من الأسلحة إلى الورود 🖤🥀

Part 37

عند نهاد
كانت جالسة خدامة على شي صفقة عندهم بدات تتولف الخدمة شوية شوية تفكرات ولد عمها لي ماعارفاش حتى سميتوا تنهدات خططها ماكيصدقوش حتى سمعت صوت الانترفون كيصوني هزات جاوبات نهاد : اهلا مرحبا باش نقدر نعاونك ؟ المراة: اهلا كنعيط بش نكونفيرمي معاك على قبل اللقاء لي طلبتوا نهاد خرجات عينيها بفرحة: اه وي مرحبا المراة : تقدروا تختارو فين وامتى نهاد عقدات حجبانها : كفاش فين فالشركة لا ؟ المراة : لي بغيتوا لكم الاختيار نهاد تتشوف فالجدول ديالهم وحتى هي ماكرهاتش يكون لقاء فشي بلاصة من غير الشركة : اممم نهار الخميس مزيان ؟ المراة : لا صراحة من اليوم للجمعة عامر ماعليش تقدري تختاري نهار اخر نهاد : اه هي نخليوه السبت المراة : اممم صافي السبت مزيان الوقت بالتحديد ؟ نهاد : نديرو 12:30 المراة تتكتب فداكشي : اها والبلاصة نهاد : تقدري تخلي ليا وقت ندوي مع المدير وباش ماكاين انجاوبك بايمايل واخا ؟ المراة : واخا وقطعات نهاد ناضت طايرة فرحانة عند خالد بش تبان عليه زعما قدرات ترتب اللقاء هو كان جالس كيفكر فهاد المصيبة ديال هاد الشركة لي خرجت ليه من الجنب حتى دخلت نهاد : رتبت اللقاء صافي هو ماصدقش: داويه بصح ؟؟ نهاد : ااه يلاه قطعت معهم خالد تبسم : مزيان فين وامتى دارو معاك نهاد : الصراحة عطاوني انا نختار واخترت نهار السبت مع 12:30 خالد : والبلاصة ؟ نهاد : باقي ماجاوبتهمش حيت ماعرفتش وش نتلقاو فالشركة ولا فين خالد كيفكر هو اصلا داير هاد اللقاء بلا مايعرف مول الشي حتى يلقا الحل عاد يعلموا شاف فيها : شوفي شي مطعم ولا شي بلاصة برا الشركة هي كانت غادة شدها من يدها: نهاد نبغي هادشي يبقى هنا فالشركة مايوصلش لباباك نهاد عقدات حجبانها: كفاش دبا نتا داير هادشي من ورا بابا ؟ خالد : لا ولكن باباك ماباغيش نديرو شي حل بينا وبينهم باغينا نربحوهم فالسوق حيت حنا قبل منهم ومعروفين عليهم ولكن كيفما تتشوفي مايمكنش گاع الصفقات كيمشيو ليهم يعني من الاحسن نلقاو حل وسط مع هاد الشركة نهاد ضوراتها فراسها جاها عندو الحق وهي اصلا باباها من نهار هانها قداموا بقات حاقدة عليه : صافي واخا ومشات المكتب ديالها  بش تقلب على البلاصة وتصيفطها ليها .

