أخذ من ايامي لك ايام واعطيك
وأن راح عمري لك فلا هو خساير
.
.
اخر اليل صحت لحن بسبب ضيقه بتذبحها ماتعرف سبب الضيقة اللي جتها فجأة طلعت من الخيمه تركض للسيارات وتتمنى تلاقي عناد صاحي وقفت بعيد عن الخيام عند سياره عناد ؛ شافها عناد تركض من الخيمه وركض وراها
عناد بخوف مسك كتوفها وضمها : وش فيك ياروح عناد ووطنه
لحن ماتقدر تتكلم صدرها يوجعها بسبب الضيقة انفاسها تحسها محبوسة تبي تاخذ هواء ماتقدر ضمته وبكت
عناد شد اكثر عليها بحضنه وسند ظهره على سيارته وجلسها بحضنه لحن متمسكه بثوبه ودافنه وجهها بصدره وتبكي بصمت
عناد : بسم الله على قلبك جعله فيني ولا فيك ياوطن عناد
لحن : فيني شعور الغصه والضيقه ودي اكسر اي شيء قدامي وودي افضفض بس ماودي ؛وش اقول!ولا اقدر اوصف الوجع اللي داخلي ووجع قلبي ودموعي في عيوني مابيها تنزل عشان ما انهار
عناد بخوف : الف بسم الله على قلبك من اتفه اوجاعك ياجعل التعب لا من نواك انحنى لي *** أبو الضيقة اللي تضيق على قلبك كيف تضيقين وانا بقربك تخسى الضيقة في وجودي قولي اللي بخاطرك ترا ضيقتك من ضيقتي لو تضيقين انا بضيق متقاسمين الشعور معك في كل حالاتك وش تبين بس أنتِ تامرين على الاول والتالي
لحن ابتسمت تمسح دموعها ومسكت يدينه وتحس الضيقة اختفت : بسم الله على قلبك بسم الله عليك اضحك وانا بضحك معك الضحك زين معك انت بلسم جروحي وطبه وانت حبك على العالم تعدا اعشقك واحبك واموت في شوفتك واتحمل كل ضيقه واتحدا
عناد : جعلها بعمري ؛ ودك نطلع ؟
لحن ابتسمت : تم ؛ بس الوقت متاخر شوي
عناد : والله لعيونك ان يكون كل شيء تم واللي تبينه حاضر وسمي ولبيه أنتِ اطلبي وانا البيه لك الحين وعشانك نطلع الحين وش تبين امري تتدلي
لحن ابتسمت : يابوي أنت الله لا يحرمني منك يارب
عناد : فزي بسرعه جيبي عبايتك انا بالسياره
نزل المطر وركضت تلبس عبايتها وركبت وعناد سحب النقاب ورماه للخلف
عناد : مو ضروري تلبسينه محد بيشوفك
ضحكت لحن : اف هذا وانت اكثر شخص يغار علي
عناد ابتسم : اخر الليل محد بيشوفك
طلعت جوالها تصور المطر وتصور عناد
عناد ارسل لاحد اصحابه اذا كان صاحي يفتح الكوفي حقه ويجهز باقه ورد وقهوة لحن المفضله
وصل عند الكوفي ونزل سلم على خويه واخذ باقه الورد والقهوة حقتهم وطلع ركب
عناد عطاها باقه الورد : شوفي وش جبت لك
لحن ابتسمت وبكت : يالله عنادي الله لا يحرمني منك
عناد : افا تبكين امسحي دموعك يابنت عناد
لحن تمسح دموعها : ابشر ياروحها
عناد سحب الطرحه وانتثر شعرها بالهواء وفتح الشباك والمطر اشتد شوي وطلعت يدها من الشباك تبللت بالمطر وعناد يناظرها مبتسم لانه قدر يبعد الضيق اللي بصدرها وده يعرف سببها يعرف لحن من صغرها هو رباها سبب ضيقتها وبكاها شيء ثاني اكيد
عناد يناظرها بحب :
اشهد ان حبك يالحن خذا في المعاليق اتساع
جعل عيني ماتخسرك ولا تبكي عليك
احفظك حفظ الامانه بقدر المستطاع
واعشقك عشق الأجاويد بيضان الوجيه
في حضورك طاب جرحي ولا للحزن داع
وفي غيابك كأن عيوني وقلبي تحتريك
جعلني ماذوق طعم الجفاء والانقطاع
وجعلني ماذوق انقطاع صوتك وضحكتك
