لا تلوح للمسافر المسافر راح
لا تنادي المسافر المسافر راح
.
.
صحت لحن الصبح ماشافت غيث موجود بعد ماصلت فرضها وقراءة القرآن واذكارها نزلت للمطبخ شافت فطور على الطاوله ورقه محتواها افطري ولا تنتظريني بطول بالرجعه للبيت ؛ افطرت وطلعت جلست بالصاله وجاها اتصال من عناد
لحن : يامرحبا
عناد : ياحي هالصوت
لحن : مشتاقه لك
عناد : داري وانا بعد مشتاق لك كثير الصبح عندي ماله طعم مثل كل صبح الحين من سمعت صوتك اقدر اروق
لحن : صدقني ماراح اطول وبنشب لغيث نرجع
عناد : غيث مداوم؟
لحن : اي صحيت مو موجود توقعت انه مداوم
عناد : تمام انتبهي لنفسك انا بسكر الحين بعد ما تطمنت عليك
لحن : استودعتك الله؛ وقفلت
-
<بيت ابو عناد>
بعد ماقفل عناد تنهد بطفش مشتاق لها مو متخيل يمر صبحه وماصبحت عليه او نزلت من الدرج تغني
ابو عناد : وش فيك خاطرك متكدر
عناد : مشتاق لها
ام عناد : مع زوجها ياعناد ماراح تتطول وترجع
عناد : يمه تدرين لا غاب قمري وش انا اسوي اشوف صورتها واسري بها دروبي ليلي مظلم علي وهي ضوي ليلي موحش ودمع عيني مسكوبي لا ليلي ليل ولا صبحي صبح ضاق صدي من راحت وشلون يمر صبحي من دون محبوبتي هي لذه نفسي وقصدي وجوي هي راحت قلبي وعيوني ومطلوبي جيبوها تسقي زروع قلبي وترويها عروق قلبي تحتاج مشروبي شيبت بي وانا توي غلبتني بغلاها واصبح مغلوب عليها قلبي متشفق شوق متهوي امرٍ من الله معاها الحب مكتوب لا تجرحون قلبي صار قلبي متكوي هي دواه جيبوها هذي حياتي بدونها شرحتها لكم بكل مشاعر امر فيها بغيابها
نغم : والله لها وحشه صدق
عناد جاه اتصال من غيث
غيث : عناد لازم تجي بسرعه للمركز
عناد : انا جاي وقفل الخط وطلع
وقفه ابو عناد : وين طالع ؟
عناد : اتصال مهم من الشركه لازم اكون موجود
ابو عناد : رجلي على رجلك
عناد : بس يبه انت باقي ما تحسنت من عمليتك
ابو عناد : لا تكسر كلمتي وامش قدامي
طلعوا وابو عناد من ركب ساله : تحسب الاتصال مو من غيث
عناد : وش تقصد يبه
ابو عناد : غيث مكلمني قبلك وطلبني
عناد : تهقى وش موضوعه
ابو عناد : نروح له ونشوف وش عنده
-
<بالمركز >
غيث وسلمان والفريق اول سالم مجهزين غرفه الاجتماع السريه بالمركز وطلبوا عناد وابو عناد
وصل راشد قبل عناد وابو عناد دخل واستقبله غيث بالاحضان
غيث : ارحب
راشد : البقى ياعميد
ابتسم غيث : تفضل نحتاجك يالطيب
راشد : تحت الخدمه ياعميد
دخلوا لغرفه الاجتماع ينتظرون ابو عناد وعناد
دخلوا عناد وابوه وتوجهوا لغرفه الاجتماع
وقفوا والفريق سالم ضرب التحيه لابو عناد
ابو عناد : استرح ياسالم
غيث والبقيه على وجيههم استفهام مستغربين بعلاقه الفريق اول بابو عناد
سالم : نورتنا ياطويل العمر
ابو عناد فريق اول متقاعد وسالم كان من جنوده واللي دربهم ابو عناد وعناد عنده علم بعلاقه الفريق اول بابوه وعناد سار على خطى ابوه وصار استخباراتي ومهم في الدوله
غيث : عمي حازم ارحب
ابو عناد : البقى ياولدي بس وين بنتي
ابتسم غيث : لا تخاف عليها
