مشكلتك إنك في ودك بخيل
ومشكلتها : إنها كريمه في العطا
.
.
كانوا جالسين في المشب ماجاهم نوم عناد يلعب بشعر لحن ولحن تناظر غيث ماشالت عيونها عنه ابد تحس بتناقض بمشاعرها مرات تقهره ومرات تبي تجلس معه وتضمه ومرات تحس انها بدات تحبه اهتمامه المفاجئ مزعج جداً بنسبه لقلبها ماتبي تتعلق فيه ماتبي تحبه من تكون معه تحس بمشاعر غريبه بقلبها تحس بسعاده وفراشات بس ماتبغى تخسره تخاف تنخذل من حبه تخاف تتعلق فيه ويتركها تخاف من الفقد هي صغيره على الحب تخاف من التعلق والخذلان وحده بسنها اهتمام يعلقها وخذلان يكسرها حبت اهتمامه بس مانست طريقه معرفتها بالزواج منه قطع سرحانها وتفكيرها فيه اتصال اخذ غيث جواله
غيث : ارحب وش صار
سلمان : مسكنا مخلد
فز غيث بفرح وصفق : بذمتك
سلمان بفرح : انا بنفسي مسكته ودخلته حبس انفرادي لين تجي تحقق معه رافض يتكلم
غيث بابتسامه : جايكم ساعه واكون عندكم ولا نص ساعه بالكثير تلاقيني قدامك وجهز لي بدلتي دام مخلد صار بين يدينا نقدر نمسك حمد ال راشد الكوبرا وغالب ال قاهر
سلمان : دام جبنا يمينه بنجيبه
لحن خافت وعناد يناظره بفخر لانه عارف ان سلمان قدر يمسك مخلد
غيث : مشكور ياسلمان
سلمان : ولو هذا شغلي
قفل غيث ووقف بيطلع من الديره بكبرها وقف عند البوابه الخارجيه قبل يطلع حس بيد تمسكه
لحن وقفت وركضت عنده وقفته مسكت يده ماتدري ليه سوت كذا بس حست بخوف انها ماعاد بتشوفه يمكن تفكر هي وش دخلها تخاف عليه وتهتم له بس قلبها ماقدرت تكابر وتسمع كلام عقلها وفكرت بقلبها مو بعقلها المره ذي
لحن: وين بتروح
غيث : وش عليك وين اروح ولا بتطبقين الزوجيه الحين
لحن سكتت شوي وناظرته سحب يده بطلع بس وقفته لحن
لحن بنبره حزينه : بتطول
غيث : يمكن يومين ثلاث لحن انا ماني فاهمك وش تبين توصلين له علميني مرات تهتمين لي وتخافين علي ومرات تناظريني بكره وحقد ماتبيني انا ماعرفت لك انا عايش بتناقض معك
لحن تنهدت بحزن : تصدق حتى انا عايشه بتناقض ماعرف احدد مشاعري اتجاهك مرات اقول لحن لا تتعلقين فيه ويخذلك ومرات اقول لحن اذا تعلقتي فيه كيف بتتركينه بعدين انا عايشه بتناقض غريب غيث انا اول مره اعيش نفس المشاعر وامر بعلاقه مثل ذي انا اخاف ياغيث طلبتك ابغى منك الامان انا متعوده على لبيه وسمي ماني متعوده على اوامر وانت تحب تامرني انا صغيره وانت كبير علي انت شخصيتك غريبه وطول الوقت ملامحك مشدوده وغاضبه انت تعصب بسرعه وانا مو متعوده احد يعصب علي
غيث : لحن تقدرين تصيرين ملاذي من كل شيء اعيشه انا تعبت من حياتي تعبت كل يوم اتلقى صدمه جديده بعلمك بس اوعديني محد يدري تدرين ان جدي هو اللي قتل نواف بس ماعندي دليل يثبت انه هو
لحن شهقت بخوف : لا تقوله
