من الأسلحة إلى الورود 🖤🥀

Part 29

ياسمين سالات الاتصال مع فاطنة لقاتوا جالس حداها كيشوف فيها الذيب كان غير حاضي تفاصيلها وكفاش تتهدر مافاهمش شي حاجة فيها تتجرو ليها بلا مايحس: صوتك عيان ضاراك شي حاجة ؟ ياسمين : لا غير مع النعاس يمكن شافت فيه هو لابس غير نص كم : وش مافيكش البرد ؟ الذيب : انا مزيان ياسمين مابغاتوش يبقا فالبرد : اممم كون غير دخلنا جاني البرد دخلوا بجوج رجعوا قدام الشومبر ديال مي نعيمة ياسمين : هاء فين سلمى وصاحبك خليناهم هنا الذيب : واقيلا كنت معك ياسمين ضارت تتشوف فالزاج تتبان ليها نعيمة ناعسة : الحمدلله لي ماطرا ليها والو كنت خايفة بزاف تمشي وتخلينا كملات وعينيها دمعوا الذيب : حتى حاجة ماكدوم شي نهار غاتمشي وتخليك ياسمين ضارت بالزربة حالة عينيها تتسول راسها وش هذا مافيهش الرحمة كيقول هاد الهدرة قدامها وعارفها خايفة وشحال بكات : عاارفة ولكن راه كيمشييو لبلاااصة زوينة حسن من هنا وغايجي واحد النهار غانعاودو نشوفوهم الذيب غير كيشوف فيها من ديما تتجيه عايشة فعالم بوحدها ضحك باستهزاء : هههه ولي كيمشي ويخليك غير حيت بغا هذاك حتى هو غاتعاودي تلقاي بييه ياسمين حسات بيه ماشي هو هذاك حيت اصلا مايمكنش شي انسان يوصل لهاد القسوة والظلام غير هكاك مشات جلسات حداه : لؤي خاصك تعرف بلي كل واحد وظروفوا وحنا ماكنعرفوش مناش كيدوز ولا مناش داز ماعارفينش مناش كيعاني بش نحكموا عليه يقدر ماخلاكش لخاطروا يقدر تكون كانت عندو شي ظروف صعيبة بزاف شدات فيدو وكملات لؤي تعلم تعطي الناس اعذار وماتحقدش هادشي غاينفعك كثر ماغاينفعهم هو كان كيسمع ليها هدرتها دخلات من ودن وخرجت من الاخرى : هههه نتي حيت مامجرباش شنو هي يتخلاو علييك ناس ثقتي فيهم نتي كتهدري من الفوق ماتجيش تعرضي عليا داكشي لي قراوك نهار لي يخليك شي واحد ثقتي فيه وبغيتيه وتعلقتي بيه غانشوفو وش غاتقوليي هادشيي ياسمين زادت تأكدات بلي عندو شي سر فحياتوا بقاو كيشوفو فعينين بعضياتهم حتى ياسمين سمعات سلمى جاية طلقات منو دغيا سلمى : جييتي ياسمين : ااه راه دويت مع ميما وطمنتها سلمى جلسات تخشات فاذيب: ااه مزيان ياسمين شافتها هازة قرعة الما : عطيني عطيني معاك الما جاني العطش لؤي : علاش ماقلتيهاش ؟ ياسمين استغربات: يلاه تفكرت وصافي سلمى لاحت ليها القرعة شربات فيها النص سلمى : لا كنتي تكملييهاا نتيي حسن ياسمين :واصافيي اصاحبتيي يااه جات عندهم الطبيبة : شكديرو هنا ؟ ياسمين : بغينا نبقاو معاها حتى تفيق عفاك خلينا الطبيبة بقات تتشوف فيهم : اووف ولكن راه ماتقدروش تبقاو هنا دخلوا عندها الشومبر بش ماتبرزطوش المرضى الاخرين دخلوا عندها مشات سلمى باستها على راسها وياسمين مشات فوق واحد الفوطاي كان تما تكات وجات حتى سلمى تخالفوا ونعسوا فيه ياسمين شافت فلؤي : غاتبقا هنا ؟ لؤي حرك ليها راسو ب اه ياسمين : ولكن راه غادي تنعس مشكرف غير سيرو لداركم حنا راه لباس لؤي : ماتشكييتش عليك غير نعسيي ياسمين غمضات عينيها وسلمى اصلا كانت نعسات مع العيا وهي اصلا فيها هاديك نعسوا وبقا اذيب ولؤي جالسين فوق راسهم اذيب : الساط عندها الحق غير سير بلا ماتكرفص انا غانبقا الذيب خنزر فيه : ديها فكرك لا ؟ اذيب : ناري الساط كون طرات ليها اليوم شي حاجة كنا غانقودوهاا لؤي : هادوك ولاد القحاب لي ماعرفت منين خرجوا زواامل اذيب : والله الا بقات فيهم عندهم زهر مي نعيمة مرضت اما والله مايفكهم مني شي قرد بقاو الليل كامل مرة كيدويو مرة كينعسوا شوية حتى صبح الحال