عناد شاف اللي واقف قرب سلمان وانصدم
عناد بصدمه : راشد
راشد : وش رايك تجي تسلم
ابتسم عناد وضمه بادله راشد الحضن وطول ضامه مشتاق لعناد بالحيل افترقوا بسبب ابوه
راشد : ياطول الغيبه متغير ياعناد
عناد : انت بعد متغير وش فيك ذبلان تغيرت ياراشد
راشد : تتوقع اكون مرتاح وحمد ابوي
عناد : انت مالك ذنب ياراشد بعمايل ابوك
راشد : لحد الان اشوف اني مذنب بموت نواف
غيث : القاتل الحقيقي غالب ال قاهر
< فلاش باك موت نواف>
كانوا كلهم متجمعين بالاستراحه يودعون راشد بيترك الجنوب وبيعيش بالرياض ومع السوالف وجلستهم
نواف : عناد ليش ماتخلي لحونه تجي معنا
عناد : انقلع من تشوفك تسحب علي وازعجتني وين نواف ليه طول برجعه
نياف : انت وياه لا تتكلمون عن اختي اغار عليها
عناد : لا تحتك بنتي
غيث : ياذا اللحن اللي انتم مزعجينا فيها ابغى اشوفها من كثر ماتتكلمون عنها
نواف : فاتتك الجلسه معها والله انها ترد الروح ومن تنشب لك تبغى حواوى عاد اذا ماجبت لها بتزعل عليك اسبوع ماتكلمك وارثه العناد من الثور اللي جنبك
راشد : عناد ليه ماتجيبها معك نشوفها ونتعرف عليها
عناد : أعقبوا اجبها لكم اغار عليها
نواف : تعقب تشوفونها محجوزه لولدي المستقبلي
نياف : لا ياشيخ انت دور بنت الحلال الحين بعدين فكر تزوجها ولدك وبعدين اختي ماتبي ولدك المروح
عناد : بنتي مابزوجها بدرسها ومن تتخرج من الجامعه باذن الله بمسكها اداره شركاتي وبكتبها باسمها
نواف : تصدق اخاف يصير لي شي وافقدكم وافقدها
غيث : بعيد الشر ياولد وش قومك كل مره تقول لنا كذا
نواف : احس بشعور غريب باني ماعاد اشوفكم اخاف اموت وتنسوني
عناد عصب : نواف البارح قلتي لي كذا وصفقتك وزعلت علينا لحن الحين ماهي بموجوده والله بصفقك وش الكلام ذا تعوذ من ابليس
نواف : احس بضيقه قوموا نطلع نتمشى
وقفوا العيال يطلعون من الاستراحه وهم يمشون بالشارع وقفت سياره ونزل منها اكثر من شخص وواحد منهم تكلم
المجهول : من فيكم عناد بن حازم
عناد : وش بغيت
المجهول وجه السلاح على عناد : وصيتك ياولد حازم قبل موتك
عناد ضحك بسخريه : اذا موتي كاتبه ربي اليوم يامرحبا به
المجهول : ماراح نتعب معك
العيال انهبلوا وعصب غيث: نزل سلاحك اذا انت رجال وواجهنا
المجهول ضحك واطلق ثلاث طلقات صوب عناد نواف كان على يمين عناد دف عناد وطاح عناد وصار نواف مكان عناد وجت الطلقات في نواف وحده ببطنه وثنتين بصدره صوب قلبه وحده منهم اخترقت قلبه
المجهول ركب سيارته مع اخوياه وحرك بسرعه
والعيال طاحوا على ركبهم عند نواف وعناد حط راس نواف بحظنه ويصيح باسمه : تكفى نواف تكفى لا تسكر عيونك طلبتك نواف ويبكي ويترجاه
نواف بصوت متقطع وقبل يسكر عيونه : عناد وصيتي لحن انتبه لها واذا اشتاقت لي قول لها نواف مابيطول وبيرجع قريب
