العطا في الحب يكبر .. لو قليل
الجبل ماهو جبل لو لا الحصى
.
غيث طول ليله يفكر مانام عنده مهمه سريه ولازم يختفي لاسبوع ابوه يعرف بشغله وخطره على غيث خبر ابوه بانه راح يختفي اسبوع ويمكن اكثر لازم يقبض على الكوبرا وجماعته انتشروا انتشار مخيف لدرجه صاروا يخطفون الاطفال ويتاجرون فيهم وبعضهم يخلونهم يبيعون الممنوعات مايبغى يبتعد عنها يخاف عليها من جماعه الكوبرا مهددينه بلحن وبعناد
غيث : فكر ياغيث وش بتسوي هل بتخبر عناد بس انت واعد ابوه ماتعلمه بتشتاق لها تتوقع بتحبك مثل ما انت حبيتها وملت لها تتوقع لو تعرف انك زوجها وش شعورها اف ياغيث اف انت تستاهل لو ماحبتك تستاهل وش غيرك ليه هي بالذات طحت لها ليه هي بنت صديقك وروحه بيذبحك عشانها ياغيث وانت تستاهل يذبحك لا تقول انك طحت بلمعه عيونها وجمالها وقت بكاها لا تقول انك تعلقت بريحه عطرها انت طحت ياغيث طحت ومحد سمى عليك جربت الحب قبل ياغيث ليه تبي تجربه مره ثانيه ومع بنت اعز اخوانك يمكن لانها صغيره وتقدر تعوض قلبك الجريح
طلع من البيت وتوجه لبيت ابو عناد ودخل للحديقة واخذ السلم وطلع لللبلكونه ودخل لغرفتها هذي مو اول مره يسويها قفل الباب بالمفتاح وتوجه لسريرها شافها نايمه بهدوء شاف الوقت متاخر بالليل والفجر بيطلع لمهمته
غيث يكلم نفسه : ماتقدر تطلع قبل تشوفها صح وضحك على نفسه يمكن ماعاد بتشوفها مهمتك صعبه ياغيث متع عيونك بشوفتها قبل تمشي
توجه للجه الثانيه من سريرها وسحبها لحضنه مسك خصله من شعرها وشمها وتعمق بريحتها ضمها اكثر لحضنه وباس خدها طلع جواله من جيبه واخذ لهم كم صوره مع بعض لعب بشعرها وتأملها
غيث: انا ماعرف وش سبب تعلقي بك يمكن لانك صغيره علي ولا لانك بنت عناد اعز اخوياي أنتِ وش يالحن وش علميني شاف شامتها الصغيره القريبه مره لشفتها
غيث: ماراح اخليها بخاطري وانا بغيب عنك بختفي يمكن اكثر من اسبوع باس شامتها وتعمق ببوسته لها لين حس بحركتها وبعد
لحن متعمقه بنومتها ماحست عليه بس تحس باحد ضامها توقعت انها تحلم وكملت نومتها
غيث شاف للوقت وقرب ياذن الفجر طلع من بيت ابو عناد وتوجه لغرفته اخذ مفاتيح سيارته وبعض الاغراض اللي بيحتاجها
انتظر عند المسجد حتى اذن الفجر طلع عناد وابوه من بيتهم متوجهين للمسجد دخلوا وشافوا غيث جالس عناد لمح الضيق بعيونه وهمس له
عناد: بعد الصلاه ابغاك
غيث: تمام
خلصوا صلاه وطلعوا عناد سحب غيث لين سيارته غيث
عناد: تكلم وش فيك من مضيق صدرك
غيث : بعلمك بس تكفى لا احد يدري
عناد: انطق تعرفني مستحيل اعلم احد
غيث تنهد : عندي مهمه وبغيب اسبوع ويمكن اكثر ومحد يدري غيرك انت وابوي الباقين قلت لهم عندي شغل بالشركه وبطول
عناد : انتبه لنفسك تكفى
غيث: مو بيدي المهمة خطيره
عناد: درجه خطورتها كم
