أنت العوض لا صارت حظوظي شحاح وأنت الهنا ياغايتي والغنايم

Part 13

مدري متى ياعين ودك تنامين
نامت عيون الناس والليل اقفى
عمر السهر مالم شمل المحبين
نامي وشوق القلب قفى ووفى
.
.
مرت اسبوعين ولحن وابو عناد نفس وضعهم ماتغير دخل عناد وشاف الأجهزة محاوطتهم ذرفت دموع عينه مسحها وجلس على الكرسي بينهم
تنهد وقال : صرت اقضي الايام اعداد وارقام يومٍ يمر ويشبه الامس قبله ضاعت حياتي بين حلم واوهام ارجي دموعي ترفق فيني فقدت ضحكي وسوالفي واخفي جروحي والامي وبالقلب عله وانا اعيش حزني باوقات عزله ؛ مسك يد لحن وطاحت  دموعه  باس يدها وضل ماسكها ؛ مجروح قلبي يالحن عناد من صواديف الايام وفرقاك زود الطين بله ماعاد ابي اجلس مع الناس مادام أنتِ غايبه عني وما اقدر اسمع صوتك وضحكتك ولا عاد بي حيلٍ ولا عدت انلام وماعاد ابي منك سوى بس ترجعين لي حتى سلام اوجبه دين الاسلام يصعب علي رده ولو كان لله كني سجينٍ منحكم له بإعدام مظلوم والحاكم قضى له بعدله حالي تردا قدله ايام وساعات محدٍ درا عني ولا اقدر احله رحتي وخذيتي الفرح مني باجرام خليتي لي الحزن بقلبي محله محن لي قلبك ولا اشتاق لي ياويل حالي من غيبتك ويامله يالحن ؛ سند راسه على يدها ويبكي مثل الطفل الضايع ويرتجي حضن امه
حست لحن عليه وفتحت عيونها شافته منزل راسه على يدها ويبكي تسمع صوت شهقاته ثوبه ماغيره والدم مغطيه ممتزج بياض ثوبه مع دمها وشماغه راميه على كته وازارير ثوبه مشققه رفعت يدها الثانية تمسح على راسه رفع راسه من حس بايدها ومن شافها تناظره بكى وضمّها دخل نياف وشافهم وضل واقف مكانه يتاملهم ايقن ان لحن اغلى من نفسه لحن الوحيده اللي تقدر تخليه يضحك ويبكي لحن نقطه ضعفه هم متعودين على عناد العصبي والنفسيه حتى الضحك مايضحكه كثر مايضحك عندها عناد اللي يهابونه اعدائه ورجال الديره محد يتخيل انه قدام لحن غير يصير مثل الطفل معها يضحك ويسولف ويبتسم وفرحان دايم عكس من يكون بينهم ولحن مو موجوده طول وقته ساكت وينتظر يرجع للحنه
لحن بكت وضمته اكثر وطلعت منها اه خفيفه ومسكت مكان الوجع تذكرت اللي صار بعد عناد عنها
عناد : وش تحسين فيه وش يوجعك ياقلب عناد ووطنه
لحن مسكت مكان الخياطه ببطنها وتوجعت : وش صار
عناد : لي كلام معك بس من تطيبين
ناظرت بارجاء الغرفه ولفت انتباهها شخص مستلقي على سرير قريب منها وتأملت ملامح وجهه وعرفته صرخت صرخه ارعبت نياف وعناد وسمعها غيث اللي كان واقف وراء الباب من صرخت دخل مرعوب
