✨🌸 اصبحنا واصبح الملك لله ✨🌸
فاقت تتكسل وراسها عاطيها شوية الصداع حلت عينيها تتشوف في السقف وناضت جالسة بزربة فاش تفكرت البارح ضورت عينيها في البيت مابان ليها حتى واحد عبست بملامح وجهها : مشا بلا ماحتى يفيقني ضارت شافت في التيلي ديالها لقات مساج من عندو دخلت يلاه قراتو وهو يصوني تيلي تبسمت وجاوبات سمعت صوتو من الطرف الاخر : صباح الخير ياسمين قلبها ضرب من صوتو الهادئ : صباح النور لؤي تبسم في خاطرو من صوتها لي باقي باين فيه النعاس هي بوحدها لي تتقدر ضحكوا بلا حتى مجهود : نعستي مزيان ؟ ياسمين عضت على شفايفها : اممم علاش مشيتي بلا ماتفيقني ؟
لؤي تبسم من نبرة صوتها لي باينة مقلقة : كنتي ناعسة مرتاحة مابغيتش نبرزطك ياسمين : اممم ومامولفاش لك تصوني ياكما كاينة شي حاجة ؟ لؤي زير على التيلي في يدو حيت عندها الحق هو مامولفش يصوني لشي واحد على الصباح غير هكاك ولكن شي حاجة فيها خلاتو يكسر قواعده بحال ديما نطق بهدوء وصراحة : بغيت نسمع صوتك ياسمين عضت على شفايفها تتحاول تحبس ابتسامتها تتحس بفراشات في بطنها لؤي سمع هدوءها تبرزط مامولفش هادشي وهاد الرطوبية حنحن: احمم مهم انقطع نشوفك من بعد ياسمين عبست : ولكن علاش لؤي عقد حجبانوا مامولفش شي واحد يسولو: عندي شي شغل ياسمين بتضايق: غاتجي في العشية ؟ لؤي بزربة: نشوفك في العشية وقطع هربان منها ومن المشاعر لي تتزيد تغرقوا فيها
ياسمين وصلت ليها الضحكة حتى لضرستها ورجعت تكات تترطا: بغااا يسمممععع صوتيييي هههههه ناضت مشات الحمام قادات حالتها وهي تضحك وتتفكر في سيناريوهات ديالها هي وياه حتى تحل الباب ودخلت نعيمة ياسمين نقزت عندها عنقاتها وباستها: الحبييبة والزيين دياليي نعيمة ضورت عينيها : امالكي اذيك الصوبيصة ياسمين ضحكات ومشات جلست فوق السرير : اويلي مالي نعيمة جلست حداها وجبذت سوبيرة فيها الحسوة: مااعرفت لك نتيي ابقاااي ضووريي عليااا ياسمين شافت في السوبيرة: ش شهادشي نعيمة : شبانلك حسوة شناهيا ياسمين : ايوا لاش جبتيها نعيمة مدت ليها المعلقة ؛ بش تشربييهاا
ياسمين وسعت عينيها : لاا اويليي مابغيتهااش نعيمة خبطتها : شربي قالاك هاي هاي زوينة هاديي شربيي حسن لك ياسمين شدات من عندها السوبيرة وبدات تتشرب في ديك الحسوة بزز ونعيمة مقابلة معاها حاضياها تكملوا كامل ياسمين حطت المعلقة ومسحت فمها : ميما والله حتى شبعت نعيمة هزت العكاز : كملي ولا نكمل علييك ياسمين عبست وحطت الجبانية حداها : اجي بعدا فين الاخرين علاش ماجاوش معاك نعيمة : ومالنا كل نهار جايين فوج باراكا غير انا ياسمين سرطت ريقها وشافت فيها بتردد : و وماما ؟ علاش ماجاتش ؟ نعيمة تنهدت وطبطبت على راسها : راه غير مشات لدارها تدوش وتبدل عليها وتجي هي وباباك ياسمين هبطت راسها وعينيها دغيا غرغروا: ب باقا مقلقة مني؟ مع قالتها سمعت الباب تحل ونطقت ليلى بابتسامة: علاه انا نقدر نبقى مقلقة من الدبدوبة ديالي
أنت تقرأ
من الأسلحة إلى الورود 🖤🥀
Romanceبنت زوينة وغير نية يسوقها القدر إلى اخطر الاحياء بالدار البيضاء ، لتقابل قدرها و تخرجه من عالمه المظلم إلى عالمها الوردي و البريء 💞🌺 #دارجة _مغربية #رومانسيا_❤️#كوميديا #دراما
