أنت العوض لا صارت حظوظي شحاح وأنت الهنا ياغايتي والغنايم

Part 22

ابعتذر....
عن كل شيء .
الا الهوى...
ما للهوى عندي عذر !
ابعتذر.....
عن اي شيء..
إلا الجراح....
ما للجراح الا الصبر !
.
.
<<صباح عيد الأضحى >>
بعد الصلاة البنات متجمعين بييت ابو عناد عناد دخل وقف عند الباب وغيث وراه ابو عناد طول عند الرجال  بالمسجد يعيد عليهم ويخبرهم العزيمه تكون عنده بالليل
عناد ينادي امه : يمه اقدر ادخل
ام عناد لا ماتقدر انتظر شوي
عناد : طيب بروح للمجلس وبرجع قبل ذبح الأضحية بسلم على بنت عناد
ام عناد : اذبح الأضحية بعدين تعال سلم
عناد : طيب هي وينها ماسمع صوتها
غزل : ياخوي بنتك عند الاضحيه تسولف معها
ابتسم عناد وشمر اكمامه وربط ثوبه على خصره وطلع للأضحية يذبحها ويشوف لحن
دخل ابو عناد للبيت وشاف عناد طالع مشمر اكمامه وغيث وراه ونياف وراء ابو عناد
ابو عناد : خير انت وياه وش مسوين
عناد : ابد يابو عناد نروح الأضحية ننقذها من بنتك

-
<< عند لحن >>
رفعت فستانها بيدينها لنص الساق لا يتوسخ من وسخ الخروف كانت لابسه فستان ابيض ناعم اكمامه طويله وضلت تدور قدامه وتفضفض له ابو عناد والعيال واقفين بعيد شوي يناظرونها يشوفون وش تسوي
لحن : ياحبيبي ان تدري ان عنادي بيذبحك الحين وتموت بس تكفى لا تزعل ترانا نحبك لكذا بناكلك بس انا علمتك على اسراري تتوقع بتبان بلحمك وبياكلونها ؟ سؤال لو سمحت هل بيعرفون وش السر اخاف ياكلون لحمك ويعرفون بسر حقي ؟ بس تكفى غيث لا ياكل لحمك اخاف يعرف وش انا اقول عنه
ابو عناد بهمس : اسكتوا لا تضحكون الحين بتفضح نفسها
لحن : تصدق تشبه تيم بس لا تزعل اخوي اجمل منك وبعدين بل ريقك عشان تموت وانت شارب مويه ماتدعي علي وتقول حسبي على عدوها ماشربتني مويه قبل ذبحي
الخروف يمأمأ
لحن بنزعاج : ازعجتني من جبناك وانت ماء ماء اكل ياحبيبي احنا بنقصك ترا لازم تشبع كرشك عشان تاكلها اسيا ونغم وغزل وغزال
الخروف يانظرها ولحن تضحك : ليكون انت ناقد علي علمني باعتزي بعنادي يجي يذبحك بس امانه وش رايك بفستاني ترا بيطيح غيث على وجهه وبيشكر ربي كل ماشافني لاني لبست ساتر لعيونه
ارفعت ساقها لوجهه تبيه يشوف الكعب : وش رايك بكعبي تراني اموت بالكعوب عطني رايك تراه فخم بس انت ماعندك ذوق ؛ اخر سؤال متزوج عندك عيال علمني ترا احفظ سرك ببير
بغني لك طيب وانت ارقص عشان يطلع لحمك رقاص مثل اسيا
اسيا من بعيد : سمعتك يا***** بتشوفين وش بسوي فيك اصبري
نغم : يالحن ازعجتي الخروف تراك ابعدي وش تبين بالخروف اتركيه
لحن : وش دخلكم
الخروف وقف والبنات هربوا ولحن تضحك عليهم
لحن تتمايل قدام الخروف : ياويل حالي جايتني واليوم عيد عقب البطى يامرحبا يا اغلى لحم
ضحك عناد عليها ولفت تناظره بابتسامها
عناد مسك يدها وسحبها باس خدها وضمها لصدره وغزل متعلقه بالشباك تصورهم
عناد بعدها ويدور فيها ويغني وفستانها من نعومته يطيره الهوى
فنانه عيونك ليا لديتها صوبي
وقلبي لك من اشواقي نبيه
واذا لمحت احدٍ يلد لك النظر
اقول وش ذا يبغي منك
ابتسمت لحن وابعدت شعرها جاء على وجهها
عناد مبتسم ويكمل
من العايدين ان قلتها لي  قلت لك
العيد خدك حظ من عيد عليه
ياويل حالي جيتني واليوم عيد
