أنت العوض لا صارت حظوظي شحاح وأنت الهنا ياغايتي والغنايم

Patr 4

ما نشدت الشمس عن حزن الغياب
علمتنا الشمس نرضى بالرحيل
.
.
ام عناد من عقب مكالمه عناد وماتطمن قلبها الا لمن سمعت صوت لحن دموعها ماوقفت كل ماتذكرت منظر بنتها يزيد بكاها اكثر منتظره على احر من الجمر رجعتهم
آسيا: جده خلاص تكفين امسحي دموعك تبين لحن تزعل علينا لانك تبكين
ام عناد بغصه وصوتها رايح من كثر البكاء: وش تبيني اسوي يابنتي منظرها والذيب غارس انيابه بيدها موجعني انا ما ارتحاح الا لمن أضمها لصدري واشم ريحتها وانيمها بحظني
ام تيم: بس مايصير ياخاله تتعبين نفسك اكثر كلمتيها وتطمنتي عليها الحمدلله مافيها الا العافيه ياخالتي اشربي مويه واهدي عشان لحن انتِ اكثر وحده فينا تعرفين لحن لاشافت دموعك تزعل
ام عناد شربت ومسحت دموعها : انا بعرف من وين جاء الذيب
ام غيث: ياخالتي لا تفكرين بشيء الحين فكري بلحن ونفسيتها
(الكل رجع بيته وضل سيف واهله حتى امه خذت حريم عيالها ورجعت مع منصور ومسعود وسيف ضل ينتظر رجعه ابو عناد )
نغم : يمه كلمتي غيث
ام غيث : ادق عليه مايرد
ام عناد: سامحيني يابنتي تعبناكم معنا
ام غيث : تعبك راحه ياخالتي انا روحي فداك مانسيت وقفتك معي ولا عمري بنساها بيوم
ام عناد: الله يهديك ياحوراء ماسويت شيء كل اللي سويته كل ام تساويه لبنتها وانتِ بنتي واغلى من بناتي
لحن دخلت وسمعت كلامهم : اغلى مني
الكل التفت لجه صوتها وركضت ام عناد وضمتها وتصيح وتسمي عليها
لحن كانت محتاجه حضن امها كثر ودفنت وجهها اكثر بصدر رهيفه وتصيح
ام عناد: بسم الله عليك ليته فيني ولا فيك بروحي عنك
لحن ماقدرت تتكلم من كثر مابكت اليوم حلقها يوجعها بعدت عن حضن امها
نغم : الحمدلله على سلامتك ياحلوه
لحن ضمتها وهمست بصوت تعبان ومتقطع : الله يسلمك ياقلبي
آسيا: خوفتينا عليك يادبا
ثناء شافت لحن وركضت عندها ضمت رجلينها لحن شالتها : اف اشتقت لك بالحيل يادبا
ثناء باست خدها وضحكت لحن
ام غيث : ماتشوفين شر ياروحي الحمدلله على سلامتك
لحن: مايجيك خاله الله يسلمك
رجعت ام غيث وبنتها بيتهم وام تيم بعد ماتطمنت على لحن رجعت بيتهم
ام عناد : يمه تبن اكل اجيب لك اكل
لحن هزت راسها بالرفض : لا يمه محتاجتك نامي معي اليوم
ام عناد: ابشري يمي بنام معك وبسحب على ابوك
سمعهم ابو عناد : افا وانا تخلوني انام لحالي
لحن : اذا تبي تنام معنا حياك
ابو عناد : جاي من غير ماتعزميني
ام عناد: حازم وين عناد ماشفته ؟
ابو عناد : اليوم ذكرى وفات نواف تلاقينه بالمقبره
ام عناد: الله يرحمه ويصبر قلب عناد
لحن : يبه من نواف ! هل انا اعرفه
ابو عناد : تذكرين الولد اللي دايم يجيب لك حلاوة معه وانتِ بنت 6 سنوات
لحن : ايه اعرفه صديقي
ابو عناد : هو الله يرحمه قبل 8 سنوات وقتها عمرك 10 سنوات كنتي صغيره ماتعرفين بقصته
لحن : علمني تحمست اعرف وش صار عليه وكيف مات ؟
ابو عناد : مات مقتول
شهقت لحن وخافت : من قاتله !