لحن ببكى : لااااااااااااااا لااااااااااااااااا تكفي ابوي وش فيه
شالت المغذي بتروح صوبه وجرحت يدها مسكها عناد ونياف يحاول يهديها لانها بالطريقه ذي اوجعت نفسها وبتفتح الخياطه ضربت صدر عناد تبعده
لحن : بعد عني بشوف ابوي تكفي وخر ؛ ناظرت غيث اللي واقف  مفجوع يناظرها خايف عليها ومايبغى يقرب صوبها يخاف ياذيها ؛ تكفون فكوني بروح اشوفه غيث تكفى ابعدهم غيث طلبتك وزاد بكاها عناد خاف عليها
صحى غيث من نادته وقرب صوبها وبعدهم وقف قبالها بعد ماجلسها مسح دموعها وهي تصيح وتترجاه تبي تمسك يده وقف غيث وسندها على صدره ومشاها صوب ابو عناد وغيث ساندها مسكت يد ابوها وتصيح وتحبها
لحن: يبه تكفى يبه قوم  وش صار لك يبه تكفى لا تخليني انا بدونك ماقدر اعيش
عناد وقف يناظرها وزاد بكاه ونياف ساند راسه على كتف عناد ودموعه ماوقفت عناد مسك شماغه وتلثم ودموعه تنزل ماوقفت
نزلت راسها على يد ابو عناد وضلت تصيح حتى أغمى عليها مسكها غيث وشالها يرجعها على السرير فز نياف صوبها وعطاها المغذي وعناد ضل مكانه واقف يتاملهم ظرب نفسه كف قوي سمعوه غيث ونياف وضل يظرب نفسه ويردد ؛ كله بسببي انا السبب انا المفروض اللي اكون مكانهم مب هم توجهوا صوبه يهدونه
غيث : عناد تكفى ياخوي وقف انت مالك ذنب هذا ربي كاتبه
نياف : عناد هم يحتاجونك يحتاجون عناد القوي مايحتاجون عناد الضعيف انت لازم تقوي نفسك عشانهم ياعناد واللي تسويه غلط قاعد تلوم نفسك بذنب انت مالك دخل فيه هذا كله قدر ربي
غيث ونياف ضموه وصار الحضن ثلاثي عناد سند راسه على كتوفهم وضل يبكي
غيث : عناد انت متغير حيل انت مو عناد اللي انا اعرفه ماينكسر مهما صار انت الحين شخص ثاني
عناد اشر على لحن : شفتها هي هي سبب قوه عناد وهي بعد سبب سقوط عناد وانهياره ؛ واشر على ابوه  ؛ وابوي هو سندي ودنيتي اذا انت كنت تشوف عناد قوي فهو بسبب وجودهم بحياتي طالبك ياربي ماتختبرني بفقدهم يارب انا راضي بقضائك وقدرك واللي انت كاتبه لي راضي فيه بس مقدر بدونهم يارب لا تختبرني فيهم
نياف وغيث سندوه وضموه اكثر لحن صحت وسمعت كل كلامه رفع عناد راسه وناظرها بعد عنهم وراح صوبها جلست وسندت ظهرها على السرير بعدت شوي  لجل عناد يقدر يجلس قربها جلس عناد وسند ظهره على السرير وسحبها لحضنه دفنت راسها بصدره
لحن مسحت دموعها ورفعت راسها تناظره : عناد تكفى علمني وش فيه ابوي !
