
نياف : اعرف انه سافر قبل اسافر انا بشهر وطول
ابو عناد : اي يقولون جازت له لندن
بداح : لندنك صارت تبكيني
تيم: الله
سيف: عمي وش تتوقع موضوعه
ابو عناد : مدري ناغزني قلبي من جيتهم
نياف : يبه خذيت اليوم اجازه من المستشفى
ابو عناد : زين ماسويت
منصور : عناد سمعت انك شاعر سمعنا
ابو عناد : آي بالله سمعنا وش جديدك
عناد : ابشروا بس قصيدي كله لبنتي وحرم عناد
بداح: ياحظهم
عناد ضم لحن لحضنه اكثر وباس راسها وهي تبي تنام من دفى حضنه
عناد : حرم عناد وش رايك تقربين
ابتسمت نغم ووقفت جلست بينه وبين غيث ولحن بحضنه وغيث حاوط اكتاف نغم وضمها
عناد : غلاه من فوق الغلا ماهو بدون
وحكاه سمعك يجبرك بأرخاك له
ودك تحطه فالعيون من العيون
وتبسط على رمضا الثرى يمناك له
وتظله من الشمس في ظل الجفون
ولا يمر إذنه سوا لبّاك له
وتسج من غيره لو أنهم يذكرون
ومنين ما سجت القدم ممشاك له
سيف : صح لسانك
مسعود : صح لسانك
منصور : الله صح صوتك ياولدي
عناد : صح بدنكم
غزل : اخص ورثت لحن حب القصيد منك اجل
غزال : الحين مافهمت وش تقصد انت
آسيا: شفتي تراني في معاناه منهم
مسك : انتم وش عرفكم
غيم : طفش وش رايكم نلعب
مليحه : بالليل لها طعم الحين الصبح من يلعب
وقفت لحن من شافت الكايده مقبله صوبهم البنات من شافوها تركض والناقه تركض صوبهم وقفوا كلهم خايفات يهربون ونغم مسكت ذراع غيث تتخبى بحضنه
ابو عناد : علامكم يابنات
غيم: جدي تخوف
مليحه : والله تجنن
ابو عناد : تخافون منها
البنات بصوت واحد : اي
آسيا: جدي تحسبنا نفس بنتك ترانا دلوعات مب نفسها
تيم: الله والدلع ليتهم يسمعون صوتك بس وقتها الدلع يتكلم ويقول وش ذنبي تشبهين نفسك فيني
آسيا: اسكت بس
حازم : ليتكم نفس اخت حازم
لحن حاوطت رقبه الكايده وغنت بصوت عالي وتمسح على رقبتها
سببت للخفاق تضييع شرقت بي والناس علوى
ياشبه خزامه بني قريع وضحٍ على اهل الوضح بلوى
ابو عناد : اسلمي عاشت بنتي
عناد وقف وتوجه صوبها وحاوط لحن من كتوفها ومد يده لرقبه الكايده وكمل
سدت على اهل الندر الريع من جده اليا بحر سلوى
ياشبه خزامه بني قريع وضحٍ على اهل الوضح بلوى
غزل : ماشاءالله ياعمي بنتك جمال وصوت عذب  وراعيه مراجل
ضحك ابو عناد : وش مراجله
غزال : تقصد ان بنتك ياعمي جمال واخلاق وادب وصوت عذب وماتخاف من شيء
ابو عناد : اي قولي كذا من اول وش مراجل ابد بنت حازم تطلع على حازم
ركض الليل  مشتاق للحن ووقف قبالها ويضرب بحوافره الارض بقوه واشتياق ويصهل باعلى صوته
البنات بانذهال من جماله ولحن ركضت صوبه وضمته والليل كانه يعاتبها على تاخرها عليه
لحن : عناد تسابق
عناد ابتسم : جاهز
لحن : يبه تشهد من بيفوز
ابو عناد : من الحين لحن حازم الربحانه
لحن : ابشر بي يبه
غيث: عناد بدون غش مو عشانها بنتك بتغش سابق بذمه وضمير
عناد : لا تخاف
البنات : لحن لا تفشلينا وفوزي
غزل : ان خسرتي ياويلك
تيم جاب خيل عناد
عناد : ياهلا برذاذ القلب
لحن ركبت خيلها مستعده للسباق وعناد رحب برذاذ وحبها وركب يستعد للسباق
ام عناد : انتبهوا لا تطيحون
ابو عناد : استعدوا بنبعد عن الخيام
لحن تهمس للليل : بنسبق رذاذ وانت قداها
خيلها يهز براسه كانها يايدها بالرأي
عناد ولحن وقفوا وغيث الحكم والبنات مشجعين لحن والعيال عناد
آيهم: انت قدها عناد
لحن : يبه الحين اللي بيربح وش بتعطيه
ابو عناد : وش تبين امري
لحن : بنات وش تبون
غزل : يطبخون لنا
لحن : المشكله عنادي افضل طباخ جيبوا شيء ثاني
