من الأسلحة إلى الورود 🖤🥀

Part 25

وصلات 10 دليل كانت سلمى وياسمين كيتفرجوا فواحد مسلسل تركي وكيتغبنوا حيت البطلة ماتت ياسمين : هئ هئ ناريي بقات فياا ماتت نهار عرسها سلمى تتنوح حداها : تانا هئ هئ هو مسكين ماعرت كيغايدير يصبر عليهاا دخلات فاطنة لقاتهم كيبكيو: اتووماا مالكم اهيا ناري سلمى : قتلووهاا مسكيينة نهار عرسهاا نعيمة دخلت هازة طبسيل دالعشا خنزرت فيهم :يشوييني فييكم بجوج الله يخليهاا مااركة دوزو دوزو تجغدروا دازو كياكلووا حتى سالاو ياسمين جمعات معهم الطبلة ومسحتها وسلمى غير جالسة حيت مريضة بقاو العظومة فالطبسيل ياسمين شافت فنعيمة: مي راه كيبانوا لي شي قطوط شي مرات فاش تنكون خارجة شبانلك نخرجهم ليهم ؟؟ نعيمة : سيري نيت غايبقااو غير يتلاحوو خرجات حطاتهم ليهم وهما يبداو تيتجمعوا عليها القطوط هي عجبها الحال تحنات وبقات تتشوف فيهم كياكلوا وتتمسح على ريوسهم غافلة على العينين لي حاضينهاا هايمين فتفاصيلها كان الذيب لي فاش عرف من اذيب بلي ماغايرجعش هاد الليله دار السبة زعما يجي يشوف الدار شنو ناقصها وهو راه باغي غير يشوفها كان فلوطو ديالو جالس حاضيها هي شافتهم سالاو ناضت بغات توقف وماحساتش حتى عفطات على الديل ديال واحد القطة كانت وراها القطة فاش عفطت عليها نقزت دغيا على رجلها عضاتها منها وهربات ياسمين طلقاتها بواحد الغوتة خرجات نعيمة وفاطنة وسلمى خرجوا بانت ليهم جالسة فوق طروطوار والذيب حداها هاد الاخير لي كان حاضيها وشاف القطة فاش نقزات على رجلها ماحسش حتى خبط لوطو وجا دغيا سندها عليه حتى جلست فوق الطروطوار الذيب عينيه كلهم قلق : وش كضرك ؟ نعيمة مشات حداها : الله يابنيتي الله مالك على حالتك سلمى تضحك حيت اصلا ماتتحملش المشاش فاطنة : دوز اولدي دخلها عفاك حتى نديرو ليها دوا الحمر الذيب كيشوف غير فيها هي لي عينيها غرغروا : مايمكنش راه عضاتها خاص ضروري التلقيح ماتسناهمش يجاوبوها خشا يد تحت ركابيها ويد ورا ظهرها وهزها ياسمين صدمها : طلق اويلي هبطني وش حماقيتي راه قلت لك هبطنييي الذيب خنزر فيها وهي تسكت مشا ركبها فلوطو وديمارا للسبيطار.

نعيمة وفاطنة وسلمى بقاو غير كيضورو فعينيهم والجيران گاع كيطلوا هنية : نعييمة شهادشييي ولااو عندنا المسلسلات التركية هنا زهيروا : شتييي المصندل هز درية من قدامنا شافت فولاد درب وتووما مالكم سكتووو لييه نقز واحد مقرقب : تشييي باغا تلحقيييناا على ولدك ولا كفااش سيري اخالتشييي زهيروا خلينا دايريين بحساااب ولددك فاطنة : ياتييي سيريي دخلي لدارك غاتشعليي فالعوافييي قالك غايديها تجلب الله يجازيه بالخير مسكين دوزو دوزو دخلوا دخلات سلمى ونعيمة وفاطنة جلسو فالصالون نعيمة : هانتي على الدري دغيا هزها ماعقل لا عليك لا عليا فاطنة : ماتكونش الصوبيصة بينوا وبينها شي حاجة سلمى كحبات: اوييلي امييي تييي عارفة الذيب ماكيقربش لبنات الدرب من نيتك اوييلي يهديك الله فاطنة : وااا ماعرت سلمى دارت ليهم راشيد شو: تفرجوو تفرجووو