أنت العوض لا صارت حظوظي شحاح وأنت الهنا ياغايتي والغنايم

Part 15

ياليت من يطري على البال ينشاف
وياليت من نبغيه دايم نشوفه
.
.
<< الصباح >>
صحت لحن وشافت نفسها نايمه على صدر غيث شهقت بخوف ورجعت لرواها وطاحت على الارض نست انها نامت بحضنه البارح بسبب خوفها صحى غيث من صوت طيحتها وقفت بسرعه غيث جلس وشعره كان مبعثر : وش فيك
لحن : خير تنام معي
غيث : استغفرالله بس مسويه كل الحوسه ذي عشان نمت معك تراك أنتِ جيتيني ترجفين خايفه وتقولين تكفى غيث بنام بحضنك ماقدر اتحمل بدونك
شهقت لحن : تعقب وانا بنت ابوي اقول كذا
ضحك غيث: طيب الكنبه ملكي أنتِ وش جابك عندي
لحن تذكرت وغطت وجهها بيدينها صار وجهها احمر ضحك غيث على حركتها وهربت للحمام ( يكرم القاريء) تروشت ولبست بنطلون اسود وبدي بني ماسك على جسمها وطلعت وقفها غيث قبل تطلع
غيث : هيه على وين ان شاءالله
لحن: وش عندك بطلع لامي وابوي
غيث: ولبسك وش لابسه بتذبحيني
لحن: وش فيه لبسي عادي
غيث : بتروحين تبدلينه الحين وقدامي
لحن: وش دخلك بفهم الحين وش فيه لبسي
قرب غيث وسحبها لحضنه ارتمت بحضنه وحاوط خصرها بكفينه وشد على خصرها طلعت من ثغرها اها بوجع
غيث: وش ذا علميني بتغيرينه انا اللي يحق لي بس اشوفك كذا تفهمين
لحن : مستحيل اغير طريقه لبسي عشان حضرتك انا متعوده طيب وخر وجعتني ومين انت عشان اغير لبسي عشانك
غيث قهرته بكلامها : انا زوجك وكلمتي بتمشي تسمعين وبتنفذين كلامي وكلمتي ماتنعاد تفهمين مو غيث اللي يعيد كلامه او تنكسر كلمته
لحن توجعت من شد اكثر على خصرها : متى بتطلقني اعتقد الكوبرا مات وعناد اللي مسكه مب انت
غيث : بعد اسبوعين ورقه طلاقك بتوصلك والحين بدلي ملابسك او البسي تيشيرت
لحن : وخر عني طيب ابعد لا تقرب مني
غيث تركها وطلع من الغرفه
لحن لبست قميص بني وخلته مفتوح ماقفلت الازرار وطلعت لحن تحب العناد ومستحيل تبدل ملابسها عشانه وطلعت
بالدرج لحن همست : بتشوف ياغيث انا بكسر كلمتك
وهي نازله تغني وتتغزل بعناد : ما اعشقك ياعنادي بالسّر انا احبك جهر واعيش بك مرتاحه ما ادور سواك تشكي ظما وانته على جال النهر ادنو واشرب يالغلا واطفي ظماك ؛ ( كاتبتكم بتزعجكم بالدرج والغنى لانها وحده من صفاتها وماتروق الا من تنزل من الدرج تغني ) وصلت عند عناد وضمته وباست خده وتضحك وعناد من شافها وقف وضرب لها التحيه ويغني لها :حبيبتي بس يكفيني ماعاد اتحمل الاوجاع غيابك ضيق خاطري وضاقت كل ابو اضلاعي
لحن : اف اف من مزعل الحلو
عناد بزعل : بنته اللي مزعلته
لحن : وش زعلتك فيه وابشر بالرضى
عناد : اجل انتظرك طول الصباح وتوك تشرفين حتى فطور مافطرت وانتِ بعيده عني
لحن ضحكت : افا وش نرضيك به وترا تاخرت كم دقيقه الحين الساعه ياحبيبي 6:30 حتى الديك صاح شوي ورقد والفطور علي اليوم يعني مافيه فطور حتى انا انزل من غرفتي واسوي لك الذ فطور تذوقه بحياتك
ضحك عناد : ياخي انا مستحيل ازعل منك شوفتك ترضيني بسرعه
لحن : جمالك اف جمالك فارق في زمانك وقلبي بس يشوفه يفز من مكانه ؛ حاوطت رقبته بيدينها ؛ اويلي من تمر يمرمني حلاتك وقلبي من تمر وذابحني في غلاك
غيث حس بالغيره وانقهر لانها كسرت كلمته ومابدلت البدي ونغم مبتسمه من حلاتهم رغم تعبها قدرت لحن تنسيها شوي من التعب
عناد شالها ودار فيها وهي تضحك وتصيح نزلها وكانت دايخه : ادري الله يطولي بعمرك ياقلب عناد
دخلت ام عناد : ياويلي باقي ماجهزتي الفطور
لحن : الحين بيجيك اجمل والذ فطور
ام عناد : اقول بلا هدره زايده وروحي جيبي الفطور جهزته من قبل
لحن : ليه يمه انا قلت بسوي الفطور
ام عناد : ماقمتي وش اسوي لك اذا أنتِ نايمه بالعسل وناسيه الفطور
لحن : وش عسله يمه نايمه على سرير ليته عسل بس اخاف اموت لاني نحله والنحله بس تجيب العسل ماتنام عليه
عناد قرص خدها : انا النحله زنانه تس تس تس شو اموره وحنانه تس تس تس
لحن : تس تس الله يهديه للحيه يابعدي مو للنحله
ام عناد : اقول بلا تستسه من الصبح واذلفي جيبي الفطور
لحن : تمونين يالغاليه ليه معصبه علي
عناد : امي زعلانه عشان ابوي طلع من بدري راح يفطر عند الثانيه
لحن : افا لكذا مامي معصبه
نغم : يعني عمي ماخذ الثانيه
ضحكوا لحن وعناد وقالت لحن : لا ياقلبي مو متزوج الا القمر رهيفه قلبه
نغم : خوفتوني وش قصدكم بالثانيه
لحن : ابو مسفر