غزال : ابد يسوون لنا العَشاء وينظفون
لحن : يبه يطبخون العَشاء وينظفون
بداح : لا غيروا مالي حيل انظف شيء
ابو عناد : ابد تم العَشاء عليهم والتنظيف على تيم وبداح
آسيا: عنادي طلبتك اطبخ باكبر قدر
عناد : ابشري ماطلبتي شيء
منصور : مستعدين
مسعود : ياجنه صويهم لي يبه
جنه : ابشر يبه
لحن : يبه غيث تعبان ماراح يذبح ولا يطبخ
نغم : مب عشانه زوجك تعفينه
آسيا: اخوك
نغم : اي صح ! عمي غيث وعناد معفين
غيم: وش معنا هم خير انقلعوا يطبخون كلهم ولا يجلسون كلهم
لحن : لا خلاص غيث مشتهيه الشوي اللي سويته
غيث ابتسم : ابشري به بس فوزي لا تفشليني
لحن : ابشر
ابو عناد : يلا بس
غيث : مستعدين
عناد : اي
غيث: انطلقوا
وانطلقوا لنقطة النهايه وكان الليل اسرع من رذاذ وصلت لحن وربحت التحدي
عناد وقف ونزل : رذاذ وش فيك
لحن توجهت صوبه : فيها شيء
عناد : مدري وش فيها
لحن : تتدلع عليك
عناد : تهقين
لحن : اي اركب نرجع
رجعوا والبنات فرحانين مره لانها ربحت
نزلت لحن بكل احتراف والليل ركض لغيث وغيث يضمه
عناد وقف عند البنات
-
<<عناد ونغم >>
عناد : نغم ودك تجربين الخيل
نغم : اخاف
عناد : هاتي يدك
مدت يدها ومسكها سحبها وجلسها قدامه وضمها واسرع بالخيل والبنات يصفقون ابتعد عناد من عندهم وقف الخيل ونغم خايفه ودافنه وجهها بصده ومحاوطه ظهره بيدينها
عناد : وش فيك خايفه وقفنا
نغم : اول مره اركب خيل
عناد : ماراح يكون الاخير صدقيني
عناد مسك فكها ورفعه صوبه وسحب نقابها وابتسم
نغم حمر وجهها من الاحراج بسبب حركاته مستحيه منه
عناد : من تشوفين لحن بحضني تغارين ؟
نغم هزت راسها برفض : لا مستحيل اغار منها
عناد : يعني ماتغارين علي
نغم : اغار عليك من الكل الا لحن
عناد : ليه ماتغارين من لحن
نغم : شفت ام تغار من بنتها على ابوها ؛ انت ياعناد كل شيء عند لحن وانا مقدر اغار منها انا من اشوفها اشوفك ياعناد وانا مالي حق اغار من بنتك عليك انت بدونها ماتقدر تعيش وهي بدونك ماتعيش ياعناد
عناد ابتسم : تدرين لحن من صغرها تقول لي لا تتزوج وتنساني
نغم ابتسمت : علمني بصغرها اللي اعرفه انها بنت اختك
عناد تنهد تنهيده طويله وزفر وتذكر الماضي
<< ولاده لحن >>
عزيزه : ساير بولد بولد
فز ساير يجيب عبايتها مفكرين انه ولد وصلوا المستشفى وولدت
الدكتورة: مبروك جتك بنت
ساير بصدمه : شلون بنت انا زوجتي حامل بولد
الدكتورة: زوجتك جابت بنت مب ولد احمد الله كلهم نعمه من الله
ساير عصب ودخل الغرفه شافها على سرير بعيده عن عزيزه
عزيزه ببكى : مابيها مابيها تشبهها
ساير شافها وكشر بملامح وجهه : تبينها
عزيزه : مابيها تشبه امي وعناد مابيها
ساير: ارميها بميتم ؟
عزيزه برفض : لا ارميها لاهلي يربونها انا مابيها
ساير بكره : تبين تسمينها طيب
عزيزه: قلت لك مابيها ومابي اي علاقه تربطني فيها
ساير : اسمعيني زين انا باخذها وبعطيها ابوك وبكيفه يبي يسميها او لا
عزيزه : بجي معك
ساير : تقدرين تمشين
عزيزه : اي بس بطلع
ساير بكره للبنت الصغيره : انا مابشيلها وحسابك بعدين قلت لك ان كانت بنت تجهضينها قلتيلي لا الدكتوره قالت لي ولد وانا صدقتك
عزيزه ببكى : والله قالت لي ولد كذبت علي
ساير : امشي بس
وصلوا للديره ودقوا الباب نزلت عزيزه ومعها بنت صغيره تبكي
ساير بعصبيه: سكتيها الله ياخذها
دق الباب معصب باخر الليل فتح عناد الباب وشاف اخته
عناد : خير وش جابك الحين
عزيزه : ابعد كلامي مو معك مع امي وابوي
