من الأسلحة إلى الورود 🖤🥀

Part 13

🖥 فالسيبير 🖥
كانت نهاد وايناس باقين عند الهاكر حل ليهم التيلي وجالسين كيقلبوا على نمرة د اذيب والذيب لقاو د اذيب حيت عارفين سميتوا ومهدي مسجل نمرتوا بسميتوا ولكن لاخور ماعارفينش نهاد تتقلب وحداها ايناس : اوووف وااا والو هاد نمرة د خوك ماكيناش اويلي ايناس گاع مامسوقة عندها المهم انهم  لقاو ديال اذيب : اممم وا واخا تكون ما غاتلقايهاش راك ماعارفاش سميتوا نهاد تتشوف فيها مبردة: غااسكتيينا ايناس : وااا اتبقاااي معطلانا رااه بجوج ساكنين فبلاصة وحدة الا لقنيا نمرة د اذيب صافي نهاد والو مامفاكاش حتى شافت ايناس تيلي ديالها كيصوني: وااا الزمر صافي نوضي راه ماما تتعيط باينة بغا تيليفونوا خلاتها تتصوني وماجاوباتش نهاد شافت بلي ماعندها مادير عطاو للهاكر غير ديال اذيب : مهم شحال غادي ياخد ديال الوقت ؟؟ هو: جوج حتى ثلاثة دسيمانات گاااع الا تعطلت نهاد : صافيي نعول عليك ومشاو.
🏠 الفيلا 🏠
كان زهير يلاه دخل من خدمتوا بانوا ليه مجمعين فالصالون مشا عندهم جلس حدا مرتوا: حبيبي على سلامتك كيداز النهار زهير : بخير حمد لله مهدي ضحك باستهزاء بحال الا كيمشي يحرث الارض راه كيجلس فوق داك البيرو يعطي فالأوامر وصافي زهير : فين الاولاد كنزة: كريم وامير الفوق كيلعبوا ايناس ونهاد خارجين مهدي دار يدو فجيبوا كيقلب على التيلي بش يصوني يعرفهم فين مشاو مالقاش ا تفكر راه فالڤيست عيط لواحد الخدامة تجيبوا ليه : سيدي راه الڤيست ماكايناش مهدي خنزر : كفاش ماكايناش مالها فين بغات تمشي الخدامة ماجاوباتش زهير : غابشوية يمكن داوها تصبن ولا شي حاجة مهدي اصلا طالع ليه الدم : والتيلي فين هو نسرين شافتوا معصب : مالك على هاد الحالة راه غير تيليفون الا توضر شري واحد اخر مهدي خنزر فيها : راه گاع خدمتي وحياتي فيه خاص نلقاه زهير : واغاا برد برد . باقين داوين حتى دخلت ايناس ونهاد : باباااا جيتيي مشات نهاد طايرة عنقات باها هو حتى هو زير عليها ايناس : بابا الحبيب هاك التيلي ديالك راه ديت الڤيست المصبنة ونسيتوا فيها مهدي عاد رجع فيه اللون خداه من عندها نسرين : ايوا صافيي ها التيليفون لي كنتي مصدعنا بيه مهدي مشا طلع ماجاوبهاش وهما بقاو جالسين كيدويو.ايناس ونهاد راااشقة ليهم حيت صافي غادي يعرفوهم فين ساكنين زهير غير جالس كيخمم فديك الصفقة كنزة ونسرين تيدويو على الحوايج وهدرة عادية حتى وصلات الوقيتة دالعشا كلاو وكل واحد طلع ينعس .