لحن لفت الجوال عليه لانها كانت تصور ومن قال قصيدته ومسك يدها صورته وهي بقمه سعادتها من تكون معه تنسى الحزن وكل الضيق بصدرها يتلاشى
عناد بابتسامة رفع كفها وباسه
لحن قصرت صوت الاغنيه من وصلت للبارت المفضل عندها وقالت بصوتها هي وشدت على كفه اكثر
مهما ومهما صار تبقى آنت حبي
اغليك لو عني تباعد خطاويك
لا طحت من عيني تلقاك قلبي
ولا طحت من قلبي على الكف اداريك
عناد بضحكه : الله وش الجمال ذا مايقدرون يبعدوون خطواتي عنك والله يخسون يبعدوني عنك
لحن سندت راسها على كتفه وهو وقف السيارة من شاف شخص يبيع شاهي وقته الحين مع المطر وراح اخذ كوبين شاهي واخذ من السوبر سناكات بيكملون السهرة على مطل رجع ولحن مسكت اكواب الشاهي وركب حرك السيارة للمطل المفضل عندهم
نزل الفرشه وجلست لحن معها كوب الشاهي وتتأمل السماء وانوار المدينة والغيوم وعناد اخذ فروته لبسها وجلس قربها ودخل لحن معه بفروته يدفيها من البرد والضباب اللي زاد الجو جمال مع رشات مطر خفيفه وضل يتاملها ومرات يسولف معها اذان الفجر وماودهم بالرجعه زان جواهم
عناد كان متلثم من البرد : ودك بالرجعه انا ماودي ؛ نضل بعد الشروق وقته الحين بعد الصلاه يجنن المكان
لحن ابتسمت : الصراحه ماودي بالرجعة الحين
عناد : ابشري مابنرجع الحين
لحن بجديه : عناد
عناد ناظرها وكيف تغيرت نبرتها ومالت للجديه الموضوع شاغل باله
لحن ببكى طلعت جوالها : كذا مات نواف صح
عناد بصدمه سحب جوالها وشاف مقطع فيديو مصور لموت نواف
عناد : من مرسله
لحن ببكى : رقم مجهول
عناد يمسح دموعها : اش خلاص وقفي بكى
لحن : العين هلت دمعها من وجعها ياعناد عليه الغالي دموعي اغرقتها والنفس ضاقت من تزايد ولعها والموت قاسي يوم غيبه عنا انا انتظرت نواف يرجع بس طال انتظاري ياعناد
عناد : طول انتظارك يالحن ونواف مارجع وماراح يرجع يالحن
لحن ببكى ضمته ودفنت وجهها بصدره : كانوا يبون ياخذونك مني بس هو ضحى بنفسه وراح وتركنا اثنينا
عناد نزلت دموعه وشد على قبضته بغضب وضمها اكثريهديها : والله ليندم اللي كان السبب بضيقتك ودموعك والله لاندمه واخليه يكره عمره من ارسل لك الفيديو غلط لانه تسبب بنزول دموعك
لحن مسحت دموعها وبعدت عن حضنه : نصلي
عناد زفر يهدي نفسه وضل يستغفر وقف يصلي وهي بعد صلت بعد ماخلص عناد صلاته توجه صوبها وحط راسه على ركبتها وهي لعبت بشعره وتقراء اذكارها وتحصن عناد طلع الشروق وعناد فز
عناد : شفتي قلت لك الشروق من هنا يجنن
لحن بخوف : بسم الله خوفتني
عناد ضحك : وجهك يضحك شكلي بخرشك دايم
لحن : قلبك مايطاوعك
عناد : قومي نروح نفطر
لحن : نسحب عليهم ؟
عناد : بنجيب لهم معنا فطرو
وقفت تركب وعناد نظف من بعدهم وركب متوجهين لمطعم يفطرون
لحن : بتلاقي فطور الحين ؟
عناد : لعيونك نخليهم يفتحون بالوقت ذا
لحن : مو من جدك
ضحك عناد ووقف عند مطعم وقبل ينزل لف عليها وقال : الحين البسي نقابك عشان ماتصير حرب عالميه
ضحك لحن ولبست نقابها ونزلت وعناد نشب لصاحب المطعم حتى فتح لهم وافطروا وطلب فطور ولحن تصور وترسل للبنات
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
General Fictionلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