ام عناد خذت الخيزرانه وجلدت لحن وعناد : انا اوريكم ياقليلين الادب كم مره اقول لكم عيب تقولون للرجال كذا ماتستحون
لحن مسكت مكان الضربه وتوجعت : عوينه لمن مثلي هله يخبطونه
عناد بعد ماسك كتفه متوجع : يخبطونه بعود القضب لين يخمدونه
دخل ابو عناد : خير وش فيكم من صباح ربي مزعجين رهيفتي وش مسوين من مصيبه بعد اليوم
لحن : وش فيكم علينا ترا حنا مساكين
ابو عناد : الا شياطين وش مسوين
ام عناد : يقولون لابو مسفر الثانيه
ابو عناد : وش يقصدون
ام عناد : انه زوجتك الثانيه
ابو عناد سحب عقاله : ياقليلين الادب تقولون عن الرجال كذا
لحن : يبه امي كانت زعلانه لانك مابتذوق فطورها
ابو عناد : والله اعقب اترك الفطور الزين واروح افطر عند ابو مسفر اعتذرت منه وجيت
لحن ركضت عنده تحب راسه : ابد هذا حبه راس قبل الجلده
عناد ضم امه وضحك : يمه لا تزعلين علينا
ضحكت ام عناد : انا مقدر ازعل عليكم يمي انتم ضحكه صباحي لا ابتدا بشوفتكم وضحككم
وقف غيث بيطلع من البيت حتى الفطور مايبيه
ام عناد : يمه غيث وين رايح
غيث : يمه عندي شغل مقدر اتاخر
ام عناد: اقعد افطر بالاول بعدين تيسر لشغلك
لحن : يمه اتركيه بكفيه وش عليك منه
ام عناد : بنت استحي وش ذا الكلام ترضين زوجك يطلع من البيت ما ذاق الفطور
لحن : يمه بكيفه يبي يفطر ولا لا ماهمني الصراحه
ام عناد : وش بينكم حتى تقولين عن زوجك كذا
غيث : يمه مافيه شيء بينا بس صدق مستعجل ولازم اطلع
ابو عناد بعصبيه : يالحن روحي جهزي الفطور لزوجك بيطلع لدوامه مادخل بطنه شيء
لحن : بس يبه هو مايبي
ابو عناد ولاول مره يرفع صوته عليها او يعصب عليها : للللللحححننننن اسمعي الكلام وانقلعي جيبي لزوجك فطور ؛ وانت ماراح تطلع الا من تفطر تفهم
غيث : ابشر
لحن بخوف وغصه بحلقها بتبكي اول مره ابوها يرفع صوته عليها وعشان مين عشان غيث ناظرته ومسكت دموعها لا تنزل : ابشر بروح اجيب الفطور الحين
ابو عناد : استعجلي
دخلت ونزلت دموعها وجهزت الفطور مسحت دموعها وغسلت وجهها عشان مايشوفون دموعها بس كيف بتخفي عيونها اللي تغير لونها للاحمر وبرز عسليتها مع بياض عيونها
-
<< بالصاله >>
جلس ابو عناد يستغفر ويلوم نفسه لانه رفع صوته عليها
عناد بعتاب : ليه يبه تزعلها عشانه
ابو عناد : لازم تحترم زوجها ياعناد
عناد : يبه بس مب كذا
ابو عناد : بس اسكت انت الثاني مالي خلقك انت مخليها تتمرد بزياده على زوجها
ام عناد : الحين تلاقيها تصيح ياحازم اذا جت طيب بخاطرها
ابو عناد : ماكان قصدي الصراحه ارفع صوتي عليها
وقفت نغم بتروح تساعدها وخافت من عصبيه ابو عناد دخلت وشافتها تحط الفطور بصينيه كبيره وتمسح دموعها قربت صوبها ومسكت يدها توقفها وتلفها صوبها وتضمها
عناد وقف بيروح للمطبخ وشاف نغم ضامتها تهديها وسمع كلامها لها
نغم : عمي ماكان يقصد لا تزعلين
لحن تمسح دموها : بس اول مره يرفع صوته علي ويعصب علي
نغم : خلاص ياقلبي عشاني امسحي دموعك ما اتحمل اشوفك كذا يوجعني قلبي
لحن : اجلسي ليه واقفه بطنك يوجعك
نغم : عادي اتحمل لعيونك الوجع
ابتسمت لحن : اجلسي تو البارح جتك دودو ليه تتعبين نفسك اكثر
نغم : صرت احسن الحين من سويتي لي مشروب ساخن صرت طيبه تسلمين
لحن خذت الصينيه ومسكتها نغم بتشيلها
لحن : انقلعي بطنك بيوجعك وانا حلفت ماتسوين شي حتى تطيبين
نغم : بساعدك حتى أنتِ بطنك بيوجعك
دخل عناد مبتسم وسحب الصينيه منهم ثنتينهم : وخرو ثنتينكم انا بشيلها ماراح اخلي أميراتي يتعبون نفسهم
لحن : لا تحتك نغم لي
عناد : زوجتي خير تاخذينها مني بعد
لحن : زوجتك حقتي وخر
نغم منحرجه وتضحك ولحن مسكت يدها وضحكت ابتسم عناد من سمع ضحكتها : اضحكي دايم يابنت عناد لايق عليك الضحك اكثر
طلعوا وحط الصينيه على السفره صحيح عندهم غرفه خاصه للاكل بس ابو عناد من صغره متعود على جلسه الارض مستحيل يغير عادته مايحب الطاوله الطعام
وهم يفطرون غيث يناظرها ماشال نظره عنها وتاه ببحر عيونها وجمالها وزاد جمال عيونها بروز عروقها وحمارها من البكى وهي حست عليه من نظراته وانحرجت تكره اذا احد ضل يناظرها
عناد : عينك لتحت لا افقعها لك
وقف غيث : تسلمين ياخاله على الفطور الزين
ام عناد : وين يمه ماكليت زين
غيث : ابد خاله شبعت يعلها سفره دايمه
لحن تناظره بنظره كره اكلت تهزيئه عشان حضرته وفي الاخير اكل كم لقمه وقام
غيث قبل يطلع التفت صوبهم وقال : ماعاد تشوفوني لمده اسبوعين وورقه طلاق لحن تجي معي اذا جيت وطلع
