من الأسلحة إلى الورود 🖤🥀

Part 1

🌷في حي من الاحياء الراقية بالدار البيضاء المعروف ب"كاليفورنيا"🌷

جالسة في البيت ديالها بملامحها الكيوت و الهادئة لابسة بيجامة سخونة و شعرها بني طويل رطب واصل حتى لخصرها هادي هي البطلة ديالنا ياسمين ( 18 عام قصيرة 1.62 عامرة شوية ما عندهاش الكرش بيضة عينيها عسليين و شعرها بني غامق طوييل ) تتجمع في حوايجها و الخدامات كيعوانوها حتى كدخل ختها سارة لابسة غير بيجامة باردة بشورط واخا هوما فشهر 9 وداخلين البرد ولكن هاذي هي سارة ديما مامسوقاش ( عندها 16 عام قصيرة 1.55 سمرة عينين بنيين و فورمة عادية مناسبة لبنت في عمرها ) . داخلة تتندغ في المسكة و تضحك
سارة: و اخيرا غادي نبقي غير بوحدي فهاد الدار و هاد البيت دياك غادي يولي ديالي ههههه.
ياسمين : اه اه ههههه غير بقاي تحلمي تما  راه غادي نمشي غير عام بينما ولات الميمة لباس و نرجع، واصلا بابا واعدني بلي حتى واحد ما ايقرب لا لبيتي لا لحوايجي لا حتى حاجة تتخصني.
سارة: امممم و مهم انبقى غير بوحدي و انرتاح منك
ياسمين : ياااك القردة واااخا عقلي عليها. و شيرات عليها ب بانتوف كانت لابساها ، سارة هربات قبل ما تجي فيها خلات الخدمات كيضحكو
الخدامة 1 : ختي ياسمين غير خليها عليك راه باقا صغيرة من لي تمشي اتبدا تبكي عليك دبا تشوفي
الخدامة 2 تتنخصص : ويييه اختي ماشي غير هي ليي اتبكي كلنا اتخلي بلاصتك والله عنداك تنساينا
ياسمين جابو ليها البكية معاهم عنقاتهم و بداو كلهم كيبكيو. وهما هكاك دخلات الام ديال البطلة ديالنا ليلى لابسة كسيوة ديال الدار سخونة طويلة و بانتوف ( 41 عام طويلة شوية 1.67 شعر قصير مصبغها بالبني سمرة و عينين بنيين بحال بنتها سارة واخا عمرها باقة محافظة على الأناقة و البرستيج ديالها و بسباب الرياضه و الاكل الصحي و الاعتناء بالبشرة ديالها تتبان بحال الا يلاه عندها 33 عام ) داخلة و عينيها منفوخين و تتمسح في نيفها باينة كانت تتبكي علاش لا و بنتها لي مولفاها وعمرها باتت برا الدار حتى سيمانة اتمشي عليها عام. شافتها ياسمين طلقات من الخدمات و مشات دغيا عنقاتها و تخشات فحضنها شافوهم الخدمات هكاك خلاوهم و خرجوا. بقاو شحال هكاك حتى دوات ليلى : لا لا هادشي بزاف هاد باباك حمقاك الا جداتك مريضة يصيفط ممرضة و لا طبيب لاش مصيفطك نتي . ياسمين : وا ماما راه تانا باغا نمشي نشوفها ونيت شحال هادي ما جلست معاها صافي عفاك راه عام دغيا كيدوز عفاك . ليلى : لا ابنتي لا انا ما نقدرش نصيفطك لداك الحي راه انبقا مخلوعة عليك راه عامر غير شمكارة بدات تتبكي تاني يشدوك يديرو لييك شي حاجه و لا يأذيوك لا ابنتي لا . ياسمين : ماما الحبيبة ديالي راه الميمة ساكنة فيه من شحال هادي و بابا كبر فيه و ما طرا ليهم والو بلا ما تخافي عفاك شوفي هانتي اتبكيني حتى انا معاك صافي عفاك . ليلى : واخا ابنتي ليي بان ليك غير هو صوني لينا ديما نشوفك فين و مع من تتخرجي و تتجمعي مفاهمين؟. ياسمين : ما يكون غير خاطرك ا ماما ما تخافيش .