ساير دخل وسحب البنت الصغيره من  عزيزه ورماها بحضن عناد مسكها عناد بخوف عليها تطيح وشاف ملامح وجهها وتاملها بكل حب وابتسامه ركض نواف عنده يشوفها وباس خدها البنت الصغيره سكتت ونامت من حست بدفء حضنه
عزيزه بصوت عالي : يمه يبه
طلعوا ابو عناد وام عناد للحوش شهقت ام عناد بصدمه
ابو عناد بغضب : وش تسوين هنا وش جابك
عزيزه : ماجيت عشانكم جيت بعلمكم بشيء
ام عناد شافت البنت الصغيره بحض عناد نايمه وخافت من جيتهم وش ذنب البنت الصغيره
ابو عناد : وش عندكم
ساير : اسمعني انا جبت لك البنت ذي اذا تبيها تسميها وتسجلها بكرت عائلتك لاني مابيها واذا ماتبيها عادي ارميها للميتم وبرتاح
ام عناد ببكى : حسبي الله عليكم بنتكم ياظالمين
ساير: انا ماعندي بنت عندي اولاد بس تبونها تسود وجهي لا كبرت ذي سود الليالي
ابو عناد : انقلع من بيتي
ساير ضحك بسخريه: ماجيت لسواد عيونك جيت ارمي لك ذي اذا ودكم بها تربونها تصير خدامه لكم على كبركم تعتني بكم
ابو عناد بعصبيه : اطلعوا من بيتي بيتي يتعذركم
ام عناد : حسبي الله عليكم
نياف بخوف : يبه من ذولا
ابو عناد : اطلعوا من بيتي
عناد ناظرها كيف بريئة بين يدينه : يبه تكفى انا بربيها
عزيزه : تراها بدون اسم
عناد : بسميها يبه وتصير بنتي
ام عناد بكت ولدها صغيره عمره 12 سنه بيربي بنت صغيره
طلعوا عزيزه وساير تاركين بنتهم وراهم متبرين منها
ابو عناد طاح على ركبه ونزلت دموعه قهر وكسر بسبب بنته وش ذنبه تسوي فيه كذا وتهرب مع ولد عدوه وتكسره وش مقصر فيه معها لجل تكسره وتهرب منهم لعدوهم
عناد خاف على ابوه وتوجه صوبه وحط لحن بين يدينه وابو عناد ناظرها وضمها لصدره ودفن وجهه بوجهها وشم ريحتها الحلوه
ام عناد وقفت قربهم وتشوف البنت الصغيره وباست راسها وخشمها ونواف ونياف وقفوا قبالها واحد يمين عناد والثاني يساره وجلسوا قبالها ابو عناد : وش تسمونها بتصير اختكم الصغيره
عناد : لحن
نواف ونياف : يجنن الاسم يبه اي سمها لحن
ابتسم ابو عناد : ابشروا ادخلوا نرجع نرقد وبكره باذن الله نروح ونسجلها ونجيب لها كل شيء تحتاجه
نواف : يبه بشتري لها ملابس على ذوقي
نياف: وانا بعد يبه بشتري لها على ذوقي
عناد : انا بسميها وبتنام معي وانا اعتني فيها
نواف : وانا معك
ام عناد تبتسم عليها وتبكي على حظ الصغيره وش ذنبها
ام عناد : انا اللي بربيها واذا كبرت انتم تهتمون فيها وتحمونها وتخافون عليها ابيكم تكونون سندها تفهمون
العيال : ابشري يمه
الصبح ابو عناد والعيال وام عناد وقفوا قبال الاحوال بيسجلونها بكرت ابو عناد بتصير بنت حازم
عزيزه خبرتهم بوقت ولادتها بعد ماسجلها ابو عناد بكرته ابتسم من شاف اسمها بكرت عائلته ودعاء ربي تعوضهم بعد ماكسرتهم بنته
ام عناد : ياحازم الله ارسلها لنا تكون عوضنا من كسر بنتنا
ابو عناد : والله انها اجمل عوض من ربي دام هي العوض
<< نرجع لحاضرنا >>
نغم تبكي وعناد يمسح دموعها
عناد : انا علمتك بس ليه تبكين
نغم : وش ذنبها لحن
عناد : انا من وقتها للحين وانا متغير انا صرت عناد بسن صغير ابو للحنه انا بكون العوض لها انا سندها بالدنيا يانغم
نغم باست خده : لو يصير عندنا عيال انا واثقه انك بتكون اجمل اب انت صرت ابو بصغرك اجل الحين بتصير احسن اب للحن ونغم
عناد ابتسم : الله لا يحرمني منك
نغم ضمته : ولا منك
عناد ماتحمل وباسها وتعمق ومن حس انها بتختنق ابتعد تاخذ هواء
نغم استحت وضحك عناد : تستحين من زوجك المفروض تتعودين
نغم ضربت صدره وسحبت نقابها منه تلبسه
نغم : نرجع لهم