الكل مصدوم ماعدا لحن
ابو عناد : وش يقصد يالحن
لحن : مثل ماسمعت يبه هو وعدني اذا مسك الكوبرا بيطلقني
ام عناد : انهبلتي وش طلاقه
لحن وقفت بتطلع غرفتها : أسألوه هو ليه تسالوني انا هو وعدني وبيوفي بوعده
ابو عناد : تبوني اموت وترتاحون مني انتم وش قصتكم
ام عناد : بسم الله عليك بعد عمر طويل
نغم حست بمشاعر اخوها وانه مايبي يطلق وكيف علاقته بلحن غيرته حيل وخلتها تشوف غيث ثاني مع لحن
عناد وقف وراح وراها لغرفتها
ام عناد ماسكه راسها : يمه نغم دقي على غيث وخليه يجيني بعد مايخلص شغله ولي معه تفاهم من يرجع
نغم : ابشري يمه بدق عليه وكلميه
-
<< بغرفة لحن>>
عناد : الكلام اللي قاله صحيح
لحن : اي صحيح
عناد : أنتِ طلبتي الطلاق
لحن : اي ارتحت الحين
عناد : طيب ليه أنتِ معصبه الحين
لحن بصراخ : مو معصبه اطلع واتركني لحالي
عناد تقدم وضمها : ماني بطالع وبتعلميني باللي صار
لحن من ضمها بكت بكت قهر وحزن وخوف وخذلان بكت شوق وحب وخسران بكت من مستقبل مجهول بدون غيث وش بتسوي اذا طلقها
عناد : بسم الله عليك وش مسوي فيك والله لا اهد له فكه
لحن : مابغى اخسره ياعناد احس اني تعلقت فيه بس ماني قادره افهمه مشاعري متناقضه معه قلبي يقول انه اعجب فيه ويمكن حبه وتعلق فيه بس عقلي يقول اتركيه هو مايبيك هو يحبها ويبيها تعبت ياعناد من كثر التفكير تعبت اخاف انه يطلع كذاب وباقي يبيها طيب ليه يتزوجني اذا هو يحبها ويبيها وش ذنبي انا اذا علاقته الاولى عائق بحياته وماقدر ينساها
عناد : وضحي لي وش تقصدين بكلامك
لحن : لمن خطفني الكوبرا علمني بحب غيث لبنته سما ومن صغرهم وعدوا بعض يتزوجون وحتى اختاروا اسماء عيالهم وان غيث تزوجني بيحميني منه وبيتركني بعدين طيب وش ذنب قلبي اللي حبه باهتمامه وكلامه لي
< وقت خطف لحن >
الكوبرا: اصحي على نفسك تراك بنت حازم ليه تذلين نفسك بعلاقتك مع غيث تراه مو لك غيث يحب بنتي سما وانا فرقت بينهم وزوجتها بولد عمها غصباً عنهم لو كنت عارف ان الجمال ذا كله بيروح لغيث كان ماجبرتها تتزوج ولد عمها وزوجتها غيث عشان اقدر احصل عليك
لحن : وش تقصد بكلامك
الكوبرا : غيث منتظر الساعه اللي يمسكني فيها ويطلقك ويرجع لحبيبته لانه عارف انها تطلقت من زوجها غيث باقي يحبها صدقيني
لحن : وش الدليل على صحه كلامك
الكوبرا : غيث للحين يراسلها
لحن : الدليل
الكوبرا طلع جوال بنته من جيبه : شوفي هذي محادثات غيث قبل يومين
لحن تقراء المحادثات وكلها اشتياق ووعود كاذبه : وش يثبت لي انه رقم غيث
الكوبرا ابتسم ودق على الرقم : اسمعي اذا هذا صوت زوجك ولا لا
غيث : الو الو
لحن انصدمت ومع ذالك مانزلت منها دمعه ولا فكرت تذل نفسها قدام الكوبرا
لحن : طيب وش تبي فيني
الكوبرا مصدوم يفكر انها بتنهار وتبكي من تعرف بخيانه غيث المحدثات قديمه سما محتفضه فيهم وهو استغلها لصالحه بس يلعب على مين لحن ماهمها غيث بكبره تهتم بمحادثات قديمه والكوبرا من غبائه مافكر يخفي التواريخ شافتهم لحن بس مثلت انها ماشافت التواريخ
الكوبرا: اشوفك ما تاثرتي
لحن : وليش اتاثر لانه مايهمني اصلاً
الكوبرا: طلعتي قويه يابنت حازم ولا عناد
لحن ابتسمت : اللي تبي انا بنتهم اثنينهم
الكوبرا : تزوجيني وصدقيني راح اعيشك بسعاده
ضحكت لحن : من جدك انت كبر جدي تبيني اتزوجك تخسي وتعقب
الكوبرا: كل هالجمال ينترك لغيث
<نرجع لعناد ولحن >
عناد : صدقتيه ؟
لحن : لا لان كلامه كله كذب بس غيث صدمني من رد عليها بسرعه ياعناد لا نلعب على بعضنا ادري انه باقي يحبها مستحيل ينساها الحب الاول صعب نسيان راعيه ياعناد
عناد : صدقيني غيث من خبرته انها تلعب على قلبه وانها ماتحبه بس تبي تستغله وهو دعس على قلبه وطلعها من اعماق قلبه يالحن أنتِ حبيتيه لا تتركينه يروح من يدينك ترا غيث ماينترك تنازلي وارفضي الطلاق اذا تركتيه بيتعب يالحن انا من شفت ابتساماته اللي فقدتها وسمعت صوت ضحكته اللي اشتقت لها ايقنت انك أنتِ الوحيده اللي قدرتي تطلعينه من حزنه لا تخلينه يرجع يموت وهو حي يالحن يالحن لا تسمعين مني كوني ابوك لا المره ذي انا طالبك دامني خويه واعرفه من الطفوله يالحن غيث غير عنهم كلهم غيث اذا حب احد وانكسر منه صعب عليه يرجع لنفس الشخص تراه عزيز نفس وعزه نفسه تغلبه ومستحيل يتبع المقفي لا راح دايم يقول لي ياعناد انا مستحيل ارجع احب مره ثانيه انا انكسرت وانطعنت مره مستحيل ارجع اعيد غلطي واحب مره ثاني بس شوفت عينك رجع حب وحبك أنتِ انا من اشوف تامله لك ولمعه عيونه كيف مبتسمه من يتاملك استانس غيث يستاهل يذوق الفرح بحياته ولو شوي يالحن