عقّب البطى يامرحبا ي اغلا الوجيه
العيد بعد اعياد ربي شوفتك
مد الوصل في العيد للي يحتريك
لحن تصفق : اوه اوه دام بدايته عيدي صوت عناد والشيله اللي دايم اسمعها كل عيد من عناد  عزالله زان عيدي
عناد : بيزين دام شفتيني اول شخص
اسيا: تعقب اول شخص شافته الخروف
عناد : وشتقصدين بكلامك
لحن مسكته : تقصد انها اول شخص عيدت عليه
اسيا شهقت : يعني انا خروف
نغم : اللي على راسه بطحاء وش يسوي
آسيا: طيب أنتِ وياها دواكم عندي
نياف بعالم ثاني من سمع صوتها وشافها ضل صافن فيها يتأملها وفستانها الاسود المبرز جمالها وشعرها القصير البني
ابو عناد : اخلصوا الكل ذبح اضحيته وانتم باقي انجز ياعناد والا والله تصير مكان الخروف
لحن تصفر وبصوت عالي تنادي امها : هذا ابو لحن لا يمه تعالي شوفي المزيون
ام عناد من وراها : والله المزيون واقف يمينه
لحن : ادري طول الله بعمرك
ركضت لحن تضم ابوها وتبوس راسه ويده : عيدك مبارك وعساك دايم من عواده يالغالي
ابو عناد باس راسها ونزلت دموعه : تدورن وش اجمل حب
عناد : وش يبه
ابو عناد : حب البنت لابوها واصدق حب واوفاهم حب الاب لبنته وانا اقول بنتي
ياعيدي الدايم وياشيخه الغيد
يامّ الجمال النادر في وصوفه
كل عام و أنتِ اجمل الناس بالعيد
يا راحه القلب الجهيد ولحونه
غيث يناظرها مبتسم يحسها اعظم انجازاته من صارت زوجته عيد الفطر تمنى تكون زوجته وعيد الاضحى يعيد وهي بحضنه وبين يدينه صارت زوجته وتحقق مناه
غيث : يابوي تراني اغار لاتخلوني اسحبها واهرب فيها ماعاد تشوفونها
ام عناد : عشان الخيزرانه تلعب على ظهرك
عناد : كيف تحقق موتك بسرعه
لحن : يمه بسم الله عليكم من طاريه
لحن ضمت ابوها وقالت : يبه ربيت بحضنك على عز ودلال
ولا حاجةٍ في خاطري خليتها
ما والله اذكر بيوم مديت العقال
ولا جرحت عيوني ولا بكيتها
دللتني لين انغمر فيني الدلال
وتفرعنت شقاوتي واطغيتها
عناد : تستاهلين كل الدلال والدلع مايليق الا ببنت عناد
غيث : لكن دلعها يزداد كل يوم ابوها وعناد دلعوها وانا اللي توهقت
نياف : قل منت متحمل دلع اختي عشان افقع عينك
غيث : محد مطيح غيث على وجهه ولاعب بحسبته الا دلعها وهذا اكبر هزائمي بكل معاركي ولا انهزمت بس قدام عيونها انهزم ارجع منتصر بكل معاركي الا امام عيونها انهزم
عناد : قول انك خفيف وانتهينا
لحن : احم هذا يعتبر انجاز دام غيث ذايب ب لحن عناد  وين هديتي عيدتي وينها
نياف : مافيه ماعيدتي علي
لحن : نسيت ياخوي من شفت جمال ابو عناد طار عقلي
ام عناد ضحكت : جمال ابو عناد ولا اللي واقف جنبه وكل عام وانتم بخير ياعيالي عيدكم مبارك
لحن تناظر غيث وبدون وعي : اكيد زوج لحن
غيث ابتسم : و أنتِ بخير يايمه وينعاد عليك بالصحه والسلامه
نياف باس راسها : عيدك مبارك يالغاليه
لحن : نياف عيدك مبارك وكل عام وانت بخير وانت اجمل اخو ودكتور وينعاد عليك بالصحه والعافية يارب هات عيديتي
ابتسم نياف : دامني شفتك زان عيدي
لحن : يلا ابغى عيديتي
ام عناد : العيديات للبزران و أنتِ صرتي كبيره عليها
لحن : لا باقي بزر ابغى عيديه
ابو عناد ضحك وطلع من جيبه فلوس : امسكي
ابتسمت لحن وخذتهم
عناد : عاد انا تعرفين وش عيديتي
لحن : انت ثاني شخص عطاني عيديه قبل الكل