عناد : ايه بنرجع حاوط خصرها بيدينه يثبتها لا تطيح من الخيل ورجعوا نزلت نغم وركضت عند لحن تضمها وعناد يناظرهم ويبتسم
لحن : مسرع اشتقتي لي
نغم : دايم اشتاق لك
لحن ابتسمت وضمتها
نغم : اشتاق لك وانتِ معي لو تعرفين
لحن : الله ضريبه الجلسه مع عناد
ضحكت نغم
-
<< العصر >>
وصلوا الرجال وابو عناد رحب فيهم ودخلوا بعد السلام والسؤال عن الحال
ابو سعود : ياحازم انا جايك وانا طامع بنسبكم وودي اطلب يد بنتك لحن لولدي سعود
ابو عناد انصدم وماتكلم وغيث عصب
سعود : يعم جيتك لحد بيتك ليد بنتك انا اتقدم على المله بشرع الله ونص الدين ابتمم هي مرادي غلا فؤادي طلبتك قولها لي تم اعف النفس واصلي الخمس واراعي ربي الاعظم
ابو عناد صد بوجهه مستحي منهم وطول بسكوته وماقدر يتكلم فكر ثم قال : اسمعني ياولدي ترا بنتي لولد سيف
سعود : ياعم ارجوك لا ترمي الشوك في عيني وقلبي المغرم بطهر الارض عرفتها من وهي صغيره لو تعلم لا تحرمني وتظلمني وربك مارضى بالظلم ياعم ناظر ترا خاطري يبيها من سنين كم ياراعي الخير هواي طير لا توقف في طريق حلمي وخذ مني وعد اني بخليها في مجرى دمي
تمايل راس ابو عناد هزه يمين وشمال وقال : نصيبك مع غيرها تنال ياولدي
سعود : ماهو معقول ولا مقبول اعيش الفكره ذي ياعم بعد بنتك انا احلف لك علي تحرم بنات ادام ولو دنياي حكايه ناي بغنيها بجرحي وهمي وهذا قلبي ياعمي صعب حلف بعشقها واقسم بقول لك شيء مادامي حي اموت وغيرها يحرم بكل اليأس اقول للناس حياتي خانها تاخري لانتظارها تكبر
غيث عصب من سمع كلام سعود ووقف مسكه عناد ورجعه يجلس
ابو سعود: وش تقصد ياحازم
ابو عناد : بنتي ياسعود متزوجه من مده بولد سيف
سعود نزل راسه : غيث
ابو عناد : اي ياولدي نصيبك مع غيرها لا تحرم نفسك النصيب ربي ماكتبها لك نصيب
وقف بيطلع ووقفوا ابوه واخوانه والرجال بيرجعون بس وقفهم ابو عناد وقال : افا ياغازي بترد عزيمتي والله ماترجعون الا وخاطركم طيب علي وان عشاكم عندنا عناد قم اذبح للضيوف
ابو سعود: ماعاش من بيردك ياحازم وابد الخاطر طيب يابو عناد مابه زعل البنت هذا نصيبها ربي كاتبه وسعود بنلاقي له بنت الحلال ان شاءالله
سعود : والله ان يحرمون علي بنات ادم كلهم ؛وطلع من الخيمه
توجهوا نياف وعناد وغيث بيذبحون وايهم وسعيد وبداح وحازم وتيم يقهون
سعود من طلع شاف زولها غصب عنه ناظرها ياسعود ماهي بنصيبك ياسعود خذاها النصيب نزل راسه ولا استحى انه يبكي وتذكر من حبها وهو باول صباه وهي صغيره كانت تروح للبقاله مع عناد ونواف ونياف ويقابلها هناك ويلعب ومعها وحبها وتمنى من يكبر تكون من نصيبه
تلثم بشماغه ورفع نظره وطاحت عيونه بعيونها عرفها وكيف مايعرفها وهو يعرف كل شيء يخصها يعرف حسابها بتويتر وكل يوم ينتظرها تغرد ظل يناظرها وعيونه مليانه دموع البنت اللي حبها تطلع متزوجه
اخوه ربت على كتفه وقال : ياسعود لا تسترق النظر ماعادت الديار ديارك
سعود بكى وقال : ابيها ياعقاب ابيها طيب وش اسوي بقلبي اللي حبها من صغره وتعلق فيها كنت اخاف من احد ياخذها وخوفي طلع واقع ياعقاب ماهي من نصيبي لكني ادعي جعلها تكون من نصيبي
عقاب : راحت يسعود خلاص راحت ياسعود راحت
سعود : كانت لي امنيه وصارت لغيري حقيقه ياعقاب
-
لحن طلعت من الخيمه تبي تروح لليل وقفت لفت انتباهها زول شخص ماتعرفه وتوقعت انه احد ضيوف ابوها وقفت تناظره بفضول لانها شافته يبكي تلثم ورفع نظره وطاحت عيونه بعيونها وضل صافن فيها يناظرها شافت دموع عيونه وجاها فضول تعرف سببها استحت ونزلت نظرها وهربت لليل