غيث: مادري انا الحين بوصيك على اهلي وتكفى نغم جدي لا يعترض لها احميها واحمي لحن من الكوبرا
عناد: وش دخل لحن وليه تبيني احمي نغم من جدك
غيث : الكوبرا متوعد ببنتك وجدي بيستغل غيابي وبيزوج نغم بصديقه لانه حاط عينه عليها
عناد : وش تبيني اسوي طيب مقدر احميها بس بسوي اللي اقدر عليه
غيث ضمه وهمس له : انتبه تكفى من الكوبرا
عناد : لا تشيل هم وانت انتبه على نفسك تكفى
غيث : الله الحافظ ياعناد والاقدار بيد الله ياعناد
عناد ماتطمن من روحته المفاجأة ومهمته الخطيرة ونغزه قلبه خايف يفقد صاحبه بسبب مهمته ويفكر بكلام غيث وانه يحمي لحن من الكوبرا
غيث ركب سيارته ومشى متوجه للمركز
عناد واقف مكانه يتامل مكان اختفاء غيث ويهوجس بكلامه وتوصيته لنغم ولحن
-
<في الصباح >
صحت لحن وحست بضيقه غريبه توجهت لدورة المياة( وانتم بكرامه) استحمت وفرشت اسنانها وتوضت بعد مابدلت ملابسها ولبست بنطلون اسود وسيع وتيشيرت بني تركت شعرها ينشف من نفسه صلت ودعت ربي يحفظ اهلها وماتدري ليه اضافت اسم غيث من ضمن دعائها بس قلبها يقول لها ادعي له طلعت للحديقه وسقت الورد وتاملتها قطفت ورده بيضاء وركضت لامها تعطيها
لحن: يمه خذي هالورده لك
ام عناد: هذي اللي زرعتيها مع عناد
لحن : اي يمه حلوه صح
ام عناد : اي يمه تسلم يمينك
دخل عناد والضيق بوجهه
لحن: وش فيه الحلو مكشر ومتضايق
عناد: ابد مافيني شيء تعالي العبي بشعري شوي
وقفت وجلست جنبه وحطت راسه على ركبتها وبدات تلعب بشعره
ابو عناد كان جاي من عند ابو مسفر دخل للبيت وشافهم جالسين بالحديقة وتوجه صوبهم
ابو عناد : السلام عليكم
ام عناد : وعليكم السلام طولت عند ابو مسفر
ابو عناد: حلف علي افطر معهم وفطرت وجيتكم
ام عناد: زين جعل فيه العافيه
ابو عناد: الله يعافيك وش قومه عناد يابوك فيك شيء مضايقك شيء
عناد : لا يبه بس تعبان مانمت زين بالليل
ابو عناد: شفت غيث يودعك طالع من الديره وين رايح
عناد تنهد من تذكر كلام غيث ويفكر فيه : يبه يقول صارت مشاكل بالشركه ورجع بيضل اسبوع ويمكن يطول
ابو عناد : الله يرده بالسلامه
-
<بيت غالب>
غالب: اسمعني ياحمد تبغى تلوي ذراع غيث
الكوبرا: كيف
غالب: نغم هي نقطة ضعفه الوي ذراعه عن طريقها
الكوبرا: وش تقصد
غالب: تزوجها وهدده فيها وبيطلق لحن
الكوبرا: مقدر اتزوجها
غالب: تعال واخطبها من عندي وبزوجك وجيب المملك معك نملك
الكوبرا: أنت ناسي ان غيث يدور علي بيمسكني لا عندك فكره غيرها
غالب: غيث طلع من الديره وبيطول مختفي اسبوع كامل تعال خلال الاسبوع ذا ونملك على نغم
الكوبرا: بس عناد بيعرفني شافني وغيث بعد شافني بيعرفوني
غالب: وين شافك تعال ومحد يدري بقول لهم صاحبي مايعرفون اسمك الحقيقي
الكوبرا: اللي تشوفه ابغى الليله كل شيء جاهز