ابو عناد : لحد الان محد يعرف مين اللي قتله وتقفلت قضيته
لحن : طيب هل بيقدرون يفتحون القضية مره ثانيه؟
ابو عناد: غيث رجع فتحها
لحن بكت : يارب يمسكون اللي قتله
ابو عناد : ليه البكى الحين
لحن: تأثرت وعناد
ام عناد : عناد تدرين ليه يناديك وطني
لحن : الصراحه يمه كنت ابغى اعرف وش سبب مناداة عناد لي باني وطنه احبه لمن يناديني وطني وكل ما اسئله ليه تحب تناديني من صغري وطن عناد يجاوبني لان الوطن حب لا يقدر بالثمن وانا حبي لك مايقدر بثمن لانه امن وامان وملاذ للشعبه وأنتِ يالحني امني واماني وملاذي الامن من الحزن والوجع
ام عناد : اي يابنتي لانه شافك مثل الوطن أنتِ الوحيده اللي قدرتي تطلعينه من حزنه ووجعه على فقد صاحبه كنت اشوفه قبل ينام يجي عندك ويضمك لصدره وينام حتى لمن شاف صاحبه يموت قدامه وبعد مادفنوه رفض يطلع للمعزين يعزونه واكتفى بحضنك انتِ بعد الله كنتي السبب في رجوع عناد لحياته الطبيعيه انتِ وطن عناد وملاذه وعوضه عن فقد اخوه انتِ كنتي جبر لكسوره مو بس عناد انتِ العوض الجميل اللي ربي عوضنا فيك من الاحزان جيتي تنورين بيتنا وترسمين البسمه والفرح على قلوبنا الله يخليك لنا ويحفظك من كل شر ويبعد عنك كل حاسد وحقود
لحن من بعد كلام امها ماقدرت تتحمل وتضمهم وتصيح هي ماتخيلت قد ايش هي بالنسبه لعناد وبعد كلام امها عرفت ليه عناد يخاف عليها يخاف يخسرها مثل نواف هي طلعته من حزنه على موت اخوه وهي غير عند عناد يقدر يخسر نفسه بس مايخسر وطنه يقر يخسر كل شيء الا لحن شوف خسارتها مثل خسار الشخص لوطنه وامنه وامانه
ابو عناد: ليه الدموع ياوطن عناد لا يشوفك عناد بيحرقنا كلنا عشان دمعه من عينك
ضحكت من طاريه : متى يرجع
ابو عناد : ماراح يطول تاخر الوقت يلا يمه نامي لازم ترتاحين وتاخذين دواك
لحن : بتنامون معي
ام عناد : يلا كلنا نروح معك غرفتك بنام معك قبل يجي عناد ويسحبك من عندنا
.
.
<عند غيث في المقبره >
عرفت قاتلك والله دامني حي لا اجيب راسه واشوف موته قدامي
نزلت دمعه من عينه وما تجرا يمسحها اشتقت لك يانواف هذا قدر ربي كاتبه مانقدر نغير الاقدار سند راسه على قبر نواف وما استحى انه يبكي
عند بوابه المقبره تقابلوا عناد ونياف
عناد : نياف وش تسوي هنا
نياف : اشتقت لاخوي
عناد : الظاهر فيه احد غيرنا اشتاق له تعال ندخل ونشوف غيث
غيث حس بيد تطبطب على كتفه وتسحبه مسح دموعه بعنف يكره احد يشوف دموعه : عناد ! وش تسوي هنا
عناد نزل لمستواه : مثل ما انت مشتاق له انا بعد مشتاق له
غيث : عرفت قاتل اخونا
نياف بقهر على موت اخوه : مين !
غيث : حمد ال راشد
عناد : الكوبرا
غيث : اي اسمه الحقيقي حمد ال راشد وهو اكبر تاجر للممنوعات وقاتل محترف محد يعرف انه هو لانه مخبي هويته وسجله نظيف صعب نمسكه
عناد : مب صعب علينا نجيبه
غيث : انت وياه لا اشوف احد منكم متدخل بالقضية انا بحل القضيه وبجيبه
عناد : ليه ماتبينا نساعدك هو بعد اخونا
نياف : غيث انا منتظر اعرف مين اللي قتل نواف تجي تقول لا اشوف احد منكم يتدخل بالقضيه صاحي انت
غيث : اي صاحي انا مابغى اخسركم مثل ماخسرت نواف
عناد: وحنا مانبي نخسرك انت بعد ليه ماتفهم كلنا مع بعض ولا بلاها غيث كلنا بنوقف مع بعض ونجيب راسه
غيث : انت دكتور وانت تدير شركه مو مسموح لكم تفتحون القضيه
نياف : وانت بعد نسيت انك بعد تدير شركه ابوك
غيث : بقول لكم بس لا احد يدري تفهمون انا اثق فيكم
عناد : لا تقول انك تشتغل في الدوله !