سكر عيونه وطاحت يده وكله دم ويطلع من فمه دمه والعيال يدينهم وثيابهم توسخت من دم نواف غيث ركض يجيب مفتاح سيارته وشالوا نواف متجهين للمستشفى وعناد ماترك نواف نواف كان اقرب لهم كلهم من يشوف واحد من العيال متضايق يجلس معه لين يفضفض له ويرتاح ويطلع كل اللي بقلبه نواف مايعرف اهله ماتوا من كان صغير وتربى مع عناد ونياف ؛ وغيث وراشد كل يوم يقابلونهم بالاستراحه ويلعبون مع بعضهم كانوا خمس اخوان فرقهم شخص مجهول
وصلوا للمستشفى ويبكون وينادون احد يجي يساعدهم شافوهم الممرضين كلهم ثيابهم مغطاه بدم وعناد يصيح عليهم خذوا نواف ركض لغرفه العمليات وابو عناد وصله الخبر وركض للمستشفى ولحن من شافت ابوها مرتبك وخايف بكت وخافت وتنادي عناد ونواف ونياف يجون عندها طفله صغيره ماتعرف باللي يصير حوالينها وقتها عمرها 10 سنوات ؛
بعد 11 ساعه منتظرين بالممر الدكتور خرج الدكتور منزل راسه وعلى وجهه علامات حزن شديدة وماتكلم العيال ركضوا عنده خايفين
عناد : وش فيه اخوي
غيث: ليه طولت
نياف : تكلم وش فيك ساكت
ابو عناد : اصبروا بنعرف وش الوضع
راشد : يادكتور تكلم ليه ساكت
الدكتور رفع راسه عض شفته لثواني وقال : الاعمار بيد الله انا لله وانا اليه راجعون عطاكم عمره عظم الله اجركم والله يرحمه
العيال انصدموا مو مصدقين
الدكتور: المريض ماقدر يتحمل وفارق الحياه وقال قبل يفارق الحياه: عناد انتبه لحن وتذكرني كل ماشفتها واذكروني بدعواكم لا تنسوني
عناد طاح ماتحمل الخبر وغيث سنده يقومه وابو عناد يهديهم ويذكر ربي ويصبرهم
ابو عناد : الموت حق وهذي سنه الحياه ياعيالي هو راح للي ارحم مني ومنكم اصبروا وتذكروا قول الله تعالى {وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ }
عناد يمسح دموعه : انا لله وانا إليه راجعون
غيث : أنا لله وإنا إليه راجعون
راشد اغمى عليه ونياف مو مصدق ويناديه وماتحمل وضل يصارخ عليهم فزو من شافوهم يخرجون سرير وعليه شخص مغطى بالابيض فز عناد من مكانه وتبعوه العيال يركضون للسرير يوقفونه اشر الدكتور للممرضين يوقفون شوي تقدموا العيال بخطوات مرتجفه وخوف للسرير مد عناد يده المرتجفة لرأس الشرشف يبعده عن وجه نواف اللي مغطيه وهو يبعده وسع عيونه لثواني مو مصدق انه خسر اخوه من بيشاركه الحين النوم بالمجلس والمضاربات عشان لحن
بالجهه الثانيه من المستشفى صحى راشد وسحب المغذي من يدينه وركض بين الممرات بيوصل عندهم وقف من شافهم وشاف نواف والعيال ملتمين حوالين السرير فوق راس نواف ويبكون وابو عناد يهديهم تقدم بخطوات راجفه وبطيئه مو مصدق انه خسر
نواف ونزل راسه عند رجلين نواف وضامها بيدينه
غيث نزل راسه على كف نواف وحس ببروده كفه ونياف مو مصدق : تستهبلون نواف نايم هو قالي انه يبغى ينام لانه تعبان لا مو نواف ضمه او عناد ويهديه وعناد مسك وجه نواف بيدينه وحس ببرودته كان وجه مثل الثلج بارد ماتحمل عناد
عناد : نواف تكفى قوم لحن الحين تنتظر الحلاوه قوم وش اقول لها اذا دخلت البيت وماشافتك معي تكفى لا تخلينا طلبتك نواف طلبتك ونزل راسه على جبهه نواف ويبكي
