من الأسلحة إلى الورود 🖤🥀

Part 27

فالشركة
نهاد كانت تتقلب على الرقم ديال هاديك الشركة بش تتصل بيهم وترتب معهم موعد بقات تتقلب حتى لقاتوا اتصلت بيه بقات شحال تتسنا حتى بغات تقطع عاد جاوباتها واحد البنت: وي باش نقدر نعاونك ؟ نهاد شرحات ليها بلي المدير ديال الشركة ديالهم باغي يتلاقا مع المدير ديالهم على قبل الخدمة البنت: اها مرحبا انا انشوف مع المدير ونرد عليك باش ماكان وقطعات نهاد جاتها فشكل حيت اي شركة تتصلي بيهم خاص تكون السكريتير عارفة شكاين ووش كاينين شي مواعد نهاد : ياربييي على زمر شهاد الخدمة الناقصة ناضت عند خالد كان خدام نهاد: راه تاصلت بهاذيك الشركة قالت لك تتشاور مع المدير ديالهم وترد عليك خالد دار ليها براسو واخا ماشافش فيها گاع نهاد خنزرات : ايوا صافي حتى شكرا مانسمعهاش خالد هز راسو فيها : هاديي راه خدمتك سيري كملي شغاالك نهاد ضارت مشات تشوف اش تخربق بان ليها ماكاين مايدار خرجات تتضور فالشركة شافت هادوك البنات لي كانو داوين عليها قبيلا مشات ليهم تتعوج: زوينات عارفيني انا شكون ولا ماعارفينش ؟ هما كانو عارفينها بنت مول الشي البنت 1: ختي غير سمحي لينا قبيلا حنا غير كنا دواين البنت2: ااه اختي والله سمحي لينا نهاد خنزرت فيهم : ختتكم بزاااف عليكم دبا الا بغيتوا تبقاو فبلايصكم خاص توليييو الخباااار لي سمعتوووهاا توصلنييي مفااهميين البنات اصلا عندهم مع التبرگيگ واخا ماحاملينهاش: صافي كووني هااانية نهاد : امم شنو سميتكم البنت 1: انا فرح البنت 2: انا حفصة نهاد : اممم مزياان دبا عارفيين شي خبار عاودو ليا فرح : واالو الصراحة كلشي هو هداك حفصة : ااه غير هو الشركة مابقاتش كيف كانت ولينا كنخسروا صفقات بزاف نهاد : اممم راه شفت هذاك خالد اصلا ماكيفهم فوالو فرح : اشمن اشمن البناات كاامليين كيحلموو غير يشوف فيهم ونتي باركة عليه مكلخ نهاد خنزرات: اممم يشويني فييكم.

سارة كانت باقا هي وامير فالطوموبيل سارة حشمانة منو ماتدويش تتشوف غير فالشرجم هو عاق بيها : فيك الجوع ؟ سارة : لا لا غير ديني لدار امير : انا فيا جوع انمشيو حتى ناكل ونديك لداركم سارة تتشوف فيه : وشش من نييتك وااديني لدارنااا امير ماجاوبهاش ووقف قدام واحد الريسطوا حل ليها الباب : هبطي سارة : ماابغييتش بغيت نمشي لدار امير عارف فيها غير العناد: واخا بقاي هنا انا انهبط ناكل ونجي نوصلك مزيان ؟ سارة خرجات عينيها كانت تتسنا يبزز عليها ويديها ولكن شافتوا سد الباب ومشا بقات الفقصة قاتلاها تتشوف فيه هو لي مشا دخل وجا عندو سيرفور خدا شنو بغا كان جالس مرة مرة كتهرب ليه عينو يشوف فيها سارة بان ليها دارها بصح وماغايحزرهاش هبطات تبعاتوا امير شافها وضحك : ياك ماكنتيش باغا سارة خنزرت فيه : جاني الجوع شنو ندير امير ضحك : ضرتي ضرتي وفلخر جيتي تاكلي سارة : ياكما نرجع امير حدا ليها شنو بغات وجلسو كياكلوا امير كيشوف فيها سارة حساتوا حاضيها وتفكرات ديك البوسة تزنگات : شنوو غاتبقاا حاضييني دييهاا فماكلتك وبعد منييي امير ضحكاتوا عرفها تتحشم: تتحشميي زعما سارة: امييير نووض صافيي بغييت نمشيي امير : هههههه صافي صافييي وقفات عليهم واحد البنت تتشوف ف امير : عفاك تقدر تعطيني نمرتك نصوني لصاحبتي ماعرفتش فين مشاات سارة تتخنزر فيها: ختيي سيري عند شي واحد اخر يعطييك البنت شافت ف امير وضحكات : هههه ختك تتغير عليك سارة : وااا ماختوووش انا سيري حيدي من هنا وش وليتوا تتلوحو راسكم الى دراري شهاد الدل البنت ماحملاتهاش وخنزرات فيها : ختي ديها فراسك لا انا سولتوا هو ماشي نتي سارة يااه كانت اتنوض تريشها حبسها امير : سااارة ريحيي وشاف فديك البنت مخنزر : ماعنديش تيليفون سيري شوفي لك شي واحد اخر البنت خنزرات فيهم بجوج ومشات امير شاف ف سارة وضحك : غرتي ؟ سارة خنزرات فيه : من نيتك علاش انغير كملات تتاكل وامير غير حاضيها .