توجه صوبها من شافها ابعدت وراحت صوب الخيول ولحقها وعقاب يناديه خايف عليه من غيث
سعود وقف بعيد عنها : لحن
لحن خافت ماتعرفه : انت مين
سعود : انا سعود
لحن : سعود مين ماعرفك
سعود : انا اللي حبيتك من كنتي صغيره وانا باول صباي انا اللي انضرب من العيال عشان يحميك انا اللي انفلق راسه عشانك
لحن : اعتذر منك بس ماعرفتك
سعود تنهد : انا اللي كان ينشب لك عند البقاله من صرتي بالمتوسطة تبين البقاله وانشب لك على البسكوت
لحن تذكرت : تذكرتك انت اللي زعلتني ومن بعدين جبت لي البسكوت اللي احبه
سعود : ماودي اجرح لك شعورك وتبكين عشتي مع غيري واظن انك تحبين لكن رغم هذا امانه ذكرتي جيت مكانٍ خابر فيه بتجين نفس الطريق اللي عليه عبرتي ياغايبه عني ياليتك تحسين لو ما احبك مابعدتك عن العين هذا النصيب يصيب قلبي كسرتيه صرتي لغيري ماسالتك على وين اللين ماصرتي بحياته وصرتي ام عيال غيري امنتك الله لا جوك عيال سمي اول ولدك باسمي وانا يكفيني عذابي وتدرين قلبي يحرم عليه غيرك
لحن : طلبتك لا تحرم نفسك من النصيب بسببي
سعود : مب بسببك
لحن : طلبتك دام تحبني وعندي لك معزه بقلبك تكفر عن محلوفك وتعيش حياتك
سعود : قلبي مايقدر يحب غيرك والله لو اتزوج وحده وثنتين وثلاث قلبي ماحب الا أنتِ
لحن : انا متزوجه
سعود : تحبينه ؟
لحن : ايه احبه وانت لا تحرم نفسك بتلاقي بنت الحلال اللي بتنسيك حبك لي وبتحبها صدقني عط نفسك فرصه
سعود : ابشري نذر علي ان اتزوج وانساك او اتناساك واول بنت تجيني والله ان يكون اسمها لحن
وقفها سعود قبل تهرب وقال لها قبل يمشي : أحببتك حب الطرفين لوحدي تمنيت لو كنت انا زوجك دعيت الله كثير ان تكونين زوجتي وام عيالي لكن شاء القدر وشاء النصيب انك ماتكونين نصيبي مبارك زواجك منه ياحبيبه الطفوله ابايعك اني اصون حبك يالحن والله ان جتني بنت لاحبها مثل حبي لك دام اسمها بيكون لحن والله لحطها بعيوني والله لا اشيلها بعيوني وابقى احبك للابد ابايعك اني اصير عاشق متيم بك كثير مهما يفرقنا النصيب روحين نبقى للابد والله لا افرش لها العالم ورود دامها سميتك يالحن الروح استودعتك الله ياحب سعود النقي وحبيبه الطفوله حبي لك صادق وبيضل حب الطفولة اصدق حب حتى لو كان من طرف واحد حتى لو غبتي وفرقنا النصيب وراحت بك اعوام مكانك بقلبي ولا احدٍ يطوله حب الطفوله ماتغيره الايام يالحن واصدق شعور عشته هو حب الطفوله
لحن نزلت دموعها هل معقول فيه احد يحبها وهي ماتدري بحبه ابد هي تذكر بعض المواقف صارت بينها وبين سعود ماتوقعت انه يحبها
ركضت راجعه للخيام ودخلت عند امها تبكي
سعود من شاف دموعها ندم انه كلمها وتامل اختفاء زولها من امام نظره ورجع للرجال
-
<< خيمه الحريم >>
دخلت وارتمت بحضن امها تبكي وتبكي بكى اوجع ام عناد
ام عناد بخوف : وش فيك يمه ليه تبكين
لحن ببكى : مقدر اقول لك يمه
ام عناد : بسم الله عليك ياقلبي أنتِ
البنات خافوا عليها وتوجهوا صوبها يشوفون وش فيها
مليحه : بسم الله عليك وش فيك لحن وش صار لك
جنه : لحونه وش فيك
غيم : جده حصنيها
غزل : لحوني علمينا وش فيك
آسيا ونغم بكوا من بكاها وسمعوا حكي سعود لها لانهم كانوا طالعين صوبها ووقفوا من سمعوا حكي  سعود
غزال : بسم الله وش فيكم انتم بعد ليه تبكون
لحن رفعت نظرها صوبهم وهم ناظروها وهزوا راسهم لها بمعنى نعرف باللي صار
ترفه ام تيم : بسم الله عليكم وش فيكم
ام غيث : ياقلبي انتم اهدوا البكى مب زين لكم
ام بداح : بلا دلع اسكتوا ازعجتونا