غيث رفع راسه وبعد حط يده على خد نواف وكان بارد مثل الثلج : نواف خدك بارد نواف كان حار ليه صار بارد وطلعت منه شهقه قويه ماتحمل يكتم بكاه اكثر دموعه تنزل بس ماينسمع له صوت وماتحمل وشهق
الدكتور اشر لهم يتحركون الممرضه نزلت دموعها من منظرهم ماتحملت ورجعت الشرشف على وجه نواف وخذوه لثلاجه الموتى وابو عناد راح وراهم يكمل الإجراءات دفن نواف
العيال فزوا من مكانهم يمشون وراهم مسكهم ابو عناد يهديهم ويذكرهم بربي وبطريقتهم ذي يحرقون قلب نواف من بكاهم
مسح دموعه عناد : يبه متى الصلاة عليه
ابو عناد : العصر
غيث: قريب ياذن العصر
ابو عناد : ايه انا كملت الإجراءات الازمه وبنطلعه لمغسلة الاموات نغسله ونصلي عليه وندفنه
عناد : انا بغسله
غيث : وانا بعد
نياف : معكم
ابو عناد بتعب وقلب محروق على فقده ولده : يصير خير
-
<عند الحريم >
انتشر خبر وفاة نواف ودرت ام عناد طاحت على ركبها وصاحت صيحه خلت كل الحريم اللي جوها يبكون من قوة صيحتها
لحن سمعت صيحه امها خافت وركضت عندها وتبكي
ام عناد سحبتها لحضنها وتبكي وتصارخ ولدي مات ولدي راح من يديني يالحن ولدي راح
(للمعلومه نواف يكون اخو عناد من الرضاعه امه ماتت بعد الولاده وام عناد والدة قبلها بيوم ونواف وحيد امه وابوه جاهم بعد عذاب سنوات من العلاج ابوه مات قبل ولادة امه باسبوع وام عناد خذت نواف لانهم جيرانهم ورضعته مع عناد واعتبرته ولدها واهتمت فيه وكبرته مع عناد )
ترفه وحوراء ماسكينها يهدونها ورفعه مارف لها رمش ولا بكت بالعكس تكره نواف هي مافرحت ولا حزنت مشاعرها عاديه ومن كرهها لام عناد تتمنى لها الشر هي وعيالها وتدعي ربي يكثر من مصايبهم اكثر انسانه منافقه مع ام عناد وقفت تمثل الحزن : يارهيفه اصبري ياوخيتي كلنا ماشين بذا الدرب يارهيفه
ام عناد سكتت وضلت تستغفر وتتذكر ان اللي هي قاعده تسويه غلط العبد يصبر على الابتلاء وقالت تهدي نفسها بذكر ربي { {وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ }
ام عناد : انا لله وانا اليه راجعون يارب صبرني في مصيبتي يارب ارحم ولدي وثبته عند السؤال يارب انا لله وانا آليه راجعون
-
<العصر >
كان فيه مغسل منتظرهم يغسل نواف ويكفنه
المغسل : ثلاث اشخاص بس يقدرون يدخلون يغسلونه
عناد : انا بدخل
غيث : انا بعد
نياف رفع يده وقال بغصه : وانا بدخل
المغسل لمح الغصه فيهم وقال : اذا ماتتحملون يجون ناس ثانين
ابو عناد: لا بيكفون لا تخاف هم قدها بيتحملون
دخلوا على نواف شافوه ومسكوا دموعهم لا تنزل وتقدموا وكل واحد فيهم باس راس نواف المغسل اشر لعناد يجي يمسك المويه يغسله وغيث ونياف يساعدون عناد بمسك نواف وتقليبه عناد يغسله بالمويه ويبوس راسه بعد الوضوء المغسل امر عناد يغسل جسم نواف بسدر ثلاث مرات مع الفرك عناد يلبي طلب المغسل ويغسل نواف ويفرك صدره بكل خفه خايف ياذيه انتهى عناد ووقف وامر المغسل غيث يجيب الكافور ويغسل جميع جسد نواف مره واحده بدون فرك لانه يطيبه ويصلب بدنه ويبرده ويمنع اسراع فساده المغسل امر نياف يرش على الكفن حنوط ولبى نياف طلبه وبعد انتهائهم من غسل نواف امرهم المغسول بوضع مخلط عود له في مواضع سجوده اكراماً له