غيث : معك العميد غيث بن سيف ال قاهر
عناد من الخرشه ضرب له التحيه ونياف بعد ضرب له التحيه
نياف ضربه : ليه ماعلمتنا
غيث : كنت بخبركم بس انتظر الوقت المناسب والحين تكفون لا احد يدري اشك بجدي انه يساعد الكوبرا اشك ان بينهم معرفه
عناد : احلى حركات الحس الامني اشتغل ليكون تشك فينا بعد
غيث : احتمال اشك ان مخك انظرب
ضحكوا وطلعوا من المقبره عناد : غيث بينا تواصل ولا تفكر تبعدني عن القضيه
غيث : لا تفكر تتدخل عشان ما احبسك
عناد: جرب حظك بخلي بنتي تطلق عليك بالسلاح تراني مدربها انتبه تحبس ابوها
غيث: بحبسها معك
نياف: اف بنشوف البنت وابوها بنفس العنبر وضحك
عناد ضحك وتذكر انه يذب عليهم : مايضحك ياسخيف
نياف : طيب ليه تضحك ي غبي انت
عناد : فمان الله انا برجع بتطمن عليها تركتها وجيت
.
.
دخل عناد البيت نفس كل مره يدخل بيتهم يطغى عليه الهدوء واللمبات مسكره توجهه للمزرعه وشاف الذيب مكانه قرب صوبه وش جابك انت كيف دخلت للحديقة مسك كف الذيب انت تدري بان كل شخص يفكر يأذي بنتي مصيره للموت وانت حيوان وفكرت تفترسها وشوف انت ميت الحين تركه ورجع للبيت توجه لغرفتها فتح الباب شاف امه وابوه نايمين معها وتوجه حب راسها وسند واسه على طرف السرير فوق يدها اليسار حبها ونام من كثر التعب اللي اهلك جسده
صحت ام عناد وشافتهم وشافت نومه عناد وتعب باين عليه صحته يروح غرفته ينام رفض وراح للكنبه ينام هو وعدها مايتركها
بعد يومين من الحادثة
ابو عناد جاء ومعه اوراق استغل غياب عناد وتوجه للحن وكلمها بموضوع الشراكه للمزرعه علمهم بقصه شراكه المزرعه وكذب فيها
ابو عناد : لحن يبه لقيت شريك للمزرعه بس يبون توقيعك
لحن ماكانت مقتنعه : يبه مين الشريك اللي حصلته وبيساعدك بقضيه شريك المزرعه
ابو عناد : غيث بن سيف ال قاهر بيكون شريك بالمزرعة
لحن تطمنت انه غيث لانها وثقت فيه من كلام عناد ووقعت بدون ما تقراء المكتوب جواتها ومن ضمنها اوراق زواجها من غيث
لحن : خلصت وقعت هذا اخر توقيع توقعت الاوراق قليله طلعت كثيره
ابو عناد باس راسها : الله يوفقك يابنتي ويسعدك وييسر دربك
لحن ابتسمت وحبت راس ابوها
طلع ابو عناد متوجه للمحكمه بيقابل غيث هناك
ابو عناد : وقعت
غيث : حلو ومثل ماوعدتك ياعمي محد راح يدري بزواجنا واذا مسكت الكوبرا صدقني راح اطلقها والمزرعه بسحب الشراكه منها
ابو عناد ربت على كتفه وقال : انا ما تجرأت اخطي الخطوه ذي الا وانا واثق فيك ياوليدي
ابتسم غيث : جعلني اكون قد ثقتك فيني ياعمي
ابو عناد : وش اتفقنا عليه انك تناديني يبه مثل لحن وعناد ولا بزعل عليك عمي ما ابغى اسمعها مرةٍ ثانيه تفهم
غيث : ابشر يبه
ابتسم ابو عناد : بلا ندخل نكمل باقي الإجراءات
تم زواج غيث ولحن وصار غيث شريك بالمزرعه
وهم طالعين جاء ابو عناد اتصال
الكوبرا: سويتها يا حازم وزوجت غيث ببنتك
ابو عناد حطه اسبيكر : اي زوجتها وش بتسوي
الكوبرا : مثل مادخلت الذيب لمزرعتك اقدر اسوي اخطر من الذيب حذرتك لا تزوج غيث لحن بس انت ماتسمع الكلام ويبي لك قرصه اذن تتعلم
ابو عناد : انت صاحب الذيب !
