من الأسلحة إلى الورود 🖤🥀

Part 6

🌷 اجيييو نطلوا على ياسمين شتدييير 🌷
فاش مشات السويقة بقات دور تتسمع غير 60ريال لبطاطة البصلة 80 و تدور زادت دخلات بانوا ليها صحاب الفراشة حاطين الشكارات و لاتروسات عجبها داكشي بقات تتشوف فيه مع فيهم الرسوم و الزواق عجبوها و الدراري الصغار كيتناقزوا مع والديهم ها لي بغا د باتمان و لي بغا د سوبرمان والبنات كاينة لي بغات سندريلا ولي باغا فلة مهم كلشي كيختار و فرحانين ما كيحملوش القراية و لكن كيعجبوهم الرسوم ياسمين بقات غادة و السويقة عامرة غير بمالين الادوات كتمشى بانت ليها واحد البنيتة صغيرة جالسة قدام العتبة د واحد الدار و تتشوف فالدراري تيختاروا الشكارات ياسمين بقات فيها مشات حداها و جلسات حداها: الزويونة مالكي جالسة هنا . البنت : بعدي مني قالت ليا ماما ما دويش مع ناس ما تتعرفيهمش. ياسمين : اه بصح ماماك عندها الحق و لكن انا راه ما اندير لك والو وش بانت لك فيا شي وحدة قبيحة. البنت هزات كتافها و ما جاوباتش: واخا انا انمشي بحالي كنت غير بغيت نعرف علاش تتباني مقلقة . يلاه ناضت تمشي و هي تجرها من يدها : ماما ما بغاتش تشري ليا شكارة و عينيها مدمعين ياسمين بقات فيها هبطات عندها تاني و عنقاتها البنت طلقات البكية و بقات تتنخصص ياسمين : شششش صافي احبيبة صافي انا ناخذ ليك وحدة واخا ؟ البنت سكتات من البكا : تدوي بصح ما بغاش تخطفيني ياك ؟ ياسمين ضحكات : هههههه لااا يلاه اجي نمشيو البنت شدات فايدها و مشاو عند واحد كان كيبيع: ختاريي فين ليي بغيتي . البنت : هادييي هادييي فيها الجرار ياسمين : هههههه خويا عفاك عطيني هادي . الدري : هاد الزين كامل باقي كيقرا ياسمين : لا ا خويا ماشي ليا لبنيتة. الدري : هااا هي شكارة الاميرة لاحسن اميرة ياسمين خداتها من عندوا يلاه اتمدها للبنت فايدها وهي تجي واحد المرة من دوك العايشوريات جرات البنت : وااااا ما بقييييتوش تحشموااااا وليتوااا تخطفواااااا ولاد عباد الله بنهااااار هااا الناس كلهم ضارو كيشوفوا ياسمين : لا ا لالة المراة : ماااا كااااين لا لالة لا وااااالو اليوووووم نورييييييك تجمعوا العيالات : وا نعلي الشيطان البنت باينة فيها ماشي د داكشي خليها تقول اش بغات . ياسمين شداتها البكية ما مولفاش هادشي وعينيها غروغروا الدري جا وقف بيناتهم : ا لالة راه جات خذات من عندي شكارة و بعدا هادي بان لك وجها ديال شفارة . العيالات گاع بقات فيهم المراة واخا عايشرورية بانت ليها هادي ماشي حالة شفارة سولات بنتها : شكانت تتقولك هادي البنت: والو ا ماما غير كنت انا مقلقة وهي سولاتني مالي و كانت اتاخذ لي شكارة. المراة: هادشي لي تتقول بصح ياسمين : اااااه والله ا لالة ما كنت باغا نخطفها العيالات: وااا شتي ضلمتي البنت مسكينة. الخضار مبوقق: واااا تاا واحد ما بقىىىىى يدييير الخييير ا تفوووو على گنس. المراة بدات تبكي و طيحي فدوك الدميعات: