من الأسلحة إلى الورود 🖤🥀

Part 35

فالشركة
كانت نهاد جالسة خدامة حتى وقف عليها خالد : فين اللقاء لي وصيتك عليه ؟ نهاد: راه داكشي لي قلتي ليا درتوا هي باقا ماجاوبتنيش خالد مخنزر : اناا لي جاي داير راسي فوحدة ماعندها حتى الباك كون كنتي قريتي هادشي كون عرفتي كفاش دوي معاها نهاد طالع ليها الدم مافيها لي يبقا يتلاج معاه شافت فيه مبردة : الا ماعجبكش سير صوني نت لي قاري على هادشي خالد خنزر فيها : ديري خدمتك مزيان ولا غاتمشي تقلبي على شي شركة اخرى ومشا للمكتب ديالو نهاد نطقات بجهد بش يسمعها : واقيلا نسيتي شكون مول هاد الشركة شافتوا ماجاوبهاش بدات تتسب فيه : تفووو على مرييض يخخ على جنس ناضت تخرج ضرب دويرة بانت ليها ملاك واقفة مع شي موظف مشات وقفت حداهم : مالكم شكااين فاش تتوشوشو ملاك : واالو غير المدير خالد داخل اليوم معصب قالك مول شي سمعوا خل ودنيه الموظف : ويييه قالك على قبل الصفقة الاخيرة لي خلاها بهداك الثمن ولاخرين لي مشاو للشركة لي خرجت ليه من الجنب نهاد تضور فعينيها عاد عرفات علاش جا جاعر  : نتوما منين تتجيبوا هاد الخبار ملاك تضحك : ههههه وايلييي راه الحيوط عندهم ودنين نهاد : دبا هاد الشركة منين خرجت لينا حتى هي الموظف : راه يلاه بدات عندها فروع غير فالالمان صافيي  وهاد العام قررت تدير شركة هنا ملاك : ايوا فعامها الاول طيحت علينا السوق نهاد تضحك : ههههه راه المدير ديالكم لي مسالي حادگ فينا غير حنا  الموظف : مهم اختي حنا ماشفتينا ماشفناك ماقادين على صداع نهاد خنزرت فيهم ومشات .

عند امير
كانو جالسين فالكافيتيريا مجمعين وهو كيلعب بالتيلي فيدوا شافت فيه ايناس : هيه امالك تانيي رجعتي لعادتك انس : راه مشا عليه دانيال امير خنزر فيهم : دبا مالقيتوا مايدار بنت لكم انا ولا كفاش لينا متكية على انس تضور فعينيها حتى بانت ليها سارة واقفة مع شي واحد غمزت ايناس : هانتييي على بنات السانكيام حتى هماا ايناس : ههههههه هاديك سارة راه تطيير امير سمع سميتها ضار شاف فين كيشوفو بانت ليه واقفة مع واحد كيضحكوا ماحسش حتى كان واقف عليهم شاف فيها : شكون هذا ؟ سارة كانت تضحك غير شافتوا جمعتها الدري باقي ضاحك : نت لي شكون اخويا امير خنزر فيه : ديها فكرك وحيد من هنا الدري شاف ف سارة : هذا مالو امير دفعوا : رااه واقيلا دوييت معاك حيد من هناا الدري مارضاش بغا يرجعها ليه سارة وقفت قداموا : صافي اخويا غير سير عفااك الدري خنزر ف امير ومشا سارة ضارت شافت فيه : شبغييتي ؟ امير مخنزر : شكادييري مع هدا ؟ سارة ربعات يديها : نت وش مريض وش سووقك ؟؟ امير مسح على راسو بفقصة : سارة وش غاتجهليني شكون هاد الزامل لي كنتي معااه سارة خنزرت فيه : شوف اخويا نت ماسوووقكش فيااا وسير لهيه وسب على خاطرك ودازت وخلاتوا هو تفكر نهار قالت ليه تتبغي شي واحد وهو كيعرفوا قال يمكن هدا ضار دغيا شدها  و زير عليها من يدها : هذا هو داك الزامل لي تتبغيه هاا ؟؟ كلشي ضار كيشوف فيهم فاش سمعوه غوت سارة تتشوف غير كلشي ضار كيشوف فيها ماحملاتش الموقف نترات  يدها ولكن هو مزير عليها زاد غوت ماكيشوف وماكيسمع والو غير فكرة انها تتبغي هذاك مجهلاه : سااارة هدرييي وش هدا هو الزااامل لييي قلتييي عاااجبكك سارة تتجر فيدها: وتااطلققق وشش مرييض وش سووقك طلقني امير جرها وخرجوا من ديك الكافيتيريا سارة تتنتر منو : وشش حمق شهادشيي كدييير فييه امير عينيه حمرين : ماتصعرييينييش شكووون هاد الزاامل لي تتبغييه نطقييييي سارة طلع ليها الدم وعصبها شافت فعينيه بلا ماتفكر ونطقات: نتت امير تصدم طلق منها وبقات ديك نت تضور ليه فودنوا هي غير طلقها مشات طايرة لقسمها كان بغا يتبعها ولكن سمعها صونات مشا لقسم ديالو كيفكر مامتيقش دبا حتى هي تتبغيه ضحك بلا مايحس غير بوحدوا شافتوا ايناس : خويا ياكما طار لك الفريخ امير خنزر فيها وجلسوا كيقراو هو غير كيتفكر فاش قالت ليه نت جلس كيتسنا غير امتى يخرج عندها .