الكوبرا: وش تتوقع الحين الدور على ولدك
غيث عصب وسحب الجوال من ابو عناد : اسمعني ياحمد والله لو تقرب صوب عناد بتلاقي راشد داخل عليك بكفنه
ارتعب حمد وخاف وكيف عرف غيث بان عنده ولد وهو مخبيه عن العالم
غيث: اشوف انربط لسانك علمتك تراني اعرف كل صغيره وكبيره عن ولدك وبناتك اذا فكرت تأذي عناد صدقني انا بنفسي بدخل ولدك عندك بكفنه
الكوبرا: اعلى ما بخيلك اركبه ومثل ماتزوجت لحن انا بخليك تطلقها واتزوجها قدامك تفهم
ضحك غيث بسخرية: شد حيلك اجل
.
.
حمد ال راشد 55 سنه لقبه( الكوبرا)عنده عيال
بنتين وولد زوجته ماتت تاجر مخدرات واسلحه غير مصرحه
سما بنت حمد ال راشد بنتعرف عليها بعدين اكثر
لما بنت حمد ال راشد
راشد بن حمد ال راشد هو غير عن ابوه يختلف عنه يحب السلام والهدوء ويكره عمل ابوه حتى انه رافض ياخذ فلس من ابوه وهو تعب على نفسه بعرق جبينه لين وصل لمبتغاه وصار عنده شركتة وبالحلال مادخل فيها ولا ريال من فلوس ابوه لانها حرام وابتعد عن ابوه وخواته وعايش بالرياض
.
.
بداح فكر اكثر من مره وقرر يواجه غيث ويفسخ الخطبه هو يتمنى لغيث الافضل من اخته ضميره يأنبه كل ماشاف غيث دق على غيث
بداح رد تكفى: اخيرا رديت وينك مختفي ابغاك بموضوع مهم
غيث : وش موضوعك
بداح : ما اقدر اتكلم عن طريق الجوال لازم اقابلك انت وينك
غيث : حدد المكان وانا جايك الحين
بداح : تعال المقهى انا موجود هناك
غيث : انت بالمدينه ؟
بداح : ايه سمعت ان عندك شغل مهم وشفتها فرصه اقابلك
غيث : تمام جايك الحين انتبه لنفسك ؛ وقفل بوجهه
بداح شف يقفل بوجهي اللي مايستحي
غيث اعتذر من ابو عناد وراح للمقهى وابو عناد رجع للديره
دخل غيث للمقهى وشاف بداح يشرب قهوته وينتظر ورجله ترجف متوتر
بداح شافه داخل وتوتر كيف بيصارحه بالموضوع
غيث: السلام عليكم وش موضوعك المهم
بداح : وعليكم السلام انا بتكلم بس تكفى لا تعصب ولا تقاطع كلامي تكفى
غيث : اخلص علي
بداح : مليحه ماهي شريفه ياخوي وانا اشوفه ظلم بحقك تتزوج وحده بلا شرف لا تقول انت اخوها وكيف بتقول كذا عن اختك غيث انا بعلمك بالسالفه كلها اكتشفت قبل يومين ان اختي كانت تكلم واحد وهو كذب عليها واوهم عقلها بوعود وحب كاذب وطلب انهم يتقابلون وهي وافقت وقابلته في فندق وهو كذب عليها وقال انه خطبها ونامت معه ذيك الليله وهو من بعد ما اخذ الي يبيه بلكها وعرف جدي بالموضوع وابوي كان بيذبحها بس جدي منعه واقنعه ان بيزوجها وجدي اختارك انت تتزوجها انت جدي يبيك تكون ضحية زواجك من مليحه لا تقول انت اخوها ليه ما تستر على اختك شوف ياغيث انت بعد اخوي وانت اللي علمتني عن الغلط والظلم وانا اشوفه ظلم بحققك انك تتزوج وحده قلبك مو معها ونامت مع شخص قبلك برضاها
غيث عصب وانحط بموقف بشع جداً جده مهدده يتزوج مليحه ولا بيزوج نغم لشخص كبر ابوها
بداح : طلبتك لا تعصب