مليحه ناظرت بامها بنظره عتاب وام بداح طنشتها
نامت لحن بعد بكى طويل
-
<< خيمه الرجال >>
طلعوا للجلسه الخارجيه وسعود كاره الجلسه
ابو عناد : بشر يسعود بترجع للديره
سعود : ايوه راجع باذن الله بس الظاهر بغير رأيي وبضل بلندن
غيث بهمس : ليه جيت طيب
سعود سمعه : جيت لشيء غالي على قلبي بس ماقدرت اوصل لمنى قلبي
عناد : نصيبك مع غيرها ياسعود
سعود تنهد ووقف جلس قرب النار ومد يدينه يدفيها وناظر للفراغ وشافها متخبيه بالظلمه لمح عيونها اللي يعشقها ونسى من الموجودين
وتنهد وقال : ياعقاب نعس السهر ماطب عيني
اثر فايهت الهوى ماهي بزيه *** هو يزين اتلاه ولا مايزيني
كيف ياتي النوم في عين السجيني *** والهموم من اسفله اليامليه
ياعقاب ماني بشوف الزين شيني *** لاكن الفرقا مفاعلها قويه
وقف ومسك عصاه بيده ووقف يتمايل بالعصا ويغني يلعب سامري
ياعقاب نعس السهر ماطب عيني *** اثر فايهت الهوى ماهي بزيه
هو يزين اتلاه ولا مايزيني *** الوكاد الزين زاد اللوع فيه
وقف عقاب ماقابل له وقال سعود والله ياعقاب ان كلمات السامري اللي بارح سمعتني تمثلني
العيال والرجال الكبار منبهرين من صوته ولعبه ولحن مصدومه من جمال صوته ولعبه للسامري
عقاب : لا بالله ياخوي ماتمثلك
سعود تلثم بشماغه ومسك عصاه يتمايل معها ونزلت دموعه ولا استحى إنه يضهر بحه صوته بغناه ومتجاهل الكل وعيونه تطيح عليها هي يلعب مقابلها وهي تناظره بحزن على حاله ماتبي احد يبكي بسببها هي حست نفسها مذنبه الحين ؛ نغم وآسيا وقفوا جنبها يسندونها ضموها ومالت براسها عليهم وتناظره وهم يناظرونه مصدومين
سعود بصوت مبحوح وحزين :
ضرب الحزن في صميم القلب بكاني
كل السهوم الحزينه وقعت فيه
تبكي عيوني من اللي بعده اشقاني
خلا عيوني بهل الدمع مبليه
في عزلهٍ عن جميع الناس معنيه
من الحزن ياعرب النوم ماجاني
حبك حرمني عن جميع المزايين
جابلي ثقل حزنه وسط جوفي رماه
واذرفن المدامع فوق خدي صبيب
الليالي توارى نجمها في سماه
واختفى النور عني صار حالي صعيب
وقف من انتبه عليهم وصفقوا من جمال لعبه وناظرها اخر نظره وطاح مغمى عليه خافت لحن والكل فز عنده نياف بعدهم بيقيس نبضه وعقاب خاف على اخوه
نياف : اغمى بسيط بسبب الصدمه اللي تعرض لها لا تخافون طيب ان شاء الله
عقاب : اخوي عنده ربو يانياف
نياف خاف : عنده طيب بخاخ اكيد إغمائه بسبب انه انكتم وبعد الله يهديه جالس عند الدخان بيذبح نفسه
عقاب : بجيبه تلاقيه
نياف مسك جيبه ودخل يده بالجيب ماحصل شيء : مافي شيء بجيبه
غازي بخوف على ولده : ياعقاب اركض للسياره
صحى سعود ومكتوم مايقدر يتنفس
نياف بصياح : الكل يبعد بسرعه ابعدوا ياخذ هواء
وسحب شماغ سعود وابعده من عند النار وعقاب جاب البخاخ وعطاه نياف سعود بيموت من تعبه ونياف سنده بيجلسه وعقاب مسك اخوه ونياف فتح فمه وبخ بفمه وضل كم دقيقه وصحى سعود واستوعب كل اللي صار وقف وطاحت عيونه بعيونها وشاف الخوف بعيونها ونزل راسه وقال : يبه انا موافق نخطب بنت اخوك واتمنى تتفاهم مع اخوك لاني باخذها ببيت مستقل وبعيش بالديره واذا رفض بنات حواء كثار اخطب لي اللي تبي ماعاد بيهمني لو بتزوج وحده وثنتين وثلاث وعندي شرط
ابو سعود ابتسم : وش شرطك
عقاب : ثلاث ؟ تظلمهم معك
سعود : ابيها وحديه امها وابوها يبه واهلها ميتين
ابو سعود : بس بنت اخوي ماراح توافق تعيش بالديره معك
سعود : قلت لك بنات حواء كثار
ابو سعود : من وين اجيب لك بنت اهلها ميتين وهي وحيدتهم
عايد : ولدك انهبل يالغالي