🌺✨ اصبحنا واصبح الملك لله 🌺✨
شرقات الشمس على الابطال ديالنا
⛔️ فكارتي كوبا ⛔️
ياسمين لي ماداهاش النعاس ليل كامل تتفكر فديك البوسة وديك الهدرة لي قال وش زعما يكون بصح كيبغيها ولكن علاش كان كيتعامل معاها هكاك بقات افكار تديها وافكار تجيبها حتى شرقت الشمس ناضت بكري قادات حالتها توضات وصلات ودعت الله يدير لي فيها الخير لبسات سروال سخون مطلووق باج وبيل سميطات بيض جلسات قدام المراية راشقة ليها مشطات شعرها ودارت گرينات جاوها زوينين زادت عليها بينوار حتى هو باج سداتوا وهبطات تتنقز تتحس راسها فرحانة هبطات لقات نعيمة وفاطنة يلاه تيصيبوا فالفطور فاطنة : هاي هاي على الزيونات الناس ماشطين نعيمة : وعلىى سلامك جمعتي داك السالف ياسمين : ههههه الله يسلمك واشنواا راه المدرسة بقاااا ليها غير نهار نعيمة ميقات فيها : ايي دوزي دوزي زعما نايضة هكا حيت المدرسة قربت تبدا يشويني فيك فاطنة : نضتي نضتي هاكي جيبي باكية دسكار مابقاش ياسمين: نفيق سلمى تمشي معايا نعيمة : تييي سيريييي بوحدك مالك عدك ست سنين سلمى غاترضعك خلي البنت ناعسة ياسمين : واخااا خدات الفلوس وخرجات. مشات تتعوج وشادة على دوك فلوس مزيان لايطيحواا اصلا الزنقة تتصفر مع يلاه 9 وصلات المحلبة: خويااا حمد عفاك عطيني باكية دسكار حمد: هي الاولى بنيتي مدها ليها هي عطاتوا الفلوس بقا كيقلب على الصرف : اجييي ديك المرة ماقلتيش ليا عند من جيتي ياسمين حتى هي خاص غير لي يجيدها : عند الميمة حمد : واشكون هاد الميمة ديالك . ياسمين : لالة فاطنة عرفتيها ؟ راه ساكنة غير هنا تتنعت ليه بيدها حمد : اااااه هيي تيي تتجي لديك الشهبة ياسمين : سلمى ؟ اهه بنت عمتي حمد جاتوا على گانتوا مع هو عندو مع التبرگيگ وهي غير تتبرول كان ناوي يجبد خبيرات اخرى حتى دخل الكليان: خويا حمد ارا واحد جوج كوميرات ياسمين ضارت بغات تمشي لقاتوا علي هو شافها عينيه تحلوا ياسمين عقلات عليه وهي تبسم ليه هو حتى هو تبسم ليها وبقا كيشوف فيها هي خلاتوا ومشات حمد مد ليه الكومير وهو باقي غير ساهي : وااا العمالة شد شد ضار عند ياسمين يكمل معاها التبرگيگ لقاها ماكايناش ويلي ويلي المصيبة نسات الصرف علي : شكون ؟؟ حمد : بنت لاله فاطنة هاك هاك ديه ليها علي خداه من عندوا وتبعها دغيا لقاها باقا غير تتعوج فرجليها اصلا هي تتمشي بشوية: ختي ختي ضارت لقاتوا تيجري وراها عقدات حجبانها مالك ؟ هو : والو غير راك نسيتي الصرف ياسمين مرگات دبا اتبان ليه مطنگة هو شافها تزنگات عرفها حشمات ضحك : ههههه هانية كلنا كطرا لينا ياسمين شافت فيه جاها ضريف هي اصلا كلشي عندها ظريف تقوليها سلام تبقا تبرول ليك خذات من عندوا الصرف : ههه بصح مهم شكرا علي شافها اتمشي وهو باقي باغي يبقى معاها : تانا غادي من هاد الطريق الا ماعندك حتى مشكل نمشيو بجوج اصلا الصباح هذا الدنيا خاوية ماتعرفي ياسمين اصلا دخليها لخاطرها حيت ظريف وهي اصلا من طبعها فيها الهدرة والتقشاب: اااه نيت تانا باغا لي يونسني علي شافها دوات معاه مطلوقة فرح حيت تتبان فيها من دوك العياقات لي ماكيرضاوش: هههه ياك على هاد الحساب جابني ليك الله ياسمين ضحكات: ههههه وييه اش مفيقك فهاد الوقت بعدا علي دغيا جمع ديك الضحكة وخنزر ياسمين شافتوا اش دار مافهمات والو خافت تكون سولات على شي حاجة ماشي هي هاديك دوات دغيا : الا كانت شي حاجة بيغسونال صافي بلاش وسمحلي عفاك الا سولت شي حاجة قلقاتك هو شافها كفاش دارت وشحال خايفة يتقلق منها فالاول كان عاجبوا غير وجها دبا زادت حتى شخصيتها تبسم ليها: هههه لا لا غير راجل الواليده غادي خدام وصيفطني نجيب ليه باش يفطر هو عرفها تتهدر بلا ماتفكر خافها تسولو على باه قلب الهدرة اجيي بعدا شنو سميتك ياسمين : ياسمين ونتا ؟علي اصلا عارف سميتها غير بغا يقلب الهدرة: امم سميتك زوينة بحالك ياسمين ضحكات: ههههه بصح ؟؟ علي سها فعينيها: بزاف گااع ياسمين تزنگات: هههه ونتااا ؟ علي : علي ولكن كيعيطوا ليا عْلي ياسمين ضحكات حتى كانت اتخنق: انمووت اويلي على عْلي ههههههه هوشافها تضحك بدا تيضحك معاها: عندك انستا ؟ كان علي لي سول وخايف يكون زرب وماتبغيش ياسمين اصلا كان دخل ليها لخاطرها مع ظريف وفيه الضحك : ااه بلاتي جبدات التيلي وعطاتوا هو دار فولو لراسوا: صافيي دبا حنا آميي ومد ليها يدو شداتها وضحكات: ههههه اااه اسي عْلي جرات يدها وهو ماساخيش يطلقها بقاو كيتمشاو وداويين حتى وصلت الدرب ماشافتش واحد العتبة مع تضور تشوف فيه وتهدر كانت غادي تجي على وجها هو زرب دغيا شدها من خصرها ودورها عندوا: غابشوية عليك ياك لباس بعدا ياسمين قلبها كيضرب كانت غاتخبط تبمسات ليه: ههه لباس لباس وبغات تبعد يديه هو حس بيها طلقها: مرة اخرى ردي البال ياسمين : ههههه كون هاني مهم نخليك راه وصلت مشات تضحك وهو حتى هو دار لدربوا كيضحك غافلين على هذاك لي كان ا حاضيهم من الشرجم وعينيه حمريين بقا حاضيها حتى شافها طلعات وهي تضحك هز واحد القرعة دزاج كانت فوق المجر وخبطها مع الحيط حتى تشخشخت كيتفكر غير فاش شافوا حاط يديه عليها ماكرهش يمشي يهبط يقتلوا : واخااا اولد القحبة وليتي تتقيس حاجتي .