غيث : ماني معصب تعرف اللي كذب عليها
بداح : حتى جبت رقمه ابغاك تفسخ خطبتك منها وتتزوج اللي كذب عليها انت مو مجبور تصحح اغلاط غيرك انت بعد من حقك تتزوج وحده قلبك مايل لها مو وحده بالاجبار
غيث ربت على كتفه : كبرت وصرت تعطي حكم
بداح ضحك : اعجبك ولا يهمك
غيث : عطني رقمه بتفاهم معه
بداح : سجل **********
غيث : مشكور ماقصرت
طلع بداح راجع للديره وضل غيث مكانه
غيث تنهد: كنت شاك بخطتك ياغالب وش باقي مخبي علي ياغالب وش من مصيبه جديده مسويها وانكشفت لي خطتك ياغالب بتشوف وش بيقدر غيث يسوي اصبر علي
دق على الرقم وجاه صوته نايم
غيث : راكان محسن
راكان : اي نعم مين انت
غيث : غيث سيف ال قاهر
ارتبك راكان لانه يعرفه ويعرف عائلته : وش بغيت
غيث : ابغاك تقابلني
راكان : ارسل موقعك
ارسل غيث موقعه وانتظر دقايق وهو منتظر دق على مساعده وطلب منه يرسل له كل بيانات راكان واهله ورقم ابوه دخل راكان وتوجه لطاولة غيث
راكان : غيث
غيث : وصلت
راكان : وش بغيت فيني
غيث : اسمعني من الاخر انا جايبك بعلمك اذا ماصححت غلطك وتزوجت مليحه اقسم لك ان موتك على يدي
راكان : واذا ما تزوجتها وش بتسوي
غيث : انت وحظك اذا عصيت كلمتي صدقني راح تندم كثير وتخسر ابوك وامك ومو بس اهلك بتخسر نفسك وبلمحه بصر اقدر احط اسمك بقضيه ولا عشر محامين يقدرون يطلعونك منها وتنسجن مؤبد او اعدام
خاف راكان بس يكابر : اعلى ما ابخيلك اركبه
غيث : ام ابوك محسن يعرف بسواد وجهك وعملتك مع بنت عمي ولا لا
راكان ارتبك : وش دخلك قام بطلع بس وقفه صوت ابوه
غيث دق على رقم وجاه صوته : غيث السلام عليكم محسن مبارك
محسن : وعليكم السلام اي نعم امرني
غيث : ولدك راكان محسن مبارك
راكان خاف لا يجي ابوه خبر باللي سواه ويعذبه ابوه
محسن : اي ولدي وش مسوي ومين انت
راكان اشر له يقفل المكالمه
غيث تجاهله وكمل كلامه : معك غيث سيف ال قاهر ولدك اوهم بنت عمي بوعود كاذبه وخدعها وسلب منها شرفها هل ترضاها على بناتك
محسن انصدم من فعلت ولده : لا بالله ما ارضاها على بناتي وابشر بالحق
غيث : تجيب ولدك بكره يصحح خطاه ويتزوج بنت عمي ولا كل المدينه تعرف بسوات ولدك وماتقدر ترفع راسك وتواجه الناس
راكان جمد مكانه ماتوقع ان غيث يسويها ويعلم ابوه توقع انه يهدده غبي اللي يفكر يخالف كلمه غيث
محسن : ابشر بكره بتواصل معكم وبجي انا وراكان ونخطبها ولنا الشرف نناسبكم
غيث : بس انا ما اتشرف بولدك وهذي افعاله ولدك لو انه رجال ما اوهم بنت عمي بوعود كاذبه كذب عليها واخذ شرفها منها
محسن : اعتذر منك وانا باخذ حقها من راكان
قفل غيث الخط ووقف وقبل يطلع قال لراكان بكل برود : شفت غيث وش يقدر يسوي لا تحاول تستقوي علي عشان ما اكسر لك راسك غبي اللي يفكر يتجاهل كلام غيث تفهم ، وتركه بصدمته وخوفه وطلع راجع للديره عنده حسابات بيصفيها
.
