أنت العوض لا صارت حظوظي شحاح وأنت الهنا ياغايتي والغنايم

Part 1

اضحك مع العالم وروحي عليله
واكتم بـ قلبي شيءٍ ما ودي اطريه
-

مع اشراقة يوم جديد على بطلتنا لحن بعد ماتوضت وصلت فرضها دخلت المطبخ تجهز العجينه لمح ظلها عناد ودخل عندها ضمها بس هي ماحست عليه من دخل وخافت
لحن: بسم الله خوفتني متى جيت انت
ضحك عناد وابتعد عنها ؛ سمعت صوت في المطبخ وجيت كنت عارف انها أنتِ في المطبخ مسكها من يدها تعالي معي شوفي وش جبت لك معي وبعد عندي لك عيديه
لحن: الله حمستني اعرفها وش جبت لي بسرعه تحمست
ضحك عناد: اتركي اللي بيدينك وتعالي
تركتهم لحن بعد ماخلصت شغلها ؛ مسكها من كتفها وهو حاضنها من كتوفها وطلعوا من المطبخ اخذها للصاله لان الكل متجمعين هناك صبحوا على الكل وبعدت لحن من حضن عناد وقالت : يلا علمني وش جبت لي بسرعه تحمست
ضحك عليها وقال: ماعندك صبر
لحن :لا ماعندي صبر بسرعه شنو جبت لي
عناد مسك سبابتها ودار فيها ويغني
الله اللي خلق حسنه بالوصوف الجنوبيه
طاغي الزين ويل امه تل قلبي بتأمينه
يا لحنٍ خذت قلبي جعل يفداش مافيه
والعمر والعمره كله فدوتش يا مضانينه
ترك يدها وكمل باقي الكلمات ويهز بكتوفه وهي تصفق وتعزز له وتغني معه
اسهر الليل لك كله ارسم احلام وهميه
الهوى بحر يلعب بي والصبر فيك شارينه
ارحم اللي من فراقك يالقضي صابته كيه
والمغني علم دانه مالقى فرحه سنينه

-
-
وهم لسى يرقصون جته خداديه الكنب بوجهه من ابوه ؛
ابو عناد بعصبيه شوي :ماقدرت تسكت لين بكره اخر يوم برمضان وتغني اختم يومك بذكر الله مو تغني الناس الطبيعيه تذكر ربي وتستغفر ربي الصبح مو تغني وترقص والخبله اللي معك تعزز لك بعد من صبح الله مزعجينا باصواتكم القشرة تقل صوت ديك مخنوق
ضحك الكل عليهم؛ واردفت لحن: افا يبه انا خبله ماهقيتها منك توقعتها من اسيا بس انت لا زعلتني عليك
ام عناد :تعالي تعالي ما ارضى زعلك وعشانك بخلي ابوك بينام فالصاله عقاب له
ابو عناد: افا يارهيفه قلبي ؛ ما تسوينها قلبك مايطاوعك
عناد: الغاليه اكرشتك يبه على اخر عمرك يبه تنام بالصاله ولا يهمك غرفتي لك من الحين علمتك وضحك
ابو عناد: شفتي صرت مضحكه عند اللي يسوى واللي مايسوى
ركضت لحن وارتمت بحضنها
لحن: يبه امي تمزح معك مستحيل تخليك تنام بعيد عنها صح يمه
ام عناد: يازين يمه من فمك اي يمه صح كلامك
عناد: خير يمه تراني اغار ؛ سحب لحن من حضن امه وقال بنتي لي لحد يحتك
ابو عناد: شفتي باعنا الخسيس بسرعه
ام عناد: اي والله باعنا واخذ بنتنا بعد شف الي مايستحي
ضحك عناد وضم لحن : وش اسوي يمه احبها؛ وهمس للحن شوفي الكيس الي على الطاوله يخصك روحي شوفيه
لحن بعدت من حضنه وراحت تاخذ الكيس واردفت؛ وش جواته
عناد: شوفيه بنفسك
لحن: الله فستاني جبته
عناد : اي كلمتني المصممة وجبته البارح بس ماسمحت لي الفرصه اعطيك وقتها
لحن: الله شكراً عنادي كنت شايله هم انه مابيوصلني قبل العيد لانها قالت لي بيطول
عناد: لا تشيلين هم وعندك عنادك
لحن :والله انك كفو بس تراني مانسيت كلامك وش هي عيديتي ؟ وطالعت بجدها ؛ وانت بعد يبه ابغى عيديه