سعود : انت مالك دخل دام النفس طيبه عليك لا تدخل بحياتي يكفي اللي صار فيني بسببك
سعود ناظر ابو عناد برجاء : طلبتك طلبه ياعمي واتمنى ماتردني
ابو عناد : ماعاش من يردك ياسعود
سعود : ابي بنتك هي اللي تختارها لي
ابو عناد : دام بنتي موافقه ابشر
عايد : مب حرمت عليك بنات ادم كلهم وش اللي غير رأيك الحين؟
عقاب : يقدر يكفر عن محلوفه ويتزوج
غيث شك ان سعود قابل لحن وعصب اكثر من قال سعود شرطه تختار له لحن
غيث توجه صوبه بعصبيه يمسكه من ياقه ثوبه وعناد فز يبعد غيث غيث: مين انت عشان زوجتي ( شد على كلمه زوجتي ) تختار لك عروستك
سعود ضحك بسخريه : وانت وش عليك الحين
غيث : تحلم إن وافقت تختار لك تفهم تبي تتزوج اختر زوجتك بنفسك
ابو سعود وقف : مع السلامه يابو عناد وكثر الله خيركم حنا لزوم نرجع للبيت
ابو عناد : الله يحفظكم  انتبهوا على أنفسكم من الطريق
ابو سعود : عندي طيور شلوى لا تخاف
وقف غيث وتبادل النظرات الشرسه بينه وبين سعود ونظرات الكره وركب سعود سيارته وابوه وعقاب معه وعايد بسيارته
-
<< عند الحريم >>
مشو الضيوف والحريم طلعوا من الخيمه وقفت لحن وطاح نظرها بنظر غيث غمض عيونه يهدي من نفسه توجهت صوبه مسكت يده وسحبته للابل لانها بعيده شوي عندهم ويقدرون ياخذون راحتهم
غيث : وش تبين الحين تراني مب رايق الحين
لحن ضمته وباست خده : وش فيك معصب من مزعل زوجي
غيث : مب معصب مقهور
لحن : افا ليه علمني
غيث : يخطبك من عمي قدام عيوني تصدقين وقتها ودي اروح له واذبحه
لحن بضحكه خفيفه حاوطت رقبته بيدينها : انا لك ياغيث محد بياخذني منك
غيث ابتسم وتلاشى كل غضبه ولزق خشمه بخشمها وهمس : دامني حي والله محد بياخذك مني
ابتسمت وغيث سحب جلالها وحرر شعرها وحاوط بيدينه خصرها
لحن : تخيل يشوفني احد الحين وتعصب وش بيهديك وقتها
غيث بخبث : بوسيني وتروح العصبيه
لحن : لا خلاص انتهى موعد البوسه مافيه وحده تكفي
غيث : مب على كيفك هو
لحن ابتسمت ودفنت وجهها بصدره من شافت نظراته الموجهه لثغرها وذايب فيها
نزلت وجهها ورفع فكها بطرف اصبعه ويده الثاني تعصر خصرها الصغير بيده ويمررها على ظهرها
غيث بهمس : أنتِ ملك لغيث سيف تفهمين محد بيتجرأ وياخذ شيء صار ملك غيث
لحن : تراني انسان مب غرض تتملكه
غيث باس خدها بكل تملك ورفض يبتعد ابتعد من حس عليها انكتمت وتبي تاخذ هواء وضربت صدره وبعدت وهو شالها وتوجه للخيمه اللي ناموا فيها البارح
-
سعود رفع نظره وشاف لحن تسحب غيث ضل يتاملها ومن شافها محاوطه غيث وتضحك انقهر وتمنى انه هو مكان غيث
وشغل سيارته وطلع من عند الحلال راجع لبيتهم
-
ابو عناد : اسمعوني باقي يومين على عيد الاضحى وبكره ملكة نياف واسيا ونسويها هنا بما ان بكره اخر يوم لنا عند الحلال ومافيه وقت
وبيكون زواجكم كلكم بنفس اليوم ايهم وسعيد ونياف واخر ناس بتكون زفتهم هم نياف واسيا
نياف : يبه متى الزواج
عناد : مستعجل انت على الزواج
نياف : وش دخلك
ابو عناد : خامس ايام العيد باذن الله
آسيا: جدي  قريب مره
ابو عناد : عندك وقت من الحين تجهزي وش تنتظرين كل شيء جاهز بس أنتِ ونياف حطيناكم معهم واسطه وبس عليك تجهزين فستانك وشنطتك
جنه وغيم : حظك كل شيء جهزناه حنا وانتِ بس تلبسين الابيض وتنزفين كش عليك
غزل : بتحسدونها اذكروا الله
غيم: محد بيحسدها ذي
ابو عناد : يلا الكل يروح ينام
عناد وقف وارسل لنغم تجيه وراء الخيام
_
<< عناد >>
وصلت لوراء الخيام نغم : وش فيك وش تبي
عناد سحبها وضمها : اشتقت لك