جهزوا نعشه وحطوا كفن نواف فوق النعش ورتبوه ورشوه من الحنوط ونقلوا نواف فوقه يكفنونه انتهوا وصلوا عليه وبعد الصلاة خرجوا شايلين نعشه وحطوه بسياره نقل الجنائز ابو عناد كلمهم قبل يروحون للمقبرة يجيبونه لام عناد تودعه قبل دفنه ولبوا طلبه وتوجهوا لبيت ابو عناد ونزلوا نواف بكفنه ودخلوه للحوش ودخل معه غيث وعناد ابو عناد نادى على ام عناد تجي وكانت لحن متمسكه بعبايه امها خايفه من كثر الحريم وكلهم يبكون ويصيحون وبعضهم يضربون انفسهم ماتعرف وش فيهم كانت خايفه وتبكي وتبغى نواف يجي ومعه حلاوتها اللي وعدها يجيبها لها طلعت ام عناد ولحن
من شافت عناد ركضت عنده تبكي وتعاتبه وفي عقلها تساؤلات كثيره عناد من ارتمت بحضنه ضمها اكثر الود وده يعصر ضلوعها من قوة ضمه لها
عناد مسح دموعه وخرها جلسها بحضنه ويلعب بشعرها : وش فيها وطن عناد تبكي
لحن ببكى : فيه حريم كثير جوء يبكون وكلهم لابسين اسود وبعضهم يضربون انفسهم ليه ( ضرب النفس عند المصيبة محرم بعضهم اشوفهم في العزاء يصيحون صياح يخوف ويلطمون انفسهم وهذا محرم لانهم يزيدون اهل الميت حزن بطريقتهم )
عناد ضحك على برائتها ومسح دموعها : خوفوك
لحن تهز راسها بايه : وينه نواف ابغاه وعدني يجيب لي حلاوتي ماجابها
عناد طلع حلاوه من جيبه وعطاها : هذي منه
لحن ببكى : وينه طيب
عناد بكى وضمها : راح عند ربي فوق
لحن : بروح عنده
عناد بكى بكى ماتحمل كلمتها : لاتتركيني وتروحين عنده وتتركيني ويسمي عليها ويدعي ربي يحفظها ويطول بعمرها ولا يحرمه من شوفتها
ام عناد مسحت على كفن نواف وباسته وتبكي : رحتت للي ارحم مني ومنهم سامحني ياولدي سامحني يمه وابو عناد يهديها وماتحمل كلام لحن وبكى وام عناد زاد بكاها بعد كلام لحن وغيث اول مره يشوف الطفله لحن اللي نواف يحبها وقرب باس راس ام عناد يعزيها وطلع ودخل نياف وحب راس ام عناد وراح صوب لحن وضمها هي وعناد وبكى
رجعوا نواف بسيارة وتوجهوا للمقبره يدفنونه ام عناد وقفت من طلعوا وشالت لحن ورجعت للحريم ولحن ماتبي ترجع عندهم تبي تروح مع عناد بس منعتها ام عناد
-
<بالمقبره >
كانوا العيال يحفرون قبر نواف وبعد ما انتهوا من حفره نزلوا نواف بالقبر ورجعوا ادفنوه وكل المعزين طلعوا من المقبره وضل غيث وعناد وراشد ونياف يودعونه وبعدها يتوجون للخيمه مرت اخر ايام العزاء لين جاء اليوم اللي كسر عناد
غالب : اسمعني ياغيث اذا ماطلعت معنا انت واهلك من الديره صدقني اقول لهم ان اللي قتل نواف عناد ويسجنونه وتشوف صديقك يموت قدامك
غيث : ضحكتني ماعندك دليل لا تلعب على الحكومة انت صاحي ماراح يصدقونك
ابتسم غالب بخبث : تحسب ما اقدر اسوي شيء واتهم عناد بالقتل
غيث: اعلى ما بخيلك اركبه ماني بطالع من الديره
غالب : مثل ماتبي رفع جواله وكلم الظابط اللي يحقق بقضيه قتل نواف الظابط يصير صاحبه ويقدر يتلاعب بالقضية