عند الذيب
گاع هاديك الفرحة ديال النصر ضربها ليه اذيب فالزيرو مشا دخل عندها لقاها باقا ناعسة قرب ليها كيقيص فراسها وش سخون لقاه هو هذاك رجع كيشوف فيها وحضيها بحال الا غاتهرب حتى دخلت امينة شاف فيها ساخط هي كانت هازة بلاطوا فيدها فيه شربة سخونة : ولدي هاك عطيها ليها ترد فيها غير الروح شوف وجهها كي صفر الذيب شافها كانت بصح شاحبة ولكن ماباغيش يفيقها ويخسر نعاسها : خليها حتى تفيق على خاطرها امينة : ولدي راه مااتفيقش دبا وخاصها تعوض داك الدم لي ضاع ليها الذيب مخنزر: نتي وش طبيبة ومافراسيش امينة ضحكات ليه : هههههه اولدي شحال سهرت على ولادي وهما مراض الذيب فاش قالت ولادي تفكر راسو هو عمر شي واحد تسوق ليه مرض ولا صح ميت ولا حي عمر شي واحد سولو باش تتحس حتى جات ياسمين هي اول واحد يداويه ويسولو باش كيحس هي اول واحد قرا الصدق والاهتمام فعينيه امينة حطات بلاطوا فوق واحد الطبلة وخرجت وخلاتوا هو بدا كيفيق فيها كيدوز يدو على شعرها بشوية : ياسمين ياسمين تتسمعيني حلي عينيك ياسمين اصلا نعاسها خفيف غير مع المرض بدات تتحل فعينيها بشوية تترمش باغا تعرف هي فين جات عينيها فيه هو لي كان جالس حداها وحاط يدو على راسها قفزات بغات تنوض دغيا عگرها كتفها وماقدراتش خسرات ملامح وجهها: اححح شهادشيي الذيب  مخنزر حيت كانت غاضر راسها : ريحي راه كتفك يلاه مخيط ياسمين خرجات عينيها : اويلي من نيتك راه ضربة غير خفيفة شمن خياطة الذيب مغزف طالع ليه الدم ديك الحالة كاملة لي كانت فيها وتتقول ليه خفيفة زاد تأكد بلي كون ماجاش كانت غاطرا ليها شي مصيبة: شكون ضربك ؟ ياسمين كانت تضور فعينيها على البيت لي هي فيه : فين انا بعدا شكندير هنا الذيب مخنزر : انا لي كنسول هنا ياسمين فقصها بغات تنوض بش تمشي فحالها وبحال قبيلة غير تتحرك يدها كيعگرها عينيها دمعوا: اووف شهادشي بغيت نوض الذيب ماقدرش يشوفها هكاك كيحس بقلبوا مزير قرب ليها وشدها من خصرها ياسمين : شكاديير وش حممق الذيب زير عليها شوية من خصرها ونوضها ولات جالسه ياسمين تعگرات شوية ولكن ماشي بحال الاول هو شاف فيها : هكا مزيان ؟ ياسمين تتشوف فيه مافاهماش باش تتحس بفرحة مخلطة مع خلعة تتشوف القلق فعينيه وكفاش كيهتم بها : مزيان مزيان دبا قولي انا فين الذيب مبرد ناض جاب داك البلاطوا حطوا عليه وهز معلقة مدها لفهما : شربي ياسمين عاقدة حجبانها : راه وا قاطعها وخشا ليها المعلقة بشوية ففمها ياسمين سرطاتها بزز جاتها بنينة شافتوا جايب معلقة ثاني حلات ليه فمها هو تبسم وحرك راسو بلا حولة بقا كيعطيها حتى كملاتها كاملة رد البلاطوا لبلاصتوا وجاب كنينكس كيمسح ليها ففمها هي غير تتشوف فيه ساهية فوجهوا ملامحوا بحال ديما جامدين عينيه لي حادين بحال النسر ونيفوا لي مقاد بقات ساهية فيه هو حاس بيها حاضياه بعد مبتسم ياسمين غير بعد عاقت على راسها ونفضاتوا من هادوك الافكار : لؤي هو سمعها عيطات ليه ضار عندها اي واحد نطق سميتوا كينحيه حيت ماكيحملهاش ولكن من فمها هي ولات تتعجبوا وماكرهش يبقى ديما يسمعها من عندها هي شافتوا ضار عندها : بغيت نمشي لدار الذيب مبرد : راك فالدار ياسمين مافهماتوش ولكن عارفاه بسيكوباط: لؤي عفاك راه ليكونو مخلوعين عليا دبا الذيب مشا جلس حداها : راك باقا عيانة غاتولي مزيان غانرضك ياسمين خرجات فيه عينيها وغوتات : وشش عااارف شكديير راااك خاااطفنييي واقييلاااا رااه جرييمة هادييي الذيب مخنزر : الجريمة هي لي غانرتكبها دبا الا مانقصتيش من داك الصوت ولي عندي قلتوا ماغاتحرجيش حتى نشوف بلي راك لباس ياسمين عينيها غرغروا ماباغاش تبقى مع واحد ماتتعرفوش واخا تتحس براسها مرتاحة ولكن لا عارفاه بزناز وماكيعقل على حتى واحد هادشي لي عاودو ليها الذيب شافها هكاك عرفها خايفة منو تزير ماحاملهاش تخاف منو شاف حتى عيا وشدها من يدها : ياسمين ماغانأذيكش والله تيقي فيا ياسمين صدمها عمروا دوا معاها هكا هو من ديما كيعرف غير يسمعها الهدرة ماعرفاتش ولكن حسات بشي شعور كيقول ليها غير تيقي فيه شافت فيه وزيرات على يدو اتلبد فعينيها : ماغاتأذينيش ياك ؟ الذيب جابت ليه الضحكة كدير بحال شي بعلوك صغير خايف من مو لا ضربوا حرك ليها راسوا ب لا : عمري نآذيك ياسمين رتاحت نوعا ما وطلقات منو تتشوف فالبيت : دبا قولي ديال من هاد الدار لي حنا فيها الذيب مبرد : ديالي ياسمين خرجات عينيها: دياالك ؟؟ منين كيدرتيي ليهااا الذيب كيشوف فيها مبرد : من بعد وتعرفي ناض غايمشي ياسمين شداتوا : فين فين غادي الذيب شاف عينيها كيتحركوا بزاف عرفها مخلوعة رجع جلس حداها وباقي شاد فيدها : راه حتى حاجة ماغاتقيصك ولا تآذيك هنا ماتخافيش ياسمين حركات راسها ب لا : ماتخلينيش الذيب ماعرفش علاش حس بشي حاجة فشكل فاش قالت ماتخلينيش وش كتشوفو قادر يحميها وش تتيق فيه كيحس بقلبوا كيضرب بجهد حيد سبرديلتوا وتخشا حداها فوق الناموسية  الذيب: صافي نعسي دبا انا حداك ياسمين مزيرة على يدو :ماغاتمشيش ياك ؟ الذيب جر يدو من يدها وضورها عليها بشوية خايف يعگرعا ولات حاطة راسها على صدرو : ماغانمشيش غير نعسي ياسمين تبسمات وبقات حاطة راسها على صدرو تتسمع لدقات قلبوا لي كيدقوا بزربة ضحكات حيت برزطوها الذيب سمعها : راه قلنا لك نعسي ياسمين هزات راسها شوية من على كتفوا: مافياش فين التيلي ديالي ؟ الذيب هزو من الكوافوز لي حداه ومدو ليها هي شعلاتوا لقاتو غايطرطق بلي زابيل من عند سلمى : اوييلي شفتي اش قلت لكك صونات ليها بقا شحال عاد جاوبات سلمى : يااا القردة فينك فين كنتي تنوصني تتقطعي عليا وزايداها طافية عليا التيليفون ياسمين شافت فالذيب عرفاتوا هو لي دارها : راه والله ماانا راه التيلي راسو سلمى : فينك نتي دبا ؟ ياسمين : مع لو زعما الذيب سلمى : اويييلي اش كدييريي معااه ياسمين : واالووو اويلي راه شوية ونجي سلمى : فييين غاتجييي تجييك فرااس راه قلت لميما راك بايتة عند شي صاحبتك ياسمين : وتيقوك ؟ سلمى : شباانلك دبا نطقيي دارلك داك الزامل شي حاجة ؟ ياسمين : لااا والله انا بخير سلمى : اممم مزيان حيدي حيدي مي نعيمة جاية حتى غدا وندويو ردي لبال لراسك وقطعات ياسمين شافت فيه هو لي كان كيتفرج فيها كيف تتهدر وملامح وجهها لي كيتبدلوا: علااش قطعتيي عليها الذيب : بغيت ياسمين حركات راسها بلا حولة وضارت عطاتوا بالظهر و تكات على كتفوا وتتفرج فالتيلي الذيب تصدم حيت تتصرف بحال الا قريب ليها وتتعرفوا: لا ديريني ناموسية حسن ياسمين برزطها: ششش خليني نسمع راه تنتفرج الذيب غير كيشوف هاد نص ميترو ولات تتآمر فيه وتغوت هو لي رجال قداش كيخافوا حتى يعطسوا حداه جبد التيلي ديالو كيشوف فالكاميرات لي فالريسطوا بش يعرف وش كلشي غادي مزيان ومرة مرة كيدوي مع رياض فاش تتبان ليه شي حاجة ماشي هي هاديك ورياض كيقادها بقا هكاك شحال حتى حس بشي ثقل على كتفوا ضار عندها بانت ليه معنقة ذراعه وناعسة والتيلي طاح من يدها فوق الناموسية تبسم من منظرها وذراعوا لي معنقاه خايفة يهرب طفا التيلي ديالو دار بالناقص من شي خدمة وضو حتى هو طفاه غير من حداه وضار عندها بجسموا كامل باسها فراسها وبقا مطول شحال كيستنشق عبير شعرها عاد ضور يدو الثانية عليها وزير عليها من خصرها ولصق ظهرها فصدروا غمض عينيه خاشيها فيه وناوي يدير لي فجهدوا وكثر بش مايخسرهاش وتبقى معاه نعسوا بجوج كل واحد فيهم مخشي فحضن الاخر مرتاحين وحاسين بالامن ماعارفينش شنو باقا مخبية ليهم الايام