عناد : مادري اللي فهمته انه طاح واخذوه للمستشفى جته جلطه بقلبه
لحن : انا السبب
نياف : يا اخت الدكتور أنتِ مالك دخل لا اسمعك تقولين أنتِ السبب
لحن : نياف ؟
نياف : عيونه امري
لحن : أنت اللي مسوي عمليته ؟
نياف : وعمليتك بعد
لحن : متى بيصحى ؟
نياف : مادري متى بيصحى هو محتاج دعائنا له
لحن : غيث وينه
عناد بغيره : وش تبين فيه
لحن : غيث متصاوب بيده وينه جيبوه لي ابغاه
عناد : كان هنا وين راح
غيث تخبى وراء الستاره يعتقد انها ماتبي تشوفه ومن كانت تناديه ماكانت بوعيها بس مايدري ان لحن واعيه وتبيه قربها من شافته تصوب بيده لانه كان بينقذها خافت تخصره مثل عماد
غيث تنحنح وسحب الستاره يبعدها والتقت نظراتهم ووجهت نظرها ليده مكان الرصاصه
لحن تناظره ماتجرأت تنطق بكلمه
غيث : انا هنا حولك مثل ضلك ماراح اتركك
لحن : ذراعك ! تنزف
نياف توجه صوبه وسحب جاكيت بدلته وناظر جرحه : انت اللي شايل الرصاصه؟
غيث ببرود : ايه انا شلتها وش بتسوي
نياف : الله يهديك متى شلتها انت ماتخاف على نفسك
غيث : لا
نياف : اذا انت مهمل نفسك ومو مهتم انا اهتم ترا فيه ناس وراك تحبك وتخاف عليك اذا انت ماتخاف على نفسك ولا تفكر بنفسك غيرك يفكر فيك ومهتم لك
غيث : لا تهتم طيب انا انتظر موتي ليه تهتم لي انساني لا تخاف علي
لحن تناظره وبروده اللي بيذبحها وخافت من نبرته ومن طاري الموت
عناد عصب من بروده وعدم اهتمامه بنفسه ومافكر فيهم وخر لحن عن حضنه ووقف توجه صوبه وظربه كف قوي صدى صوت تردده بالغرفه شهقت لحن وخافت من منظر عناد ومسكه من ياقته
عناد : مافكرت فينا مافكرت بزوجتك مافكرت بامك وابوك واخوانك حتى اختك مافكرت فيها انا طيب مافكرت فيني تبي تتركني مثل ماتركني نواف
غيث دفعه : انا مافكرت بنفسي ليه افكر فيكم عناد لا نكذب على بعضنا جدي هو السبب والرجال اللي خطفوا لحن رجاله ياعناد رجاله انا ما اقدر احط عيني بعينكم ياعناد انا دامني موجود بحياتكم جدي بيتمادى اكثر وياذيكم هو يعرف انكم نقطه ضعفي ويكسرني فيكم انا ببتعد عن حياتكم عشان يبعد جدي عنكم انا لحد الان ماني بفاهم ليه جدي يبغى يكسرني فيكم انا حفيده ويبغى يقتلني ليه ما اموت احسن وارتاح وترتاحون ؛حتى تخيل مافيه دليل يثبت انه مجرم وقدر يخلص نفسه واسمه ما اقدر امسكه
عناد ونياف مصدومين من الكلام اللي قاعد يقوله لحن شالت المغذي ووقفت متجه صوبهم صارت بوسطهم معطيه عناد ظهرها مسكت كفين غيث وشدت عليها وناظرته نزلت دموعها
لحن : شفت قلت لك بتعلقني فيك وبتتركني ليه تبي تكسرني في بعدك وغيابك أنت قدرت تعلقني فيك ليه تبي تبعد عني اذا مو عشاني عشان نياف وعناد عشان نغم طيب
غيث ساكت يناظرها ينتظرها تخلص كلامها
لحن : تدري وش قالي الكوبرا
زفر وقال : وش قال
لحن شدت اكثر على كفينه ونزلت دموعها : قال انه يقدر يسوي اللي انت ماقدرت تسويه بس تصدق يمكن كلامه صحيح لمن قال انك تعلق الشخص فيك وتتركه لانك عارف انه مايقدر يتركك مثل ماتركت بنته بتتركني نفسها