الظابط : ارحب
غالب : عرفت القاتل
الظابط : مين؟
غالب: عناد بن حازم خذ الدوريه لبيته
انتهى من المكالمه وناظره غيث بكره وحقد وركض لبيت ابو عناد وشاف الظابط ومعه دوريه يبون يمسكون عناد
توجه الظابط لبيت ابو عناد دق الباب وطلع ابو عناد وتقي وعناد نايم بالمجلس من التعب ثلاث ايام ماقدر ينام زين وماعنده خبر باللي صار
ابو عناد باستغراب : الظابط ماجد هلا وش بغيت
الظابط دق التحيه لابو عناد احتراماً لمنصبه وانه منصبه عالي جداً
الظابط: ياطويل العمر جاني بلاغ بالقبض على ولدك عناد بتهمة قتله لاخوه
ابو عناد عصب : من مين جاك البلاغ علمني
الظابط ماقدر يرد لان البلاغ كاذب
غيث وقف قبال الظابط يمنعه من الدخول
ابو عناد : مين اللي امرك تمسك القضيه
الظابط : ياطويل العمر الفريق سعد
ابو عناد همس باذن الظابط بحيث غيث مايقدر يسمعه : قول للفريق سعد انا حازم الفريق اول أمرك بترك القضيه وراح يتم سحب منك رتبه الظابط وتنزل من ظابط الي ملازم تفهم
الظابط سكت ورجع امر الدوريه ترجع
وابو عناد كلم الفريق سعد وامره بترك قضيه نواف وعرف انه غالب اللي امر الظابط بأتهام عناد وامر بفصل الظابط وغيث رجع لجده ووافق يترك الديره بشرط يبتعد عن عناد
غيث حتى ماودع اخوياه مايبغى ينكسر من يشوفهم
وطلع هو واهله من الديره صحى عناد بعد يوم كامل من نومه ودق على غيث جواله مقفل جاه نياف خبره بخروج غيث واهله من الديره وتركهم للديره وخبره بسفره للخارج
ونياف ماتحمل موت نواف وقدم على بعثه بإيطاليا بيحقق امنيه لحن بشوفته دكتور وقبل يسافر ودعهم وطلع
< انتهى نرجع لواقع العيال >
انتهى الاجتماع المخطط له بالقبض على غالب واللي بيمسك القضية غيث وعناد
_
<< بيت غيث> >
مرت اسبوعين وغيث مختفي مارجع للبيت من وقت ماطلع وهي نايمه جاها اتصال وكان غيث ردت بكل برود على تجاهله لها لمده اسبوعين طيب ليه ياخذها دام بيتركها
غيث: البسي عبايتك واطلعي بنرجع للديره
لحن ماتكلمت فقلت الخط بوجهه وتنرفز من حركتها اخذت عبايتها وطلعت من البيت والصدمه شافت بنت راكبه قدام مع غيث استوعبت وتجاهلت وركبت وراء وقفلت الباب بكل قوتها
غيث : السلام واجب وحركه تقفلين الخط بوجهي بنتحاسب عليها بس مو الحين
لحن : خوفتني الصراحه
غيث : سلمي على زوجتي الثانيه
تجاهلت وركبت سماعتها متجاهله غيث والانثى اللي معه ماعرفتها لانها كانت متغطيه
وعلت الصوت وتجاهلتهم ونست وجودها معهم وسندت راسها على الشباك تتامل القمر وغنت بصوتها العذب اللي يجبر غيث يلتفت لها ويفز قلبه ميه مره عشانها
تدور الارض وتدور السوالف والسنين تدور
وانا لو اعرف اللي راح ماني بعرف الباقي
يقولون القصيد شعور والشاعر بدون شعور
واقول الله يعاقبني اذا ماهو من اعماقي
انا لو اكذب بشعري وقف نبض ويبس حنجور
وقادر اخسر الدنيا وعاجز اخسر اخلاقي
وقف عمري ولا ادري وش انا من وقفته لاقي
قسم بالله ماقبلك غياب ولا بعدك حضور
ولكن ودي بفرقاك لو ماودك فراقي