ابو عناد:ابشري بس حلاتها صباح العيد
عناد : عيديتي بجوالك روحي شوفيه بسرعه وارجعي
ركضت لحن تجيب جوالها من غرفتها شافت حواله مبلغ هديه من عناد ومرسل لها وش رايك بعيديتي 😉
صاحت لحن رجعت عنده تضمه وتصيح ؛ ياخي انت مافي مثلك اثنين وجودك بحياتي اجمل هديه واجمل عيديه
بعدها عناد عن حضنه :امسحي دموعك يابنت عناد ووطنه والله دامني حي ان دمعتك ماتنزل تفهمين
لحن ببتسامه : ابشر
آسيا: وش مهديك
لحن : خمني وش الهديه
آسيا : فل... ماكملت كلامها بسبب غيم
غيم صرخت : بنات بكره العيد ؟
آسيا: توك تصحين اي بكره العيد وبعدين ليه تصيحين عند اذني يالدبا
غيم: ادري بكره العيد بس ابغى اخرشك تسكتين الحين بتتكلمن مابتسكتين
آسيا كشت على غيم وقالت : عمي وانا بعد وين عيديتي ولا بس لحنك تعطيها عيديه واي ابغى عيديتي فلوس عطني ولا بفشلك ترا صباح العيد وبدخل مجلس الرجال وبصيح بقول عمي ماعطاني عيديه
ضحكوا الكل من صدمته
عناد :والله تسوينها خذي نفس طيب مسكتي خط يالملسونه وماوقفتي تنفسي
لحن : تراها بايعتها تسويها
عناد: اذا سويتيها ياويلك باخذ حبل واربطه برجلينك واربطه بالشاص واخلي كل اللي بالديره يشوفون الغبار من وراك تفهمين
ضحكت لحن وقالت: الله وناسه فعاليه تكفى عنادي خلنا نشوف شوشتها طايره وكلها تراب
آسيا خافت : قلبك مايطاوعك تسوي كذا ببنت اخوك بعدين انا كنت امزح معك مستحيل اسويها
ام عناد: ياخوافه بسرعه تراجعتي عن تهديدك هههههه
آسيا: والله يمه باقي ابغى شعري وبعدين فارس احلامي بيغار على شعري
عناد انهار ضحك : وينه وينه يجي بسرعه ياخذك نفتك منك
حازم: ماظنتي بيجي قبل يدق الباب يسمع صيحتها يهج بسرعه
تيم: امه داعيه عليه صدقيني
ابو تيم: شف شف اللي ماتستحي على وجهها بنت استحي على وجهك وش الكلام اللي تقولينه وش فارس احلامه ؛ بعدها ناظر ابوه وقال يبه بنوافق على رشيد رد لهم خبر وقول لهم اسيا تقول رشيد فارس احلامي انا موافقه اخذه
ضحكوا الكل على ملامح وجهها الي تغيرت
آسيا: امزح يالغالي اشفيك صرت ماتتقبل المزح وبعدين مالقيت الا رشيد لو كان اخر الرجال ما خذيته المروح
لحن تمسح دمعتها الوهميه : اف اسيا اذا تزوجتي بشتاق لش بالحيل وقولي لفارس احلامك لا نشوفك الا كل عيد فطر والاضحى مايحتاج جيتينا في الفطر
غيم ميته ضحك على اختها اللي ماتقدر تمسك لسانها
غيم: لحونه نسيتي لا تضيفين ساعه بس وقت الزياره
آسيا ضربت غيم على كتفها واشرت للحن وقالت: عناد سكت بنتك لا اقوم اتوطى ببطنها وتراني مانسيت ابغى عيديه
عناد: جربي وتلاقين عناد قدامك
آسيا: لا خلاص باقي ابغى روحي بنتك جنيه بتتوطى ببطني انا معليش باقي ابغى بطني ونسيت انك مدربها على السلاح اخاف تثور فيني ابهجد
ضحك عناد وقال: يالملسونه عيديتك بجوالك شوفيها
آسيا شافتها وقالت : فلوس أصلاً ما نحتاج فلوس الحمدلله بس تادي الغرض اللي ابيه
لحن: هي تحتاجنا
وضحكوا الكل على رد لحن
عناد : غيم أنتِ بعد ترا مانسيتك
غيم: شكراً عمي على العيديه
عناد ضرب اسيا : تعلمي الكلام المعسول حتى شكراً ماقلتيها