عناد : مين اول شخص
لحن : غيث
نياف طلع علبتين صغار من جيبه وتقدم صوبها ومسك يدها وفتح العلبه وطلع اربع بناجر  ذهب محفور عليها اسمها ولبسها وعطاها فلوس بعد
نياف : هذي عيديتي لك بعوضك عن الاعياد اللي راحت وانا بعيد عنك
لحن ابتسمت : تجننن نياف لا تخليني ابكي ويخرب مكياجي ( للمعلوميه لحن بس تغطي شعرها من نياف )
ضحك نياف : كل شيء الا مكياجك لا يخرب لا تبكين
وفتح العلبه الثانيه وطلع بناجر ولبسهم ام عناد وباس راسها ويدها
نياف : وهذي هي هديتي لاجمل ام بالدنيا
ام نياف بكت وضمته : شوفتك اجمل هديه ياولدي والحمدلله اللي بشرني برجوعك وشافتك عيني من بعد غيبتك مات ولدي وتركتوني انتم بعد احمد ربي واشكره اللي بلغني برجوعكم وشافتكم عيني
عناد : يمه مانبيهم خليهم يرجعون
ام عناد ضربت كتفه : اسكت انت بس
عناد : اربع بناجر بيد المزيونه
ابو عناد : يارهيفه القلب كل عام و أنتِ عيدي ومن غيري بعيده وقريبه لقلبي
ام عناد ابتسمت : وٌآنِتٌ عيدي ودايم اشوفك بخير
لحن وعناد ونياف : الله وش ذا الحب والرومنسيات حركات علينا
ابو عناد : انقلعوا للاضاحي اذبحوها بسرعه الناس افطرت وحنا باقي
لحن : بدلوا ثيابكم عشان تقدرون تاخذون راحتكم وماتوسخونهم
عناد ارسل لنغم تجي غرفتهم وطلع لغرفتهم
وغيث سحب لحن معه للغرفه ونياف راح بيته يبدل ملابسه
-
<< غرفه عناد ونغم >>
دخلت نغم وشهقت من سحبها وضمها
عناد : يا ساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يا من خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه
نغم استحت ودفنت وجهها بصدره ضحك عليها ورفع وجهها وتامل عيونها
عناد باس عيونها : ماتبين تسمعينا صوتك وتعيدين علينا
نغم ابتسمت وتجرأت تخبره بمشاعرها : كل عام وانت حبيبي ودامت جميع اعيادك بفرح وودّ كل عام وانت محبوبي بذات الحب وذات اللهفة اللي زادت قلبي من عرفتك الاول مره هنيت بالعيد السعيد وهنيت بك حياتي حبيباً للأعوام والسنين
عناد ابتسم وزادت فرحته وضمها لصدره وباس راسها : عيديها
نغم ابتسمت بحراج وهزت راسها برفض ضحك عليها وبعدها من بين احضانه وتوجه للدولاب طلع طقم ذهب وتوجه صوبها ولبسها وباس خدها
عناد : اتمنى تحبينه
نغم : كل شيء منك احبه
عناد : ادري يطول لي بعمرك
ضحكت : لازم تصير مغرور يعني
عناد : ومن يشوفك ومايصير مغرور أنتِ بينهم ماتشبهين غير نور الشمس ولا نور القمر تباهي بي و فلي راسك عليك من ستر الشرف جلبابه وان ماسترتك بالفعول وبسمي فعقبني الفنجال يصبابه
نغم : ارفق بقلبي يابو لحن
ضحك عناد وبدل ملابسه وطلع
-
<<غيث>>
دخل غرفتهم وهو ماسك يد لحن وقفها قباله وباس راسها وبعدها عيونها وقال : ارفقي بقلبي يابنت خذيتي القلب والنظر جعلني للعمى ان شفت غيرك عيد الفطر كنت اتمناك زوجه لي والحين عيد الاضحى أنتِ بين يديني وأحضاني
لحن ابتسمت وغيث بادلها الابتسامه وضمها لصدره وقال
هيه يا غصن تمايل بالدلال
ما تخاف الكسر لا هب الهبوب
وما تخاف الله وتسعى بالعدال
انصف من لحاظ عينيك القلوب
لا متى ذبح العرب عندك حلال
تابت العالم متى عينك تتوب
مير قلبي يا لغضي بيعه محال
ما أقدر أعطي لو تبي مني ذنوب
أشهد إنك بالحلى فقت الخيال