غيث : وش تقصدين بكلامك
لحن تركت كفينه : سما بتكون بنت الكوبرا تبي تتركني وترجع لها براحتك والحين الكوبرا مات وبتطلقني وبتروح عندها انت تحبها ياغيث مانسيتها
عناد ونياف انصدموا الكوبرا بنته هي حبيبه غيث اللي تركته
غيث انصدم سما بنت عدوه وقال: طلاق ماني مطلق وماراح اتركك تفهمين وبخصوصها انا نسيتها من تزوجتك وقبل اتزوجك
لحن : انت تبي تختفي وتتركنا انت تبي تموت وتخلينا
غيث تنهد ومسك كفينها : والله لو يذبحني جدي ماتركتك
لحن نزلت دموعها سحبت يدينها وتمسكت بثوبه وحضنته بكت وتعبت من بكاها صوتها انبح من كثر البكاء غيث بادلها الحضن ومسح على راسها يهديها ويسمي عليها
غيث : وش سويتي فيني يابنت
ابتسمت لحن : ماسويت شيء
عناد ونياف يناظرونهم مصدومين كيف خلته يتراجع
عناد : الله لا ياخذك وانا مسوي فيها ابغاك تتاثر من كلامي وفي الاخير هي اللي اقنعتك
لحن : حبيبي الاسلوب والاشخاص مختلفين
نياف : والله قدرت عليك بنت ابوها
عناد سحبها : اقول تراك فليتها وخر بس عن بنتي
غيث : وخر انت زوجتي
نياف : انقلعوا اثنينكم اخت الدكتور تعبانه وانتم تسحبونها بتوجعونها
عناد : انا عطيتها دمي
لحن : وش دمه وليه ثوبك مليان دم علمني فيك شيء
عناد : هذا دمك وخذيتي دبله ثلاث اكياس دم معطيك من دمي
لحن : الحين دمك يجري بشراييني
عناد : وبكل فخر ايه
فتح عيونه ابو عناد وكح قطع نقاشهم صوت كحته وكلهم توجهوا صوبه نياف  فحصه وتطمن عليه ابو عناد شافها وبكى
قربت تضمه وتمسح دموعه : ابو لحن ماتنزل دموعه مهما صار
ابو عناد ييبغى يتكلم بس صوته مو راضي يطلع يحس بجفاف بحلقه اخذ نياف علبه مويه وشربه شرب شوي وبدا يتكلم
ابو عناد : الحمدلله شفتك بخير يابنتي الا انا وش صار لي
نياف : الحمدلله يبه صرت طيب وباذن الله بكره بتطلع
ابو عناد : ياولدي ابغى اطلع الحين رهيفه قلبي وينها
عناد : افا يبه تسال عن امي وانا لا
ابتسم ابو عناد : انت عيوني ياعناد وشوفتك قدامي تسرني وانك بخير انت ولحن
ابتسم عناد : ادري
ابو عناد : بتطلعوني وتعلموني باللي صار
غيث : اجل بروح اكتب له خروج
طبعاً ماخبروه باللي صار للحن يخافون يرجع يتعب لان العمليه بقلبه خطيره
كتب لهم غيث خروج ونياف اخذ اجازه اسبوع يضل معهم وينتبه لهم
-
<< بيت ابو عناد >>
كانت جالسه بالصاله وتدعي لبنتها وزوجها ونغم معها واسيا جالسين يهدونها
نغم : خالتي امسحي دموعك تكفين من دخلوا للمستشفى و أنتِ تبكين عيونك تنفخت من كثر البكاء
ام عناد : يايمه البيت موحش بدون حسهم وضحك لحن وعناد
آسيا: اشتقت لهم
لحن : اخيراً اعترفتي
كلهم انصدموا ويحسبون أنهم انهبلوا ويسمعون غلط
اسيا : تسمعون صوتها يمه اخاف انهبلت قاعده اسمع صوت لحن
نغم بكت وركضت عندها نقزت عليها وضمتها ولحن بادلهتا الحضن وبكت معها