اذيب كان نااعس كيحلم براسو هو وسلمى مزوجين وعندهم بنيتة حتى سمع الخبطة ناض قافز يلاه خرج من البيت بان ليه الذيب غادي هابط وكينهج مشا دغيا شدو: واا مالك اصااحبييي شكااايين الذيب ما كاينش هنا كيدفع فيه وغادي : واااا زبييي وقف تقود هو والو ماكاينش هنا كيشوف غير فاش كان شادها من خصرها وكيضحك هو وياها رياض كان ناعس فالصالون حتى كيسمع الخبطة والغوات د اذيب ناض حتى هو قافز كيشوف كيبان ليه اذيب كيجر فالذيب لي ولاو منو جوج وعينيه حمريين عمرو شافوا هكا حيت هو معروف ديما مبرد : غاااتحيييد القلاااااوييي ولاااا غانشرك الزااامل بوك معاااه اذيب كيغوت على رياض : وااانوووض القلاويي شدووو معايا تاااتفرج اولد القحبة نجيب لك الزريعة لا رياض ناض حتى هو كيجر فيه: راااه بربببببب ماتتعرفووووني راااه اتقودووو ولا انبدا بزامل بوكم نتوما الاولين رياض : وااا قولييينا غامع من ونمشيو ليه بهاد الحالة راك غاتقتلوووا اذيب طلع ليه الخز مفيقوا من حلمة واعرة وزايدها هاد الصداع جمع يدو حتى جمعها وعطاه الوجه يحسابوا بحال ديك المرة غادي يحبس ويتكالما الذيب شاف فيه وهو يبدا يعطيه كيضاربوا بالحق اذيب غير كيكالي بيديه والذيب كيضرب ديك الفقصة كامله خرجها فيه ورياض داخل كيفك مرة مرة تتجي فيه شي دقه حتى تكالما وجلس اذيب كان ماموعتش بزاف حيت كان كيخوي عليه رياض غير كينهج مشا جاب ليه كاس دالما الذيب شربها كاملة دقة وحدة وكيشوف غير قداموا مزال مابردت ليه اذيب شاف فيه : مالك ازبي درتي هاد الحالة على الصباح وش بايت تتحلم رياض : اللهم البرد ديال الديبوا ولا هاد الحالة الذيب ما كيجاوب حتى واحد فيهم خبطوا اذيب : راه داوين معاك شكاين الذيب خنزر فيهم : والو والقلاوي مرة اخرى يحبسني شي زامل فيكم غانتفاهم معاه شاف فرياض تهز راه تابعانا الخدمة فالديبو رياض زفر ماعندو مايدير ناض يلبس والذيب حتى هو ناض تابعوا حتى ردو اذيب : جلس جلس هدر شكاين وش صوناو ليك ؟ هادشي فاش فكر اذيب حيت الحاجة الوحيدة لي تقدر تعصب صاحبوا هي باه وعموا الذيب شاف فيه: لاا ماكاين والو من داكشي حيد اذيب : وااا مالك علاااش داييير هاد الحالة القلاوييي الذيب :  وديها فكرك ولا غانوض نكمل عليك ناض مشا يطلع يلبس واذيب مافاهمش هذا مالو صاحبوا تبدل عليه عمروا تعصب ولا حتى غوت ديما كان كيسلخ الناس وهو مبرد وبقرطاسة وحدة كيسالي القضية مافاهمش مالو ناض مشا يكمل نعاسوا .
رياض كان سالا ولبس تفكر فاش كانت تتغوت على الدري ضحك : ههه جعواقة بقا كيفكر فيها حتى تفكر راها مع صاحبوا لي كتر من خوه باغي يخرجها من بالو ولكن بزز منوا صعيب عليه ماقادش كطيح فبالو بلا مايحس هبط التحت يتسنا الذيب وماعارف مايدير اصلا شافها البارح كيف كانت معاه باين كيبغيو بعضياتهم وصاحبوا هذاك كثر من خوه خرجوا من سهوتوا الذيب لي هبط لابس سروال مطلوق ومجموع من التحت عامر جيوب مع بروطكان كحل طالع وبيل سماطي حتى هو كحل مع تجاكيط كان باقي مخنزر خرجوا ديمارا بالموطور حتى وصل اللوطو طلع هو وياه ومشاو الديبو .