من الأسلحة إلى الورود 🖤🥀

Part 59

عند سلمى
حلت عينيها تتبان ليها غير ضبابة وراسها كيضرها بغات تحرك يديها ولكن ماتتقدرش هبطت عينيها شافت يديها ورجليها مربوطين بدات تتركل وتحاول تفك فيهم سمعت شي خطاوي كيقربوا وهي تحبس هزت راسها بانوا ليها دوك الجوج لي كانوا مع السكافندري كيضحكوا: الغزالة فقتي هي تتشوف فيهم مخنزرة : شنووو بغييتوو علااش خاطفيينيي واحد فيهم ضحك وشاف ف صاحبوا : والله الا هاد بلانات السكافندري كيصدقوا شي مرات سلمى عقدت حجبانها: شكون هذا وشنو درت ليه انا السكافندري دخل مخنزر طالع ليه الخز حيت لاخرا شافتوا ويقدر يتفضح سلمى شافتوا : شنوو بغيييتييي عندييي شدررت ليييك السكفاندري طالع ليه الخز : سكت عليا هاد بنادمة قرب ليها واحد بغا يسد ليها فمها وهي تبدا تبعد فراسها : طلقق واطلققق يااا الشمااايت طلقووا السكفاندري جا شدها من دقنها مزير عليها : شوفي اديك بنت القحبة غاتسكتيي ولا غاانصييفطك القبرر سلمى تبسمت باستهزاء : علاش خاطفني بش تصيفطني لمالديف مثلا تفووو علييكم ياا تريكة الزوامل ودفلت ليه على وجهوا السكفاندري مارضاش قدام دوك دراري واصلا لي فيه كافيه هز يدو حتى لسما ونزل عليها لحنكها حتى داز دم مع كان داير خاتم فيدو هي عينيها غرغروا من حر دقة

ولكن ماتبكيش قدامو واخا ينحرها عاودت شافت فيه تضحك : ههه شماااتة وغاااتمووت شمااتة هو غوت : سكتوووو علياااا هااااد الكلببة ودفع الكرسي لي رابطينها عليه برجلوا حتى جات الارض وهز يدو قدامها : غاااصبريي ا بنت القحبة والله لا بقااات فييك ومشا خرج كيصوني لشي واحد دوك الجوج خلاوها طايحة تما وخرجوا وسدو الباب وهي تظلم دنيا مابقا كيبان ليها والو بدات تتحاول تفك يديها وتتحك ديك القنبة مع الكرسي بش تقطع ولكن والو كانت غير تتجرح فيديها حتى بداو كيعطيوها فالصداع وهي تبدا تتبكي فصمت واخا تقصح راسها حتى تعيا ماتنكرش بلي خايفة وتتحس هادي هي اللخرة ليها دموعها كينزلو على حنكها سخان وشهقات كيخرجوا بزز منها واخا تتحاول تحبسهم نطقات بضعف : ا اذيب فينك غمضات عينيها تتبكي وتدعي الله يخرجها من هاد المصيبة واذيب يلقاها بقات على ديك الحالة حتى داتها عينيها هكاك وسط داك الظلام

ايناس كانت جالسة فبيتها مربعة فوق الناموسية وتتعض فظفرانها بتوتر ماعارفاهش اش دار حتى سمعت تيلي كيصوني ناضت بزربة قافزة لقاتوا السكفاندري جاوبت : شدرتي شدرتي هو جاوب طالع ليه الخز : صافي شديت ديك القحبة ايناس تنهدت : اووف ودرتي علاياش اتفقنا شوف ماتقتلهاش غير خلعها وطلقها من هنا ليومين قبل مايبداو البوليس كيحكروا صافي ؟؟ السكفاندري ضحك بفقصة : ههه ياكما يحسابك لاعبين هناياا واا راه كانت معااها شي بناادمة شافتني ايناس حطت يدها على فمها بصدمة : اويلي كفاش شافتك هي صافي مشينا فيها غاتكون قالتها للبوليس واا طلق الزمرة شتتسنا السكفاندري : ماقالت والو حيت دفعتها ويمكن ماتت گاع داكشي لاش صونيت لك ايناس عقدت حجبانها: كفاش لاش صونيتي ليا ؟؟