اسيا وقفت وركضت تضمهم وبكوا مع بعض بعد نوبه بكاء عناد سحب لحن وقال : بس دوري دوري
ضحكوا البنات ولحن شافت امها وركضت تضمها وتدفن وجهها يصدرها ام عناد شدت عليها وتبكي تخاف انها تحلم
ام عناد رفضت بعدها عن حضنها وتسمي عليها : خفت اخسرك يمه
لحن : ناشبه لك
ابو عناد : وحنا مالنا نصيب
ام عناد بكت اكثر من سمعت صوته وعجزت توقف او تترك لحن قرب ابو عناد وضمها وباس راسها ولحن وسطهم وكتموها بحضنهم
آسيا: يالنشبه صرتي حاجز بين المحبين
ضحكوا وبعدت لحن : ماعطوني فرصه ابعد طيب وش اسوي
عناد : أنتِ وياها ماتبون تتغطون غيث ونياف بيدخلون ذبحتهم الشمس
نغم : طيب لا تعصب علينا
ناظرها وابتسم ولحقها لغرفتهم واسيا خذت غطاها وتغطت
-
<< بغرفه عناد >>
دخلت نغم وعناد وراها وقفها ومسك يدها شهقت من الخوف وناظرته
نغم : يمه متى جيت انت
عناد ابتسم وباس يدها : انا مقدر انسى وقفتك معي بالمستشفى وانك ماتركتيني لحالي
نغم تحس بمشاعر غريبه ودقات قلبها تسارعت ومغص خفيف اسفل بطنها اول مره تمر عليها مشاعر نفس كذا تحس بفراشات بقلبها ولاول مره احد يعاملها كذا غير اخوانها مو متعوده وابتسمت اكثر من ابتسامته لها
نغم : ماسويت شيء
عناد : مقدر اضمك شوفت عينك ثوبي معدوم وريحتي خايسه
ضحكت نغم وبانت غمازتها وعناد ابتسم من ضحكتها صارت تطربه ضحكتها باس غمازتها وهرب للحمام ( وانتم بكرامه)
نغم من اختفى حطت يدها على قلبها وايقنت انها حبته وماتبي تبتعد عنه قدر انه يسكن بقلبها بحركاته يعاملها مثل لحن ومافرق بينهم واللي يجيبه لحن يجب لها بعد نفسه ومن يشوفها متضايقه يقدر بحركاته يضحكها
ضلت واقفه مكانها ويدها على قلبها ومبتسمه ويدها الثانيه على غمازتها مكان بوسته ومبتسمه طلع وكان لافّ المنشفه على خصره وشعره مبلل وطايح على عيونه وقف قدامها حرك يدينه ما انتبهت له من وقف حرك شعره وجت كم قطره مويه على وجهها صحتها من هواجيسها شهقت من شافته عاري الصدر وغطت وجهها بكفينها
نغم : ماتستحي أنت روح البس
ضحك عناد ومسك كفينها يبعدها: ترا زوجك عادي
نغم وجهها قلب لونه احمر من حياها وتكلمت من غير وعي : ياخي ترفق بقلبي ورح البس
ضحك عناد اكثر : ليه ماطلعتي
نغم : انتظرك
عناد : طلعي لي ملابس
نغم : طلع لنفسك
عناد : بشوف ذوقك اختاري على ذوقك
نغم توجهت للدولاب تختار له على ذوقها مسكت تيشيرت اسود وشورت اسود : وش رايك تلبسهم نفسي اشوفك فيهم
ضحك عناد وخذاهم من يدها وراح للحمام ( يكرم القاريء )لبسهم وطلع
نغم بدون وعي صفقت : واه طالع حلو
ضحك عناد : ادري
استوعب وش قالت وخذت غطاها وتغطت بتطلع
عناد : وقفي بنطلع سوا
نشف شعره وتعطر وطلعوا
-
بالصاله ابو عناد رفض يروح للغرفه ولحن موجوعه بس مابينت لاحد
وغيث يتضارب مع نياف ونقاشهم حاد لدرجه صدعوا الموجودين منهم ومن عنادهم
عناد : وش فيكم تتضاربون انتم
نياف : الغبي رافض اشوف ذراعه