تعاتبنا بما فيه الكفايه وسالت دمعتين وطاح قلب وماتت اشواقي
تعدك المشاريه وقفاك اللوم والمستور
اذا مايكشفه صوتي كشفه الحبر باوراقي
تعبت اضحك على نفسي وابرر لك واعيش الدور
تعبت اجامل ظروفك واصدق كذبك الراقي
يكفيني اغيب وخافقي ماجاك منه قصور
ويكفيك اتذكر كل ليله لهفه عناقي
وتذكر يوم أعذرك وانت لا صادق ولا معذور
ادور لك عذر واصدقه وكذب حداقي
تذكر يوم جيت من الحزن متضايق ومكسور
فرشت لك الظلوع وقلت لك ياسيد عشاقي
خذ ظلوعي وابن فيها يسار الصدر بيت وسور
ترا مافيه قبلك من سكن صدري وخفاقي
بعد هذا تزوجت ولا بقى الا بيتك المهجور
ولا ياكبرها لا من رحلت ومنزلك باقي
انقطع صوتها دليل على نومها غيث كان يمشي بكل بطىء كانه يمشي لجنازه شخص غالي وكل شوي يناظرها ويناظر الطريق متجاهل اللي جالسه على يمينه ومو معبرها يفكر بلحن وعناد وعمته اهله وش يقول لهم سبب زواجه مب مقنع ابد
-
< قبل يومين عند سما ومليحه >
مليحه كلمت سما يتقابلون اذا هي تبي تحصل على غيث ويتزوجها وصلت سما للمكان إللي اتفقوا عليه وكان بيت مهجور وقديم وريحته بشعه ومخيف
مليحه : اخيرا وصلتي
سما : وش المكان ذا اللي أنتِ جايبتني له
مليحه : تبين غيث يجيك ركض
سما : اي بس مو بالمكان ذا
مليحه : الحل هنا
سما : وش الحل طيب
مليحه انا تكلمت مع وحده تقدر تخلي غيث يجيك ركض
شهقت سما بخوف : حرام يابنت انجنيتي
مليحه : مو تبينه
سما : الا بس مو بالطريقه ذي
اقتنعت سما ووافقت وقبل غيث يروح لبيته حس بصداع قوي براسه ووقف السياره جته سما
سما : غيث تكفى استر علي
غيث : وش تبين
سما : تزوجني ولا بيذبحني راشد
غيث: انجنيتي انا رجال متزوج ومستحيل اتزوجك
سما ضمته وتبكي ومليحه تصورهم
ارسلت الصور لسما : اذا ماتزوجتني اقسم لك ان الصور ذي بتروح لحن ولعناد واهلك واعلمهم بانك نايم عندي ومواعدني وتارك لحن لحالها بالبيت طول ايام الاسابيع حتى ما تسال عنها
غيث: وش تبين
سما : تزوجني
غيث : بشرط
سما : وش شرطك
غيث : ماراح اخبرك الحين يصير خير بعدين
غيث تجالها بيمشي ماهمه تهديدها ابد بس حس بدوخه وراسه يوجعه من كثر الصداع واغمى عليه
اخذته سما وحطته بمكان مهجور صحى غيث وشاف حبال استوعب انهم رابطينه بمستودع
دخلت سما ومعها شيخ مملك
غيث : وش تسوين
سما : وش رايك طبعاً بنتزوج
غيث: انهبلتي صدقتي اني بوافق
سما : غصباً عنك بتوافق
المملك : لازم يكون فيه شهود على الزواج
سما : ابو عناد شاهد ومعه واحد ثاني
دخل ابو عناد وشاف حال غيث وكيف رابطينه تقدم عنده وهمس باذنه وش السالفه
غيث همس لابو عناد : يبه مادري حسيت بدوخه وصداع من البارح رافض يفارقني وصحيت لقيت ذي ومعها مملك وتقول بنملك
ابو عناد فهم السالفه وهمس له لا يوافق
المملك : نحتاج موافقتك ياغيث
غيث انربط لسانه ماقدر يتكلم حاول يتكلم يرفض بس فيه شيء مانعه يتكلم
ابو عناد خاف : وش فيك ياغيث
غيث تعب من محاوله انه يتكلم وعصب وهز الكرسي حتى طاح يبغى يتكلم يقول انه رافض بس مايقدر فيه شيء مانعه يرفض