لحن : بس ياعناد هو يبي يطلقني
عناد : صدقيني انه مايبي يطلقك هو حبك يالحن قدرتي ترجعين الحياه اللي خسرها لاتهدمينها بيدينك وتندمين بعدين انا طالبك بكوني الحين خويه اللي يكلمك مب ابوك انا طالبك لا تكسرينه مثلهم
لحن بكت اكثر من كلام عناد ونغم سمعت كل كلام عناد وايقنت قد ايش غيث مهم بحياه عناد وكيف يخاف يخسره مره ثاني بعد مارجع له مستحيل يخسره
-
< بسيارة غيث >
طلع بكت دخان من الدرج وضل يدخن ويتخيل حياته من دونها وشلون بيطاوع قلبه ينساها الحين بعد ماتعلق فيها
غيث : علقتي قلبي بحبك والحين تبين تتركينه وشلون بينساك لكن اقسم لك اني ماراح اتركك
ضرب راسه اكثر من مره بالدركسون ووقف من سمع صوت جواله طلعه من جيبه وشافها نغم : هلا نغم وش بغيتي
ام عناد : انا امك بغيتك انت
غيث : خالتي هلا وش بغيتي
ام عناد : اصلي العصر الاقيك محضر عندي ومتى صرت خالتك انا امك وش فيك صاير تقول خالتي وين يمه منك
غيث ابتسم : بس يمه مقدر اخلص شغلي العصر مطول لليل
ام عناد : مب شغلي تفهم
غيث : طيب يايمه بجي بالليل
ام عناد : المهم الاقيك عندي تفهم والله ياغيث انام وانت مب موجود ياويلك مني واني لا ازعل منك
غيث : ابشري الا زعلك قبل 11 انا راح اكون موجود
ام عناد : المهم تجي وتنام عندي ولي تفاهم معكم اثنينكم
غيث : ابشري
-
طلع عناد من عند لحن بعد مانامت وراح عندهم
ابو عناد : وينها
عناد : نامت
ام عناد : الله يهديهم ويصلح حالهم
ابو عناد : امين
عناد : انا بروح غرفتي برتاح
ام عناد : بحفظه يمه
دخل غرفته وشاف نغم لامه ركبها لصدرها وتبكي متوجعه من الم بطنها ومقهوره على اخوها ولحن ماتبيهم يتطلقون
عناد خاف من منظرها وكيف ضامه ركبها لصدرها وماسكه بطنها وتذكر كلام لحن بالمطبخ وركض عندها خايف وسند ظهرها على السرير وجلس قربها سحبها لحضنه
عناد : بسم الله عليك تبين نروح المستشفى
نغم ماترددت انها تضمه اكثر وتدفن وجهها بصدره وهزت راسها بالرفض : شوي وبيروح الالم لا تخاف
عناد يلعب بشعرها ويحصنها ويسمي عليها
نغم بعدت وجهها من صدره وناظرت عيونه : بتتوقع يتطلقون
عناد يمسح دموعها : لا انا ماراح اخليه يطلقها
ابتسمت نغم : سمعت كل كلامك للحن وفرحت عشان اخوي عنده خوي مثلك خوي يحبه حيل
عناد ابتسم : غيث كل حياتي يانغم وانا بضحي عشانه لو يبي قلبي يفداه هو ضحى عشاني واللي اسويه قليل بحقه وباللي سواه عشاني
نغم : من متى تعرفون بعض
عناد : ترا انا وغيث مواليد نفس اليوم والسنه وقتها تقول امي ان خالتي حوراء كانت صغيره من جابت عيالها
نغم : اما كم عمرها تتوقع وقتها فاتني السؤال ذا عطيتني سؤال اسال امي فيه
ضحك عناد : شكلك كنتي مزعجه خالتي وعمي بأسئلتك
ضحكت نغم وحست بالوجع راح ونامت عناد تاملها وغفى وهو يتاملها وضامها لصدره اكثر
-
<< بالليل >>
نامت ام عناد بالصاله وهي كانت منتظره جيه غيث صارت 12:10 وماجاء
طلعت لحن وشافتها بالصاله نايمه وهي جالسه ناظرت للساعه شافتها 12:10 ص واستغربت وش منيم امها هنا تجاهلت وتوجهت صوب المطبخ سوت لها قهوة وطلعت للحديقه كان فيه هواء بارد جلست على المرجيحه وتتامل الورد تخيلت طيف غيث يمر من قدامها ابتسمت وبكت بنفس الوقت لانه بعد اسبوعين طلاقهم وفكرت بكلام عناد وتذكرت شيله تحب تسمعها كثير غنت جاهله عن الشخص الوقف وراها يتاملها من شافها تطلع من البيت رايحه للحديقه وقف ولحقها بدون ماتحس عليه ووقف يتاملها ويسمع غناها :
ترا طيفك معي خانك وبغيابك يصبرني
يزفك لي بلا موعد بدون شعور اهلي بك
يداعبني يجي يمي وبانفاسك يعطرني
واشدك لي وانا خايفه بان الناس تدري بك
معك خنتك وانا اسفه واظن انك بتعذرني
متى يازين بأمواجك بتتجرا وتغمرني
ابي اغرق باحضانك وبتركني بترتيبك
وطيفك حتى لو خانك يجي دايم يبشرني يقول انك ولو ابطيت اكيد الشوق بيجيبك ياغيث وبكت
غيث تامل كلماتها ودعس على عزه نفسه وقرب صوبها جلس قربها على المرجيحه ضمها لحضنه
لحن شهقت بخوف : انت مين
غيث : هش انا غيث
لحن بكت اكثر وغيث ضمها يهديها ويمسح دموعها
غيث : ليه البكى
لحن : ليه تاخرت
غيث : خايفه علي
لحن شمت ريحه الدخان من ثوبه : تدخن !