غيث زفر بتعب وخلخل يدينه بشعره : وعشان وش عشان يتهم عناد انه القاتل وعشان يفرقني عن عناد انا طلعت من الديره عشان عناد انا اموت ولا اشوف اعز اخواني يموت قدامي الف مره جدي تراجع وهددني اطلع من الديره والحين رجعنا هو غصب للديره عشان يدمر ابوك يالحن أنتِ الوحيده اللي علمتها تكفين لا احد يدري بالموضوع انا واثق فيك
لحن ترددت بس شافت حالته وايقنت انه الحين مو محتاج احد يعاتبه او يسأله ضمته وبكت
غيث ماتردد ابداً انه يبادلها الحضن
لحن : لا تفكر انك لوحدك انا معك اصير لك ملاذك واطلعك من حزنك وتعبك واخذه عنك بس اوعدني ماتتركني اوعدني ماتطول
ابتسم غيث وباس خدها وهرب بسرعه ضحكت لحن من حركته ورجعت للمشب عناد سمع كل كلام غيث ورجع قبل يشوفونه
دخلت لحن للمشب : وش فيك تهوجس
عناد : انتظرك طولتي مره وين رحتي
لحن : قريب ورجعت
-
< عند غيث >
حرك السياره متوجه للمقر حس بشعور غريب اول مره يحسه معها
غيث : والله انها جابت راسك ياغيث لا تكابر ولا تمثل الثقل انت من تشوفها الثقل يقول لك ياغيث طحت طيحه محد يتمنى يطيحها وبلش يدندن ويضرب باصابعه على الدركسون
والله اني في محيا وجهك الطاهر اماري
وكل زين يمرني عقبك امره وتعداه
في محطات العمر ماكنت من ضمن اختياري
القدر جابك وانا ممنون للاقدار جداً
ياحبيبي واغلب العشاق من بايع وشاري
يوم انا من كثر ماني واثق فيك اتحدى
انت مثل الحاكم اللي دون شعبه نهر جاري
وانا مثل الصامل اللي دون حاكمه يتفدا
ضرب الدركسون وضحك انشهد انها مثل الحاكم وانا مثل الصامل اللي من دونك يتفدا
وصل للمقر ودخل مكتبه لبس بدلته ومسك جواله شاف رسالتها
لحن : اذا رجعت ارجع ببدلتك ابغى اشوفها عليك
ابتسم غيث وارسل لها : ابشري ياحرم غيث كل اللي تبينه حاضر
وقفل جواله ودخله بالدرج وطلع متوجه لغرفه التحقيق
مخلد شافه وانصدم من وجوده : غيث
غيث بطرف ابتسامه : مين متوقع مثلاً
مخلد توتر من وجوده ولا توقع واحد بالميه غيث عسكري غيث سحب الكرسي وجلس مقابله
غيث : تكلم ولا تتعبني معك
مخلد: ماعندي شيء اقوله
غيث : لا تحول تستغبي عشان ماتندم الا بوك وامك يعرفون انك مجرم ومسجون
مخلد خاف من طاري اهله : لا
غيث ببرود : حلو تكلم بسرعه ولا بتندم طول عمرك وين حمد ال راشد
مخلد ضحك وتنرفز من بروده : ماعرف وينه
غيث : الضاهر مطولين شوي
فك ساعته من يده وامر سلمان يقفل الكاميرا لبى طلبه سلمان وغيث شمر اكمام بدلته وتوجه صوبه مخلد خاف من تغيره وعيونه اللي تغيرت للاحمر المخيف طيح غيث الكرسي وسحب مخلد من ياقته ووجه له لكمات متتاليه سيل الدم من خشمه
مخلد يحس بصداع وبيموت اذا ماتكلم بكل شيء يعرفه عن الكوبرا
مخلد : حمد موجود في ابها وبناته بيرجعون للديره وبيكونون تحت حمايه جدك ولده راشد عرف بعمايل ابوه وتركه وسافر للرياض حمد عنده اكثر من مستودع محد يعرفها
غيث : انطق وينها
مخلد : عنده ثلاث مستودعات بالرياض واربعه هنا وكلها مهجوره وباماكن محد يروح لها غير شركاء حمد
غيث : حمد وينه
مخلد : حمد مختفي من عقب مافشلت خطته ويتزوج اختك بس عناد تزوجها من وقتها حمد مختفي جدك الوحيد اللي يعرف وين مكانه