عناد : ليه ماتخليه يشوفها ويضمدها لك
غيث : بكيفي ما ابغى انا ضمدتها
نياف غمز لعناد وفهم عليه عناد ومسكه يثبته مايتحرك وغيث يصيح فيهم يتركونه اسيا ونغم مخروشين منهم وام عناد ماسكه راسها ولحن تضحك
نغم : وش فيكم على اخوي
عناد : اخوك عنيد ذراعه متصوب ورافض يشوفها نياف
نياف شق تيشرته مكان الرصاصه وشهق وضربه : انت حمار غبي وش تحس فيه وتكذب بعد مضمدها
غيث : طلعت الرصاصه ونسيتها وبعد لا تمد يدك لا اكسرها لك
نياف : لا تصدق قصرت الله يحفظك
البنات شهقوا من منظرها
اسيا: ثور مايحس ذا
لحن هبدتها : خير أنتِ الثور لا تغلطين
آسيا: عشتوا يالزوجة الحنونه اللي ماترضى على زوجها ذكرتيني بذيك اللي مزعجتنا بزوجها
لحن ضحكت : ياحيوانه لا تشبهيني فيها امزح معك حلالك ياخي كل شيء يهون عندي الا أنتِ
آسيا: احرجتيني يادبا
نغم ضحكت عليهم : علموني منهي ذي
آسيا : ابشري بس مو الحين بعدين
نغم : متى بعدين جاني فضول
آسيا: بالليل اعلمك ؛ يمه احسبوا حسابي بنام عندكم الليله
ام عناد : الله يحيك يا اسيا البيت بيتك يمه
عناد : يوه يالنشبه وش تبين
آسيا: يمه انا نشبه
ام عناد : اجمل نشبه
آسيا: اعرف
عناد رماها بالخداديه اللي وراه : تقلعي بس
ابو عناد : عناد اترك البنت بحالها
آسيا: يبه شوفه مناشب خشمي دايم يضربني فيه
ابو عناد : عناد بنتام اليوم انت والعيال بالمجلس على حركتك
آسيا : الله يخليك لنا ياجدي الحلو محد ياخذ حقي غيرك
عناد : يبه غيث متصاوب ونياف متكسر خلهم ينامون بالمجلس وانا بغرفتي
نياف : قصرت طال عمرك على الفزعه
عناد : اعجبك
غيث : بعد انت وياه
عناد تركه وراح صوب لحن حط خداديه بحضنها وحط راسه عليها ونام من التعب ولحن تلعب بشعره
ابو عناد : يعيال بنصلي العشاء هنا وبعدها كل واحد يروح لغرفته ينام واسيا غرفتك صارت لنياف خذي وحده من الغرف نامي فيها
لحن : يمه مو انت معاقبهم
ابو عناد : صدقتي !
غيث : تبين الفكه منا صح
هزت رايها بايه : بس اليوم
غيث : ليه ان شاءالله
لحن : بنام مع امي
ام عناد : نامي عند زوجك
آسيا: اف طرده محترمه يمه لحونه واضحه وصريحه مايبونك تنشبين لهم مره ثانيه
لحن : انا نشبه اقطعيها لا تكلميني
وقفت اسيا وراحت صوبها ضمتها وجلست على ظهر عناد
عناد صحى : يادبا اوجعتيني قومي
آسيا: لا
ام عناد : تستاهل خلها تاخذ حقها منك
شهقت اسيا وضربته وسوت نفسها مجروحه وغيرت نبرتها للبكاء: يعني انا دبا
عناد : اي دبا
آسيا: وصل جرحك خلاص
عناد : زعلتي
لحن : اي
اسيا: وش دخلك
لحن : انا وانتِ واحد
آسيا: اي صح
لحن : سوسو
آسيا: ياعيون سوسو امري
لحن : مشتهيه
وقفت اسيا: لا تكملين عرفته الحين بيجيك
عناد : اثنين تكفين
آسيا: من عمتك
عناد : تخسين
اسيا ضحكت وراحت للمطبخ جابت ثلاث كندر بوينو والقهوة
لحن ابتسمت : ويلوموني بحبك ياشيخه
اسيا ابتسمت وعطتها واحد وعناد واحد ونغم واحد
نغم : كفو مانسيتيني
عناد : حَرم عناد اكيد مابتنساك