غيث سكت نسى يروح لبيته يبدل ثيابه ويتروش يبعد عنه ريحه الدخان محد يعرف انه يدخن ومايبيهم يعرفون
لحن : ريحتك حلوه
غيث : عجبتك
لحن هزت راسها وحاوطت رقبته بيدينها : اي
غيث ابتسم وحب يحرجها : تعرفين وين راح عطري دورته بالغرفه مالقيته
لحن خافت انه يكشفها ويعرف انها خذت عطره وخبته وارتبكت : لا ماشفته
غيث قرب يشم ريحتها : بس اشم ريحته فيه
لحن منحرجه : لا مو معي
غيث ضحك لانها تكذب وشم ريحه عطره منها من جاء : طيب كيف جت الريحه فيك
لحن خبت وجهها برقبته : خلاص دامك كاشفني اسكت لا تحرجني
غيث : وش تبين بعطري وانا موجود
لحن : ريحته حلوه
غيث : يفداك العطر وصاحبه
لحن : صدق يصير لي
غيث : لنا اثنينا
لحن : موافقه بس ماتاخذه مني
غيث شالها بين يدينه وهي ضلت محاوطه رقبته بيدينها ودخل وهي بين يدينه طالعين غرفتهم تذكرت انها شافت امها نايمه بالصاله وهمست له يوقف
لحن : غيث وقف
غيث : وش فيك بسم الله
لحن : امي بالصاله نايمه
غيث : هاه وش ينيمها بالصاله
لحن : مدري بس وانا نازله للمطبخ شفتها نايمه
غيث تذكر : تذكرت انها مكلمتني الصباح وقالت لي لا يجي العصر الا وانت عندي ونسيت وجيت الحين
لحن : يعني هي كانت تنتظرك
غيث : ايه اثبتي لا تتحركين بدخل راسي وبشوف اذا موجوده ولا لا
لحن : الاحسن انك تتركني امشي بروحي
غيث : معصي اتركك
دخل راسه وشاف الصاله مافيها احد : غيث المكان فاضي الظاهر ماتحملت ورجعت للغرفه تنام
لحن : طيب تحرك وش تنتظر عشان تطلع
غيث آبتسم: ماتبيني اتركك صح
لحن امتنعت عن الجواب ودفنت وجهها برقبته مره ثانيه
ضحك على حركتها وطلع للغرفه فتحت لحن الباب ماتبيه يتركها
ابتسم غيث وقفل الباب برجله ولحن قفلته بالمفتاح توجه غيث وحطها على السرير وهي زحفت له مكان عشان يجي ينام قربها
ابتسم غيث : الحمدلله ولا كنت بروح للكنبه
لحن : تبيها روح لها شوفها تناظرك
غيث : لا مشكوره رقبتي توجعني منها وبعدين راح تجين عندي مره ثانيه وتترجيني ما اتركك
لحن ضربت صدره : غيث وجعاه
ضحك غيث وفتح ازارير ثوبه ماوده يغيره
لحن : الثوب بيخنقك
غيث : تبين اغيره
لحن : عشان تنام مرتاح
غيث : مالي خلق
لحن : قوم انقلع غيره
غيث : بعاند مثل عناد الصباح ليه مابدلتي ملابسك
ابتسمت لحن : عشاني
وقف غيث وفسخ ثوبه ورماه على الكنبه توجه للدولاب واخذ شورت اسود وتيشرت اسود ودخل الحمام وانتم بكرامه وتروش ولبس الشورت والتيشرت وطلع وشعره مبلل والمنشفة على كتفه توجه للسرير وسحب رجلينها يسدحها وسحب الكتاب منها وحطه على الطاوله الجانبيه وحط راسه على صدرها وهي سحبت اللحاف وغطته وخفضت درجه بروده المكيف عشان مايمرض وسحبت المنشفه اللي رماها عن كتفه ونشفت شعره ولعبت فيه حتى نام تاملته وتخيلت انه صدق بيطلقها وانها راح تشتاق له هي مفكره غيث بيطلق بس هو اعند منها قال يطلقها بس عشان تحدد مصيرها معه مايبي يتركها يبيها تتراجع عن فكره الطلاق
-
ام عناد صحت من حست باحد بالمطبخ وقفت تروح تشوف مين بالمطبخ وشافت لحن خذت قهوتها وطلعت للحديقه من الباب الثاني الموجود بالمطبخ وقفت وراها وشافت غيث من دخل ولمح لحن وراح صوبها سمعت حديثهم وكيف لحن مشتاقه لغيث وشافت غيث يضمها وتركتهم بروحهم ورجت غرفتها متطمنه عليهم وتدعي ان ربي يهديهم ويضلون لبعض
ابو عناد : وين رحتي
ام عناد : كنت انتظر غيث يجي
ابو عناد : جاء طيب
ام عناد : اي جاء ورجع لغرفته وحرمته
ابو عناد : الله يصلحهم ويهديهم نامي الحين ونتفاهم معهم بكره
-
< الصباح >
صحت لحن وغيث كان صاحي ويتاملها
غيث : صباح الخير
لحن : صباح النور
غيث : ارجعي نامي
لحن : شبعت بروح اجهز الفطور قبل امي تصحى
غيث : بجي معك
لحن : طيب قوم عشان اقدر اوقف
غيث : عطيني بوسه وبقوم
لحن : غيث بلا سخافه
غيث شد اكثر عليها وماتركها
لحن متوتره ووجهها قلب احمر بس لازم تسويها عشان يبعد وباست خده
غيث : ماحبيتها
لحن ضربته : انقلع انت قلت تبي بوسه ماحددت المكان تراني مانسيت وش سويت
غيث بخبث : وش سويت
لحن باحراج مسكت شفتها وتذكرت بوسته ودفعته وركضت للحمام وانتم بكرامه لبست بنطلون اسود وبدي ابيض وطلعت
غيث : وش قلت لك
لحن : خلاص ببدل وش فيك عصبت بسرعه
غيث : ماحب احد يشوف ممتلكاتي
لحن : تراني انسان مب جماد اصير ملك لك
غيث : كلك ملك لغيث ولد سيف
خذت تيشيرت ولبسته : رضيت
غيث ابتسم : خليك عاقله
طلعت للمطبخ وتبعها غيث جهزت الفطور وغيث واقف وساند كتفه على الباب
غيث : يخرب بيت عدوك الريحه تجنن
ضحكت : وش رايك
غيث : استعجلي من البارح ماكليت شيء
لحن : لا تلعب علي
غيث : والله اخر شيء كليته ومن دون نفس بعد فطور خالتي الصباح
لحن : ماطلبت من مطعم !