نغم تلعب بشعره : تشتاق لك العافيه
عناد : أنتِ عافيتي
نغم ابتسمت وعناد ضمها اكثر لحضنه
عناد : ماودك تعتقيني
نغم : رحمتك
عناد باسها وابتعد عنها سحبها لخيمته الخاصه واللي هو بناها البارح لانه اشتاق ينام بحظنها
نغم : متى بنيتها ذي
عناد : البارح
نغم : ليه
عناد : اشتقت لك
نغم استحت وقلب وجهها احمر وعناد قربها له اكثر ومسك خصرها ويناظرها بكل حب وتملك
نغم : وش فيك تناظرني كذا
عناد ماتحمل منظرها وباسهاا بكل تملك
ابتعد عنها وتضربه : يادب
ضحك عناد ورجع باس خدها وضمها
-
<<بمكان اول مره نزوره بيت ساير >>
ساير : عزيزه خلاص الولد مات
عزيزه : كله منك أنت اللي دعيت عليه يموت وش فيها لو راح وشاف اخته
ساير : ياليل رجعنا لطير ياللي
عزيزه منهاره بكى وتعب وقفت بتروح تنام حست بدوخه وهي باعلى الدرج اغمى عليها ورجعت لورا وتدحرجت من الدرج وضرب راسها بالرض  ونزف عيالها شافوها من طاحت وساير فز من سمع صوت الطيحه وركض عندها يصحيها وهي ماتصحى عيالها الصغار يبكون منهارين والصغير ماتحمل واغمى عليه ساير ركض فيها للسياره ورجع شال ولده وحطه بالسياره والاثنين ركبوا ويبكون وخالد لاهي مع اخوياه محد درا وينه وصلوا للمستشفى ودخلوها والدكتور شافها بس فات الاوان ماتت قبل يوصلون المستشفى ساير اغمى عليه من الخبر وعياله يبكون رائف ماتحمل خبر موت امه وطاح ركض الدكتور عنده يشوفه ومات رائف من الصدمه
صحى ساير ورماح وساري عنده يبكون
ساير : وين اخوكم
رماح : يبه يقول الدكتوره انه ماتحمل الصدمه وتوقف قلبه
ساير مسك قلبه ونزلت دموعه فقد زوجته وولده بنفس اليوم
ساري يدق على خالد مايرد
عبدالملك دق على رماح ورد عليه رماح وخبره باللي صار
عبدالملك بصدمه : انا راجع الحين
رماح ببكى : ماتوا اثنينهم راحوا وتركونا
عبدالملك: وين عبدالرحيم ادق عليه مايرد
رماح : اذا جيت بتعرف
عبدالملك كذب على اهله وماسافر خارج البلد كان موجود بالرياض حجز طياره لابها ورجع بسرعه وصل بعد ساعه و 35 دقيقه عند المطار دق على رماح
عبدالملك: رماح اي مستشفى
رماح : مستشفى ********
عبدالملك: جاي
وصل عبدالملك المستشفى وركض عند الريسبشن يسال عن امه
الممرضه: المريضه توفت من ساعتين
عبدالملك بتوتر : ساير ال ناجد وينه طيب
الممرضه بغرفه الطوارئ وصل عندهم دخل الغرفه وشاف ابوه منهار ورماح وساري حوالينه منزلين روسهم يبكون
عبد الملك حب راس ابوه وسال عن عبدالرحيم : وين عبدالرحيم
ساير : توك تجي توك تسال عن اخوك مادريت وش صار فينا
رماح بانهيار : عبدالرحيم مات له شهر وامي من بعد وفاته اكتشفت انها مريضه بالخبيث واليوم طاحت من الدرج وماتت ورائف من الصدمه توقف قلبه ومات وانت وينك ياخونا الكبير ماتدري عنا وتوك تجي وتسال عن اخبارنا توك تتذكرنا
عبدالملك بصدمه : لا عبدالرحيم مايخليني
ساري بانهيار اكثر ويناظر في الفراغ : انا بروح عنده هو يناديني شوفوه يناديني
ساير ناظر ولده اللي يأشر بالفراغ وينادي عبدالرحيم
ساير فز وضمه ويبكي والكل يبي على حالهم تمموا إجراءات الدفن
دفنوهم وصلوا عليهم ودخلوا بيتهم منهارين بعد ما دفنو اغلا اثنين عندهم ومحد يعرف بموت عزيزه وولدها
-
غالب مختفي محد يعرف وينه وعناد وغيث عجزوا يلاقونه ثبتت التهم عليه قدر عناد يثبت التهم على غالب وصار مطلوب أمنيا
.
.

البارح قفل ابوي النت قبل انزل لكم البارت وحابه اقول لكم باقي لنا خمس بارتات واختم باذن الله الختام بيكون على 25 بارت
وباذن الله بيكون الختام خلال الأسبوعين ذي