لحن: آسيا وش بتسوين لنا من اكلات اليوم
آسيا تغمز لها تسكت :هاهه كثير معليك بس اسيا تحت الخدمه
حازم: عز الله تسممنا وعيدنا بكره في المستشفى
ضحك الكل على اسيا
آسيا: اكرمنا بسكوتك بس وخلك في كتبك محد معبي كرشتك الا اكلي
لحن وعناد: الي نصه محروق ومافيه ملح
حازم: الله يخليلي لحني ياناس محد يهتم فيني غيرها
عناد: لا تحتك تفهم
ابو عناد : خلصتوا مناقر اجل يلا روحوا الحين ناموا شوي قبل الظهر لاني ابغاكم من بعد الظهر بالمطبخ كلكم اخر يوم برمضان وانا عازم كل رجال الديره يفطرون عندي وأنتِ يارهيفه قلبي ابغاك تشرفين عليهم وآسيا لاتقرب الطبخ بس تنظف
ام عناد: ابشر يابو عناد لا تخاف بنبيض وجهك وانا بجي معك برقد شوي وانتم يابنات ناموا لان وراكم طبخ وشغل ؛ لحني عجنتي العجينه يمه
لحن: اي يمه
ام عناد: تراني معتمده عليك بالمعجنات والحلى والسلطات مهمتك وابغاك تكثرينها ولا تنسين كريم كراميل بطريقتك ام مسفر ميته عليه
لحن: ابشري يالغاليه
آسيا: راح يجي اليوم اللي تترجوني فيه اطبخ لكم هين
لحن: عنادي كم رجال عازم ابوي
عناد: رجال الديره كلهم
لحن: ادري بس كم عدد رجال الديره
عناد: كثير غير عدد عيالهم يعني شدي حيلك ولا تكثرين الحلى اخاف اضيعك بينهم
لحن: استحيت ياخي ترهف بقلبي
آسيا: يع يع يع ياغزل الشيبان والمطفوقه عاجبها
لحن: غيرانه لان عنادي يقول لي كلام حلو وأنتِ لا
آسيا: اذا هذا غزل عنادك لك مابيه مشكورين
ابو تيم: يلا بنرجع بيتنا نريح لين الظهر
-
-
«في مكان ثاني عند ال قاهر »
الجد غالب: سيف دق على غيث وخله يرجع الحين ابيكم كلكم عندي الحين تفهم
سيف ابو غيث : ابشر يبه بدق عليه الحين ؛ مايرد ايهم دق عليه
ايهم: مارد عليك يبه تبغاه يرد علي
سيف ابو غيث: دق وانت ساكت
ايهم:ابشر بدق عليه ؛ مايرد
عند غيث في الاستراحه مع العيال فتح جواله وشاف مكالمات كثيره من اهله وخاف واكثرها من ابوه ودق عليه
غيث: الو هلا يبه ....
ابو غيث : تو الناس استاذ غيث تو حضرتك تتكرم وتفتح جوالك وينك فيه ارجع الحين جدك يبيك بسرعه
غيث: جاي جاي كنت عند العيال بالاسترا... ؛ قبل يمكل انقطع الاتصال؛ نفس كل مره ابوي يقفل بوجهي الاتصال؛
وصل غيث البيت دخل ولقاهم متجمعين كلهم
غيث: السلام عليكم ورحمة الله وبركاته
الجد غالب: وعليكم السلام تو حظرتك تشرفنا
غيث: كنت عند العيال يبه وش بغيت امرني (مقصده لابوه )
ابو سيف: بما ان حظرته شرف اسمعوني بنرجع للديره وبنستقر هانك لاني بعت القصر وبنرجع للديره وانت ياسيف واهلك بتتركون بيتكم وتعيشون معي تفهم
غيث بعصبيه : بعد كل السنين ذي تبينا نرجع ليه وبعد مافرقتني عن اخوي تبيني الحين ارجع باي وجهه اقابله علمني
ابو سيف: مابغى اسمع كلمه الكل بيرجع للديره فاهمين وكلمتي ما اثنيها
منصور ابو بداح: ودوامات يبه ومدارس العيال
الجد غالب : اعتقد ان الديره تبعد ساعه بس عن المدينه
ابو بداح: ابشر يبه بس متى نمشي
ابو سيف: الحين بنمشي كل شيء تبونه خذوه معكم
يلا كل واحد ياخذ اهله من قدامي وانت (اشر على غيث) انت اللي بتاخذني انا وجدتك تفهم