غيث : لا
لحن : طيب وبالليل بعد جيت وانت مو ماكل شيء !؟
غيث : ايه
لحن بصدمه : كيف متغذي اذا انت ما تاكل زين
غيث : زوجتي ماتطبخ لي
لحن : تعال ذوق الطعم وعطني رأيك
غيث حاوط بيدينه على الفرن وصارت يدينه حاجز ماتقدر لحن تتحرر منه سحب الخبز واخذ منه قطعه واخذ من البيض اللي هي مسويته يذوقه
لحن : وش رايك
غيث : مو سيء
لحن : عطني جمله مفيده ما ترضيني مو سيء
غيث : وش تبين اقول طيب
لحن : قول حلو يجننن تسلم يدينك عبر بوجههك حتى وجهك مايعبر اذا الطعم حلو او لا
غيث اخذ قطعة ثانيه من الخبز واخذ من البيض اللي سوته ودخلها بفمها يسكتها : قيمي نفسك
لحن ضربته : وش تقصد بحركتك
قرب وجهه اكثر لها : اسكتي شوي
دخل عناد وشافهم وشهق : ياقليلين الحياء ماعندكم غرفه
تخبت لحن بصدر غيث وغيث يضحك عليها مسك علبه البهارات ورمى عناد بها
غيث : خير وش جابك
عناد : شميت ريحه طبخ بنتي وجيت الاقيك مفترس بنتي والاكل بعد
غيث : وش دخلك وبعدين وش حاسه الشم القويه عندك ذي ماشاءالله
عناد هبده ودفه عن لحن : قول ماشاءالله بتعطيني عين وخر عن بنتي يادب بتاكلها
لحن طلعت من المطبخ تضحك ومعها الفطور وغيث وعناد وراها ومعهم بعض من الفطور صبحت على امها وابوها وجلست قرب غيث وعناد جلس قربها صارت وسطهم
غيث : عناد صب لي كرك
عناد : صب لنفسك
ابو عناد : عناد اسمع الكلام
لحن تبغى تشوف غيره عناد : زوجي مايحتاج عناد يصب له انا موجوده اصب له صح غيث
غيث ابتسم ويقهر عناد : دام حرم غيث موجوده وش نبي بعناد النشبه
ضحكت وعطته كاسه الكرك وابتسمت ام عناد : الله يخليكم لبعض ولا يفرقكم عن بعض يارب
غيث : امين
ابو عناد : امين
عناد : يارب مو امين
غيث : استغفر
عناد : ماني مستغفر
ضحكت لحن : تغار حتى من الهوى ياويل حالي انا بس
عناد : بنتي اكيد اغار عليك من الثور غيث
غيث : الحين وش مسوي لك فهمني
لحن قاطعتهم : يمه اليوم زواج مزنه
ام عناد : اي يمه بنروح بعد صلاة العصر خلوكم جاهزات
لحن : طيب يمه ليه الناس يتزوجون
ام عناد : عشان يجونهم عيال يمه هذي سنه الحياه ونتبع لرسولنا يمه
لحن : كيف يجون العيال طيب
ام عناد : اسالي زوجك
لحن : مايعرف أنتِ تعرفين علميني
شرقوا غيث وعناد بالكرك وابو عناد يضحك وام عناد متفشله من اسالتها نغم ماتعرف وش فيهم شرقوا وليه عمها يضحك
نغم : خاله وش فيكم ماقالت شيء غلط جاوبي حتى انا ابغى اعرف
ام عناد : خذوا زوجاتكم من قدامي لا يذبحوني بسالتهم الغبيه
ابو عناد : انهبلوا بناتي
نغم : طيب صدق ليه كل التعب ذا وزواج وحفله وذنب على الفاضي عشان يجيبون عيال بس
غيث : عشان تنكدون عليهم بسالتكم الغبيه
لحن : ياخي ابغى اعرف بس
غيث همس لها : تبين اعلمك كيف
عناد انكتم وكح وضل يكح وغيث يضرب ظهره : صحه صحه وش فيك
عناد : ماهقيت بنتي غبيه
ام عناد : قوموا انقلعوا من قدامي يلا و أنتِ ام اساله شيلي السفرة يلا
لحن : حاضر
شالت السفرة وغيث وعناد ساعدوها
غيث شافهم لحالهم ام عناد وابو عناد ونغم وعناد يساعدون لحن بالمطبخ
ابو عناد : ناوي تطلق
غيث هز راسه بالرفض : ماني مطلقها
ام عناد : زين يمه لا تطلقها انت تقدر انك تصونها وتحفظها بعيونك
غيث ابتسم : ابشري يمه ؛ باخذ اذنكم بموضوع لحن
ابو عناد : وش بغيت
غيث : مطر اجلس اسبوعين بالمدينه عشان الشغل وبغيت اخذ لحن معي بعد اذنكم
ابو عناد : هي صارت زوجتك وتقدر تتدخل بحياتها بدون اذننا
ام عناد : اي يمه هي حرمتك الحين خذها معك بس هاه لا تطولون علينا بنشتاق لكم
غيث : ابشروا
ابو عناد : متى بتروحون
غيث : باخذها بعد الزواج بمرها ونطلع للمدينه
ام عناد : الله يحفظكم يمه ويوفقكم يارب انتبه لها تكفى حطها بعيونك
غيث : آبشري
-
<بمكان ثاني بيت غالب >
ماقدر يواجه حازم من بعد موت حمد وهو مختفي ولأ تجرآ يواجه حازم وكل خططه فشلت في اقناع راشد ينتقم من عناد لابوه
<قبل كم ساعه >:
غالب : فكرت بالكلام اللي قلته لك
راشد : فكرت فيه
غالب : وش قلت
راشد: انا ماني موافق انظم لمخططاتك بالانتقام من عناد
غالب : ليه طيب
راشد ضحك بسخريه على غالب وقفل الخط بوجه غالب : ماتدري وش ينتظرك ياغالب تفكر اني بذبح صديقي عشان ابوي اللي هو دمر نفسه بيده تعقب بس بتشوف كيف بدمرك انت مب عناد وغيث
(نرجع لغالب)
غالب: فكر ياغالب بطريقه تقنع فيها راشد
ضحك بالعلى صوته موتك قرب ياعناد وبدمرك ياحازم وغيث معكم
جاه اتصال من راشد
غالب : اشتقت لي بسرعه
راشد : لا بس بقول لك اني موافق على طلبك بنفذ الخطه بعد اسبوعين
غالب : ليه بعد اسبوعين
راشد : غيث وحرمته رايحيين للمدينه لاسبوعين يضلون هناك
غالب : وش دراك انت بروحتهم