غالب : على خير ان شاءالله وقفل من المكالمه
-
< في الليل عند بيت سيف >
غالب جمع عياله وابو عناد وعناد ببيت سيف وتعمد يفتح الموضوع قدام كل الرجال عشان ولده مايحرجه
غالب : ياسيف جاني صاحبي ويبغى بنتك وانا عطيته
سيف: يبه بنتي صغيره اعتذر منه وقول ماعندنا لك بنت للزواج
غالب عصب : والله انها الليله تملك عليه وبتروح معه تفهم ولا ماتفهم
مكتوم : سمعت اللي قاله ابوي ماعندنا بنت للزواج
نغم سمعت كلامهم وهربت عند امها تعلمها وتبكي
ابو عناد : غالب انت بعقلك تزوج بنت صغيره لشايب
غالب: حفيدتي وبكيفي لا تدخل ياحازم
عناد تذكر كلام صاحبه ووصيته ووقف وقال : عمي سيف انا بتزوجها
غالب : من انت انا عطيتها صاحبي والحين هو جاي مع المملك
سيف : والله ماياخذها دامني حي تسمع يبه وش قاعد تقول
غالب رد على الاتصال : تعال وجيب المملك معك
سيف وقف : والله ماتتزوج بنتي هذي وانا ماني ببايعها ماهي بنتك تسمع وبيتي يتعذركم
غالب: انا ابوك تعصاني وتطردني
سيف: اعصاك اذا السالفه فيها عيالي انا قلت لك اذا ماتبيني اصير عاصي لابوه ابعد عن عيالي انت دمرت غيث والحين نغم وانا عطيتها عناد
دخل حمد ومعه المملك : غالب خلنا نبلش مستعجل
سيف: الدرب اللي جيت منه تدله بنتي ماهي بلك تفهم انا ماني مزوجك بنتي
حمد (الكوبرا) : وش الكلام اللي سمعته ياغالب
سيف : اللي سمعته وكلامك معي انا تفهم
المملك : جايبيني هنا على الفاضي
نغم لبست عبايتها ودخلت : يبه تكفى يبه ما ابغاه لا تزوجني شايب
ضمها سيف وقال : جعلني للموت ان اخذتيه
عناد انقهر من سمع بكاها وترجيها : عمي انا غيث وصاني عليكم قبل يمشي ووصاني على اخته وقالي بالحرف الواحد تكفى ياعناد نغم لا تخليها لا تخلي غالب يزوجها بصاحبه كانه عرف انه لا غاب بيزوجون اخته للشايب العايب ذا انا بطلبها منك وبتزوجها اذا هي موافقه
سيف فهم كلامه وانه يعرف بوضع شغل غيث : تزوجها ياعناد وريحها
نغم ناظرت فيه بصدمه وان اخوها عارف بخطه جده ومهددها توافق تتزوج حمد
نغم : انا موافقه اتزوج عناد بس يبه تكفى لا تزوجني بالشايب جدي مهددني اذا ماتزوجته بيقتل غيث
سيف انصدم من كلامها وغالب عصب : والله لو تزوجها عناد لا انت ولدي ولا انا اعرفك تفهم
عناد بعصبيه : عيدي كلامك وش قلتي
نغم خافت من تغير لون عيونه وبروز عروقه : يقول بيقتل غيث
عناد فز وبعصبيه معميه عيونه مسك غالب من رقبته بيخنقه وهمس باذنه بتهديد : والله لو يصير شيء بغيث ان تندم طول عمرك تفهم
غالب خاف منه وابو عناد سحب عناد وابعده عن غالب
سيف قرب لعناد بيمسكه مع ابو عناد وقال : انا ما اتشرف فيك انك ابوي وبزوجها عناد وانت تشوف وصاحبك يشوف
المملك : الحين مين المعرس
سيف : عناد بن حازم ال عايد والعروس نغم بنت سيف ال قاهر
نغم ضامه ابوها وتصيح