واااا راه بنتي هي ليييي عنديييي و هاااء مشيت جيييت ما لقيتهاااش من حقييي نخاف ياسمين واخا هكاك بقات فيها : سمحي ليا ا لالة انا راه غير بانت لي مقلقة قلت نشوف مالها والله ما قصدت شي حاجة شافت فالبنت حبيبة هاكيي الشكارة ديالك و قراي مزيان واخا. ياسمين عطاتها شكارتها و مشات بقات تدور شرات الزريعة الگلية الصوفا گاع صحاب الماكلة دارو معاها لباس. ياسمين : واااا اووف سخفت الثمنية هادي يلاه نرجع الدار جبدات تيلي تصوني لسلمى تلقا ليها حيت نسات الطريق لقاتوا طفا : اوييييلي اويييييلي نسيت ما شارجيتوا شنو ندير دبا ا ربييي. بدات تدور بين الدروبة و الظلام و السقيل واخا باقي الحال و لكن دوك الدروبة معروفين بالبزنازة ما كيخرجوش فيهم الناس بزاف. غادة شادة فصاكها وتدور فعينيها و من زهرها واحد جوج مبوقين واقفين فراس الدرب الدري 1 : واااا تااا شووو على بيااسة داخلة الدري 2: بابابابا وااا بريكووول الصاط الزييين ضارب الزررققق. ياسمين دايرة راسها ما تتسمعش دازت و خاشية راسها فالارض الدري 1 : هاد الزييين صمك ولا زيزون الدري 2 : تشاااااا يكون تشاااا مسكون والله لا زگلتوا تمشاو حداها ودوروها الدري 1 بغا يقيص شعرها بعدات وجها: هههههه تشيييي والله حتىىى دوشت الصباح غاااا ريحيييييي. الدري 2: تاااا ضرب ليا على ريحة اححححح فيها ريحة الفلوس. ياسمين : بعدوا منيي ما درت ليكم والو الدري2 : الله الله على صوت الدري 1 : ومالنا حنا القطيطة درنا ليك شي حاجة ياسمين تتفكر ا كفاش تهرب منهم ياسمين : شوفو شوفو دارو وهي ضربها بجرية وهما تابعينها.
🐺 عند الذيب 🐺
فاش طلع يتكا داتو عينوا فاق لقاها 6:30 الذيب : تفوووو على زمر نسيييت ناض دغيا لبس سروال كحل و جاكيط كوير كحلة و خرج قلب فالتيلي لقا زريقة مصيفط ليه فين خاصو يمشي . مشا الاول عند واحد كانت دارو تطل على السويقة الذيب دق فالباب خرج عندوا واحد لابس شورط و سليب و رقيييق و تيتكيف الذيب طلع و هبط فيه : الامانة د زريقة . البزناز: دباااا تكون عندك غير صبر نطلع نجيبها الذيب ما جاوبوش و وقف قدام مومطورو تيتسنا حتى تيسمع التجعويق هز راسو تتبان ليه ديك العيشورية لي ضاربت مع ياسمين هو كان مقابل مع ياسمين بانو ليه عينيها مغرغرين و حمرين و شاف الناس تجمعوا لاخر هبط بان ليه الذيب ساهي ما بغاش يدوي خاف من حقوا يخاف راه الذيب هذا و جلس حتى هو كيشوف حتى تفرتكات القضية الذيب كيشوف كفاش تخلعات و ما قدراتش دوي كيشوف فعينيها لي مغرغرين حتى بانت ليه الجوقة تفكات هدر هذاك البزناز: واااا بياااسة هييي وزيد حنييينة باينة ماشي سلعة هنا الذيب دار خنزر فيه جر الفلوس من ايدوا و ركب على موطورا كسيراا و مشااا . دار على گاع البزنازة لي فالدرب ساعة و نص وهو كيدور حتى وصل عند البزناز اللخر كانت الدنيا سااقلة هبط عندو عطاه فلوسو الذيب جلس كيحسب فيهم كاملين حتى كيحس بشي حاجة تصطحات مع صدروا.