وعيب حسنك كان في حسنك عيوب
شارقة في طلعتك شمس الجمال
وجامع في ضحكتك كل محبوب
الخمل فيني انا ما بك خمال
مشملٍ نوّك .. وانا نوّي جنوب
لحن حمر وجهها من حياها هو الوحيد اللي ماتقدر ترد عليه تستحي منه وتذوب بسرعه من عذوبه منطوقه ادفنت وجهها بصدره وشدت عليه اكثر ماتبيه يسحب وجهها وتتلاقى انظارهم تستحي منه
ضحك غيث وفهم حركتها وشد عليها اكثر ورفض يبعدها من حضنه
لحن بعد مرور اكثر من دقيقه: غيث بدل ملابسك ابوي بيعصب الحين
غيث : نسيت
ابتعد ولبس شورت اسود وتيشرت ابيض ومسك يدها وطلع لهم شافوا عناد بلش يذبح ونياف مخلص من زمان بقي غيث ابو عناد يختبرهم دايم يجيب خرفان ويخليهم يذبحونها هم
-
<< تسريع الاحداث >>
مرت ايام العيد بسلام واليوم الموعود يوم الزواج تجهزوا البنات وكل وحده لبست فستانها طبعاً اسيا فستانها مصمم خصيصاً لها واللي مصممته لحن وحلفت فستان اسيا هي اللي بتجيبه لاسيا البنات جالسات ينتظرون زفتهم وبما ان العرايس ثلاث بيزفونهم وحده وحده
زفه غيم وايهم
ايهم كان واقف ببشته الاسود منتظرها ومعطيها قفاه من اشتغلت صوت الزفه ابتسم بداخله وعرف انها دخلت من كلمات الزفه اللي كانت بصوت لحن لحن مسويه لكل وحده زفه باسمها وبصوتها
كالبدر من اقبلت والعيون تغزلت
تسري بصوت الموسيقى وعلى الموسيقى تمايلت
طلت عروستنا غيم واذهلت كل الحضور
ومشيها مشيت حور وبيدها باقة زهور
بحسنها الكل انذهل وبحفلها الكل احتفل
غيم اللي بحلاها مختلط ماي وعسل
لا إله الا الله على النبي أزكى الصلاة
ولا إله إلا الله على النبي ازكى الصلاه
وقفت غيم ورفعت كفها وحطتها على كتفه ولف ايهم مبتسم ومسك يدها وباسها وكملت كلمات الزفه والمصوره تصورهم
كالبدر من اقبلت والعيون تغزلت
تسري بصوت الموسيقى والموسيقى تمايلت
كالبدر من اقبلت والعيون تغزلت
تسري بصوت الموسيقى والموسيقى تمايلت
بحسنها كل الجمال وبطبعها زين الخصال
هذي غيم بالزين طلت نبض القمر ليل الكمال
بحسنها كل الجمال وبطبعها زين الخصال
هذي غيم بالزين طلت نبض القمر ليل الكمال
هنو غيم باحلى الليال خذها ايهم ابن الحلال
ابن الكرام ولا لها هذا ايهم عز الرجال
هنو غيم باحلى الليال خذها ايهم ابن الحلال
ابن الكرام ولا لها هذا ايهم عز الرجال
لا إله إلا الله على النبي أزكى الصلاة
ولا إله إلا الله على النبي أزكى الصلاة
بعد ما ودعت اهلها وزفوهم لسيارة ويتوجهون للفندق جاء دور جنه يزفونها
-
سعيد واقف ببشته الابيض يحتريها تطلع وعيونه تناظر لطلتها من دخلت على كلمات الزفه وكانت مقدمتها بصوت البنات كلهم وبعدين كملت لحن الكلمات
الف الصلاة والسلام عليك ياحبيب الله محمد
لحن:
والقمر لو ماهو شاعر لجل عينك بيصير
كل مقـام ٍ له مقال وْ فيكِ يا بنت الأصول
لازم إتصير القصايد غير .. لنّـك أنتِ غيـر
يلّي حسنِك لو تراه الشمس يغشاها الذهول
والقمر لو ماهو شاعر لجل عينك بْـيصير
كل مقامٍ له مقال وْ فيكِ يا بنِت الأصول
لازم تصير القصايد غير لنك أنتِ غير
يلي حسنك لو تراه الشمس يغشاه الذهول
والقمر لو ماهو شاعر لجل عينك بيصير
أنتِ غير وْمن غلاك إن جيتي يالعَفّ الخجول
كيف ما نفرش لِـخَطوَة رِجلك الدنيـا حريـر
و أنتِ إسم ٍ لا إكتبوه من الفخامة والقبول
