من الأسلحة إلى الورود 🖤🥀

Part 53

✨🕊 اصبحنا واصبح الملك لله ✨🕊
نهار جديد اطل على ابطالنا نبداو من ⛔️ كارتي كوبا ⛔️
فاقت سلمى تتكسل ماحاملاش تمشي تقرا باغا تبقى ناعسة ناضت وبانت ليها رجلها لي ضايرة بفاصمة هي عاقلة كانت حزماتها غير بزيف بقات تتقيص فيها : اويلي نكون درت ليها الدوا ونسيت شهادشيي ماحكراتش وناضت دخلت الحمام قادات حالتها لبست سروال دجين كحل واسع فيه شي تقاطع وبيل سماطي كحل شعرها سرحاته وخلاتوا مطلوق لبست سبرديلة بيضة وهزت قبية بيضة فيها شي كتابة بالزرق سداتها غير حتى النص بقا عنقها وصدرها كيبانو وهبطت التحت تفطر ياسمين حتى هي كانت فاقت تتقلب هزات تيلي تشوف الساعة لقاتو ايطرطق بلي زابيل من عندو شداتها الخلعة عارفة راسها مكحلاها من عندو ماتنكرش بلي خافت من شنو يقدر يدير ناضت دغيا دخلت الحمام قادات حالتها وخرجت لبست سروال باج لاصق من الفوق ومطلوق من التحت بزز باش بغا يطلع ليها بقات مضاربة معاه شحال عاد طلع جاها لاصق ومع هي ماشي شي وحدة لي ضعيفة كانت تتبان طاي ديالها منحوتة جاها مطلوق غير من جهة السباط : اووف شهادشي خاصني ريجيم يخخ جبدات كروب طوب بيض كم لبساتوا

وقفت قدام المراية قادات شعرها ودارت ميكاب خفيف غير گلوس رشات ريحتها وناضت لبست سبرديلة بيضة اصلا ماكانتش تتبان حيت سروال طويل مغطيها هزات جيلي بلا كمام بيض قصير سداتو بش ماتبانش كرشها وهبطت تفطر لقات سلمى تتاكل جلست حداها كيفطروا بجوج فاطنة تتشوف فيهم : تووماا دايريين اشهاار لشمبواان ياسمين : كفاش ؟ نعيمة : كيي المشاش داك شعر مالكم ماعندكمش بانضات سلمى كملات وناضت نفضت يديها : واا صافييي اميي رااه مافيها والو ونتي نوضي تهزي باراكا عليك ياسمين ناضت : هانيي يااه ومشاو خرجوا ياسمين غير تضور فعينيها خايفة يخرج ليها خرجوا لقاو سندس و راضية كيتسناوهم سلمى جاتها فشكل حيت مولفة ديما كيديها هو ولكن ماحكرتش كانو غادين وقفتهم ياسمين : صبرو صبرو راه كاين تلميذ جديد سندس عقدت حجبانها: كفاش ؟ ياسمين ضحكات وهو يبان ليهم دانيال جاي من وراها كلهم وسعوا عينيهم راضية : تشي هااد تييتييز ايوليي كيقراا معانااا دانيال جاوبها : اييه هاد تشييتشييز غايوليي يقراا معكم ياسمين ضحكت وخبطاتو: باراكا من الطنر وزيد

دانيال : علاش غانمشيو على رجلينا راه عندي لوطو سلمى ميقات فيه : من نيتك ياكما يحسابك المدرسة فيها باركينج زيد زيد حرك رجيلاتك دانيال حرك راسو بلا حولة وتمشا معهم سندس غير ساكتة وتتشوف فالارض هو مشا قرب حداها وجرها بيدو لي مزيانة عنقها : الزين باقي كااعيي علياا راضية وسعت عينيها : سندسسس نتييي تتعرفييي هااد تيتيز سلمى ميقات فيها : ومال سندس كيجاتك دانيال كيشوف ف سندس : ودبا غاتبقاي مقلقة عليا سندس تبسمات ليه : واا والله مقلقة منك سلمى : ايوا مالك اختي ساكتة سندس : انا راه بانت ليا ياسمين لي ساكتة ماشي انا سلمى شافت ف ياسمين كانت غادة سابقاهم وتتزرب فالمشية مشات جرتها من شكارتها: تيي مالك ياسمين تضور فعينيها : لا والو والو غير زيدو ندخلوا دغيا سلمى صغرات عينيها : مضاربة مع شي وحدة ؟ ياسمين : واتيي شمن وااا والو والو زيدوو خلاااص كملو طريقهم كيتناگرو ويضحكوا وياسمين غير تضور فعينيها خايفة يخرج ليها من شي قنت