راشد : اعرف بكل شيء يصير بحياة حازم وعياله
غالب : مراقبهم ؟
راشد : تقدر تقول
غالب : كفو ماندمت من اخترتك تنتقم لحمد
قفل راشد الخط بوجه غالب
-
< بالزواج >
عند الحريم رقصوا البنات وقبل يزفون العروس جت مرآه كبيره بالسن
وسالت ام عناد : هذولي بناتك بسم الله عليهم الله يحفظهم لك
ام عناد : اي بناتي ام محمد وش بغيتي
ام محمد : عندي ولدين دكاتره وناويه ازوجهم وبناتك بسم الله عليهم يجننون وانا ابغى القرب منكم
ام عناد : اعذريني يم محمد بس لحن متزوجه غيث ونغم زوجه ولدي عناد
ام محمد : الحلوه ذي زوجه عناد ؟
ام عناد : ايه زوجته
ام محمد : وانا المح لك تاخذين بنتي له ومافهمتي علي ومتى تزوج ولدك
ام عناد : تزوج هو وغيث بنفس اليوم من كنتي بمكه ماجيتي الا البارح مادريتي بزواج انتشر خبره
ام محمد : لا بالله مادريت
ام عناد : هذا نصيبهم وعيالك الله يرزقهم بزوجات صالحات
ام محمد : امين ووقفت راحت
ضحكوا لحن ونغم وام عناد تسكتهم
لحن : يمه بروح للحمام وانتم بكرامه
ام عناد : لا تطولين
لحن : بس بشوف شكلي وبجي تجين معي نغم
نغم : اكيد
ام عناد : لا تطولون
لحن : ابشري
اسيا والبنات يرقصون
لحن كانت تعدل مكياجها ودخلت بنت عاديه وكبيره ملامحها تدل على كبرها بالسن ناظرت لحن من فوق لتحت وتخزها
نغم : خير وش عندك
سما : وش دخلك أنتِ عندي تفاهم مع اللي معك
لحن تناظرها بنظره استغراب من ذي العجوز
سما : أنتِ زوجه غيث ؟
لحن : وش تبين
سما : ابعدي عن حبيبي
نغم : وش قاعده تقولين اخوي يحب هالاشكال
سما : أنتِ اخته !
نغم : ايه اخته ماهقيت ان اخوي هذا ذوقه يحب عجوز الحمدلله انه تركك
سما : احترمي نفسك
لحن : وش تبين اخلصي
سما : غيث مايحبك يحبني انا وقال لي انه راح يطلقك بعد اسبوعين ويتزوجني
نغم : أنتِ مصدقه ان اخوي راح يترك الزين كله وياخذك ياعجوز النار
سما: احترمي نفسك لا اذبحك
لحن : نغم اتركيها ذي بنت تاجر المخدرات اللي ابوي مسكه وجاه امر بقتله لانه مطلوب امنياً
سما حست بقهر من كلامها وكانت بتضربها كف بس مسك ايدها لحن
لحن : اليد الي تفكر تنمد علي تنكسر قبل تنمد تفهمين
نغم : لا تفكرين ان اخوي راح يترك لحن وولده وياخذك
لحن مصدومه وش ولده
وسما تناظرها بصدمه : وش تقصدين بكلامك
نغم : لحن حامل
لحن انكتمت وحست بحراره ونغم تبتسم وحطت يدها على بطن لحن
سما : تكذبين صح
نغم : مين أنتِ عشان اكذب عليك ماهمتيني بس حبيت اخبرك عشان تتركين اخوي بحاله ماعندك كرامه اخوي يكرهك مايبيك اخوي من كذبتي عليه وتركتيه طلعك من قلبه ودخل لحن وسكر على لحن بقلبه وانتِ نساك لان اخوي مايتبع المقفي لا راح تفهمين
لحن باقي تحت تاثير الصدمه كيف حامل ونغم مسكت يدها وطلعوا تاركين وراهم سما منهاره تبكي مو مصدقه ان غيث اللي كان يحبها قدر انه يتركها ويتزوج ولا يحب زوجته وحامل منه بعد
اسيا: طولتوا مره ترا بالحمام
ام عناد : شرفتوا البسوا عباياتكم الحين بنمشي
لحن : باقي مازفوا مزون
آسيا: يوه زفوها وانتم بالحمام وطلعت لزوجها
لحن : اما عاد مسرع
آسيا: زوجها مستعجل انا برجع البيت وبرقد تصبحون على خير من الحين
لحن : تلاقين الخير
عند السياره كانوا منتظرينهم يطلعون وطلعوا البنات وام عناد
عناد : ليه متاخرين
ام عناد : كله منهم
غيث مسك يد لحن : يلا حنا بنمشي فمان الله
لحن : وين بنروح
غيث : مفاجأة
سمعته سما ونادته : غيث
غيث عرفها من صوتها وتجاهل مسك يد لحن وشد عليها اكثر
لحن : خير وش تبين بغيث ملاحقتنا بعد هنا ماعندك كرامه أنتِ
نغم : الظاهر ماتفهمين بالحكي نقول لك الولد متزوج ويحب زوجته ومنتظر ولده اللي بيجي بعد تسعه شهور وش تبين
غيث وام عناد وعناد مصدومين ولحن باقي تحت تاثير الصدمه
عناد همس لها : وش ولده وش تقولين
نغم : بعدين بعلمك
ام عناد : وش تبين برجال متزوج تنادينه وهو مع زوجته وماسك يدها بيروحون بيتهم
سما : ياخاله غيث يحبني انا ووعدني يتزوجني انا مو بنتك
غيث بعصبيه : اقصري الهرج يابنت وانقلعي انا رجال متزوج الحين ومستحيل اخون زوجتي واتركها واخذك يابنت عدوي
نغم : قلت لك غيث مستحيل يحب وحده مثلك انا اخته واعرفه
سما : بس انت تحبني لا تنكر
غيث : انا اكرهك من كرهي لابوك ومستحيل أناظرك تفهمين انا احب زوجتي وماراح اتخلى عنها
سما: بس انت بتطلقها
غيث : من قال اني بطلقها الموت اقرب لي من اني اطلقها وابعد عنها
ابتسمت لحن وشدت اكثر على يده وهو من كلمته سما مارفع راسه يناظرها ضل يناظر عيون لحن
سما : افهم من كلامك ماعد بتحبني
غيث : ماخذه في نفسك مقلب أنتِ افهمي انا احب زوجتي وش اوضح اكثر والله لو يجتمعون كل الكره الارضيه بصيح بحبي للحن وماراح اطلقها او ابعد عنها