مكتوم : ليه تزوجونها
سيف: اذا ماتزوجت عناد بيضل ابوي يهددها لين ترضى وتتزوج صاحبه
ايهم : وليه ماتعلمينا بانه مهددك
نغم: هدد غيث بيزوجني صاحبه اذا ماخطب مليحه وغيث لبى طلبه يحسبه بيفكني من شر صاحبه بس شوفت عينك جايب المملك وصاحبه بعد
طلع غالب وحمد من بيت سيف معصبين
نغم طاحت على رجلينها ماقدرت تتحمل اكثر وصاحت: وينك ياغيث وين رحت من رحت وجدي يبغى يزوجني بصاحبه وكل يوم يهددني بك بيقتلك وينك تكفى ارجع اشتقت لك
عناد من شافها كذا تمنى يذبح غالب وصاحبه وهمس لابوه يبه هل اللي بسويه غلط علمني
ابو عناد: الا سويت الشي الصح يبه انقذت البنت المسكينه من الشايب كبر جدها تخيل لحن بموقفها
عناد : وهذا اللي قاهرني انها بعمر لحن صغيره على الزواج
سيف بكى قهر بنته ودموعها وطاح على ركبه فزو عياله بيوقفونه ويسندونه
ملكوا نغم وعناد وصارت زوجه عناد
سيف : عناد ياولدي حطها بعيونك وصونها وانتبه عليها تراها غاليه عندي
عناد : بحطها بعيوني ياعمي لا تخاف وماراح اطلعها من بيتكم بالطريقه ذي انا ما ارضى لحن تتزوج بالطريقه ذي تبيني ارضاها على اخت صاحبي ووصيته صح حنا ملكنا وهي الحين زوجتي بس هذا مايرضيني وراح اسوي لها عرس بتضل عندكم معززه مكرمه حتى يرجع غيث وبنسوي زواجنا
نغم ابتسمت من كلامه شكرت ربي انها تزوجت عناد بتفتك من جدها وتهديداته والحسنه الوحيده انها بتقابل لحن دايم وايقنت ان عناد راح يصونها
نغم : ياحظ لحن بابو مثلك
ابتسم عناد من طاري لحن
سيف: اشهد بالله ياعمي انك جبت ولد مافي مثله الله يخليه لك انا لولاكم ماكنت اعرف وش اسوي ابوي كسرني بعيالي كسرني بغيث والحين بنغم وانا مازوجتها ولدك ياعمي الا اني واثق فيه بيخاف ربي فيها وبيصونها ويحطها بعيونه
ابو عناد ابتسم وربت على كتف عناد: والله انك دايم رافع راسي ومبيض بوجهي
عناد: اعجبك يبه تربيتك
مكتوم : الله الله باختنا ولا تحاول تزعلها عشان ماتندم
عناد : مايحتاج تندمني انت بنتي قبلك بتذبحني لو أزعلها
نغم : يبه اشتقت للحن عادي اروح عندها
سيف : مالي دخل استاذني من زوجك
نغم : يعني الحين ماتسمحلي انت
ايهم: ابوي زوجك بيرتاح من كثر طلباتك والله يعينك ياعناد
نغم: انت انطم مالك دخل
سيف : لا بنتي تطلب اللي تبيه حتى لو متزوجه
نغم : طيب اروح ولا لا
ابو عناد : يلا فمان الله حنا راجعين للبيت وأنتِ يبه تبين لحن بتمشين معنا لعندها
نغم فرحت وسيف يطقطق عليها
سيف : ياعمي بس لازم تستاذن من زوجها
نغم انحرجت : يبه بمشي معه يعني اذن لي
سيف: ياعناد تسمح لها تجي معكم
عناد: حياها الله ياعمي البيت بيتها
عناد قبل يطلع من الجلس لف وقال لسيف : بنتك ياعمي ماراح تطلع من بيتكم الا وهي معززه مكرمه صح هي صارت زوجتي الحين بس ماراح اقبل تطلع من بيتكم بالطريقه ذي راح تضل ببيتكم الاسبوع كله لين رجعه غيث واذا رجع غيث انا بسوي لها زواج من حقها انا ما ارضى ازوج لحن بالطريقه ذي تبيني ارضاها لبنتك ياعمي اعقب