.
بالديره وقف عند بيت جده وارسل لابوه يجي بيت جده
دخل غيث وشافهم متجمعين صفق وقال : ماشاء الله متجمعين الحمدلله ماراح اتعب نفسي واجمعكم عندي كلام بقوله بيجي ابوي والكل يسمعه وعندي كلام معك ياغالب
ابو بداح : وقص يقص لسانك احترم جدك ماهو باوحد من اخوياك تقول له غالب كذا
غيث : يفضل تسكت لان كلامي مو معك مع بنتك شرفك وينها
دخل سيف وسلم عليهم وقال: خير اللهم اجعله خير وش تبي مرسل لي اجي
غيث : سعيد ناد اختك عندي لها كلام
غالب نزل راسه لانه عرف وش سبب جيت غيث
مليحه بدلع : ناديتنييي
غيث رمى الخاتم بالارض وقال بكل برود : فسخت الخطبه وهذا الخاتم لبسوه راكان بكره
ابو بداح : وش تقصد
غيث : اللي فهمته
ابو غيث : غيث ممكن تفهمني السالفه
غيث : ابوك واخوك كاذبين علينا ويبوني اتزوج بنتهم وهي كانت تلكم واحد وطلعت معه وحتى انها نامت معه وهي مو حلاله يبه تصدق ولا ابوك مهددني اذا ماخطبتها بيزوج نغم وبراحد كبره يبه متخيل
ابو غيث عصب : وش تقول انت
غيث : اللي سمعته يبه
ابو بداح انربط لسانه وماقدر يرفع راسه ويناظر اخوه مليحه من الصدمه طاحت على الارض وتنزل دموعها ماتبغى يتركها غيث ماتبغى تكسر غرورها وماتتزوجه تبغى تكسر كلمه نغم بان غيث تزوجها بس الحين طار غيث من يدينها وعرف حقيقتها
غيث قبل يطلع فجر القنبله وقال : تجهز انت وعمي بكره بجي الشخص اللي ضحك على بنتكم مع ابوه بيخطبونها وبيملكون بعد رقمه برسله لبداح وطلع متوجه لبيته
ابو غيث : خيبت ضني فيك يبه وطحت من عيني كسرتني اكثر من مره والحين تبي تكسرني بعيالي تهدد ولدي تزوج اخته بواحد كبرك انت انجنيت تبيني اصير عاق بك يبه واقطع علاقتي بك الا عيالي خط احمر اكسر اللي يحاول ياذيهم حتى لو كانو انتم تفهمون وطلع راجع لبته
سعيد : الحمدلله اخيراً غيث عرف تستاهلون اللي يسويه فيكم غيث لانكم تبون تظلمونه مع وحده مثلها
غالب : سعيد هذي اختك
سعيد : انا ماعندي خوات اختي ماتت من زمان ذي ما اتشرف فيها تكون اختي
مليحه : جدي تكفى اقنع غيث يتزوجني تكفى
ابو سيف : مستحيل بيقتنع انتِ ماسمعتي وش يقول يقول بكره ملكتك من راكان
ركضت لغرفتها تصيح غرورها وكبريائها كسرهم غيث صحيح انها تحب راكان وبتغى تتزوجه بس هي تحدت نغم بانها بتصير زوجه أخوها غصباً عنها والحين ربحت نغم بالتحدي
كسرت كل عطورها وصاحت : مستحيل اخلي نغم تفوز وضربت نفسها خلاص مليحه خسرتي خسرتي اعترفي وتضرب نفسها
.
.