غيث : مين قاتل نواف
مخلد : جدك النيه كان يقتل عناد بس كيف صار نواف مادري
غيث كان شاك بجده بس يبغى ياكد شكوكه وخاب رجاه في جده وان جده قاتل جده قتل خويه وناوي يقتل عناد
غيث : تعرف مكان المستودعات
مخلد : اعرفها
غيث : وين
مخلد : كلها خارج المدينه باماكن مثل الغابه وبين الجبال وبعديه كل البعد عنكم ومحد يقدر يوصلها
غيث : مثل ماوصلت لك اوصل لها
وقف بيطلع بس وقفه كلام مخلد
مخلد : انتبه حمد ناوي لك على نيه مخطط مع جدك بيخطف لحن
غيث : وش تقصد
مخلد : مثل ماقلت لك سمعته يكلم جدك يخططون يخطفونها
طلع غيث معصب من المركز متوجه للديره يتطمن عليها خاف يخسرها
-
<بيت ابو عناد >
ابو عناد : انا اعفيت عنكم تقدرون تطلعون بما أنكم صرتوا احسن
لحن : اخيرا طفشت
خذت كل شيء تبيه وطلعت وابو عناد رجع غرفته ينام
عناد : فتح جواله وسمع كل شيء دار بين حمد وغالب وسمع خطتهم بخطف لحن
<عند الحلال >
قدر عناد يسرق جوال غالب ويربطه بجواله بحيث يقدر يراقبه ويسمع كل شيء يدور بين غالب وحمد ومحدد موقعه كل شيء يسويه غالب يجي عناد خبر قبل ينفذه وسمع مكالمتهم قدر يتنصت عليهم
غالب : متى تبي تخطفها
حمد : بنحدد يوم بخطفها فيه ابغاك تسوي عزيمه ببيتك بحيث اقدر اخطفها بدون مايدي غيث او عناد
غالب : تمام راح اسوي عزيمه بعد اسبوع وابغاك تنتظر في الموقع تفهم وانا بجيبها لك
حمد : لا تخيب هقوتي فيك المره هذي
غالب : مع السلامه وقفل
نرجع لعناد
ابتسم عناد وناظر للفراغ اذا قدرت انت وياه توصلون شعره من شعر بنتي بتلاقون عناد قدامكم موتكم راح يكون بيدي اذا انتم مفكرين تكسروني بلحن تخسون
وقف وطلع من المشب رايح لغرفته ينام
-
<عند غيث >
وقف سيارته قدام بيت ابو عناد نزل بسرعه وقفلها وركض للمشب ماحصلها وخاف توجه لغرفها شافها على الجوال وتطمن دخل وقفل الباب بالمفتاح
لحن شافته من دخل وقفت بابتسامه وعيونها ماقدرت تشيلها من عليه
غيث ابتسم : عاجبك
لحن هزت راسها من غير شعور : اي طالع حلو
ضحك غيث وسحبها لحضنه وضمها تنهد وطلع كل آلهوى من صدره
لحن خافت : وش فيك
غيث : اسكتي وضميني اليوم تعبت بالحيل
لحن لبت طلبه وضمته غيث شالها وتوجه للسرير ونزلها عليه وجلس على طرف السرير سحب رجلينها وحط راسه على بطنها وهي لعبت بشعره لين سمعت انتظام صوت انفاسه وأيقنت انه نام حصنته وضلت تتامله و نامت من التعب
-
<الصباح اليوم الثاني >
بالصباح صحت لحن وشافته صاحي ويتاملها استحت ووخرت بسرعه تركض للحمام وانتم بكرامه
قبل تبعد مسك يدها وسحبها صوبه وارتمت على صدره حوطها بيدينه وثبتها ماتقدر تتحرك
غيث : وين بتروحين مني
لحن استحت من قربه مو متعوده يكون قريب بالشكل ذا خشمه ملامس خشمها نزلت راسها ودفنته بصدره بحيث مايقدر يشوف وجها
ضحك غيث عليها وعلى حياها باس راسها وتركها بعدت وركضت للحمام وانتم بكرامة