الـوَرَق يصبح مديـنـة والقـَلَم يـمشي أميـر
كل مقامٍ له مقال وْ فيكِ يا بنِت الأصول
لازم اتصير القصايد غير لانك أنتِ غير
يلي حسنك لو تراه الشمس يغشاه الذهول
والقمر لو ماهو شاعر لجل عينك بيصير
يا هلا بك وإن لفيتـي ناعمة قـَدّ ٍ و طـول
وبْعيون ٍ ناعسات وْ وَجه ٍ أصفى مْن الغدير
بك تـفاصيل الملامح كنـها يا جنه تـقول
يسعد الله هالجمال الراقي التـَرف المثـير
كل مقامٍ له مقال فيك يا بنِت الأصول
لازم اتصير القصايد غير ... لانك أنتِ غير
يلي حسنك لو تراه الشمس يغشاه الذهول
والقمر لو ماهو شاعر لجل عينك بيصير
سعيد من شافها مقبله بطلتها الفاتنه ماتحمل ومشى متجه صوبها وقفت من شافته وقف قبالها وفتح يدينه وضمها ببشته وهمس باذنها : اخيراً صرتي جنه سعيد وبين يدينه جنه نزلت دموعها هي تحبه من صغرها وصار حبيبها وزوجها واسمها مرتبط باسمه ومسك يدها يكملون الزفه
وش على زينك يا جنه لو به احتارت عقول
وش على طيب إمعناك ان صار كل قلب اسير
وش على زينك يا جنه لو به احتارت عقول
وش على طيب إمعناك ان صار كل قلب اسير
و أنتِ كلك يا اختصار الزين لشرحه يطول
حاجة بين الممكن اللي مستحيل انه يصير
كل مقـام ٍ له مقال وْ فيكِ يا بنت الأصول
لازم إتصير القصايد غير .. لنّـك أنتِ غيـر
يلّي حسنِك لو تراه الشمس يغشاها الذهول
والقمر لو ماهو شاعر لجل عينك بْـيصير
اقبلي يابنت ابوها وخلفك امجاد وخيول
يا اجمل اشعار ابو جنه ياسنا البدر المنير
الف سبحان اللي صور ويا صلاته على الرسول
يا شبيه زهره وضي عيونها وحبها الكبير
ام اجوان من سمعت الكلمات وطاري اسمها بالزفه وشافت بنتها تنزف وبكت من تزوجت اجوان وجنه حسها مايغيب عن امها وابوها ابو جنه بعد بكى وجنه من سمعت اسم امها وبكت وسعيد ضمها يهديها
كل مقـام ٍ له مقال وْ فيكِ يا بنت الأصول
لازم إتصير القصايد غير .. لنّـك أنتِ غيـر
يلّي حسنِك لو تراه الشمس يغشاها الذهول
والقمر لو ماهو شاعر لجل عينك بْـيصير
يسعدك ربي ب سعيد نسل وافين الاصول
اللي يستاهل غلاك العذب وبحبك جدير
الشهم سمح المحيا اللي نظراته تقول
انك بقلبه يا جنه حب ولعينه نظير
كل مقـام ٍ له مقال وْ فيكِ يا بنت الأصول
لازم إتصير القصايد غير .. لنّـك أنتِ غيـر
يلّي حسنِك لو تراه الشمس يغشاها الذهول
والقمر لو ماهو شاعر لجل عينك بْـيصير
ياعسى الافراح تملى عمركم عرضٍ وطول
في حياةٍ بالسعاده مقبله بحبٍ وخير
عد نجمات السماء وما جادت الغيمه هطول
وعد ما صلوا الخلآيق عن النبي الهادي البشير
كل مقـام ٍ له مقال وْ فيكِ يا بنت الأصول
لازم إتصير القصايد غير .. لنّـك أنتِ غيـر
يلّي حسنِك لو تراه الشمس يغشاها الذهول
والقمر لو ماهو شاعر لجل عينك بْـيصير
وكانت زفه جنه اطول زفه وطلعوا متوجهين للفندق
-
والحين زفه اخر عروس وهي اسيا لحن كانت عندها وبعد ما هدتها طلعت لحن لانها مخططه زفتها بتغنيها مع عناد أنزفت اسيا لنياف والتفت من سمعت صوت عناد ولحن نازلين من الدرج وماسكين الدموع ويغنون زفتها ابتدت زفتها بقصيده خالد الفصيل لان نياف يحب قصايد خالد الفيصل والقاها عناد بصوته
اخْتَرْتُك مِنْ النَّاسِ لِلْقَلْب خَلَّه
ياحيثك مُرَادِي وكيفي وذوقي .