هي كانت تتجري و تتشوف وراها حتى تصطحات فشي حاجة ياسمين هزات راسها وهو هبط رسوا جاو عينيه فعينيها يلاه بغا يسها وهي تبدا تغبن عليه : خويا هئ هئ خويا عفاك ا خويا هئ عاونيييي عاونييي هئ تابعيييينييي الذيب بقا كيشوف فيها عرفها هي هاديك لي كانت تتبكي قبيلا خلاها حتى سالات بعدها من صدروا وركب على موطوروا يلاه ايديماري وهوما يبانو دوك الجوج : القطيييطة حصلتيييي ياسمين جرات شدات فدراع الذيب: عفاااك هئ عفاك ايقتلوني عفااك باقا تطلب فيه وهو يجي واحد من دوك الجوج جرها من عندوا الذيب ما حملوش يجرها من حداه هبط من الموطور وشاف فيد هذاك لي شاد فذراعها وهي تثنتر منو الذيب : طلق منها . الدري 1 : ههههههههه شناوا شناوا عاود عاود الدري 2 : باغيييي تخلعناااا فدربنااا ؟ تاااااا سير ولا نفش خويا ونتي تحركييي. الذيب : طلق منها الدري 1 : تشااااااا هذااا مالوووو سير اولد لقحبة غيرهاااا الدري 2 طلق من ياسمين و قرب من الذيب ياسمين غير طلقها دردكات تخبات ورا الذيب الدري 2 حط يدو على كتف الذيب : الساط باغي تقسمها معانا ؟ الذيب شد ديك اليد لي كان حاطها على كتفوا و نفسها لي كان شاد بيها ياسمين و لواها حتى تسمعات طق لاخور غوت على حر جهدوا: مرة اخرى عرف فين تتحط يدك و لاحو على صاحبوا . الدري 1: واااااااا اجييييييو تفرجواااااا ولد القحبة باغييييي يحگرنيييي فدربييييي طلواااا الجيران طلوووو. الذيب غير واقف خاشي يديه فجيبوا ما تتعرفوا علاش ناوي الجيران بداو كيطلوا والجوقة تجمعت لاخور بانوا ليه الناس بغا يدير فيها واعر بغا يضربوا وهو يشد ليه يدو قبل ما تقيص وجهو و عطاه الوجه بقا كيضرب ويضرب گاع دوك الاعصاب ليييي فيه خرجهم فهذا كيتفكر الشدة لي كان شادها و الدقة لي بغا يعطيه بقا كيعطيه حتى يدو تجرحات ياسمين بغات تفك يلاه قربات حداه دفعها حتى جات فالارض و لاحوا تاهو الدري لاخر ناض هز صاحبوا و مشاو الذيب دار عندها لقاها ناضت تتنفض فسروالها: ما تتقدريش دخلي سوق راسك ؟ ياسمين شافت فيه بعويناتها وهي تبان ليها يديه مجروحة مع كان كيخبط فهادوك حيدات واحد الشال كان محزوم مع الصاك ديالها و قربات عندو شوف يدك مجروحة هاك حزمها بهذا و مداتوا ليه الذيب غا كيشوف : باقين داوين عليه : هاء كفاش علاش ؟ الذيب : سيري غا حيدي عليا من هنا ياسمين: ما انمشيش الا ما خذيتيهش راك تجرحتي بسببي اصلا الذيب بانت ليه اتبقى لاصقه فيه خداه من عندها ودارو: هكا مزيان ؟ يلاه رولي دبا . ياسمين فرحات حيت خداه من عندها و مشات ما عارفة ما دير كتشوف الظلام وماعارفاش الطريق وتيلي طافي بقات غادة و عينيها مدمعين هو ركب على موطورو وحاضيها كان كيحسابو دايره الشال سبة بش تلصق فيه بحال بنات لاخرين ساعة بانت ليه غادة و ما معبراهش تاهو ما عبرهاش و ديمارا الموطور.