شرقت نغم وضحكوا عليها
غيث : اقول لا تحتك باختي
عناد : زوجتي وش دخلك
نياف : بترد الحركه يعني
غيث : اي انشب له مثل ماينشب لي
آسيا صبت لهم قهوة وعطتهم من الحلى
لحن : غيث مايكل الحلو أبعديه
عناد جلس مصدوم كيف تعرف : وش دراك
آسيا: تراقبينه الظاهر
لحن بغير وعي : اي اشوفه من احط له بصحن مايقرب صوبه يتركه بس يشوب من القهوة حتى عنده حساسيه من زبدة الفول السوداني
غيث ابتسم انها مهتمه بادق تفاصيل حياته وابسطها وش ياكل وماياكل
عناد : هيه بنت وش فيك
لحن استوعبت وخبت راسها بظهر عناد
ضحكوا عليها
لحن : يبه سكتهم
ابتسم ابو عناد عليهم وتحققت امنيته بشوفتهم متجمعين حوالينه
ابو عناد : الا نياف منت ناوي تتزوج
نياف تمغط : للحين مافكرت فيه يالغالي
ابو عناد : فكر يبه فكر
اسيا : لحن غني لي
لحن : صوتي تعبان
اسيا: لكذا اقول لك غني لي احب بحه صوتك وقت تغنين وانتِ تعبانه
نغم : اي تكفين اشتقنا نسمع صوتك
لحن : عناد صوته اجمل
نغم : صوته حلو ؟
آسيا: اي بس يتغلى يلا غني اغنيه من اختياري والمقصد لي
ابتسمت لحن : حاظر كم عندنا اسيا حنا وش تبين
آسيا: انا من كثر ماخاف
بدأت لحن تغني ونظراتها صوب غيث مانزلتها
انا من كثر ماخاف المفارق كل يوم ارثيه
اضمه كل مره كني اخر مره اضمه
تفرد بالغلا اللي مبطي ماله خشيرٍ فيه
تبنته الضلوع وضخه الشريان في دمه
لا جيت اشبه كنه المطر مع فارق التشبيه
يبل الروح ويداوي الجروح ويجلي الغمه
انا وياه مثل اللي يحاتي واحدٍ يغليه
يشوف ان المفارق صعب لكن شايلٍ همه
يقول الموت لا من صار دوني تقدر انك تجيه
واقول الموت وينه ياحبيبي واتجه يمه
...
صفقت اسيا : ياجعله صوتٍ ماينقطع يارب
ام عناد : امين يارب
ابو عناد وقف بمساعده ام عناد وقال : اذن امشوا نصلي بالمجلس وبروح ارقد تعبت وحتى العشاء انتم تعشوا بالعافيه مالي نفس
خلصوا صلاة وكل واحد راح غرفته ينام بعد يوم متعب ومالهم نفس للعشا
-
<< غرفه لحن >>
دخل غيث وقفل الباب بالمفتاح شافها تحاول تغير ضماد بطنها بس ماقدرت تحس بوجع بصدرها سمعت صوت الباب وشهقت من شافته مستند على الجدار ويناظرها نزلت التيشرت بسرعه ووجها صار احمر من حياها
لحن : ياخي دق الباب
غيث : وليه ان شاءالله
لحن : فيه غيرك بالغرفه على فكره
غيث : عادي زوجتي
لحن : على ورق
غيث : يعني تبين تصيرين زوجتي فعلاً
لحن : وش تقصد
غيث ابتسم بخبث وقرب صوبها
لحن فهمت وش مقصده وشهقت : انقلع
ضحك غيث واول مره يضحك نفس كذا : تبين مساعده
لحن : لا مشكور خلصت
توجهت للسرير وخذت مخده ورمتها عليه : نام على الكنبه
غيث : يسوء المنقلب العصر ضامتني والحين تبين انام على الكنبه
ضحكت وسكرت الضوء ماجاها نوم
غيث تجاهل كلامها وتوجه للجه الثانيه للسرير ودخل تحت الفراش وسحبها لحضنه شهقت من سحبها وتوترت من قربه وهو نام ضلت صاحيه مانامت وخافت من سمعت صوت مصلح رجع مجنون الحاره