انحرجت نغم والخافت لان الوضع غريب عليها وماتعرف عناد من كلام غيث عنه ولحن من حبها لعناد وحب عناد وخوفه عليها حمدت ربي ان عناد انقذها من صاحب ابوها
-
<بيت ابو عناد >
لحن جالسه في الصاله تفكر باختفاء غيث وليه بيطول هبدتها اسيا
آسيا: الله يهني اللي اخذ عقلك
لحن: اسكتي مافيه احد اخذ عقلي
ام عناد : مامليتوا من المناقر
اسيا: ولا بنمل
دخل ابو عناد وعناد نغم وراهم
آسيا: بسم الله الرحمن الرحيم من وين جيتوا ومن ذي
عناد : بسم الله من وجهك وش دخلك
آسيا : علمني ليكون متزوج من ورانا
عناد : الله عليك ذكيه اي متزوج وش رايك جبتها تتعرفين عليها
نغم مو متعوده على الاجواء ذي
لحن انتبهت لعيونها وركضت عندها تضمها : ياغبيه هذي نغم
نغم ضمتها وبكت لحن خافت : بسم الله عليك وش فيك ياقلبي
يمه باخذها الغرفه
ام عناد : تمام يمه خذيها وخليها تهدا وونسيها البنت متضايقه
لحن : ابشري ؛ تعالي معي
عناد تضايق من الموقف اللي انحط فيه وفرح لانه نفذ وصيه صاحبه وحما اخته ولا حزين لانه تزوج اخت صاحبه بدون علم غيث طلع للحديقه يحس نفسه مخنوق ودق على غيث مايرد يدق عليه اكثر من مره جواله مقفل
عناد: ياغيث رد ؛ تذكر انه عنده مهمه ويمكن مقل جواله عشان مهمته
الله يحفظك ياصاحبي استودعتك الله
-
<عند البنات >
نغم قالت لهم كل اللي صار
لحن : دام عناد تزوجك صدقيني بيحطك بعيونه
نغم : تدرين انه رفض اجي معه كذا بدون زواج قال لابوي انا باخذها من بيتك ياعمي معززه مكرمه ماراح اطلعها كذا يتشمتون عليها انا ما ارضاها على لحن تتزوج بالطريقه ذي ارضاها على اخت صاحبي اعقب وقال بيصير زواجنا لمن يرجع غيث غيث طول غيابه انا اشتقت له يبنات هو لو كان موجود يقدر يوقف جدي بس اختفى حتى جواله مايرد عليه ادق عليه مايرد
لحن : لا تخافين باذن الله انه طيب
اسيا تبغى تغير من نفسيتها وتبعد الضيقه عنها قالت : الحين بناديك عمه ولا وش اناديك
ضحكت لحن عليها وكشرت نغم
نغم : لا فكيني ناديني نغم
آسيا: باخذ حقي من عناد عن طريقك اذا تضارب معي بجي اضربك
عناد : عشان اكسر راسك
اسيا: ياليل النشبه وش تبغى
عناد : اسكتي بس جيت بشوف لحني اشتقت لها
آسيا: لحن ولا نغم
نغم انحرجت من ناظرها
عناد : وش دخلك
نغم : عناد ابغى ارجع البيت
عناد : تمام تلاقيني برا
-
أنت تقرأ
أنت العوض لا صارت حظوظي شحاح وأنت الهنا ياغايتي والغنايم
General Fictionلحن تلد بعد ثلاث عيال ويزعل ابوها ماكان يبغى البنت يبغى الولد ورماها لجدها ابو امها وسماها سود الليالي يربيها خالها ويعتبرها وطنه مو بس بنته ويخاف عليها من نسمه الهوى