غيث بعصبيه اكثر: ماني بماخذ احد غير نغم
ابو غيث: غيث احترم جدك وصوتك ماترفعه تفهم
غيث : احترمته قبل وشفت بعينك وش كانت نتيجه احترامي له
ابو سيف: افهم من كلامك ماتبيني معك
غيث: افهم الي تبي تفهمه بكيفك ماهمني
ابو سيف: ما سامحتني للحين
غيث: ولا يمكن اسامحك على اللي سويته فيني وفي اخوي وناظر ابوه ، يبه انت الوحيد اللي تعرف بكل شيء يبه لا تحدني على الخطا والعصيان لك يبه اذا تبي تعيش مع ابوك في نفس بيته اعتذر منك باخذ امي ونغم وبنسكن ببيتنا مستحيل اتركه وهو مقابل بيت اخوي
ابو غيث: وين تبيني اروح عن زوجتي وبنتي تبي تاخذهم مني مستحيل اخليك بنرجع لبيتنا كلنا مع بعضنا مثل ماتركت بيت ابوي من قبل مستحيل ارجع اعيش انا وانتم معهم في نفس البيت
ابو غيث: يبه اعتذر منك بس مثل ماطلعت انا واهلي من القصر مستحيل ارجع اسكن معك في نفس البيت بعيش انا واهلي ببيتنا
ابو سيف: اي بيت تتكلم عنه بيتك اللي مقابل بيت ابو عناد ؟
ابو غيث: اي يبه
ابو سيف: معصي بتعيشون معي وبعيد عن بيت ابو عناد
ابو غيث: اعتذر منك يبه بس انا تركت بيتك من وقت مادمرت ولدي انا وثقت فيك وسلمت لك ولدي بيدي بس ماهقيت انك بتدمره وتحرمه من عناد وتسوي سواتك معهم مستحيل اعيد غلطي مرتين انا دمرت علاقتهم وانا برجعها حرمتني يبه من شوفه ابتسامه ولدي ومن سماع ضحكته كل يوم اشوفه يتعذب قدامي ويلوم نفسه بسبب جريمه ارتكبتها انت بحقهم يبه اذا تشوفني باقي اسمع كلامك هذا عشان ماكون عصاي ويغضب علي ربي ويحرمني بر عيالي فيني
غيث: اعتذر منك يبه بس علاقتي بعناد محد بيرجعها غيري انا ولاني اعرف عناد اكيد بيسامحني واكيد انه مشتاق مثل ما انا مشتاق له
ابو غيث: اجل حنا بنمشي بيتنا وبعد صلاة الظهر بنمشي للديره اذا انتم مشاين الحين الله يحفظكم
(بيت ابو غيث مقابل بيت ابو عناد وبيت غالب وعياله بعيد بمسافه بيتين عن بيت ابو عناد )
-
-
« بيت ابو عناد »
اذن العصر ياعناد بسرعه خلنا نلحق على الصلاه وش تنتظر
عناد: يبه روح وانا بجي وراك بس بشوف وطن عناد وش تبي اجيب لها بعد الصلاه
ابو عناد: اجل انا بروح واذا ماشفتك في المسجد لا تلوم الا نفسك وخل وطنك تنفعك
عناد: ابشر يبه مابطول
عند لحن خلصت كل الي تبيه كتبته في ورقه ركضت تعطيهم عناد كانت بتطيح بس قبل تطيح مسكها عناد وهزاها
عناد:بسم الله عليك ليه تركضين قلت لك انا بجيك لو مالحقت ومسكتك وطحتي وش بتستفيدين انا مو قايل لك لا تركضين ليه ماتسمعين الكلام
لحن : اسفه بابا لا تعصب علي
عناد: ياروح ابوك أنتِ مو معصب عليك بس خفت لو يصير لك شيء ؛ عطيني الروقه كتبتي كل اللي تبينه
هزت راسها لحنّ بايه : اي كتبتهم كلهم ولا تنسى ادوات الحلى
عناد مسح على شعرها وهو مبتسم ومسك خشمه : على خشمي ولا عاد تركضين
لحن: عليه الشحم وضحكت
طلع عناد ولحن رجعت المطبخ
-
-
« بعد الصلاه »
طلعوا ابو عناد وعياله من المسجد وانصدم من السيارات اللي يشوفها قدام بيته او بالاصح قدام بيت سيف او غيث وقف مكانه مصدوم وش رجعهم بعد ثمانية سنوات ابو عناد تذكر كل الماضي وكانه اليوم وخانته دمعه نزلت من عينه صديقه يغدر فيه عشان شيء تافهه