مَا رُحْت أَدُور كُلّ زَوْل تَحَلَّى
لولاك تَسْوَى مَا عَطِيَّتِك خفوقي . .
لحن وعناد مع بعض وكانت ماسكه يد عناد ويمشون بخطى بطيئه جداً :
على كثر امنياتي من خلقت ولين هذا اليوم
يجيبك ربي يا اجمل امنيه تمنيتها بعمري
سعاده ب هيئه انسانه فؤادي بحبها مغروم
وفرحه تختصر كل امنيات الدنيا في صدري
عناد كمل :
على كثر امنياتي من خلقت ولين هذا اليوم
يجيبك ربي يا اجمل امنيه تمنيتها بعمري
سعاده بهيئه انسانه فؤادي بحبها مغروم
وفرحه تختصر كل امنيات الدنيا في صدري
لحن :
يا حظ احساسي في مثلك نصيبي انت والمقسوم
فخوره روحي يا نياف قلبي وش كثر تدري
كثر طيبك وهيبتك وغلاك اللي بعدد النجوم
كثر مابك معاني ماخذتني مني وبكبري
عناد ولحن :
لا إله الا الله لا اله إلا الله محمد رسول الله
لا إله الا الله لا إله إلا الله محمد رسول الله
على كثر امنياتي من خلقت ولين هذا اليوم
يجيبك ربي يا اجمل امنيه تمنيتها بعمري
سعاده بهيئه انسانه فؤادي بحبها مغروم
وفرحه تختصر كل امنيات الدنيا في صدري
عناد :
يانور ايامي يا اسيا والقلب الوفي المحشوم
وياروح امها وابوها اللي لهم بعد الله كل شكري
على نعمه وجودك والمعاني وزينك المرسوم
تفاصيل الملامح والعيون ورمشها السحري
لحن:
جعلني ما خلا وجهك وذوقك واهتمامك دوم
ولا من حب قلبك اللي ما يغليه احد كثري
ويسعد لي كلامك اللي ياخذني لسماء وغيوم
ويزرعك في خفوقي حب ويبقى للابد حصري
لحن وعناد :
لا إله الا الله لا اله إلا محمد رسول الله
لا إله الا الله لا إله إلا محمد رسول الله
على كثر امنياتي من خلقت ولين هذا اليوم
يجيبك ربي يا اجمل امنيه تمنيتها بعمري
سعاده بهيئه انسانه فؤادي بحبها مغروم
وفرحه تختصر كل امنيات الدنيا في صدري
عناد :
تجين ومن سعدها قلوبنا حولك يا اسيا تحوم
وتضوي ابها كن الصباح اشرق بها بدري 
ويجيبك ربي يا اجمل امنيه تمنيتها بعمري
ويضحك مبسمك يشفي ويجبر خاطر المهموم
ياوجهٍ يشرح الدنيا ويخلي لونها زهري
عسى فال السعاده فآلنا وجعل المحبه تدوم
وعسى ياقمرا بنت تقي يبارك عمرك وعمري
يارب امين يا نياف ولا يخليني منك يوم
يديمك يغلا اسيا غلاها وحبها العذري
لحن :
لا إله إلا الله يا اسيا لا إله إلا الله محمد رسول الله
يارب امين يا نياف  ولا يخليني منك يوم
يديمك ياغلا اسيا غلاها وحبها العذري