(بيت ابو غيث )
غيث دخل غرفته ونام بعد تعب اليوم وابوه رجع ناده بس مافي اجابه وكان معصب
ايو غيث : نغم روحي نادي لي اخوك بسرعه
نغم خافت اول مره تشوف ابوها معصب : ابشر
ركضت لغرفه غيث تناديه وشافته نايم وواضح عليه التعب
رجعت لابها : يبه نايم
ابو غيث : مسرع نام ذا
راح هو يتأكد اذا صدق نايم وشافه نايم بعمق وملامحه كاسيها التعب
غطاه زين وطلع رجع عندهم للصراله وعلمهم بكل شيء صار
نغم صحيح فرحت انها افتكت من مليحه وماراح تصير زوجه اخوها بس ماتتمنى اي بنت يصير لها نفس اللي صار لمليحه حتى مليحه ماتتمنى لها يصير اللي صار لها
نغم : يعني تكنسلت خطبتهم
ابو غيث : اي ليه فرحانه
نغم : اكيد بفرح اخوي مايستاهلها يستاهل الاجمل منها
ام غيث : الله ليكون في عقلك وحده لاخوك
نغم : اي واتمنى انها تصير زوجته
ابو غيث : منهي بنته
نغم : بنت عمي حازم ال عايد لحن
ضحكوا على حماسها وقال ابوها : عز الله نعم الاختيار
ام غيث : طلعتي تعرفين تختارين الزين 
نغم : بس بزينها مافيه مثلها ابد واشوفها لايقه لاخوي
غيث : منهي اللي لايقه لي
نغم : لحن بنت عمي حازم تكفى تزوجها
تنهد وقال بنفسه : صارت زوجتي بس بالسر محد يدري وانا وعدت ابوها ووعد الحر دين
نغم : يبه ابغاك تسحب ملفي من مدرستي وتسجلني مع لحن بمدرستها تعرف الدراسه قربت وانا اغبى مع لحن
ابو غيث : ابشري
نقزت من الفرحه وضمته وباست خده : الله يخليك لي با اجمل ابو بالدنيا
ضحك سيف : ويخليك لي يا اجمل بنت بالدنيا
.
.
لحن كانت بالمطبخ تجهز القهوة وحلى العصر باقي اسبوع تنتهي اجازتهم وتقي واهله بينقلون بعد يومين وبيضبطون وضعهم قبل الدراسه والمعلمين يداومون قبل الطلاب باسبوع
بعد ماجهزت القهوة والحلى نادت عناد يجي ياخذهم ماتقدر تشيلهم يدها مكسوره
عناد: لبيه يوطن عناد
لحن : لبيت حاج شيل صينيه القهوة وانا بشيل الحلى
عناد : مايحتاج تسوين كل يوم حلو انتِ موجوده تكفين
ضحكت وطلعوا مع بعضهم يسولفون ويضحكون طلعوا للحوش بيجلسون هناك العصر
ابو عناد سمع صوت ضحكهم العالي : الله يديمها من ضحكه ولا يحرمني من سماعها
ام عناد : اللهم امين ؛ متى ودك تصارحهم بزواجها من غيث
ابو عناد : الحين مقدر اذا مسكنا الكوبرا بفاتحها بالموضوع
ام عناد : لا تفكر تطلقها من غيث
ابو عناد : ليه
ام عناد : بدون ليه لقينا الرجال اللي يعتني فيها مثل عناد
ابو عناد: وش نسوي بغيره عناد اذا عرف بزواجها
ام عناد: لكل حادث حديث
سكتوا من قربوا عندهم لحن وعناد
عناد: وطن عناد الظاهر خربنا عليهم جوهم
لحن : خلنا نرجع ياعنادي ونتركهم لحالهم
ابو عناد : بلا تطنز انت وياها وصب القهوة وانت ساكت
عناد : ابشر
دق جوال عناد وحطه سبيكر : خير مسرع اشتق لي
غيث : وينك بشوفك ومن زين وجهك عاد اشتاق له
عناد: تقلع مب فاضي لك ولا عاد تدق علي كل شوي ازعجتني يالمروح
غيث : تعقب ما المروح الا انت
لحن تفكر ونست انها تفكر بصوت عالي : ياليل النشبه من رجع وكل شوي ماخذ عناد معه
ضحكوا كلهم عليها وهي استحت لانها ايقنت انه سمعها
عناد: ياليل النشبه صدق
غيث : احمد ربك غيث بنفسه يدق عليك ويعزمك الليل على سمره مع العيال
عناد : بستأذن من بنتي اول
ابو عناد: غيث يبه تعال تقهوى معنا