هي تخاف منه وهمست باسم غيث : غيث غيث نايم
غيث : هم
لحن : قوم تكفى
غيث : نامي
لحن : تكفى خايفه
غيث ضمها اكثر وحط كفه على اذنها ماتسمع صوت مصلح ونام هي مسكت يده ونامت
-
<< غرفه عناد >>
نغم ماجاها نوم وسمعت صوت اول مره تسمعه صوت رجال ويصرخ ويتمتم قرب نافذتهم
نغم تهز عناد : عناد تكفى قوم فيه صوت غريب ومخيف
عناد بصوت كله نوم : هم وش فيك نامي مافي صوت
نغم هبدته من الخوف :اسمع
عناد فز وركز بالصوت : هذا المجنون مصلح رجع معليك لا تخافين شوي ويروح لبيتهم
نغم : تكفى عناد قوم لاتخليني لحالي
عناد تعبان صار له اسبوعين ماذاق راحه النوم سحبها لحضنه وحط راسها على صدره وغطى اذانيها ماتسمع صوته وصارت تسمع صوت دقات قلب العناد المتسارعة وانتظرها تنام ومن بعدها هو بعد نام
-
<< عند اسيا >>
ماجاها نوم وطلعت للسطح شافت نياف موجود هناك ويتامل القمر
نياف حس عليها : وش تسوي هنا
آسيا: ماجاني نوم
نياف : تشاركيني سهرتي
آسيا: تمام بروح بجيب شاهي تبي معي
نياف : طبعاً
قبل تطلع سمعت صوت مصلح ورجعت ركض لنياف لان صوته كان عالي ومزعج الديره كانوا مرتاحين من صوته والحين رجع وبيعذبهم
نياف وش فيك
آسيا: المجنون مصلح رجع
ضحك نياف : طيب عادي وش فيك
آسيا بكت : تكفى تعال معي
نياف : تخافين منه
آسيا : اي من بعد موقف صار لي معه خفت وللحين ما انساه
نياف مسكها وجليها وغطاها بفروته : علميني بالموقف
آسيا : كنت وقتها انا ولحن بالمتوسطة وكنا طالعين من البقاله راجعين للبيت تخيل صادفناه ومعاه عصا لحقنا فيها وانا ولحن نركض ونصيح خايفين منه وكان يصيح بصوته اللي يخوف تخيل بسببه ماشفت الباب وضربت فيه وهو مسكني ولحن تبكي وانا ابكي طلع عناد وانقذنا منه وبعده بس بعد ما اكلت منه كف تخيل
ضحك نياف : اف مانسيتي
آسيا: لا مانسيت وكل ماتذكرته اخاف اكثر
نياف : آسيا بقول لك شيء
آسيا: اسمعك
نياف : لو اطلب يدك من ابوك بتوافقين
آسيا توترت ماعرفت وش ترد عليه
نياف : شوفي انا حبيت اخذ موافقتك قبل اقدم واطلب يدك من ابوك
وقف وقال : ردي لي بعد يومين
وقفت اسيا: وين بتروح وتخليني
نياف :بروح ارقد
آسيا: بجي معك
نياف : هاه
آسيا: اقصد بنزل معك بروح غرفتي
مشت جنبه وصلها لغرفتها وهو راح غرفته وحط راسه على المخده وضل يفكر فيها لين ماتعبت عيونه وغفى ونام
-
غالب ما انمسك مافيه دليل يثبت ان غالب كان شريك للكوبرا غالب ذكي استعمل اسم واحد من رجاله وطاح كل شيء براسه المسكين حتى الحوالات اللي تجي لغالب تجي بحساب ذاك ويعطيها غالب يعني غالب كان يلعب على الكوبرا رجعوا بنات الكوبرا للديره وراشد من عرف بخبر موت ابوه رجع للديره وصار تحت امر غالب وحرضه غالب على عناد وغيث وفكر ينتقم منهم وياخذ حق ابوه منهم
.
.
تتوقعون راشد ينتقم لابوه ولا لا ؟
هل بيصير صديقهم ولا عدوهم ؟
تتوقعون اسيا بتوافق ؟
سبحان الله وبحمده سبحان الله العظيم