سما : وش الفرق بينها وبيني
غيث : الفرق لحن ملكت كل حياتي مو بس قلبي انا بدونها ضايع ومقدر اتنفس بدونها انا لعيونها بس لعيونها قلبي سراب بدونها ما اقول اعشقها بعقل مجنونها
نغم : مثل الفرق بين الثرياء والثراء تفهمين
عناد : استري نفسك وكرامتك وروحي لان غيث اعرفه زين هو عزيز نفس عزته ماراح تخليه يرجع لك ودامك من الاول تركتيه مستحيل يرجع لك خلي عندك شوي كرامه واتركيه بحاله
سما : غيث صدق بيجيك ولد
غيث باس باطن كف لحن وحط يحده الثانيه على بطنها : باذن الله
سما : اذا هي بنت سمها سما واذا ولد حمد
لحن : عيالي وانا اللي بسميهم وش يخصك أنتِ عليك من ولدك اللي ماسك يدك وعينك زايغه على ازواج البنات
سما : مثل ماقلت لك
غيث : عيالي تسميهم امهم هي لها الحق بتسميتهم
لحن : نفسي يجينا توأم
نغم شهقت : نفس امنيه غيث القلوب على بعضها
ام عناد : اخلصوا على بروح انام
ركبوا سياره عناد وغيث سحب لحن لسيارته
لحن : تعبت من الكعب وبعدين انا حامل
غيث ابتسم بخبث من فهم وش تبي توصل له وشالها بين يدينه وهي حاوطت رقبته قدام الكل شهقت سما من شافتهم وطاحت دموعها ايقنت ان غيث راح من يدينها تستاهل هي اللي تركته
-
<< بسياره عناد >>
ام عناد : وخزياه مايستحون
نغم طلعت جوالها تصورهم وترسلهم بقروبهم
عناد مبتسم : خليهم يمه زوجته
ام عناد : توك تعترف انها زوجته وانت مناشبه عليها من يكلمها تجي وتسحبها وتسكته لا يكلمها او حتى يناظرها ويتاملها
ضحك عناد : إلا وش قصه الولد يانغم
نغم ضحكت : مدري قهرتني ذي وقمت قلت لها غيث ماعاد يبيك غيث يحب زوجته ومنتظر ولد يجي
عناد : تقهرينها بس يعني
نغم : ايه ابغاها تبعد عنهم
ام عناد : عقبال مانسمع بخبر حملكم الثنتين
كح عناد وحرك متجه للبيت
-
<< بسيارة غيث>>
لحن : وين خاطفني
غيث : بنروح للمدينه اسبوعين
شهقت لحن : اسبوعين وش اسوي هناك بطفش من دون نغم وعناد
غيث : انا معك
لحن : ما ابغى
غيث : يرضيك تتركيني لحالي بالمدينه وبعدين اعتبريها شهر عسل
لحن : بس اسبوعين كثيره
غيث : باخذ راحتي معك
وصلوا لابها بيت بعيد عن البيوت مكانه بجبل مرتفع وكبير مثل القصر
نزلت لحن : هذا بيتك
غيث : بيتنا تعالي
لحن : ليه ماعلمتني اجهز شنطتي
غيث : مايحتاج كل اللي تبينه بتلاقينه هنا انا مجهز كل شيء
لحن وغيث دخلوا وحبت لحن البيت ومافيه بيوت قريبه بس بيتهم وبعيد جداً عن انوار المدينه وازعاجها وتقدر لحن تشوف انوارها من الشباك الكبير من بعيد والضباب مغطي المكان وتشوف الغابه تحتها تقدر تشوفها بكل وضوح لان الشباك مافيه سياج او شبك يعيق الرويه
غيث ضمها لصدره صار ظهرها ملاصق صدره وشبك يدينه ببعض محاوط بطنها : وش رايك بالبيت
لحن تتامل المنظر ومبتسمه : يجنن الحين هذا بيتنا بنعيش هنا
غيث : بيتنا وبنعيش انا وانتِ وعيالنا
لحن : متى فكرت فيه
غيث : من اول يوم شفتك فيه اشتريته واعدت ترميمه وقلت راح يكون بيتنا انا وانتِ من تصيرين حلالي
لحن بتساؤل: متى شفتني
غيث ابتسم : اول يوم جيت فيه للديره اخر يوم برمضان وطلعت من عندكم وانا رامي قلبي ببيتكم
لحن: علمني
غيث : كنتي وقتها لابسه فستان احمر بدون اكمام ضيق للخصر وينتهي بنفشه خفيفه اول ماشفتك قلت اشهد انها موتٍ حمر ودعيت تكونين من نصيبي وجاب راسي شعرك الاسود طحت ومحد سمى علي
ابتسمت لحن باحراج وطلعت جوالها وصورت المنظراكثر من صوره وبعدت عن غيث ومسكت يده وشبكتها بيدها وصورت صوره ونزلتها قصه بالسناب عامه
ابتسم غيث على حركتها : تعالي تبين تشوفين غرفتنا
لحن : اي ابغى انام وبكره بستكشف البيت
اخذها لغرفتهم واعجبت بالغرفه وغيث تركاها وراح لمكتبه عنده كم شغله بيخلصها تقلبت اكثر من مره وماقدرت تنام تعودت على النوم بحضنه وقفت وراحت عنده للمكتب وشافته مندمج بشغله وما انتبه عليها
لحن : مطول
غيث : هم
لحن قربت صوبه : ناظرني وجاوبني
غيث بعصبيه : لحن روحي نامي واتركيني اكمل شغلي
لحن سحبت يده وتجرأت تجلس بحضنه وحط راسها على صدره ورجعت يده مثل قبل
غيث تنرفز من انها اعاقت شغله بس عجبه الوضع
غيث : ماجاك نوم
لحن : اي لانك بعيد عني
غيث ابتسم : نامي الحين بخلص شغلي
لحن نامت وغيث لسى يشتغل حس بتعب وقفل اللابتوب وشالها بين يدينه دخل غرفتهم وحطها على السرير وهي رفضت تتركه ونام وهي بعد كملت نومها
-
<< غرفه عناد >>
عناد : تبين تعرفين كيف يجون العيال
نغم خافت : لا مشكور
عناد ضحك عليها : اعقلي ماراح اقربك الا برضاك وبعد اذا تخرجتي من الثانويه
نغم : كفو
سحبها عناد لحضنه ونام وهي بعد نامت
.
.