غيث: اخاف اكون ضيف ثقيل ومو مرغوب فيني
ام عناد: لا يمه انت ولدنا منت بغريب تعال
غيث : انا عند الباب
عناد: مسرع يمه عززتي له وشفي صار عند الباب
غيث : تقلع بس وقفل الخط بوجهه
لحن: الباب مقابل الباب وش فيك ياعناد اكيد بيجي بسرعه
وقفت بتدخل وقفها ابوها ،  ابو عناد : وين بتروحين
لحن : يبه فشله اجلس والولد موجود
عناد : روحي البسي جلالك وتعالي اجلسي قربي
ام عناد : اي يمه عادي اعتبريه مثل عناد
وقف عناد وراح يفتح الباب لبست جلالها ورجعت مكانها
غيث لمحها موجوده : السلام عليكم
الكل رد السلام ماعدا لحن
ابو عناد : عناد صب قهوة لاخوك
عناد : يبه عنده يدين يصب لنفسه
ابو عناد : صب وانت ساكت
عناد : ابشر
صب له وملأ الفنجال وتعمد يحرقه وكب شوي على يده
غيث : لو تصب كل القهوة بالفنجال اني لاجلس على قلبك
عناد : غثيث
غيث : نفسك حبيبي
لحن شهقت وقالت : تخسي يكون حبيبك
ضحكوا الكل عليها وهو ابتسم وقال بينه وبين نفسه : ياهنيك ياعناد بالحب والحضن والغيره متى يجي لنا نصيب
وتذكر وعده ل ابو عناد وتراجع
لحن تفشلت وسكتت وتخبت بظهر عناد واعتذرت منه
عناد : ليه تعتذرين ماقلتي شيء غلط
ابو عناد : لانها بنتي وتعرف للادب واحترام الكبير
عناد : الا هذا لا تحترمه
ام عناد : ياحازم والوكاد بنودي ولدنا المستشفى وش تقول ياعناد حنا نربي وانت تفسد البنت 
غيث : وانا احسب يمه ان الخاله هي اللي تفسد ماتصلحه الام طلع عناد خاله
ضحكوا عليهم وعناد مسك علبه المنديل ورماه بها
عناد: تعقب وانا ابو لحن
لحن : والنعم
عناد : ماعليك زود ياوطنه
كملوا سوالف ولحن ساكته تتامل غيث هو حس عليها انها تناظره وتركها على راحتها تسوي اللي تبي من انتبهت رجعت تقراء روايتها
اليوم كله ماشافت اسيا ولا غيم بيجهزون اغراضهم وبعد بكره بيروحون المدينه  بيستقرون هناك راح تشتاق لهم وبيكون مكان اسيا خالي
ام عناد انتبهت على سرحانها والدمعه اللي نزلت من خدها ومسحتها تنهدت وقالت : تعالي ميه وش فيك موجوعه
وقفت وراحت ضمتها وحط راسها بحضن امها : يمه صدق اسيا بتروح وتخليني
ام عناد: حكم القدر مكتوب يابنتي ماعنه مجناب
تهندت لحن : بشتاق لهم
عناد: انا موجود معك وش عليك من اسيا بنرتاح منها
ابو عناد: تراهم كل ويكند بيزعجونا لا تخافين ماراح تفتكين منها
غيث لمح الضيق بعيونها وتمنى ياخذ الضيقه منها بس مايقدر هي صح صارت حلاله ويقدر يشوفها لكن تذكر الوعد
ابو عناد لمح الضيق بعيون غيث
اذن العصر
ابو عناد : عناد يلا قم توضى بنروح المسجد وانت بعد وراه
عناد : ابشر
وقفوا وراحوا لحمامات قسم الرجال (وانتم بكرامه )
وتوضوا ام عناد اخذت صينيه القهوة بتدخلها ولحن صحن الحلى وراحت تنام شوي
عناد نفس كل مره قبل يطلع للمسجد يشوف لحن وش تبغى يجيب لها من البقاله
غيث وابو عناد طالعين للمسجد
ابو عناد : اسمعني ياغيث انا فكرت واقنعتني رهيفه بعد انه اذا انمسك حمد راح اعلن زواجك من لحن
غيث انصدم : بس انا وعدتك بطلقها
ابو عناد : انا ما ابغاك تطلقها ابغاك تحميها وتصونها وتصير لها السند
غيث خبى فرحته وابتسامته : ابشر ياعمي اللي تبيه يصير
ابتسم ابو عناد وراحوا للمسجد
.
.
سبحان الله وبحمده
سبحان الله العظيم