سما : عمي بتوقع ولا ترا بذبحه قدامك ماعندي مشكله تترمل بنتك بعمر صغير
ابو عناد وقع وغيث وقع ورجع يتكلم
غيث بعصبيه مسك رقبتها وشد على قبضته بيذبحها : وش مسويه علميني ليه ماقدرت ارفض
ابتسمت سما بخبث
ابو عناد خاف من اللي طرا بباله وضل يستغفر ويقراء المعوذات وايه الكرسي ويذكر ذكر لا اله الا الله وحده لا شريك له له الملك وله الحمد وهو على كل شيء قدير وضل غيث يصيح ويمسك راسه واغمى عليه فهم ابو عناد وضعه وتقبل الفكره وبعد ماصحى غيث والتعب لاعب فيه ابو عناد امره ياخذها ويروح يجيب لحن ويرجعون للديره وبيعيشون معه
-
وصلوا الديره والكل كان نايم ماعدا عناد كان حاس بشيء صاير والضيقه اللي جته فجاه وضل بالحديقه
وقفت السياره وصحت لحن نزلت من السياره ركض تدخل البيت وشافت عناد بالحديقه فز عناد من شافها وركضت عنده ضمها وباس راسها بعمق وشال نقابها اشتاق يشوفها اشتاق لضحكتها وبسمتها ضحكت لحن ومن شافتهم دخلوا وراها تنهدت ونزلت دمعتها ومسحتها قبل يشوفونها بس عناد قدر يشوفها ويشوف القهر والكسره بعيونها قدر يقراها
لحن :
يابوي شف بنتك اللي حيل تغليها ** ليا كسرها الهم والحزن لك ماتطريه
يابوي انا اجبر الخواطر وانا اداريها ** وشفيهم كسروا خاطري والكل ناسيها
يابوي لمني بنتك ادنى شيء يبكيها ** الحزن بصدر بنتك من يداويه؟
غيث تبلم مكانه من سمع ابياتها وعرف المقصد بقصيدتها ومقصدها واضح للكل الا سما
عناد شاف غيث وانثى معه وثار دمه وقف قبال غيث
عناد بعتاب : وش سويت فيها ياغيث
غيث ساكت ماتكلم يناظر عيونها وقرب صوبها وضمها والصداع مافارقه من عده ايام
دفته ومسكت يد عناد : يبه اشتقت للنوم بحضنك
عناد : من ذي ياغيث
غيث بتعب : بعلمك بكل شيء بكره ياعناد طلبتك ابغى ارتاح الحين لي ايام صداع مايفارقني
عناد كسر خاطره ومنظره المتغير والتعب بعيونه واضح وسكت عشان لحن وفعلاً غيث مبين عليه التعب غيث متغير من راح ورجع مو معقول خلال اسبوعين يتغير كذا
سحبت عناد وراحت غرفتها وقبل تدخل اشرت لهم ينامون بغرفه الضيوف
غيث : انا زوجك بنام عندك
لحن : نم مع زوجتك الجديده وانا انساني ياغيث وبكره توكل انت وزوجتك من بيتنا
غيث سكت وتوجه للمجلس وسما ضلت واقفه
لحن : خير تنتظرين دعوه انقلعي من قدامي
سما : وين اروح
لحن ميزت صوتها : سما ؟
سما : ايه سما ! قلت لك مصير غيث يرجع لي
عناد اشر لها على غرفه فاضيه ودخل وراء لحن غرفتها كانت تبكي وتلوم عناد
لحن : قلت لك من قبل انه باقي يحبها
عناد سكت وضمها لصدره يهديها وتنهد ولعب بشعرها حتى نامت وغيث كان واقف ياناظرهم من الباب ماسكره عناد تركه مفتوح
تنهد عناد : وش فيك متغير ياغيث بكره لي تفاهم معك
.
.
لا إله إلا الله وحده لا شريك له له الملك وله الحمد وهو على كل شيء قدير
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
قصص عامةلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