الكل تحت صدمه من وجود غالب ليه جاء بعد غياب ثمانية سنوات
عناد ناظر ابوه اللي خارت قواه وتمسك بكتف عناد يستند عليه
عناد : بسم الله عليك يبه وش فيك
ابو عناد: مافيني شيء يابوك بس انخفض ضغطي شوي بس
عناد: بسم الله عليك جعله فيني يبه خلنا ندخل اقيس لك ضغطك
-
حازم يناظره وساكت تذكر اللي صار قبل طلوع غالب من الديره والظلم اللي تعرض له من غالب مانسى اللي صار ولا قدر ينساه وخايف من رجعة غالب بعد غياب سنين وش اللي رجعك يا غالب رجعتك ماتبشر بخير ابد
تقدم ابو سيف من ابو عناد وقال : السلام لله ياحازم ولا شوفتي ماسرتك
ابو عناد مارد السلام تجاهل غالب ودخل بيته وعناد ماسكه لا يطيح
عناد  ماشاف سياره غيث وتوقع انه مابيرجع وبيجلس بالمدينه
هو صح مشتاق له ولو يشوفه بيكسر كبريائه ويضمه بس هيهات عناد مستحيل يتخلى عن كبريائه ويبادر حتى ولو كان مشتاق
عناد : تيم جيب لي جهاز الضغط  بسرعه
ركض تيم يجيبه وقابل لحن : لحن وين جهاز الضغط بسرعه
رهيفه سمعته وخافت : وش فيه حازم صار لحازم شيء
تيم : بس انخفض ضغطه شوي بس
ركضت لحن تجيبه وطلعت والجهاز معاها خايفه على ابوها ورهيفه وراها شافتهم جالسين بالجلسة الخارجيه وملتمين على ابو عناد
لحن : عناد وخر انا بشوف ضغطه
عناد بعد شوي وهي قاست له ضغطه منخفض شوي
رهيفه: وش جاك يابو عناد مو من عوايدك ينخفض ضغطك
ابو عناد: بعدين يا رهيفه القلب بعلمك باللي صار
لحن ضمته ونزلت دموعها : شفت قلت لك لا تتعب نفسك ليه ماتسمع كلامي
ابتسم  ابو عناد بتعب : يا بنت القلب لا تخافين انا ابو لحن صح
ابتسمت : صح ؛ ارتاح الحين يبه قبل يجون ضيوفك
عناد: الله يبه انا احسدك جميلتين خافين عليك وانا لي الله
لحن ضحكت من غيرته وراحت ضمته : يوه يازين اللي يغار
عناد: توك تحسين
ضحكت لحن على دق الباب فتح تيم وطلعت بوجهه اسيا
تيم: يمه بسم الله الرحمن الرحيم من وين طلعتي أنتِ
آسيا: من بيتنا يعني من وين وخر وينها ال***** ادق عليها ماترد على جوالي
لحن: الناس تسلم اول
ابو عناد: اهخ ياراسي سكتوها تكفون
عناد: يلا قدامي على مجلس الرجال بخريه الحين بيجون الرجال
لحن: لا تخاف عنادي رتبته وبخرته قبل تجون
عناد باس يدينها : تسلمين ياوطن عناد كنت واثق فيك ولا بعض الناس نايمين من الصباح وتوهم يفكرون يجون
آسيا: ياخي احبك ياشيخه رحمتيني منه يلا وش تبين اساعدك فيه وانت انقلع من قدامي
ام عناد: يلا يابنات نرجع للمطبخ نشتغل قبل يجون الرجال  وانت ياعناد انتبه لابوك
عناد: ابشري يالغاليه
-
-
5:00 م
كل رجال الديره لبو عزيمه ابو عناد
دخل غالب وعياله واحفاده ابو عناد انصدم لانه ماعزمهم واستحى من الرجال لا يطردهم ويقولن ابو عناد طرد ضيوفه سكت ورحب فيهم
عناد ما شاف غيث معهم وهمس توقعك بمحله ياعناد وش يجيبه بعد غياب 8 سنوات ووش سبب غيابه وليه تركني وابتعد عن الديره
عناد همس لابوه : يبه انا بروح اشوف لحن وبجيك
ابو عناد: لا تطول
عناد : ابشر
-