لحن تناظر نفسها بالمرايه وتكلم نفسها : وش فيك اثقلي ليه من تشوفينه تطيح حصونك ياخبله اثبتي حطت يدها على قلبها خلاص اهداء انت الثاني بعد وش فيك صاير خفيف من تشوف تتسارع دقاتك
غيث سمع كلامها كانت تفكر بصوت عالي ودق الباب ويضحك
غيث : خلصي بسرعه واتركي عنك السوالف
شهقت بخوف : ليكون سمعني ؛ انقلع راح حمام ثاني
غيث : طيب
لحن سمعت صوت الباب وفكرت انه طلع ماتدري انه يخدعها ماطلع
تروشت ولفت المنشفه على جسمها وطلعت شافته قدامها وصارخت
غيث رفع عيونه وانصدم : هوب هوب وش مطلعك أنتِ
لحن صاحت : كله منك اطلع برا
ورجعت تركض للحمام غيث ضحك وبدل ملابسه لانه نام بالبدله ومايبغاهم يشوفونه لابسها وقف وقال : انا طالع
لحن انتظرت شوي ومن حست بهدوء طلعت راسها تتاكد هو طلع وفعلاً طلع ركضت قفلت الباب بالمفتاح وطلعت لها جنز وتيشرت ولبستهم وتعطرت وجففت شعرها وطلعت لهم
ام عناد شافتها نازله : يامرحبا والمرحبا لك وتنقال ترحيبةٍ من عمق زوري وتنصاك ترحيبةٍ تاتيك من خلف معاليق الروح واللي سبقها القلب هلا ولباك
ابتسمت لحن وضمتها حبت راسها ويدها : اهخ يمه يومين بالمشب بس اشتقت لك اشتقت لحضنك واشم ريحتك
ام عناد باست خدها وشمت ريحتها : يازينها من ريحه والله اني اشتقت لها
غيث يناظرها بخبث وعناد نزل من فوق وشافهم
عناد : خيانه اهخ ياقلبي يلا عادي ياقلبي تحمل طعنات الخيانه من اعزل ناسك
ام عناد : وش تبي مناشبني كل ماشفتها جالسه بحضني جيت مسوي فيها الحزين المسكين اللي كل الناس خانوه
عناد : شف شف خاطفه بنتي وتقول لي نشبه
ام عناد : اقول اسكت تراها بنتي وصغيرتي انت اللي سرقتها علي
عناد قرب وسحب لحن من حضن امه : ممنوع يا ام عناد السرقه
دخل ابو عناد وشافهم : وش عندكم
ام عناد : تخيل ياحازم انه سرق بنتي من يديني
ابو عناد: هات بنتنا
عناد حطها وراه : لا ماني معطيكم حبيبه عناد
ابو عناد : لحن تعالي يبه حبيني
لحن بعدت عن عناد ركضت عنده ضمته وحبت راسه
عناد : اهخ ياطعنات الاحباب علميني منهو لجل عينه تغيرتي علي ينتابني شيءٍ مايعلم به الا الله ياجعلني اصد وجهي واجلس لحالي
ضحكت لحن وراحت عنده تضمه وباست خده وراسه : اعتبرها رضاوه هاه لا تزعل عاد
عناد : من قال اني زعلان خلاص رضيت وغمز لامه وابوه شفتوا مصيرها بترجع لي انا
ام عناد : ياويلي ويلاه منك يالثعلب المكار
لحن : يمه عنادي مو ثعلب
عناد : جرحك وصل يالغاليه
ابو عناد : كلمني غالب يقول الليله عنده عزيمه ولازم نجي كلنا
غيث نغزه قلبه من العزيمه وعناد عرف وش سبب العزيمه ورتب خطته واتفق مع سلمان وسلطان وخالد يجون ينفذون معه الخطه بدون مايدري غيث
.
.
اعتذر على قل البارت بس قلت اراضيكم اليوم ببارت
سبحان الله وبحمده سبحان الله العظيم
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
Beletrieلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
